မင်္ဂလာပါ ခင်ဗျား…။
ပြီးခဲ့တဲ့ နှစ်ရက်က တင်ခဲ့တဲ့ စာကို ဆုံးအောင် ဆက်ရေးပါမယ် ခင်ဗျား ။
“ ကိုယ်ဖြစ် ကိုယ်ခံ…. ” ဆိုတဲ့ စကားကို စာဖတ်သူများ သိပါတယ်။
ကိုယ်လုပ်တဲ့ ကိစ္စ ကိုယ့်မှာပဲ တာဝန်ရှိတာ …သိပ်မှန်တာပေါ့ဗျာ ။
နောက်ပြီး “ အပေါင်းကြောင့်ဂုဏ်တက် ၊ အပေါင်းကြောင့်ဂုဏ်ပျက် ” ဆိုတာကိုလဲ စာဖတ်သူများ သိပါတယ် ။
အပေါင်းအသင်းကြောင့် ကောင်းကျိုးချမ်းသာရာ ရနိုင်တာကို လူတွေက အမြဲသိနေကြပေမယ့် ၊ အပေါင်းအသင်းကြောင့်မို့ လဲ ပျက်စီးရာ ပျက်စီးကြောင်းတွေ ဖြစ်နိုင်တယ်ဆိုတာကို မေ့နေကြပါတယ် ။
နောက်ပြီး လောင်းကစားခြင်း နဲ့ ပတ်သက်ရင် ၊ လူအားလုံးနီးပါး လက်ခံထားတဲ့ ၊ လူအားလုံးနီးပါး သိထားတာကတော့ ဘဝပျက်မယ်ဆိုတာပါဘဲ ။ လောင်းကစားကြောင့်မို့ ချမ်းသာတယ် ၊ တိုးတက်တယ်ဆိုတာ ပုံပြင်ထဲမှာတို့ ဒဏ္ဍာရီထဲမှာတို့ လို ပဲ ကြားဖူးကြတာကိုး ။
ဒီလိုရှိပါတယ်ခင်ဗျား ။ ကျွန်တော့်ကိုယ်တွေ့ အရတော့ ဘောလုံး လောင်းကစားနဲ့ ကြီးပွားနေတဲ့သူတွေ အများကြီးရှိပါတယ် ။ ဒိုင်ခံမှ ၊ ဒိုင်လုပ်မှ ရယ်လို့ မဟုတ်ပါဘူး ။ အဲဒီလို ကြီးပွားနေတဲ့လူတွေဟာ မြို့ ကြီးတွေရဲ့ ရပ်ကွက်တွေတိုင်းမှာ လူအနဲစုအနေနဲ့ အမြဲတမ်းရှိနေပါတယ် ။ သူရို့ တွေဟာ ပိုက်ဆံတတ်နိုင်ကြပါတယ် ။ ဒါပေမယ့် ပိုက်ဆံတတ်နိုင်ကြောင်း ရှိကြောင်း လုံးဝ မဖော်ပြပဲ ၊ အေးအေးလူလူပဲ မရှိသလို ပုံစံမျိုးနဲ့ နေကြလို့ ၊ သတိမထားမိကြတာပါ ။
အခု ဒီစာကို ရေးတဲ့ ကျွန်တော်ဟာ ဘယ်အပေါင်းအသင်း ၊ ဘယ်သူ ဘယ်ဝါ ကို မှ အပြစ်တင်လိုတဲ့ စိတ်နဲ့ ရေးလိုက်တာ မဟုတ်ကြောင်း ပြောပါရစေ။ လွန်စွာနေရခက် လက်ခံရခက်တဲ့ ကံဆိုးမှု ၊ အဖြစ်ဆိုးများကြားမှာ နေရတာအရမ်းဆိုးလွန်းလို့ ရင်ဖွင့်ပြလိုက်တဲ့ သဘောဖြစ်ကြောင်း ပြောပါရစေခင်ဗျား။
