(ဟိုင်းဝေးလမ်းမကြီးထက် မင်းလက်တွဲခေါ်ပြေးလွှား
အားလုံးထားခဲ့ပစ်လိုက်စမ်းပါ အချစ်လေး
ဝေးကြဖို့တော့ သတ္တိမရှိပါ တို့မဝေးဘူး
အတူဆိုပျော်မယ်သိတယ် အားလုံးအဝေးပြေးချင်တယ်)

ဟေးဟေး။ ဟုတ်တော့ ဟုတ်နေပြီ ကျောင်းဒကာ ရယ်။ နည်းနည်းတော့ သည်းခံပြီး ဖတ်ပေးဗျာ။
အပေါ်က စာသားတွေ ပါဝင်တဲ့ သီချင်းလေးက မင်းရဲ့သူရဲကောင်း ဆိုတဲ့ စီးရီးနဲ့ အောင်မြင်တဲ့ အဆိုတော်ဘ၀ကို
နေ့ခြင်းညခြင်းရောက်သွားခဲ့တဲ့ ဆရာဝန်အဆိုတော်လေး တေးရေးတေးဆို ဒေါက်တာဆောင်းဦးလှိုင်ရဲ့ သီချင်းလေး တစ်ပုဒ်ပါ။ အဲဒီအခွေက အစပြုလို့ ဂီတလောကမှာ ဒေါက်တာဆောင်းဦးလှိုင် စိုက်ထူခဲ့တဲ့ ဂီတ မှတ်တိုင်တွေကို လည်း အစပြန်ဖေါ်ပေးလိုက်ဦးမယ်ဗျာ။
ခရီးသွားငါးယောက် ဆိုတဲ့ အဖွဲ့လေးဖွဲ့ပြီး ထုတ်ခဲ့တဲ့ စီးရီးကလည်း အောင်မြင်ခဲ့ပါတယ်။ နောက် စည်သူလွင်၊ အဲလက်စ် တို့နဲ့ သုံးယောက်ပေါင်းပြီး 19:18 ဆိုတဲ့ စီးရီးတွေကလည်း အတွဲလိုက် ပေါက်ခဲ့သေးတဲ့ တေးရေး တေးဆိုတစ်ယောက်ပါ။

ဒီအချိန် ကျောင်းတော်ကြီးရဲ့ အလယ်မှာ စိန်ပန်းတွေလည်းပွင့်နေပြီကွာ
အချိန်စက်ဝိုင်များက ကုစားမစွမ်းနိုင်ပါ အလွမ်းရယ်မပြေဘူးကျောင်းသားဘ၀… ငါတို့ကျောင်းသားဘ၀

အဘဖေါ တွေ့ဆုံပွဲတုန်းက ကျွန်တော် မရှက်မကြောက် ဟစ်ခဲ့သေးတဲ့ သီချင်းလေးပါ ကျောင်းဒကာ။ ဒေါက်တာ ဆောင်းဦးလှိုင် ကိုယ်တိုင်ရေးဆိုခဲ့တဲ့ သီချင်းလေးပေါ့။ နိုဇိုမိ ဆိုတဲ့ လူကြီး မှတ်မိဦးမှာပါ။ အဲဒီသီချင်း ကျွန်တော်ဆိုတော့ အဘဖေါက ကျောင်းထဲမှာ စိန်ပန်းပင်ရှိတာ မတွေ့မိပါဘူးတဲ့။ ဘယ်နားမှာ ရှိတာလဲတဲ့။ ကျွန်တော်ကလည်း ကျောင်းထဲကို မကြာခဏရောက်နေတဲ့လူ ဖြစ်ပေမယ့် စိန်ပန်းပင် ဘယ်နားရှိမှန်း မသိတော့ မဖြေနိုင်ခဲ့ပါဘူး။ အခုတော့ စိန်ပန်းပင် တစ်ချို့ကို အဓိပတိလမ်းမကြီးရဲ့ဘေးမှာ တွေ့ထားပါပြီ။ စိန်ပန်းတွေ ပွင့်တဲ့အခါ အဘဖေါကို ဓါတ်ပုံရိုက်ပြီး တင်ပေးဦးမယ်လို့ ဒီနေရာကနေ အဘဖေါ ကို သတိတရနဲ့ ပြောခွင့်ပြုပါဗျာ။ အဓိကပြောချင်တာက အခုမှ စမှာဗျ။
အဲဒီ ဆရာဝန်အဆိုတော် ဆောင်းဦးလှိုင် ရဲ့ အလှူ ဒါန သတင်းလေးပါ။ (မနေ့က ထွက်တဲ့ ပေါ်ပြူလာ ထဲမှာ ပါခဲ့တာပေါ့)
ဖေဖေါ်ဝါရီ ၁၇ ရက် နေ့မှာ ပြုလုပ်ခဲ့တဲ့ ဆောင်းဦးလှိုင်ရဲ့ “နှလုံးသားတွေလှူမယ့်ည” ဖျော်ဖြေပွဲမှ ပရိသတ်တွေ ချီးမြှင့်တဲ့ နှလုံးသား အနုပညာကြေးများကို နာရေးကူညီမှုအသင်း (ရန်ကုန်) နဲ့ ၈၈ မျိုးဆက် ကျောင်းသားအဖွဲ့သို့ ပြန်လည်လှူဒါန်းပွဲကို ဖေဖေါ်ဝါရီ ၂၂ ရက် နေ့ခင်း ၂ နာရီက မြောက်ဒဂုံမြို့နယ်ရှိ နာရေးကူညီမှုအသင်း (ရန်ကုန်)မှာ ပြုလုပ်ခဲ့ပါတယ်။

ဆောင်းဦးလှိုင်က သူ့အလှူနဲ့ ပတ်သက်လို့ ဒီလိုပြောခဲ့ပါတယ်တဲ့။

အဲဒီနေ့က အလှူငွေရော၊ ကျွန်တော့်အနုပညာကြေးရော ပေါင်းရင် ၁၂၆ သိန်း ရရှိခဲ့ပါတယ်။ ဒီငွေကို ကျွန်တော့်ရဲ့ ကတိစကားအတိုင်း ၃ ပုံ ပုံပါမယ်။ ၃ ပုံ ပုံပြီး ကျွန်တော်လေးစားရတဲ့ ပုဂ္ဂိုလ်များကို လှူဒါန်းမှာပါ။ ဘာကြောင့် နာရေးကူညီမှုအသင်းနဲ့ ၈၈ မျိုးဆက်ကျောင်းသားများကိုပဲ လှူတာလဲ ဆိုပြီး မေးကြပါတယ်။ တခြားလူအများသွား လှူတဲ့ နေရာမှာ ကျွန်တော် မလှူပါဘူးလို့ ရဲရဲဝင့်ဝင့် ပြောခဲ့ပါတယ်။ အဲဒီတော့ တကယ့်ကို စိတ်ပိုင်းဆိုင်ရာ ရုပ်ပိုင်းဆိုင်ရာ လိုအပ်နေတဲ့ နေရာတွေမှာ ကျွန်တော်က လှူတာပါ။ တစ်ပုံကို MRTV-4 လူမှုရေးလှူဒါန်းမှုများအတွက် ၄၂ သိန်း လှူဒါန်းဖို့ စီစဉ်ထားခဲ့ပါတယ်။ ဒါပေမယ့် MRTV-4 အနေနဲ့ သူတို့အတွက် ရည်ရွယ်တဲ့ ငွေကျပ် ၄၂ သိန်းကို တခြားလိုအပ်ချက်ရှိသူများထံ လှူဒါန်းဖို့အတွက် ကျွန်တော့်ကို ဆန္ဒပြုခဲ့ပါတယ်။

ဆိုတော့ အလှူရှင် ဆောင်းဦးလှိုင် အတွက် ကျွန်တော်တို့ ရွာသူရွာသားတွေ သာဓု ခေါ်ကြရအောင်ပါ။
သာဓုသာဓုသာဓုပါ ဒေါက်တာ ဆောင်းဦးလှိုင်ခင်ဗျား။

