၁၉၉၆ လူသိပ်မသိလိုက်တဲ့ အရေးအခင်းလေးအကြောင်းပြောပြချင်လို့ပါ။ အဲဒီတုန်းက ကျွန်မက အာစီတူးမှာ။ တတိယနှစ်တက်နေတာပေါ့ရှင်။ အရေးအခင်း အကြောင်း ဆိုတာထက် ကျွန်မကြုံတွေ့ခဲ့ရတဲ့အပိုင်းလေးပေါ့။ အဲဒီတုန်းကတော့ ဒုက္ခကြီးပေါ့ရှင်။ အခုတော့လဲ ဒီဒုက္ခကအသေးလေးဖြစ်သွားပါပြီ။ အရေးအခင်း မတိုင်ခင် တပတ်လောက်မှာ ကျွန်မတို့မေဂျာက မန္တလေး ပြင်ဦးလွင် ပုဂံဆိုပြီး ခရီးထွက်ကြတယ်။ ၄ ညအိမ် ၅ ရက်ပေါ့ရှင်။ ဒါပေမဲ့လမ်းမှာကားက ၀က်ဝက်ကွဲ ပျက်တော့ ၅ ညအိပ်( တောင်ငူကလယ်ကွင်းထဲမှာအိပ်ခဲ့ရတာ ) ၆ ရက်ဖြစ်သွားတာပေါ့။ အဲဒါနဲ့ ပြန်ရောက်ပြီးနောက်နေ့ကျောင်းသွားတာပေါ့။ ခရီးသွားလိုက်တာ ပိုက်ဆံကလဲ နဲနဲလေးပဲကျန်တော့တယ်။ ၁၅၀၀ ပဲကျန်တယ်ထင်တာပဲ။ အိမ်ကလဲနောက်မှပို့မယ်ပေ့ါ။ မှတ်မှတ်ရရ သောကြာနေ့ကြီးပေါ့။ ကျောင်းရောက်တော့ ထုံးစံအတိုင်းစာသင်ခန်းထဲမရောက်ပဲ ခရီးကို စမြုံပြန်နေတုန်းမှာ ကျောင်းသားတွေရုတ်စုရုတ်စုနဲ့။ အောက်က စားသောက်ဆိုင်မှာလဲ ထူးထူးဆန်းဆန်းကျောင်း သားတွေအပြည့်ပဲ။ ကျွန်မတို့ကလဲ ကျောင်းကနေ တပတ်လောက်ဝေးထားတော့ ကိုယ့်အာရုံနဲ့ကိုယ်ပေါ့။ ခဏနေတော့ တယောက်ကလာပြီလာပြီ အာစီတူးထဲချိုး လာပြီလို့လဲအော်ရော အစောကစားသောက်ဆိုင်မှာထိုင်နေ တဲ့ကျောင်းသားတွေက ပင်နီတိုက်ပုံတွေ ၀တ်ပြီးအော်တော့တာပဲ။ ကြွေးကြော်သံတွေတိုင်ပြီး။ ဘာလာတာ တုန်းဆိုတော့ YIT ကျောင်းသားတွေချီတက်လာတာ။ ဒီက ကျောင်းသားတွေနဲ့စုပြီး မိန်းကိုသွားမှာ မိန်းကလဲစောင့်နေပြီတဲ့။ အဲဒါနဲ့ကျွန်မကလဲ ကြောက်တတ်တော့ သူတို့နဲ့ပါဖို့စိတ်မကူးပဲ ပြန်ဖို့စိုင်းပြင်းတာပေါ့။ အဲဒီကျမှကျောင်းကသူတို့ အစီအစဉ်ကိုသိပြီးဝင်းတွေ ပိတ်တဲ့အချိန်မမှီတော့ဘူး။ အဲဒါနဲ့သက်ဆိုက်ရာက ကျောင်းကို ချက်ချင်းပိတ်လိုက်တယ်။ ဘတ်စ်ကားတွေလဲဝင်လို့မရတော့ဘူး။ ဒါနဲ့ကျွန်မတို့လဲ မိန်းထဲကို ( ကျွန်မက မိန်းထဲမှာနေတာ ) ခြေကျင်ပြန်ရတော့တာပေါ့။ ခြောက်မိုင်ခွဲ လဲရောက်ရော