*******
၎သောင်း၈ထောင်နဲ့ ၎သိန်း၈သောင်း မှားတယ်ဆိုတဲ့ ညမှာ ၊ ကျွန်တော် မောင်ပေ ဟာ သူငယ်ချင်း ၅ယောက် နဲ့ အတူ ဘောလုံးပွဲပြတဲ့ ဘီယာဆိုင်ကြီးတစ်ဆိုင်မှာ ၊ အရက်သောက်ရင်း ဘောလုံးပွဲကြည့်နေ့ ခဲ့ပါတယ် ။ ကျွန်တော်နဲ့ အတူထိုင်ခဲ့တဲ့ ၅ယောက်ထဲမှာ ၃ ယောက်ပဲ ၊ ကျွန်တော်နဲ့ အတူ အရက်သောက်ခဲ့ပြီး ၊ ကျန်၂ယောက်ကတော့ တစ်စက်မှ မသောက်ခဲ့ပါဘူး ။ နောက်ရက်မှာ ပြဿနာဖြစ်တော့ ၊ ရေနစ်သူတစ်ယောက်လို အကူအညီအသည်းအသန် ရှာကြည့်တော့ ၊ အတူထိုင်ဖြစ်ခဲ့တဲ့ အရက်မသောက်တဲ့ ၂ယောက် ကို ပြန်သွားမေးခဲ့ပါတယ် ။ ကျွန်တော် ဖုန်းဆက်ခဲ့တာ သူရို့ ရှေ့ မှာဆိုတော့ ၊ သူရို့ လဲ ကြားခဲ့တာ အတိအကျပဲမို့ ၊ မေးလိုက်တဲ့အခါ ၊ ၄သောင်း၈ထောင်ပါဘဲ ။ ၄သိန်း၈သောင်း မဟုတ်ပါဘူး ။ သို့ သော်လည်း ကျွန်တော်က လျော်မယ်ဆိုတဲ့ စကားလွန်ခဲ့ပါပြီ ။ ဒိုင်ကလဲ မင်း အရက်မူးနေတဲ့ အသံကြီးနဲ့ တင်သွားတာလို့ ၊ ဖောရှောရိုက်တာလဲပါတာကိုး ။
အမှန်ဆိုရင် ကျွန်တော် အရက်ကို မုန်းသင့်ပေမယ့် မမုန်းရက်နိုင်ပါဘူး…
အဲဒီတုန်းက ဖြတ်လဲ မဖြတ်နိုင်သေးတာနဲ့ ၊ ကျွန်တော့်ကို ကျွန်တော် စည်းကမ်းသတ်မှတ်ချက် ထုတ်လိုက်ပါတယ် ။ ဘာလဲဆိုရင်..
“ ဘောလုံးပွဲ ရှိတဲ့ညတွေမှာ ဆိုရင် ၊ ကျွန်တော် အရက်မသောက်ဘူး ၊ သောက်ချင်တောင် လုံးဝ မသောက်ရဘူး ၊ ဘီယာလောက်တော့ သောက်မယ် ၊ ဒါပေမယ့် သောက်မယ့်အချိန်ဟာ ၊ ည ၁၀ နာရီကျော်မှ ဖြစ်ရမယ် ” ဆိုပြီး ကိုယ့်ကိုကိုယ် အပြင်းအထန် ပြန်သတိပေး ၊ စည်းကမ်းထုတ်လိုက်ပါတယ် ။
ဘာလို့ ၁၀နာရီကျော်ရင်တော့ ဘီယာလောက်တော့ သောက်ချင်သောက် လို့ စည်းကမ်းချဖြစ်လဲ ဆိုတော့ ၊ ကျွန်တော် ကော်မရှင်စားဘဝမှာတုန်းက… ည၁၀နာရီကျော်တာနဲ့ ကျွန်တော် အလုပ်မလုပ်တော့လို ပါဘဲ ။ ည၁၀နာရီထိုးတာနဲ့ ၊ ဘယ်သူလာပြီးလောင်းခိုင်းတာပဲဖြစ်ဖြစ် လုံးဝ လက်မခံတော့ပဲ ၊ စာရင်းပိတ်လိုက်ပါတယ် ။ အဲဒီနောက် ဘောလုံးပွဲပြတဲ့ ဘီယာဆိုင်တစ်ဆိုင်ဆိုင် မှာ ထိုင်ပြီး တိုက်ရိုက်ပြနေတဲ့ ဘောလုံးပွဲတစ်ပွဲကို ထိုင်ကြည့်ပါတယ် ။
အဲဒီလိုနဲ့ ၎သိန်း၈သောင်း ကျပ် ပြဿနာကို ရှင်းပေးပြီးခဲ့တဲ့နောက်မှာတော့ ၊ အဲဒီဒိုင်နဲ့ လမ်းခွဲခဲ့ပါတယ် ။ နောက်ပိုင်းမှာ အေးအေးလူလူ ပုံမှန်လေး ကော်မရှင်စားလုပ်ရင်းနဲ့ အဆင်ပြေနေခဲ့ပါတယ် ။ လုပ်ရင်းနဲ့ ၊ ဒိုင်တွေဖွင့်တဲ့ကြေးတွေ ကို အသေးစိတ်လေ့လာမိကာ ၊ ဘယ်ပွဲမှာ ဘယ်ဈေးဖွင့်ရင် အပေါ်အောင်မယ် ၊ အောက်အောင်မယ် ဆိုတာကို ၅၀ရာခိုင်နှုန်းလောက် မှန်တဲ့အထိ ၊ ကျွန်တော် ခန့် မှန်းတတ်လာပါတယ် ။ လူတစ်ယောက်ရဲ့ ဘဝဟာ အမြဲတမ်း အကောင်းတိုင်း မသွားနိုင်ဘူးလို့ ကျွန်တော်ကတော့ ယူဆမိပါတယ် ။ အကြောင်းကတော့ နောက်ထပ်တွေ့ တဲ့ ဒိုင်နဲ့  နောက်ထပ်ပြဿနာတစ်ခု ထပ်ကြုံရတာပါဘဲ ။ ဒီတစ်ခါလဲ ကျွန်တော်ပဲ ခံလိုက်ရပါတယ် ။
၂၀၁၀-၂၀၁၁ ဘောလုံးရာသီ သိမ်းခါနီးမှာပါ ။ ဘောလုံးရက်တွေဖြစ်တဲ့ စနေ တနင်္ဂနွေမှာ ၊ စနေ နေ့ မှာ ဘောလုံးပွဲတွေ လောင်းထားတာ ၊ အနိုင်ရရှိထားပါတယ် ။ ၁၀သိန်း ထားပါတော့ ။ တနင်္ဂနွေနေ့ ကြတော့…
ဖုန်းမက်ဆေ့နဲ့ လှမ်းလောင်းတဲ့ ဖြစ်ရပ်မှာ ၊ မက်ဆေ့၃စောင်ပို့ လိုက်ပါတယ်။ ရှုံးမယ့်မက်ဆေ့ တစ်စောင်နဲ့ နိုင်မယ့် မက်ဆေ့ နှစ်စောင်ပါ ။ ဘယ်လိုဖြစ်လဲဆိုတော့ ၊ ဒိုင်ကပြောလာတယ် ၊ နိုင်မယ့် မက်ဆေ့နှစ်စောင်ကျတော့ မရောက်ဘူး ၊ ရှုံးမယ့်မက်ဆေ့ကျတော့ ရောက်တယ်တဲ့ ။
အဲဒီအချိန်တုန်းက ၊ ဖုန်းမက်ဆေ့သာ သုံးနေတာ ၊ “ delivery reports ” ဆိုတာကို သုံးရမှန်း မသိခဲ့သေးလို့ ၊ လုံးဝမသုံးခဲ့တဲ့အချိန်ပါ ။ ဒိုင်က သူ့ မက်ဆေ့ အဝင်ကို ပြတော့ ရှုံးတဲ့ မက်ဆေ့ တစ်စောင်ကိုပဲ တွေ့ ရပါတယ် ။ နိုင်တဲ့ မက်ဆေ့ နှစ်စောင်ကိုကြ ဖျက်ထားရင်လဲ ရတာပေါ့ ။ ကျွန်တော်နဲ့ ဒိုင်နဲ့ စကားအများကြီး ပြောကြရပါတယ် ။ ကျွန်တော့်ဖုန်းထဲက sent messages ထဲမှာ သုံးစောင်လုံး ရှိပါတယ် ။ ဆိုတော့ဗျာ… အလျော်အစားလုပ်ဖို့ ပြောတဲ့အခါကြတော့ စနေနေ့ က နိုင်ထားတဲ့ ၁၀သိန်းထဲကနေ ၊ တနင်္ဂနွေနေ့ အတွက်က ရှုံးတဲ့မက်ဆေ့ပဲ ရထားလို့ ဆိုပြီး ၊ နိုင်ထားတဲ့ စာရင်းထဲကနေ နုတ်ပြီး မဖြစ်စလောက် ကို လျော်ပေးသွားပါတယ် ။
ကျွန်တော် ပြဿနာ အကြီးအကျယ် တက်တာပေါ့ ။ တစ်ဘက်မှာ ကျွန်တော် လောင်းပေးရတဲ့ လူတွေရဲ့ နိုင်ကြေးက သိန်း၂၀ ဆိုပါတော့ ၊ ဘယ်ကပိုက်ဆံနဲ့ ကျွန်တော်က လျော်နိုင်မှာလဲ ။ ဒိုင်နဲ့ ပြောဖြစ်တာ ၊ ဒီပြဿနာ ကို ဘယ်လိုရှင်းမလဲ ဆိုတော့ ၊ နောက်ဆုံးမှာ ဆက်သွယ်ရေးကနေ ၊ ကျွန်တော့်ဖုန်းနဲ့ သူ့ ဖုန်းဆီကို ပို့ တဲ့ မက်ဆေ့မှတ်တမ်း ကို ထုတ်ခဲ့ပါတဲ့ ။ တစ်ကယ်လို့ အဲဒီမှတ်တမ်းမှာ ၊ သူနဲ့ ကျွန်တော့်ကြားမှာ ပျောက်နေတဲ့ ၊ ကျွန်တော် နိုင်မယ့် မက်ဆေ့ ပါလာရင် သူ လျော်ပေးမယ်တဲ့ဗျာ ။
ဘောလုံးပွဲလောင်းနေပါတယ်ဆိုမှ ၊ ဘယ်ကမျက်နှာနဲ့ ၊ အစိုးရရုံးကိုသွားပြီး အဲဒီမှတ်တမ်းတွေ ကို ထုတ်ရဲမှာလဲဗျာ ။ ကျွန်တော်မထုတ်ရဲဘူး ၊ သူ ထုတ်ပါဆိုတော့ ၊ ကြိုးစားကြည့်မယ်တဲ့ ။
အဲဒီအဖြစ်ပြီးမှာတော့ ၊ ကျွန်တော့် မိတ်ဆွေများကို လျော်ပေးနိုင်ဖို့ အတွက် ၊ ကျွန်တော့်မှာ ပိုက်ဆံရှာရပါတော့တယ် ။ ကျွန်တော်ကဘဲ.. စိုက်လျော်လိုက်ရပါတော့တယ် ။ ပိုက်ဆံချေးတဲ့အခါမှာ လျော်ပေးရမယ့် ပိုက်ဆံ ပမာဏအပြင် ၁၀သိန်းပိုချေးလာခဲ့ပါတယ် ။ အားလုံး သိန်း၄၀လောက်ရှိမှာပေါ့ ။
အဲဒီပြဿနာပြီးတဲ့နေ့ ကစပြီး ၊ “ကော်မရှင်စား” ဘဝ ကို ကျွန်တော် လုံးဝ စိတ်နာသွားခဲ့ပါတယ် ။
ကျွန်တော့်ဘဝဟာ ကော်မရှင်စား ဘဝကနေ “ ဖိုက်တာ ” ဘဝ ကို ပြောင်းသွားခဲ့ပါတယ် ။ ဖိုက်တာ ဆိုတာ လောင်းတဲ့သူ ကို သုံးတဲ့နာမည်ပါ ။
၂၀၁၁-၂၀၁၂ ဘောလုံးရာသီအစကနေပေါ့…
ကျွန်တော်ဟာ အချိန်အားတိုင်း အမြဲတမ်း အင်တာနက်ဆိုင်တစ်ဆိုင်မှာ သိသမျှ ဘောလုံးဝက်ဆိုက်တွေ အားလုံးကို လိုက်မွှေကြည့်ခဲ့ပါတယ် ။ ခန့် မှန်းချက်ပေးတာတွေ ၊ လူစာရင်းတွေ ၊ ပွဲမတိုင်ခင် ၂၄နာရီအလိုမှာ ပေါက်တဲ့ဈေးတွေ ၊ ပွဲချိန်နားနီးမှ ပြောင်းသွားတဲ့ဈေးတွေ ၊ အကုန်လုံးကို