တစ်ဆက်တည်း ကျွန်တော်တို့ ရွာသူရွာသားတွေ ၀မ်းမြောက်ဝမ်းသာ သာဓုခေါ်ရမယ့် ကိုကျော်သူ ကြီးတို့ရဲ့ နာရေးကူညီမှုအသင်း (ရန်ကုန်) ရဲ့ အလှူ ကိစ္စလေး တစ်ခုကိုလည်း ပြောချင်ပါသေးတယ်။
၈၈ မျိုးဆက် ကျောင်းသားများအဖွဲ့က ဖေဖေါ်ဝါရီ ၂၃ မှာ ကချင်ပြည်နယ်ကိုသွားပြီး စစ်ဘေးသင့်တိုင်းရင်းသားများ အတွက် အလှူငွေများလှူဖို့နဲ့ စိတ်ဓါတ်ခွန်အားသွားရောက်မြှင့်တင်ပေးကြမှာ ဖြစ်တဲ့ အတွက် နာရေးကူညီမှုအသင်း (ရန်ကုန်)ကလည်း ကချင်စစ်ဘေးသင့်တိုင်းရင်းသားများအတွက် ကျပ်သိန်းတစ်ရာ ပါဝင်လှူဒါန်းခဲ့ပါတယ်တဲ့။ အလှူငွေကိုတော့ ၈၈ မျိုးဆက် ကျောင်းသားများအဖွဲ့က လက်ခံရယူပေးခဲ့ပါတယ်တဲ့။ ဒီလိုလှူဒါန်းလိုက်တာနဲ့ ပတ်သက်လို့ နာရေးကူညီမှုအသင်း (ရန်ကုန်) ရဲ့ အတွင်းရေးမှူး ဒေါက်တာ မြင့်မြင့်ခင်ဖေ ရဲ့ စကားလေးက ဒီလိုပါဗျာ။

ကျွန်မတို့ ဒီ ကချင်ပြည်နယ်မှာ ရှိနေတဲ့ စစ်ဘေးသင့် တိုင်းရင်းသားတွေကို လှူလိုက်တဲ့ အလှူငွေနဲ့ အတူ ဒီတိုင်းသူပြည်သား အားလုံးရဲ့ မေတ္တာတွေ၊ စေတနာတွေ၊ ဒီစစ်ပွဲကြီးကို ပြီးဆုံးစေချင်တဲ့ ဆန္ဒတွေ အကုန်လုံး ပါသွားတယ် ဆိုတာ ပြောချင်ပါတယ်

ကဲ ကျွန်တော်တို့ ရွာသူရွာသားတွေကလည်း ဒေါက်တာ ကျော်သူ နဲ့ ဒေါက်တာ မြင့်မြင့်ခင်ဖေ တို့ အပါအ၀င် နာရေးကူညီမှုအသင်း (ရန်ကုန်) ကို သာဓု ခေါ်ကြရအောင်ပါ။
သာဓု သာဓု သာဓု ပါ ဒေါက်တာကျော်သူရေ။
သာဓု သာဓု သာဓု ပါ ဒေါက်တာ မြင့်မြင့်ခင်ဖေရေ။
သာဓု သာဓု သာဓု ပါ နာရေးကူညီမှုအသင်း (ရန်ကုန်) ခင်ဗျား။

ငါတော့ မေ့လို့ မရနိုင်ဘူး … မင်းသိလား ငါတော့မေ့လို့ မရနိုင်ဘူး … မင်းသိလား

အေးချမ်းမေကြီးဆိုတုန်းက ဘလက်တစ်ယောက် လွှတ်ကြိုက်ခဲ့တဲ့ သီချင်းလေးပေါ့။ ခဗျာ စန်း နည်းရှာတယ်။ ဒီသီချင်းက သိတ်မပေါက်ခဲ့ဘူး။ ဟော ဆရာဝန် အဆိုတော် ဒေါက်တာ ဖြူဖြူကျော်သိန်းက စီးတီးအက်ဖ်အမ်ပွဲမှာ ဒီသီချင်းကိုပဲ ဟာမိုနီအဖွဲ့တွေ အုံနဲ့ကျင်းနဲ့ အပီတက်ဟဲလိုက်တော့ ဒီသီချင်းလေးက တစ်တိုင်းပြည်လုံး ပေါက်ထွက်သွားပါရောလား။ ဒါပေမယ့် ဒိတ်အောက်နေတဲ့ ဘလက်ကတော့ ဖြူဖြူကျော်သိန်း ရဲ့ အဲဒီသီချင်းဆိုဟန်ကို အကြိုက်သိတ်တွေ့ခဲ့တာတော့ မဟုတ်ပါဘူး။ ထားပါတော့ ပြောချင်တာ အဲဒါမဟုတ်ပါဘူး။
အဲဒီဆရာဝန် အဆိုတော် ဒေါက်တာ ဖြူဖြူကျော်သိန်း ဟာ ဖေဖေါ်ဝါရီ ၂၁ ရက်က မန္တလေးမြို့ မန္တလေး ဟိုတယ် မှာ အရိုးပွ ရောဂါအကြောင်း ဟောပြောခဲ့ပါသတဲ့ဗျာ။ ဟောရင်းပြောရင်း သီချင်းတွေကိုလည်း ဆိုပြခဲ့ပါသတဲ့။ မျက်နှာဖုံးကြီးစွတ်ပြီး အတောင်ပံတွေပေါက်လို့ ငါတော့ မေ့လို့မရနိုင်ဘူး ဆိုတဲ့ သီချင်းလည်း ဆိုကောင်းဆိုမယ် ထင်ပါရဲ့။ ပွဲနဲ့ ပတ်သက်လို့ ဒေါက်တာဖြူဖြူကျော်သိန်းရဲ့ စကားလေးကိုလည်း ဖတ်ကြည့်ပါဦး ကျောင်းဒကာ။

အစ်မရဲ့ ဆရာ၊ ဆရာမကြီးတွေ ပြောသလိုမျိုး ကျန်းမာရေးဝေါဟာရ စာလုံးတွေ အဓိက ပြောသွားတာမျိုးတော့ မဟုတ်ဘူး။ ဆရာတစ်ယောက်လို ပြောတာမျိုးမဟုတ်ပဲ လူတန်းစားပေါင်းစုံ နားလည်နိုင်တဲ့ စကားလုံးလေးတွေနဲ့ သူတို့ အဓိက သိရမယ့် အချက်အလက်ကလေးတွေကိုပဲ ပျော်စရာလေးတွေ၊ ရယ်စရာလေးတွေနဲ့ တွဲပြီး ပြောပြခဲ့တယ်

ကိုပေါက်ကြီးတို့ မယ်ပုခ်ျ တို့တောင် သွားနားထောင်ဖြစ်ကြသေးလား မေးကြည့်ရဦးမယ်ဗျ။ မယ်ပုခ်ျ သာနားထောင်ဖြစ်ရင် ပို့စ်တစ်ခု ဖြစ်ဦးမယ်ဗျို့။

တိမ်ပြာပြာနေ့တစ်နေ့ ဆန်းဒေးမှာကွယ် မင်္ဂလာဆောင်ပွဲကလေး ကျင်းပနေပါတယ်
သူများလို အားကျမိတယ် အချစ်ကလေးရယ်…