မောလို့ ဓမ္မာ ရုံလမ်းထိပ်မှာခဏထိုင်နေတုန်း ကျောင်းဖက်ကလာတဲ့ ပစ်ကပ်အပြာလေး က ဂေါ့ဖ်ဆိုင်ရှေ့လောက်မှာ ဂျွမ်းပြန်သွားရော။ ၀င်ရိုးကျိုးပြီး လမ်း ကိုသွားထောက်လိုက်တော့ အမြင့်ခုန်လိုက်သလိုပဲ လေထဲမှာ။ နိုင်ငံခြားကား ထဲမှာပဲမြင်ဖူးတဲ့မြင် ကွင်းကိုတွေ့လိုက်ရရော။ ကျွန်မလဲအုတ်ခုန်ပေါ်ကနေ လမ်းဘေး လန့်ပြီးဖုတ်ကနဲ့ကျသွားရော။ ကားထဲကလူတွေကလဲ ထွက်ကျလာလိုက်တာ ပလက်ဖောင်းပေါ်ရော တယောက်ဆိုကျွန်မရှေ့ထိလာကျတာ။ ကျွန်မတို့လဲကြောင်နေကြ တုန်းလုံခြုံရေးတွေရောက်လာပြီး လာတဲ့ကားတားပြီး ဒဏ်ရာရတဲ့သူတွေကိုဆေးရုံခေါ် သွားကြ တာပေါ့။ နဂိုကမှကြောက်နေပါတယ်ဆို။ ဒါနဲ့အုပ်စုတွေနဲ့လမ်း ဆက်လျှောက်လာတော့ ချီတက်လာတဲ့သူတွေက အင်းစိန်လမ်းကနေ လှည်းတန်းရောက်လာပြီ။ ကျွန်မလဲ အဆောင်မြန်မြန်ပြန်ပြီး ငြိမ်နေတာပေါ့။ ခဏနေတော့ မိန်းကြီးကို စစ်တပ်ကထိန်းလိုက်ပြီဆိုပြီး သတင်းရောက်လာတယ်။ ဒါနဲ့ကျွန်မလဲ ပုဂံလမ်းထိပ်ထွက် ကြည့်တော့ အောင်မယ်လေးစစ်သားတွေဆိုတာ နဲမှမနဲပဲ။ ဒါနဲစပ်စုကြည့်လိုက်တော့ လမ်းတွေပါပိတ်ထားတယ်တဲ့။ ဘယ်နားတုန်းလို့ဆိုတော့ ပြည်လမ်းပေါ်မှာ ဟံသာဝတီအ၀ိုင်းကနေ ပါရမီလမ်းထိပ်ထိတဲ့။ ဒီတက္ကသိုလ် ရိပ်သာလမ်းမှာတော့ ဆင်မလိုက်ကနေ ကမ္ဘာအေးဘုရားလမ်းထိတဲ့။ ဒါနဲ့ ဘာကားမှမလာတော့ဘူး လားဆို တော့ မလာတော့ဘူးတဲ့။ ပြန်ချင်တယ်ဘယ်လိုပြန် ရမှာလဲဆိုတော့ သူတို့ကမေးတယ်။ ဘယ်ပြန်မှာလဲတဲ့။ စော်ဘွားကြီးကုန်းကနေ ကားစီးရမှာဆိုတော့ ပါရမီထိလမ်းလျောက်တဲ့။ အဲဒီဟိုဘက်မှာ ကားတွေရှိတယ် တဲ့။ အောင်မယ်လေးသေချင်စော်နံသွားတယ်။ သူတို့သေနပ်ကြီးတွေကလဲကြောက်ရသေးတော့ သိပ်အထွန့်မတက် တော့ပဲပြန်လာခဲ့ရတယ်။ ခရီးကပြန်လာတော့ ဘာမှလဲမ၀ယ်ထားရသေးဘူး။ အဆောင်မှာ ကြည့်လိုက်တော့ ဆန်ပဲရှိတယ်။ အဲဒါနဲ့ အဲနေ့ ညနေတော့လက်ဆောင်ပေးဖို့ဝယ်လာတဲ့မုန့်စားလိုက် တယ်။ နောက်နေ့ ကလဲ စနေ ဖြစ်နေတော့ ဘာလုပ်စရာမှလဲမရှိဘူး။ ဆန်ပြုတ်ပြုတ်သောက်နေ လိုက်တယ်။ ၀င်းထဲမှာကလဲ ကျောင်းသားတွေကအများကြီးဆိုတော့ ၀င်းထဲမှာပါတ်ပြီး ဆန္ဒပြနေတာကိုလိုက်ကြည့်လိုက် စစ်သားတွေက ဆန္ဒပြနေတဲ့သူတွေလိုက်ဖမ်း ရင် သူတို့နဲ့ရောပြေးလိုက်လုပ်နေတာ။ နောက်ဝင်းကအသေပိတ် ထားတာမို့ ရာမညဆောင်ရှေ့ကိုညညကျသွားကြည့်ရင် ပြည်လမ်းပေါ်မှာကျောင်း သားတွေထိုင် ဆန္ဒပြနေတာတွေရတယ်။ အဲတုန်းကပြည်မြန်မာကုန်တိုက်ကြီးကတန်းလန်းကြီး။ ပုံကြမ်းပဲပြီးသေးတာ။ အဲဒီအပေါ်ကိုလူတွေက တက် ကြည့်ကြတယ်။ ကျွန်မတို့က ၀င်းထဲကနေ သံတိုင်လေးတွေကိုင်ကြည့်ကြတယ်။ အဲဒီမှာ ဆန္ဒပြနေသူတွေ ကလဲ ပြည်လမ်းမီးပွိုင့်နားမှာထိုင်နေကြတာ။ ခဏနေတော့မီးသတ်ကားရောက်လာ ပြီး ရေနဲ့ထိုးချတာ။ ကျောင်းသား ကျောင်းသူတွေဆိုတာအလူးအလဲပဲ။ ၀င်းထဲကကျောင်းသားတွေကလဲအော်ဆဲပြီးတွေ့ရာ ဂဲတွေနဲ့ပစ်ကြ။ ပြည်မြန်မာကုန်တိုက်ပေါ် တက်ကြည့်နေတဲ့သူတွေကလဲ အုပ်ခဲတွေနဲ့ပစ်ကြပေါ့။ ခဏနေတော့ ပြည်မြန်မာကုန် တိုက်ပေါ် စစ်သားတွေတက်သွားပြီး လူတွေကိုလိုက်ဖမ်းပါရော။ ကျွန်မတို့ဝင်း ထဲကလူတွေနောက်လဲ လိုက် တော့ပြေး ကြရော။ နောက်နေ့ တနင်္ဂနွေနေ့မှာ သူများအိမ်နောက်ကနေထွက်လို့ရတယ်လို့သတင်းကြားတာနဲ့တက္ကသိုလ် ရိပ်သာလမ်း ဘက် မျက်နှာလှည့်ထားတဲ့ အိမ်တခု ရဲ့နောက်ပေါက်ကိုသူတို့ကဖွင့်ပေးထားတော့ အဲဒီအပေါက်က၀င် သူတို့အိမ်ဘေးကဖြတ်ပြီး တက္ကသိုလ် ရိပ်သာလမ်း ပေါ်လဲ ထွက်လိုက်ရော စစ်သားတွေ စစ်ကားတွေ လက်နက်အပြည့်အစုံနဲ့ လမ်းသလားနေကြတာ။ တလမ်းလုံးမှာလဲ အရပ်ဝတ်နဲ့ဆိုလို့ကိုယ် တယောက်ပဲရှိတာ။ ကျွန်မလဲကြောက်ကြောက်နဲ့ လာလိုက်တာ မီးပွိုင့် ကိုရောက်ရော။ မီးပွိုင့်လဲရောက်တော့ ဟိုဘက်လှည်းတန်းဘက်လှမ်းကြည့်လိုက်တော့ လမ်းပိတ်ထားတယ်။ စစ်သားတွေက ဒုတ်တွေရော ဒိုင်းတွေ ရောမနဲပဲဟာ။ ကျွန်မလဲလမ်းကူးမလို့ကနေ စိတ်ကူးတခုရသွားတယ်။ အရင်ကဒီလမ်းကူးရင် အသက်ဖက်နဲ့ထုပ် ကူးရတာ။ အခုက ကျွန်မတယောက်ကလွဲလို့ ဘာမှမ ရှိတော့ ကြောက်တာကနောက် ဒီလိုအခွင့်အရေးမျိုးရခဲ မျှဆိုပြီး မီးပွိုင့်အလည်ခေါင်ကနေ စိတ်အေးလက်အေးနဲ့ လမ်းကူး ခဲ့ပါတယ်။ ( နောင်တချိန်မှာ ဂုဏ်ယူလို့ ရတာပေါ့  မီးပွိုင့်အလည်ကနေကူးခဲ့တာဆိုပြီး ) ဟိုဘက်ထိပ်ကစစ်သားတွေကတော့ ထူးထူးဆန်းဆန်းလမ်းကူးနေတဲ့ ကျွန်မကိုဝိုင်းကြည့်နေကြတယ်။ အဲဒါနဲ့ဒီဘက်ထိပ်ရောက်တော့ သူတို့ကဒီကလာလို့မရဘူး။ ဘယ်သွားမှာ လဲတဲ့။ လှည်းတန်းဈေးဆိုတော့ ဘာလုပ်မလို့လဲ တဲ့ စားစရာမရှိတော့လို့ဆိုတော့ ဂိုးရှိုးဘေးကနေပါတ်ဝင်ပါတဲ့။ အဲဒါနဲ့ ကျွန်မလဲ ဂိုးရှိုးဘေးသွားလိုက်တေ့ာ စစ်သားတွေခုံတလုံးချပြီးစာရွက်တွေနဲ့အလုပ်ရှုပ်နေတယ်။ ဒါနဲ့ ကျွန်မကလဲစိပ်စုစိန်ဆိုတော့ သွားစပ်စုတော့မှ ပြန်ချင်တဲ့ကျောင်းသားတွေပြန်ပို့ပေးနေတယ်တဲ့။ အဲဒါနဲ့ကျွန်မ လဲ စရင်းပေးခဲ့ပြီး အခုပဲအထုပ်သွားယူမယ်။ စော် ဘွားကြီးကုန်းပို့ပေးဆိုတော့ ပို့ပေးမယ်လာခဲ့တဲ့။ စပ်စုစိန် ကျွန်မက အိမ်မပြန်သေးပဲ လှည်းတန်းဈေးကိုဆက်သွားပြီး စပ်စုလိုက်သေးတယ်။ ပြန်တော့မှာမို့ ဘာမှတော့ မ၀ယ်တော့ဘူးဆိုပြီးဈေး ထဲပါတ်ကြည့်တော့ စစ်သားတွေက ၁၀ နာရီဈေးသိမ်းရမယ်ဆိုလိုက်အော်နေတယ်။ ဈေးထဲမှာလဲယောက်ယက်ခတ်နေတာပေါ့။ ဒါနဲ့ကျွန်မလဲ ၁၀ နာရီကျော်တော့ပြန်လာခဲ့တယ်။ အဆောင်ပြန် အထုပ်ထုပ်။ တနိုင်ပဲယူပြီးကျန်တာတော့ သော့ခတ်ထားခဲ့တယ်။ အထုပ်ကလေးဆွဲပြီးထွက်လာတုန်း မှာ ကျောင်းသားတွေက စစ်သားတွေကို ဂဲနဲ့သွားပေါက်လို့ စစ်သားတွေကလိုက်ဖမ်းတာနဲ့ ကြုံပါလေရော။ ကျွန်မပါရောပြေးပြီးအခန်းပြန်ရတာပေါ့။ အဲဒါနဲ့သူတို့ လဲခေါက်တုန့်ခေါက်ပြန်လျှောက်နေတာနဲ့ ကျွန်မလဲစကား မပြောချင်လို့ ဒီနေ့ပြန်ဖို့အစီအစဉ်ကိုလက်လျော့လိုက်ပြီး စားစရာလဲမရှိတာနဲ့ ရှိတဲ့ဆန်ပြုတ်သောက်ပြီး တညထပ်အိပ်လိုက်ရတယ်။ နောက်နေ့တနင်္လာနေ့ကျမှ မနက်အထုပ်ဆွဲပြီး အခြေအနေကြည့်ပြီး ဂိုးရှိုးရှေ့ ရောက်တော့ မှစစ်ကားပေါ်တက်လို့ အိမ်ပြန်ခရီးစခဲ့ရပါတယ်။

 

TNA

About TNA

has written 79 post in this blog.