သေချာမှတ်တမ်းလိုက်မှတ်ပါတယ် ။ ဘောလုံးပွဲတစ်ပွဲဟာ ပွဲချိန်နားနီးမှ ဈေးပြောင်းလဲမှု ထပ်ရှိခဲ့တယ်ဆိုရင် ၊ အဲဒီပွဲဟာ အထက်စားမလား အောက်စားမလား ဆိုတာ ခန့် မှန်းဖို့ ၅၀ ရာနှုန်းကျော် လွယ်ပါတယ် ။ ကျွန်တော် ဟာ ဘောလုံးပွဲ ၅ ပွဲလောင်းရင် ၄ပွဲလောက် မှန်တဲ့ အထိ ကို အခြေအနေတွေ ကို လိုက်ကြည့်ပြီး ခန့် မှန်းနိုင်ခဲ့တဲ့ အခြေအနေကို ရောက်ခဲ့ပါတယ် ။ အဲဒီလို ခန့် မှန်းနိုင်တယ် ဆိုတာကလဲ ၊ ရမ်းပြီး ရွေးခြယ်မှု မဟုတ်ပါဘူး ။ ဝက်ဆိုက်ပေါင်း ၁၅ခုလောက်ကို အမြဲတမ်း ကြည့်ပြီး ၊ ဈေးကွာတာလေးတွေ ကို လိုက်ထောက်ပြီးတော့မှ တွက်ချက်ပြီးမှ သိရတာပါ ။ အမြဲတမ်း မလွဲတမ်း ပြောနိုင်တဲ့ စကားကတော့ ဘောလုံးပွဲတွေဟာ အားလုံးနီးပါး စာရင်းချုပ်ကြည့်လိုက်ရင် အောက်ကြေးစားတာ များပါတယ် ။ တစ်ရာသီစာ ပွဲစေ့ အောက်ကြေးပွဲတိုင်းလိုက်လောင်းရင် ၊ ရာသီပြီးလို့ စာရင်းချုပ်လိုက်ရင် လုံးဝသေချာပေါက် မြတ်ပါတယ် ။ ဒါတွေကို သိရဲ့ နဲ့ ၊ လူအများစုဟာ ဘာလို့ အထက်ကြေးပဲ လောင်းကြလဲ ၊ ကျွန်တော်ကော အထက်ကြေးဘာလို့ လောင်းလဲ ။
အထက်ကြေးပေါက်တဲ့အသင်းဟာ ပရိသတ်များ သိနေပြီး ၊ အကြိုက်များတဲ့ အသင်းကြီးတွေ ဖြစ်လို့ ပါဘဲ ။ လွန်ဆန်ဖို့ ခက်ပါတယ် ။ ဆန့် ကျင်ဖို့ သတ္တိနဲစေပါတယ် ။ လောင်းတဲ့သူများဟာ အဲဒီလို အထက်ဈေးပေါက်တဲ့ အသင်းကြီးမျိုးကို လွန်ဆန် ဖို့ မလွယ်လို့ ပါ။ ဥပမာအနေနဲ့ တစ်ခု ပြောရရင် ပြီးခဲ့တဲ့ ပရီးမီးယားလိဂ်ရာသီပြီးခါနီးမှာ ၊ ဘလက်ဘန်းအသင်းနဲ့ မန်ချက်စတာယူနိုက်တက် အသင်း တွေ့ ခဲ့ပါတယ် ။ အဲဒီအချိန်မှာ ဘလက်ဘန်းအသင်းဟာ တန်းဆင်းဇုန်မှာ ရှိနေခဲ့ပြီး ၊ မန်ချက်စတာယူနိုက်တက် အသင်းကတော့ မန်စီးတီး နဲ့ အဆင့်၁နေရာကို လုနေကြတဲ့အချိန် ။ မန်ချက်စတာယူနိုက်တက် နိုင်ပွဲလိုအပ်နေပါတယ် ။ အနိုင်ကန်နိုင်စွမ်းလဲ ရှိတယ်လို့ မန်ချက် ကို အားပေးသူများယူဆခဲ့ပါတယ် ။ တစ်ကယ်တမ်းကန်သွားတဲ့အခါကြ ခြေစွမ်းညံ့လှပါတယ်ဆိုတဲ့ ဘလက်ဘန်းအသင်းက မန်ချက် ကို အနိုင်ကန်သွားပါတယ် ။