တိမ်ပြာမပြာတော့ မသေချာဘူးဗျာ။ တနင်္ဂနွေနေ့မှာ မင်္ဂလာဆောင်တဲ့ သတင်းလေး တစ်ပုဒ်အကြောင်းပြောချင်လို့ပါ မိတ်ဆွေ။
အာဒံရယ် ဧ၀ရယ် ဒသရယ် ဇာတ်ကားနဲ့ အကယ်ဒမီဆုကြီးဆွတ်ခူးသွားတဲ့ ပြည်တော်ချစ်မင်းသား ပြေတည်ဦး ကတော် အိန္ဒြာကျော်ဇင်တစ်ယောက် သမီးလေး မွေးတဲ့ သတင်း မိတ်ဆွေတို့ ကြားပြီးဖြစ်မှာပါ။ နာမည်တောင်ပေးထားပြီးပါပြီတဲ့ဗျာ။ ပြေသုန္ဒြာ လို့ ပြောကြတာပါပဲ။ အဲဒီ ပြေတည်ဦး ရဲ့ မိန်းမ၊ ပြေသုန္ဒြာရဲ့ အမေ
အိန္ဒြာကျော်ဇင် ရဲ့ ၀မ်းကွဲမောင်တော်စပ်ပြီး ဗိုလ်ဇေယျ ရဲ့ မြေးတော်စပ်သူ မောင်သက်နိုင်အောင် ဇေယျ နဲ့ မသဇင်တို့ရဲ့ မင်္ဂလာဧည့်ခံပွဲကို ဖေဖေါ်ဝါရီ ၁၉၊ နံနက် ၉ နာရီမှာ ဆီဒိုးနားဟော်တယ်မှာ ပြုလုပ်သွားခဲ့ပါတယ်တဲ့။ မောင်သက်နိုင်အောင် ဇေယျ နဲ့ မသဇင် တို့ အိုအောင်မင်းအောင် ပေါင်းရပါစေ လို့ ဆုတောင်းပေးကြတာပေါ့ ကျောင်းဒကာ။ ဘာမဆိုင်ညာမဆိုင် စိုးပိုင်ကြီး ဆိုခဲ့တဲ့ အချစ်ဟောင်းရဲ့ လက်ထပ်မင်္ဂလာ သီချင်းတောင် ညည်းလိုက်မိသေး။ ဟေးဟေး။ ဘုရားစူးပါဗျာ။ ကျွန်တော်နဲ့ သဇင် ဘာမှ မဘာခဲ့တာ ကျိန်ဆိုကျိန်ရဲပါတယ်။ မယုံရင် ကျွန်တော့်မိန်းမမေးကြည့်။ အလဂါး နောက်ထှာ။

“ မင်္ဂလာဆောင်ရအောင် အချစ်ရယ် ကိုယ့် ဘ၀နွေ အေးချမ်းချင်လွန်းလှပြီ “

ဒီလူကြီး ဒီအရွယ်ကြီးကျမှဆိုပြီး အထင်မလွဲပါနဲ့ ကျောင်းဒကာ။
မြန်မာစတီရီယို သမိုင်းမှာ အထင်ကရပုဂ္ဂိုလ်ကျော်ကြီး ဖြစ်ခဲ့တဲ့ မင်းမင်းလတ် ရဲ့ သား အနဂ္ဂ (သူကိုယ်တိုင်ကလည်း ခေသူမဟုတ်ဘူးနော် မြန်မာပြည်မှာ ဟစ်ဟော့ဂီတရဲ့ အထင်ကရအက်ဆစ် အဖွဲ့ဝင် ဟင်းဟင်း ဘာမှတ်နေလဲ) နဲ့ ဒီနေ့ဒီအချိန်အထိ သန်တုန်းမြန်တုန်း ဆိုလို့ကောင်းနေတုန်း စတီရီယိုမိခင် အဆိုတော်ကြီး ဒေါ်နွဲ့ယဉ်ဝင်းရဲ့ သမီး သံသာဝင်း (သူလေးကလည်း ရှင်ဘုရင်လေး ဆိုတဲ့ ပေါက်သီချင်းကို ဆိုခဲ့တဲ့လူ ဘာမှတ်နေလဲ)တို့ကလည်း မင်္ဂလာပွဲက နီးပါပြီလို့ ဆိုလာပါတယ်တဲ့ ခင်ဗျာ။ မကြာခင် လာမည် မင်္ဂလာအစီအစဉ် ပေါ့ခင်ဗျာ။ အက်ဆစ်သီချင်းလေးတောင် သတိရမိသေးဗျာ။ အဆင်ပြေရင်လည်း လိုက်ဆိုကြည့်ပေါ့ ကျောင်းဒကာရယ်။
အနဂ္ဂ တစ်ခုသာဖြစ် သံသာဝင်း ရမှာက အပြစ်
သံသာဝင်း တစ်ခုသာဖြစ် အနဂ္ဂ ရမှာက အပြစ်

အင်ဒိုနီးရှား ပိုလာဘာလီ ကျွန်းလေးဝယ် သူနဲ့လည်းတွေ့လို့ ချစ်ကြိုးသွယ်

မှတ်မိမှာပါ မိတ်ဆွေ။ ပိုလာဘာလီ သီချင်းလေးပါ။ ဒီသီချင်းနဲ့ အကြီးအကျယ်အောင်မြင်ခဲ့တဲ့ အဆိုတော်ကြီးဒေါ်ဖြူသီရဲ့ သမီး မို့မို့ တစ်ယောက် တတိယစီးရီးဖြစ်တဲ့ အိပ်မက်လေးထဲမှာ ဆိုတဲ့ စီးရီး အတွက် မိတ်ဆက်ပွဲကို ဆာကူရာတာဝါ အထပ် ၂၀ မှာ ပြုလုပ်ခဲ့ပါတယ်တဲ့။ ဒုတိယအခွေဖြစ်တဲ့ မျက်စိမှိတ်ချစ်နေမယ် ဆိုတဲ့ စီးရီးက ၂၀၀၂ ခုနှစ်ကထွက်ခဲ့တာဆိုတော့ ၁၀နှစ်နီးပါးကြာမှ တတိယအခွေထွက်ဖြစ်တဲ့ သဘောပေါ့ဗျာ။ သူလေးကလည်း ခေသူတစ်ယောက်တော့ မဟုတ်ဘူးဗျ။ ဒုတိယ စီးရီးမှာ သီချင်းကောင်းလေးတွေတော်တော် ပါခဲ့တာပါ။
မောင်နဲ့ကျမ သိတ်ချစ်မိနေတာ မောင့်ရဲ့မိဘများနဲ့ အသိုင်းအ၀ိုင်းများက သဘောမတူနိုင်ပါဘူး
ဆိုတဲ့ သီချင်းလေးကို ကျွန်တော် လွှတ်ကြိုက်မိခဲ့သေးတာပေါ့။ စိတ်မကောင်းစရာသတင်းလေးကတော့ လက်ရှိမှာ မို့မို့လေးဟာ အိမ်ထောင်ကျနေပြီဖြစ်ကြောင်းနဲ့ သားလေးတစ်ယောက် ရရှိနေပြီဖြစ်ပါကြောင်း။ ဘာတတ်နိုင်မှာလဲဗျာ။ တရားနဲ့ ဖြေပါ ကျောင်းဒကာ။ ယုံပါတယ် ကျောင်းဒကာရယ်။ ခင်ဗျားက မို့မို့ သီချင်းတွေကို လွှတ်ကြိုက်တဲ့ လူကြီးဆိုတာ။ ကိုင်းဗျာ အခုထွက်မယ့် အိပ်မက်လေးထဲမှာ စီးရီးကို မူရင်းအခွေ ၀ယ်နားထောင်ပြီး ခင်ဗျားက မို့မို့ ပရိသတ်စစ်စစ် တစ်ယောက်ဆိုတာ သက်သေ ပြလိုက်စမ်းပါ။ ခိုးကူးခွေ ၀ယ်နားထောင်ရင်တော့ မို့မို့က စိတ်ဆိုးမှာတဲ့ နော် ဒါဗျဲ။

ကြာသပတေးနဲ့ ရွှေတိဂုံ
ရုပ်ရှင်မင်းသားလေး ဟိန်းဝေယံတစ်ယောက် ကြာသပတေးနေ့ ညတိုင်း ရွှေတိဂုံစေတီတော်ကို မပျက်မကွက်သွားရောက်ဖူးမျှော်နေတဲ့ အကြောင်းလည်း ဖတ်ရပါတယ်ဗျာ။ ဟိန်းဝေယံကို ကြိုက်ကြတဲ့ ရွာထဲက အပျိုကြီးတွေ အပျိုလေးတွေအတွက်တော့ ဘုရားလည်း ဖူးရင်း ဟိန်းဝေယံလည်း ကြည့်ရင်း လုပ်လို့ရမယ့် သတင်းကောင်းလေး ပါခင်ဗျာ။ ၀ီရိယလေး နည်းနည်းထည့်ကြဗျ။ ဖူးစာဆိုတာ ပြောလို့ရတာမျိုးမဟုတ်ဘူးရယ်။ ဖိတ်ခြင်းဖိတ် ကိုယ့်အိတ်ထဲဖိတ်ရအောင် ကြာသပတေးညတိုင်း ရွှေတိဂုံကို သွားကြပါဗျို့လို့ နှိုးဆော်လိုက်ပါတယ်ဗျာ။
ရွာတော်ရှင် ဖွားဆူးတစ်ယောက်ကတော့ ရွှေတိဂုံ သွားမယ် သွားမယ် ပြောတာ ခဏခဏ ကြားနေရတာပါပဲ။ ဘုရားဖူးဖို့ပဲ ဖြစ်မှာပါ ကျောင်းဒကာ။ သာဓုခေါ်ပါ ကျောင်းဒကာ။

နိုင်ဂံဂျားသွားကြမယ့် မင်းသမီးတွေ
နှင်းဆီအဖွဲ့ရဲ့ ပင်တိုင်မင်းသမီးတစ်လက်ဖြစ်တဲ့ မိုးယုစံ လေးတစ်ယောက် ဧပြီလမှာ ဘန်ကောက်နဲ့ စင်္ကာပူ၊ ဇူလိုင်လမှာ ဥရောပငါးနိုင်ငံကို သွားရောက်ဖျော်ဖြေပေးဦးမှာပါတဲ့ ခင်ဗျာ။ သူတို့ကျတော့လည်း ခေါ်ချင်ကြတဲ့ လူတွေ များမှများ။ အားကျထှာ။
စန္ဒီမြင့်လွင် လေးကလည်း အမျိုးသမီး သီးသန့် ယဉ်လိုင်းမှာ အမျိုးသမီး သီးသန့် ယဉ်မောင်းတွေပါ ဖြစ်လာရင် ပိုကောင်းမယ်လို့ ဆိုလာပါတယ်ခင်ဗျာ။ သူလေးကလည်း ဘန်ကောက်ကို ရှော့ပင်း ထွက်ဖို့ တူဖြစ်တဲ့ မြတ်သောမောင် စာမေးပွဲ ပြီးတဲ့ အချိန်ကို စောင့်နေတာပါတဲ့။ စကားမစပ် စန္ဒီမြင့်လွင်လေးကို မေးချင်တာက ဘတ်စ်ကားရော စီးဘူးပါရဲ့လားလို့ ပါ။
သင်ဇာဝင့်ကျော် လေးကလည်း မတ်လထဲမှာ စင်္ကာပူကို ဈေးဝယ်ထွက်ဦးမယ့် သတင်းလေးလည်း ဖတ်ရပါတယ်ဗျာ။ ကမ်းခြေတွေရော၊ ကစားကွင်းတွေရော၊ စုံအောင်သွားမှာဖြစ်တဲ့အတွက် ၁၀ ရက်လောက်တော့ ကြာမှာဖြစ်ကြောင်း သင်ဇာဝင့်ကျော် လေးက ပြောပါတယ်တဲ့ ခင်ဗျာ။ အင်း ၁၀ ရက်ကြီးတောင် ခွဲရမယ်ဆိုတော့ … ခင်ဗျာ … အဲအဲ ဟုတ်သားဗျ။ ကျွန်တော်နဲ့လည်း ဘာမှ ဆိုင်တာမဟုတ်ပဲနဲ့ ။ ကောင်လေးက ဇွတ်။
မိန်းကလေး အသည်းကွဲ အဆိုတော်လို့ ပြောလို့ရတဲ့ တေးရေးတေးဆို L ဆိုင်းဇီ လေးကလည်း မတ်လထဲမှာ သြစတေးလျ ကို ဖျော်ဖြေရေးသွားဖို့ ရှိပါတယ်တဲ့။ သွားကြပေါ့ဗျာ။ ဘာတတ်နိုင်မှာလဲ။

သူကြီး ဖတ်ဖို့ သတင်းတစ်ပုဒ်
မင်းသား အောင်ရဲလင်းကလည်း ဇာတ်ကားမရိုက်ခင် ကင်မရာကို ကန်တော့လေ့ ရှိပါတယ်တဲ့ခင်ဗျာ။

“အဓိကကတော့ ကင်မရာနဲ့ အလုပ် လုပ်နေရတာဆိုတော့ ကင်မရာစောင့်တဲ့ နတ်တွေ ရှိမှာပေါ့။ အဲဒါကို ကန်တော့တဲ့ သဘောပါ”

တဲ့။ သူ့ ယုံကြည်ရာနဲ့ သူပေါ့ သူကြီးရယ်။

မယ်ပုခ်ျ ဖတ်ဖို့ သတင်းတစ်ပုဒ်
ကိုပေါက်ကြီးတို့ မန္တလေးမှာ Miss Mandalar 2012 ရွေးချယ်ပွဲကြီး ကို မတ်လ ၁၈ ရက်နေ့မှာ ကျင်းပပါမယ်တဲ့ဗျာ။ ပထမဆုက ကျပ်ငါးသိန်း၊ ဒုတိယဆုက ကျပ်နှစ်သိန်းခွဲ၊ တတိယဆုက ကျပ်တစ်သိန်း ချီးမြှင့်မယ့်အပြင် Title ဆု (၅) ဆုကိုလည်း ကျပ်ငါးသောင်းစီ ချီးမြှင့်ဦးမှာပါတဲ့။ ဟော်တယ်မန္တလေး Ballroom မှာ စည်ကားသိုက်မြိုက်စွာ ကျင်းပပြုလုပ်သွားမှာပါတဲ့။
ပြီးခဲ့တဲ့ လ ကျွန်တော် မန္တလေးရောက်တုန်းက ကျွန်တော်တို့ရွာထဲက စာရေးသူ ပုခ်ျ ဆိုတဲ့ မိန်းကလေးကို တီချာကြီး TTNU ရဲ့အိမ်မှာ မိတ်ဆက်ခွင့်ရခဲ့ပါတယ်။ အခုပြိုင်ပွဲကြီးကို ကျွန်တော်တို့ရွာသူ ပုခ်ျ သာ ၀င်ပြိုင်လိုက်ရင် သေချာပေါက် Miss Mandalar ဘွဲ့ကို ဆွတ်ခူးနိုင်မယ်လို့ ဟောကိန်းထုတ်လိုက်ရပါတယ်။ တစ်ခုတော့လေ့လာထားပါ ဒေါ်ပုခ်ျ ခင်ဗျား။ အကဲဖြတ်ဒိုင်လူကြီးတွေက ဗိုလ်ချုပ်အောင်ဆန်း မိန်းမ နာမည်လေးများ မေးခဲ့ရင် ဖြေနိုင်အောင် လေ့လာထားဖို့ပါ။ အေးလေ မယ်ပုခ်ျက ခေသူမှမဟုတ်တာ၊ ဗိုလ်ချုပ်မိန်းမ နာမည်လေးတော့ သိမှာပါဗျာ။ ဟေးဟေး။ အလဂါး နောက်ထှာ။

နောက်သတင်းလေး တစ်ပုဒ်က ပရိသတ်ကို အစားအသောက်ပျက်စေခဲ့တဲ့ သရုပ်ဆောင် မင်းအုပ်စိုး ရဲ့ အမှုတွေအကြောင်း ပါခင်ဗျာ။