ကျွန်တော် ဖိုက်တာဘဝ အစလောက်မှာ ၊ ကျွန်တော်နဲ့ ပေါင်းနေတဲ့ မိတ်ဆွေတွေထဲက ကျောက်စိမ်းလုပ်တဲ့တစ်ယောက်က ကျောက်ထအောင်ပါတယ် ။ ကျပ်သိန်းပေါင်း ၁သိန်း ပါ ။ အဲဒီမှာ ကျွန်တော် ကျောက်စိမ်းလိုင်းကို လုံးဝ စိတ်ဝင်စားသွားပြီး ၂၀၁၁ ၈လပိုင်းလောက်မှာ ကျောက်စိမ်းပညာကို ကျွန်တော် သင်ခဲ့ပါတယ် ။ ၂၀၁၁-၂၀၁၂ ဘောလုံး ရာသီလဲ စရော ၊ ဖိုက်တာမောင်ပေ တစ်ယောက် အောင်ပွဲတွေ ဆက်တိုက်ရခဲ့ပါပြီ ။ အကြွေးတင်နေခဲ့တဲ့ သိန်း၄၀လဲ ကျေအောင် ဆပ်နိုင်ခဲ့ပါတယ် ။ ကျောက်စိမ်းပညာ သင်ပြီးတာနဲ့ ကျောက်စိမ်းလောကထဲကိုလဲ တစ်ခါထဲတန်းဝင်ခဲ့ပါတယ် ။ ဘောလုံးပွဲခန့် မှန်းတာ နိုင်ထားတာလေးတွေကို ကျောက်စိမ်းထဲမှာ ရင်း ၊ အပတ်တိုင်း ဘောလုံးပွဲလေးတွေ ပုံမှန်ခန့် မှန်းရင်းနဲ့ ဘဝဟာ တော်တော်ကြီး ပျော်ရွှင်သာယာခဲ့ရတာပါ ။ ကျောက်စိမ်းကလဲ ၃ကြိမ်မှာ ၁ကြိမ်လောက်ဘဲ အမြတ် မရတာဆိုတော့ လုပ်ပျော်ခဲ့ပါတယ် ။ တစ်နန်းဖြတ်တွေ ကို လိုက်ဝယ်ပြီး ကြိုက်ဈေးရတဲ့အချိန် ပြန်ရောင်းခဲ့တာပါ ။
ဒီလိုနဲ့ သာယာနေတဲ့ဘဝမှာ ၊ အလှူအတန်းလဲ မပြတ်ခဲ့ပါဘူး ။ ကျွန်တော် လုပ်သမျှဟာ ကံအကျိုးပေး ကံတိုက်လုပ်ရတဲ့အမျိုးတွေ ဆိုတော့ ၊ သီလ မစောင့်နိုင်ခဲ့ပေမယ့် ၊ ရသမျှ ဝင်ငွေထဲကတော့ လစဉ်အလှူမပြတ်ခဲ့ပါဘူး ။ ၂၀၁၁ တန်ဆောင်မုန်း မှာ ကျွန်တော့်ဘဝရဲ့ ကိုယ်ပိုင်ကထိန်အလှူကို ၇သိန်းကျပ်ကျော် အထိ လှူဖြစ်ခဲ့ပါတယ် ။ လတိုင်းမှာလဲ အနဲဆုံး ၅သောင်းကျပ်နဲ့ အထက် လှူခဲ့တာပါဘဲ ။ ကျွန်တော့်အမေကိုလဲ တစ်လ ကို အနဲဆုံး ၁သိန်း အောက်ထစ် တော့ ပြန်ပြီး ပေးနိုင်ခဲ့ပါတယ် ။
““ လူဆိုတာ ကံအမြဲတမ်းမကောင်းနိုင်ဘူးဆိုတာ ၊ ကံဆိုးပြီ ဆိုရင် ဆက်တိုက် ””” ဆိုပြီး ပြောလေ့ပြောထ ရှိနေခဲ့တဲ့ စကားဟာ အရမ်းမှန်ပါတယ် ။
ဘယ်ကနေစပြီးကံဆိုးလဲဆိုရင်..