မင်းအုပ်စိုးအား လမ်းဘေး အမှိုက်ပုံအား မီးရှို့မှု၊ ပြည်သူပိုင်ပစ္စည်းဖျက်ဆီးမှု၊ ၀တ္တရားနှောက်ယှက်မှုနှင့် ကိုယ်ထိလက်ရောက်ကျူးလွန်မှုတို့ဖြင့် ဗဟန်းရဲစခန်းမှ စစ်ဆေးနေစဉ် ၄င်း၏ခြံဝန်းအတွင်း လိုင်စင်မဲ့ယဉ်များအား လက်ဝယ်ထားရှိကြောင်း တွေ့ရှိရသည့်အတွက် ယခင်အမှုများအပြင် သွင်းကုန်ထုတ်ကုန်အက်ဥပဒေဖြင့် ဖမ်းဆီးအရေးယူထားကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။ သတင်းဖြစ်စဉ်အရ သက်ဆိုင်ရာမှ လွန်ခဲ့သော နှစ်များက ပြစ်မှုကျူးလွန်ခဲ့မှုများနှင့် ပတ်သက်ပြီး ပုဒ်မ ၃၀ ကျော်ဖြင့် အမှုဖွင့်အရေးယူခံနေရပြီး တရားမမှု အသွားအလာရင်ဆိုင်ဖြေရှင်းနေစဉ် ယခုကဲ့သို့ ပြစ်မှု ထပ်မံ ဖြစ်သွားခဲ့ကြောင်း သိရသည်။

ဒါကတော့ အားလုံးသိကြပြီးဖြစ်ခဲ့တဲ့ မင်းအုပ်စိုး ၏ အကုသိုလ်များ သတင်းလေးပါဗျာ။
ကိုနိုဇိုးမိကြီး သတိထားဗျ။ ခင်ဗျားစီးနေတဲ့ ၀စ်သောက် မာစီဒီးကြီး လည်း သတိထားစီးဦးကိုယ့်လူ။ ကံမကောင်းရင် မင်းအုပ်စိုးလို ပုဆိုးမပါ ဘာမပါနဲ့ ရဲတွေကို ရန်တွေ့ရတဲ့ အပေါက်မျိုး ဖြစ်သွားနိုင်တယ်ဗျ။ ပြောသာပြောရတာပါ။ သိတ်တော့ စိတ်မပူပါဘူး။ ခင်ဗျားက လူကြီးသားပဲ။

မနေ့ကထွက်တဲ့ နံနက်ခင်းထဲက လူပြောများနေတဲ့ အချိုရည် သတင်းလေးလည်း ပြောပြချင်သေးတယ် ကျောင်းဒကာ။
အင်တာနက်မှာ ပျံ့နှံ့နေတဲ့ အချိုရည် သတင်းဟာ ကောလာဟာလ သာဖြစ်ကြောင်း ကုမ္ပဏီဒုတိယဥက္ကဌ ရဲ့သား အဆိုတော် Ah Boy မှ ရှင်းလင်းပြောကြားခဲ့တဲ့ သတင်းလေးပါ။ Ah Boy ကိုမေးမြန်းရာမှာ ဒီလိုပြန်ဖြေခဲ့ပါသတဲ့ဗျာ။

“အဲဒီအကြောင်းနဲ့ ပတ်သက်လို့ ကျွန်တော်ကလည်း ရှင်းပြချင်ပါတယ်။ လွန်ခဲ့တဲ့ တစ်ပတ်လောက်ကတည်းက facebook မှာ အဲဒီသတင်းတက်လာတယ်။ သာကေတမြို့နယ်မှာ ရှိတဲ့ အချိုရည်စက်ရုံမှာ အချိုရည်ထုတ်နေတုန်း ၀န်ထမ်းတစ်ယောက် စက်နဲ့ အက်စီးဒင့် ဖြစ်ပြီး လက်ပြတ်သွားတယ်။ အဲဒီအချိုရည်တွေ ဈေးကွက်မှာပျံ့နေတယ် စသည်ဖြင့် ရေးထားတာဖတ်ရတော့ ဟာသတစ်ခုလိုဖြစ်နေခဲ့ပါတယ်။ အချိုရည်စက်ရုံတွေမှာ အချိုရည်တွေကို စက်နဲ့ပဲ ဖျော်ရတာပါ။ လက်နဲ့ ဖျော်တာမဟုတ်ပါဘူး။ ဒီတော့ကောလဟာလပဲ။ မကြာခင်ပျောက်သွားမှာပေါ့လို့ မေ့မေ့လျော့လျော့ပဲ နေလိုက်ပါတယ်။ အဲဒီအတွက်လည်း ဘာမှ မပြောဖြစ်ပါဘူး။ ဒါပေမယ့် ရက်ကြာလာတာနဲ့ အမျှ facebook သတင်းက ပိုပျံ့လာတယ်။ ခင်မင်ရင်းနှီးတဲ့ မိတ်ဆွေတွေက ဖုန်းဆက်မေးလာကြတယ်။ ပြောလာကြတယ်။ ဒါ့အပြင် အဲဒီ facebook မှာပဲ တစ်သက်နဲ့တစ်ကိုယ် တစ်ခါမှမမြင်ဘူးသော ဘယ်ကမှန်းမသိ၊ မြန်မာဟုတ်ရဲ့လားတောင်မေးရမယ့် လူမမာပုံစံပေါက်နေတဲ့သူတစ်ယောက်ပုံ တက်လာပါတယ်။ ဒီတော့ အဲဒီ ဓါတ်ပုံကိုကြည့်ပြီး သောက်သုံးသူတွေပါ သံသယ ရှိလာကြတယ်။ အဲဒီအတွက် တာဝန်ရှိသူတစ်ယောက်အနေနဲ့ ပြောချင်တာက ကျွန်တော်တို့စက်ရုံက ထုတ်လုပ်ဖျံ့ချိလျက်ရှိတဲ့ အချိုရည်ဟာ နိုင်ငံခြားအသိအမှတ်ပြု ISO လက်မှတ်ရအပြင် FDA က ထောက်ခံချက်လည်းရထားပါတယ်။ ဒါ့အပြင် စားသောက်ကုန်လုပ်ငန်းစက်ရုံတိုင်းဟာ ၀န်ထမ်းတွေကို ၆ လတစ်ကြိမ်၊ ကျန်းမာရေးစစ်ဆေးပါတယ်။ သွေးစစ်လို့ ဘီပိုး၊ စီပိုး ရှိသူတွေ့လာရင်တောင် လက်မခံတော့ပါဘူး။ အခြားရောဂါဆိုတာ မပြောပါနဲ့တော့။ ပြီးတော့ အချိုရည်ကန်ထဲ လူတစ်ယောက်ပြုတ်ကျဖို့ဟာ ဘယ်လိုမှ မဖြစ်နိုင်ပါဘူး။ ကျွန်တော်တို့ ကုမ္ပဏီရဲ့ သက်တမ်းလည်း ကြာပါပြီ။ ဒီလိုမျိုးကိစ္စ တစ်ခါမှ မဖြစ်ဖူးသလို ကြားလည်း မကြားဖူးပါဘူး။ စက်ရုံမှာ ဘာအက်စီးဒင့်မှ လည်း မဖြစ်သလို facebook က ဓါတ်ပုံရှင်က ကျွန်တော်တို့ ၀န်ထမ်းလည်း မဟုတ်ပါဘူး။ တစ်ယောက်ယောက်က လက်ဆော့ပြီးရေးလိုက်တာလား၊ လုပ်ကြံတဲ့ သတင်းလားတော့ မသိပါဘူး။ စားသုံးသူကြား ပျံ့နှံ့လာတာမို့ မဟုတ်တဲ့ အကြောင်း အချိုရည်ကို အရင်လိုပဲ ယုံကြည်စွာ သောက်သုံးနိုင်တဲ့ အကြောင်း၊ ဘယ်အချိုရည်ကိုမှလည်း ပြန်မသိမ်းပါကြောင်း တကယ်လည်း ဘာမှ မဖြစ်ခဲ့ကြောင်း နံနက်ခင်း ဂျာနယ်ထဲမှာ ရှင်းလင်းပြောကြားသွားခဲ့ပါတယ်တဲ့ခင်ဗျာ။

ကောလာဟာလ သတင်းကို ကျွန်တော်တို့ရွာထဲမှာ တင်ပြခဲ့မိတဲ့ အတွက် မဟုတ်ကြောင်းဖြေရှင်းတဲ့ သတင်းကိုလည်း စိတ်ရှည်လက်ရှည် ပြန်ရိုက်ပြီး တင်ပေးလိုက်တာ ဖြစ်ပါတယ်။ ကြေပြီပေါ့ Ah Boy ရေ။ ကဲ ပြောရတာမောလိုက်တာဗျာ။
မက်စ် အချိုရည်တစ်လုံးလောက်ဖေါက်ဗျာ၊ အေးအေးလေးလုပ်နော်။ ကျုပ်က အချိုရည်ဆို အေးမှ ကြိုက်တာရယ်။

နောက်သတင်းလေးတစ်ပုဒ်ကတော့ ချိုပေါ့ကျ (၂) ထဲမှာ ကျွန်တော် တင်ပြခဲ့တဲ့ ဒါရိုက်တာ ၀ိုင်း အကယ်ဒမီ မရခဲ့တဲ့ ကိစ္စခင်ဗျ။ ကဲ ပြောနေကြာပါတယ်ဗျာ။ ဖတ်ကြည့်လိုက်ရအောင်ပါ။
တပည့်ဖြစ်သူဝိုင်း ဒါရိုက်တာဆုနှင့် လွဲခဲ့ရသည့်အပေါ်

“အဲဒီအပေါ် ဖီလင်ရှိပါတယ်။ စိတ်မကောင်းလည်း ဖြစ်မိတယ်။ အကယ်ဒမီမှာ များသောအားဖြင့် ဇာတ်ကားဆုရရင် ဒါရိုက်တာဆုရတာ များပါတယ်။ ခုတော့ ဇာတ်ကားဆုသာရပြီး ဒါရိုက်တာဆုလည်း မရတော့ စိတ်မကောင်းလည်း ဖြစ်မိတာပေါ့။ အကယ်ဒမီပွဲကို ၀ိုင်းမသွားဘူးဆိုပေမယ့် ကိုယ်စားပေးလို့လည်း ရတာပဲလေ။ ဒါပေမယ့် ဆုရသွားတာက ကိုမဲတို့ဖြစ်နေတော့ ကျွန်တော်တို့ထက် ၀ါကြီးတယ်။ လေးစားရတဲ့ ဒါရိုက်တာတွေဖြစ်နေတော့ ကျေနပ်ပါတယ်။ ကိုမဲတို့ရတာကို သဘောကျသလို ၀ိုင်းမရတာကိုလည်း စိတ်မကောင်းဖြစ်မိတယ်။ နောက်နှစ်တွေမှာလည်း သိပ်ကောင်းကောင်းကားတွေ မရှိလှဘူး။ သူ့ကားတွေပဲ ရှိသလို ဖြစ်နေတယ်။ သူက အချစ်နဲ့ ဒရာမာ ရိုက်တာကိုး။ ကျွန်တော်တို့လို ကောမစ်လိုင်းလည်း မသန်ဘူးလေ။ ခုလည်း ရုပ်ရှင်ဆိုလို့ သူပဲ ရိုက်နေတာလေ။ ကျွန်တော်တို့နဲ့ လက်တွဲစဉ်က ဆရာထက်လက်စောင်းထက်မယ့် တပည့်လို့တော့မမြင်မိပါဘူး။ သူက ၀ါသနာအရသရုပ်ဆောင်လုပ်တယ်။ ဇာတ်ညွှန်းရေးတယ်။ ဗီစီဒီဒါရိုက်တာလုပ်တယ်ဆိုပေမယ့် ဟိုကတည်းက ဇ ရှိတယ်။ ဘက်ပေါင်းစုံမှာ သူများနဲ့ မတူတဲ့ အမြင်အတွေးနဲ့ အိုင်ဒီယာ ရှိတယ်။ တွေ့တိုင်းလည်း စကားပြောဆင်ခြင်ဖို့ ပြောပါတယ်။ အဲဒီကြားထဲကပဲ ပြောနေတာ။ မီဒီယာကို ပြောသင့်တာပဲ ပြောပါ။ ရင်ထဲမှာ ရှိတဲ့အတိုင်း အိတ်သွန်ဖာမှောက်မပြောရဘူးလို့ အမြဲပြောခဲ့ပါတယ်”

လို့ ဒါရိုက်တာညီညီထွန်းလွင်က ပြောခဲ့ပါတယ်တဲ့ ခင်ဗျာ။
ဝိုင်း အကယ်ဒမီ မရခဲ့တာ ဘာဆန်းပါသလဲ။
ဘာမှ မဆန်းပါဘူး။
ဒါပေမယ့် ပုံမှန် ကိစ္စတစ်ခုမဟုတ်တဲ့အကြောင်း ဟိုက်လိုက်လုပ်ပြနေတာပါ မိတ်ဆွေ။
ကြီးကြီးကျယ်ကျယ် စကားလုံးတွေ နဲ့ ပြောရရင် မြန်မာ့ရုပ်ရှင် လောကတိုးတက်လာရေးအတွက် ပြင်ဆင်ရမယ့်အရာတွေထဲမှာ အဲဒီ အကယ်ဒမီ ဆုရွေးခြယ်ရေး ကိစ္စကြီးက နံပတ်တစ်လုပ်ရမယ့်ကိစ္စကြီးဆိုတာ သိကြစေချင်တာပါ။
ကဲ နည်းနည်း မေးပါရစေ မိတ်ဆွေ။
အကယ်ဒမီ ဆုရွေးခြယ်ရေးအဖွဲ့မှာ ဘယ်သူတွေပါသလဲ။ ဘယ်နှစ်ယောက်ပါသလဲ။ ဘယ်လိုမူတွေနဲ့ ရွေးခြယ်နေသလဲ။
ကျော်ဟိန်းကြီးသီချင်းအော်ဆိုပြီး နံနက်ခင်းကို ကန့်လန့်ကာ ချပါရစေဗျာ။
ချစ်တာသိလို့ မေးနေတာလား…
သိချင်သေးလို့ မေးနေတာလား…

မနေ့ကထွက်တဲ့ The First Music News ဂျာနယ်ထဲက ကတ္တီပါလမ်းခွဲ သတင်းလေး အကြောင်း ပြောပြချင်သေးတယ် ကျောင်းဒကာ။
လူရွှင်တော် ကျော်ထူးနဲ့ ကင်းကောင်တို့ဟာ သီးလေးသီး အဖွဲ့နဲ့ မတွဲတော့ဘူးလို့ စင်ပေါ်ကနေ တရားဝင် ကြေညာခဲ့ပါသတဲ့ဗျာ။

ကျွန်တော်တို့က သူတို့ကို ပံ့ပိုးပေးခဲ့တာပါ။ လမ်းခွဲတယ်လို့ သုံးလို့မရဘူး။ ကိုယ်တွေက ဆေးရောင်စုံရဲ့ ဧည့်သည်တွေ။ ကိုသူရ (ဇာဂနာ) ရဲ့ မျက်နှာနဲ့ အကူအညီပေးခဲ့ကြတာ။ သူတို့က ဆေးရောင်စုံဆိုတဲ့ အမည်နဲ့ ရပ်တည်နေကြတဲ့ အဖွဲ့ဆိုတော့ ပြက်လုံးကအစ သူတို့ကို ဦးစားပေးရတယ်။ ကလေးတွေကို ပရိသတ်ပိုပြီး အားပေးစေချင်တယ်။ ကျွန်တော်တို့က ဒီထက်ပိုပြီးအောင်မြင်ဖို့လည်း မလိုတော့ဘူး။ ကင်းကောင်၊ ကျော်ထူးဆို ကလေးကအစ ခွေးအဆုံးသိတယ်။ ဆက်ပြီး မတွဲဖြစ်တော့တဲ့ အကြောင်းကတော့ ကျွန်တော်တို့ရဲ့ ၀မ်းစာ၊ သမ္ဘာ၊ ပညာအရ အနုပညာမာန ဆိုတာကလွဲရင် ငွေရေးကြေးရေးအပိုင်းမပါဘူး။ သည်းခံနိုင်တဲ့ ခွင့်လွှတ်နိုင်တဲ့ အတိုင်းအတာတစ်ခုအထိတော့ ရှိတာပေါ့။ ကြာလာရင် အဆင်ပြေမှာ မဟုတ်ဘူး။ ကျွန်တော်လည်း တပည့်တွေ အများကြီး မွေးခဲ့ဘူးတာပဲ။ နည်းနည်းလေး အရောင်ထွက်လာ နာမည်လေးထွက်လာကြရင် ခြေရာတော့ တိုင်းချင်၊ ပခုံးချင်းတော့ ယှဉ်ကြတာပဲလေ။ ဒါက အနုပညာလောကရဲ့ သဘာဝလို ဖြစ်နေပြီ။ ဒီသဘောလေးတွေ နည်းနည်း သက်ရောက်တယ်လို့ ပြောလို့ရပါတယ်။ ဒါကြောင့် ကိုကင်းနဲ့ ကျွန်တော်တိုင်ပင်ပြီး နယ်ပွဲတစ်ခုရဲ့ နောက်ဆုံးပွဲစဉ်မှာ ပရိသတ်ကိုကြေညာပြီး ရှောင်ထွက်လိုက်တာပါ