အထက်မှာ ကျွန်တော် ရေးခဲ့သလိုပါဘဲ ။ ည၁၀နာရီကျော်မှ သောက်တယ်ဆိုတဲ့ အကျင့်ကို ကျွန်တော် မွေးယူခဲ့တာကြာတော့ ၊ ညနေစောင်းတာတို့ ၊ အစောပိုင်းတို့ ဆိုရင် ကျွန်တော် ဘယ်တော့မှ အရက်ဘီယာ မသောက်ဖြစ်ခဲ့ပါဘူး ။ ဘောလုံးပွဲရှိတဲ့နေ့ မျိုးဆိုရင် ပိုပြီး သတိထားပါတယ် ။ ဘာလို့ လဲ ဆိုတော့ ၊ သောက်စားပြီးရင် မူးတဲ့အချိန်မျိုးမှာဆိုရင် အမှားတွေဘဲ လုပ်တတ်တာကိုး ။ တစ်ရက်ကြတော့ ၊ လူအနည်းစုနဲ့ လုပ်တဲ့ ဒင်နာတစ်ခု ကျွန်တော် မတက်ချင်ဘဲ တက်ခဲ့ရပါတယ် ။ အတန်တန်ငြင်းပယ်ခဲ့ပေမယ့်လဲ ၊ ဖြစ်ချင်တော့ ဘောလုံးပွဲရှိတဲ့နေ့ ကလဲ ဖြစ် ၊ မသွားဖြစ်ဘူးဆိုရင်လဲ ကျွန်တော့်ကို ဘောလုံးဒိုင်လို့ အထင်လွဲပြီး ကျွန်တော် နာမည်ပျက်တော့မယ် ( အဲဒါကတော့ ကျွန်တော့် အထင်ပါ ) ၊ နောက်ဆုံး ခေါင်းကိုက်စွာနဲ့ ဘဲ ၊ ဒင်နာကို တက်ခဲ့လိုက်ပါတယ် ။ ဒင်နာရောက်တော့ ထုံးစံအတိုင်း အသောက်ကပါတော့တာပါဘဲ ။ ပိုပြီး ဆိုးချင်တော့ သောက်ရမယ့်လူကလဲ ကျွန်တော်နဲ့ နောက်တစ်ယောက်နဲ့ ဘဲ ရှိတာပါ ။
အဲဒီအချိန်မှာ မောင်ပေ့ကို မင်းဟာမင်း မသောက်လဲ ရနေတာဘဲ ၊ မင်းသောက်လို့ ဖြစ်တာလို့ ပြောလဲ ခံရမှာပါဘဲ ၊ ဒင်နာရောက်ပြီဆိုမှတော့ စားသောက်ဖြစ်ခဲ့ရပါတယ် ။ ဒါပေသည့် ဗျာ… ကံဆိုးပါတယ် ။ ဒင်နာကို သွားတဲ့အခါကြတော့ ၊ ကျွန်တော် ဘောလုံးပွဲတွေကို အသေးစိတ် မသိနိုင်တော့ပါဘူး ။ အဲဒီညမှာဘဲ စား ၊ သောက်ပြီးတော့ အခြေအနေကို အသေးစိတ် မသိ ၊ မူးနေတော့ ဘာကောင်းမှန်းလဲ မရှာနိုင်ဘဲ လောင်းတယ် ၊ ရှုံးတယ် ၊ လောင်းတယ် ရှုံးတယ် နဲ့ ၊ အဲဒီည က ၄၅သိန်း ပလုံသွားပါတယ် ။ တနင်္ဂနွေညကြတော့ စနေညက အရှုံးကို ပြန်လိုက်ဆယ်တော့ ၊ စိတ်ဖိစီးမှု ဗျာများမှုတွေနဲ့ ၊ အချက်အလက်တွေ ကို လဲ အာရုံမစိုက်နိုင်တော့ပါဘူး ။ သိန်း၉၀ပါ ။