လို့ ကျော်ထူးက ဆိုပါတယ်တဲ့ ခင်ဗျာ။ ကျော်ထူးရဲ့ စကားလုံးတွေထဲမှာ လမ်းခွဲရခြင်းရဲ့ ပြသနာ တစ်ချို့ကို ခန့်မှန်းနိုင်ပါလိမ့်မယ် ကျောင်းဒကာ။ သင်ခန်းစာ ယူကြရအောင်ပါ။
ထူးထူးခြားခြားဗျာ။
Education is Always Preferable ဆိုတဲ့ ဆောင်ပုဒ်နဲ့ Education Digest ဆိုတဲ့ ဂျာနယ်တစ်စောင် တွေ့တာနဲ့ ၀ယ်ဖတ်မိတယ်ပေါ့ဗျာ။
ကျွန်တော်တို့ ရဲ့ မိတ်ဆွေကြီး ဒေါက်တာကျော်သူ တို့ ရဲ့ နာရေးကူညီမှုအသင်း (ရန်ကုန်)က အကြောင်းအမျိုးမျိးကြောင့် ပညာသင်ယူဖို့ အခက်အခဲ ရှိသူများအတွက် ကူညီပေးသွားမယ် ဆိုတာလေး ဖတ်ရပါတယ်ဗျာ။ ပညာရေးအလှူနဲ့ ပတ်သက်လို့ လုပ်ဆောင်နေတာလေးတွေကို အခုလို ဖတ်ရပါတယ် ကျောင်းဒကာ။

ပညာရေးနှင့် ပတ်သက်၍ကူညီထောက်ပံ့မှု ပေးနေသည်မှာ နှစ်နှစ်တိုင်ရှိခဲ့ပြီဖြစ်ပြီး သုခအလင်းစာကြည့်တိုက်၊ ကွန်ပျူတာသင်တန်းများဖြစ်သော ကွန်ပျူတာ ဒီဇိုင်နာသင်တန်းများ၊ ဖိုတိုရှော့ သင်တန်းများ ဖွင့်လှစ်သင်ကြားပေးနေပြီး အလုပ်အကိုင်အခွင့်အလမ်းပိုမိုရရှိနိုင်ရန်လွယ်ကူသော ဟိုတယ်နှင့် ခရီးသွားသင်တန်းများ ဖွင့်လှစ်သင်ကြားပေးလျက်ရှိရာ နောက်ဆုံးသင်တန်းတွင် သင်တန်းသားဦးရေ အယောက် ၂၀ ကို အခမဲ့ သင်ကြားပေးခဲ့ပြီး ၁၈ ဦးမှာ လုပ်ငန်းခွင်သို့ ၀င်ရောက်လုပ်ကိုင်နေကြပြီဖြစ်ကြောင်း သိရသည်။ နွေရာသီတွင် ကလေးများအတွက် အင်္ဂလိပ်စာအခမဲ့ သင်တန်းနှင့် ငယ်ရွယ်စဉ်တွင် အရေးကြီးသည့် အခြေခံစိတ်ဓါတ်ဖြစ်သော အကျင့်စာရိတ္တကောင်းစေရန် သင်ကြားပေးမည့် ယဉ်ကျေးလိမ္မာ သင်တန်းများကို ဆက်လက်၍ ဖွင့်လှစ်သင်ကြားမည် ဖြစ်သည်။ ဆေးကျောင်းတက်ရန် ငွေကြေးအခက်အခဲ ရှိနေသော ကျောင်းသူကျောင်းသားများအတွက် တစ်နှစ်လျှင် အယောက် ၃၀ ခန့်အား ထောက်ပံ့ ကူညီပေးနိုင်ရန် စီစဉ်ဆောင်ရွက်လျက်ရှိကြောင်း၊ ဆေးကျောင်းတက်ရန် အခက်အခဲ ကြုံနေရသော ကျောင်းသူကျောင်းသားများမှ အသင်းသို့ ဆက်သွယ် အကူအညီတောင်းခံနိုင်ကြောင်း သိရသည်။

ကဲ… ခဏခဏ ခေါ်နေရတယ်ဆိုပြီး စိတ်အနှောက်အယှက် မဖြစ်ပါနဲ့ ကျောင်းဒကာ ။ သာဓု ခေါ်ကြရအောင်ပါ။
အသံလေးထွက်ပြီး ပီပီသသ ရွတ်ပါ ကျောင်းဒကာ။
သာဓု သာဓု သာဓု ပါ ဗျို့။

ဒီဂျာနယ်ထဲမှာပဲ အကယ်ဒမီ ပြေတီဦး နဲ့ အင်တာဗျူးလေးတစ်ခုပါပါတယ်။ အမေးအဖြေလေးတစ်ခုကို နမူနာ ထုတ်ပြချင်ပါတယ် ကျောင်းဒကာ။

မေး။ ။ အခု မြန်မာပြည်ပညာရေးစံနစ်မှာ တက္ကသိုလ်ကို ၀ါသနာပါတာ တက်တာ ကောင်းလား။ ဒါမှမဟုတ် အမှတ်နဲ့ခွဲပြီး တက်ခိုင်းတာကောင်းလား။ ဘယ်လိုထင်လဲ သိချင်ပါတယ်။
ဖြေ။ ။ ၀ါသနာပါတဲ့ဟာကို တက်နိုင်ရင် အကောင်းဆုံးပါပဲ။ ဒါပေမယ့် အမှတ်ကန့်သတ်ဖို့တော့လိုတယ်လို့ ထင်တယ်။ ဘာကြောင့်လဲ ဆိုရင် အဆင်မြင့်ပညာရပ်တွေ (ဥပမာ – အင်ဂျင်နီယာ၊ ဆေးတို့) ဆို သာမန်လူတိုင်း လေ့လာဖို့ မလွယ်လောက်ဘူး။ ကျွန်တော့်အမြင်ပေါ့နော်။ ဒါကြောင့် ဒီစာတွေကို လေ့လာနိုင်မယ့် အရည်အချင်းတစ်ခုအတွက် အမှတ်ကန့်သတ်ချက်ရှိရမယ်။ ဒီလိုင်းတွေကို သွားချင်တဲ့လူတွေက ဒီအမှတ်ကိုတော့ ရအောင်ဖြေသင့်တယ်လို့ ထင်ပါတယ်။

စနေနေ့က ထုတ်ဝေခဲ့တဲ့ Voice ဂျာနယ်ဘက် ခဏလှည့်ရအောင်ပါ။

ကျွန်တော့်ဘက်က မလျှော့နိုင်ပါဘူး။ ဒါ ပြည်ထောင်စု လွှတ်တော်ရဲ့ ဆုံးဖြတ်ချက်ပါ။ မလျှော့နိုင်ပါဘူး။ တိုးကို တိုးပေးရပါမယ်။

သူရဦးရွှေမန်းရဲ့ ပြောစကားပါ ကျောင်းဒကာ။ နည်းနည်း ထူးဆန်းနေတယ်လို့ မထင်ဘူးလား။
ဒီကိစ္စနဲ့ ပတ်သက်ပြီး

ဖေဖေါ်ဝါရီ ၁၆ ရက်နေ့တွင် နိုင်ငံတော်သမ္မတကိုယ်စား ဘဏ္ဌာရေးနှင့် အခွန်ဝန်ကြီးဌာန ပြည်ထောင်စုဝန်ကြီးက ပြည်ထောင်စုလွှတ်တော်သို့ ပြန်လည်ရှင်းလင်းတင်ပြရာတွင် ရင်းနှီးမြှုတ်နှံမှု ငွေလုံးငွေရင်းအသုံးစရိတ်များ လျှော့ချရန် လက်ရှိအချိန်တွင် မသင့်သေးပါကြောင်း၊ နိုင်ငံတော်အနေနှင့် ပြည်ပချေးငွေများအပေါ် ပေးဆပ်ရန် ကြွေးမြီ အမေရိကန် ဒေါ်လာသန်းပေါင်း ၁၁၀၂၃. ၂၉၈ ရှိပြီး ၂၀၁၂-၁၃ ဘဏ္ဌာရေးနှစ် ပြည်ထောင်စု၏ ရသုံးခန့်မှန်းခြေငွေစာရင်း ဘတ်ဂျက်လိုငွေ ကျပ် ၂၅၁၇. ၈၈၈ ဘီလီယံ ရှိကြောင်း၊ ယင်းကြောင့် နိုင်ငံဝန်ထမ်းများ လစာ၊ လုပ်ခများ လိုအပ်သည့် ပြင်ဆင်မှုများ ဆောင်ရွက်ပြီးနောက် ၂၀၁၃-၁၄ ဘဏ္ဌာရေးနှစ်တွင် တိုးမြှင့်ပေးရေးဆောင်ရွက်သင့်ပါကြောင်း ရှင်းလင်းပြောကြားခဲ့သည်။

ကဲ … ဒီကိစ္စကို ကျွန်တော်တို့ ရွာသူရွာသားတွေ အနေနဲ့ ဆွေးနွေးကြစေချင်ပါတယ် ကျောင်းဒကာ။

ကျွန်တော်ကတော့ လစာတိုးပေးလိုက်ရုံနဲ့ သန့်ရှင်းသော ၀န်ထမ်းတွေနဲ့ သန့်ရှင်းသော ဆောင်ရွက်ချက်တွေဖြစ်လာပြီး သန့်ရှင်းသောအစိုးရ ဖြစ်လာမယ်ဆိုတာ လက်မခံနိုင်ပါဘူးခင်ဗျာ။ ပန်းရံအလုပ်သမားတစ်ယောက်ရဲ့ တစ်နေ့လုပ်ခနဲ့ သွားပြီး နှိုင်းယှဉ်ကြည့်လို့တော့ မသင့်တော်ဘူးထင်ပါတယ်။ ပန်းရံအလုပ်သမားတစ်ယောက်ဟာ မိုးလင်းကနေ မိုးချုပ်အထိ နေပူကြီးထဲမှာ ပင်ပင်ပန်းပန်း အလုပ်လုပ်ရရှာတာပါ။ နေ့တိုင်းလည်း အလုပ်လုပ်ခွင့် ရကြရှာတာမျိုး မဟုတ်ပါဘူး။ ကျန်းမာရေးကောင်းတုန်းသာ လုပ်ခွင့်ရကြတဲ့ အလုပ်မျိုးတွေပါ။ ဘ၀အာမခံချက်ဆိုတာကလည်း နတ္တိပါ။ ကျန်းမာရေးစောင့်ရှောက်မှုလည်း ရကြရှာတာ မဟုတ်ပါဘူး။ အစိုးရ ၀န်ထမ်းတစ်ယောက် ရတဲ့ ဘ၀အာမခံချက်မျိုး မရှိရှာကြတဲ့ ပန်းရံလုပ်သားတွေရဲ့ တစ်နေ့လုပ်ခနဲ့ ယှဉ်ထိုးပြီး လွှတ်တော်မှာ ၀န်ထမ်းတစ်ယောက်ရဲ့ အနိမ့်ဆုံးလစာ ဟာ ဘယ်လောက်ဖြစ်သင့်ပါတယ်လို့ တောင်းဆိုတာမျိုးက ဖြစ်သင့်ပါသလား။ ကျွန်တော်က ဥာဏ်ရည်နိမ့်ပါတယ်ဗျာ။
ဆိုလိုတာကဗျာ။ ၀န်ထမ်းတွေလစာတိုးသင့်တယ်ဆိုတာကို တင်ပြတဲ့ နေရာမှာ ပန်းရံလုပ်သားတွေရဲ့ တစ်နေ့လုပ်ခလေးနဲ့ မနှိုင်းယှဉ်စေချင်တာပါ။ ခဗျာလေးတွေမှာ တစ်နေ့ ဘယ်လောက် တစ်လ ဘယ်လောက်ဆိုတာ မျိုး သေချာနေကြတာ မဟုတ်ပါဘူး။ နေရတာကလည်း ဆောက်လက်စ တိုက်တွေထဲမှာ ဖြစ်သလို နေကြရတာပါ။ စားရတာကရောတဲ့။ ဂုဏ်သိက္ခာကရောတဲ့။ ထားလိုက်ပါဗျာ။ အဲဒါတွေစဉ်းစားရမှာ ခင်ဗျားတို့ လူကြီးတွေ ကိစ္စပါ။ ကျွန်တော်ကတော့ Give and Take ဆိုတဲ့ စကားလုံးလေးကိုပဲ သတိရနေမိပါတယ်။ အပေးအယူ တဲ့။ ဟုတ်ပါတယ် ကျောင်းဒကာ။ ပေးပြီးမှ ယူကြရတာပါ။ မပေးခင်ကတည်းက ယူချင်နေပြီဆိုရင်…..။


ကဲပါဗျာ…ဆောင်းဦးလှိုင် သီချင်းလေးနဲ့ ဒီသတင်းကြီးကို နှုတ်ဆက်ပါရစေတော့ဗျာ။
ယူရုံယူတတ်ကြတဲ့ လောကထဲမှာ
ဘာမှ ပြန်မရတော့ မင်းငိုရမယ်

ပြီးပြီဗျို့ ဘိုင်းဘိုင်။

ကဲ ကိုစိန်သော့ဆီမှာ ဓါတ်ပုံလေး နှစ်ပုံ စာမေးပွဲ ဖြေလိုက်ပါတယ်ဗျာ။

တဖြည်းဖြည်း ပြောင်းလဲလာတဲ့ မဟာကျိ်န်သစ္စာရှင်ဘုရားကြီး။

လက်စမ်းပြီး ရိုက်ထားတာပါ။

blackchaw

About blackchaw

black chaw has written 178 post in this blog.

ဥာဏ်သမားတွေနဲ့ပဲ တွေ့တွေ့နေတော့ ကောင်းနိုးနိုးကိုယ့်ရဲ့ ကံကြမ္မာလေး မျက်နှာငယ်....။

Related posts:

  1. ဒေါ်အောင်ဆန်းစုကြည် တွေ့ဆုံအားပေးတဲ့ အိပ်ခ်ျအိုင်ဗီ ဝေဒနာရှင်များကို အာဏာပိုင်များက ဧည့်စာရင်း ထုတ်မပေးတော့
  2. ခင်ဗျားကြီး
  3. တောင်ပြုန်းပွဲတော်တွင် အိပ်ခ်ျအိုင်ဗွီ/အေအိုင်ဒီအက်စ် ရောဂါ ပြန့်ပွားမှု လျော့ကျစေရေးအတွက် ကာကွယ်လုပ်ငန်းများ ဆောင်ရွက်
  4. အိပ်ချင်တယ် Z Z Z z z z z z z z
  5. ကြိုးတချောင်းတန်းပေါ်မှာ ဇိမ်ကျကျ အိပ်ချင်လား