အဲဒီပမာဏဟာ ကျွန်တော် တဖြည်းဖြည်းချင်း စုထားခဲ့တဲ့ ပိုက်ဆံအကုန်လုံးပါဘဲ ။
အဲဒီနောက်… လူက ဓါတ်ပျက်သွားပါပြီ ။ လိုက်လေမြုပ်လေ ၊ အရှုံးတွေကြားမှာ အမှန်ကို အရင်ရွေးနိုင်ခဲ့လဲ ၊ စိတ်က ဆောက်တည်ရာမရနဲ့ ကယောင်တွေဖြစ်ပြီး ရွေးပြီးသားအမှန်ကို ပယ် ၊ အမှားကိုရွေးရင်းနဲ့ …. ဘဝပျက်သွားပါတယ် ။
၂၀၁၁-၂၀၁၂ ဘောလုံးရာသီလဲ ပြီးရော စာရင်းချုပ် ၄၀၀ လောက် ပလုံသွားပါတယ် ။ အကြွေးကို ၆၀ လောက်ကျန်သေးပါတယ် ။ အခုလာမယ့် ၁၈ရက်နေ့ မှ လက်ကျန်အကြွေးတွေ အားလုံးကို ဆပ်နိုင်မှာပါ ။ ကျွန်တော်ဘဝ ၁ကနေပြန်စရပါတော့မယ် ။
အဲဒီဖြစ်ရပ်တွေကြောင့်မို့ ၊ အခုစာရေးနေတဲ့အချိန်ထိ ၊ ကျွန်တော် တစ်ရက်မှ အိပ်ကောင်းခြင်း မအိပ်ရပါဘူး ။ စိုးရိမ်ပူပန်မှုတွေနဲ့ အမြဲတွေဝေနေခဲ့ရပါတယ် ။ ကျောက်စိမ်းလဲ လုပ်စရာ အရင်းမရှိတော့လို့ မလုပ်ဖြစ်ပါဘူး ။ အခုအကြွေးတွေဆပ်ပြီးချိန်မှသာ ဘဝကို ပြန်စရပါတော့မယ် ။
*******
အထက်က စာတွေကတော့ ၊ မောင်ပေ တစ်ယောက် သူချစ်ခင်ရာဂေဇက်မှာ သူ့ ဘဝကို ရင်ဖွင့်တယ်လို့ သဘောထားပေးကြပါ စာဖတ်သူတို့ ရယ် ။ ဖတ်လို့ ကောင်းမှာလဲ ဟုတ်ပါဘူး ။ နောက်ပြီး တစ်ကယ်ကို အရေမရ အဖတ်မရ ဖြစ်မှာပါ ။ အဲဒါအတွက် ကျေနပ်မှု မရှိခဲ့ပါဘူးဆိုရင်လဲ စာဖတ်အပြီးမှာ မောင်ပေ ဆိုတဲ့ကျွန်တော့် ကို သာ ဆဲကြပါ ။ လက်ခံပါတယ်။
အဖြစ်တစ်ခုကို ပြောရင်း စာကို ဆုံးသတ်လိုက်ပါမယ် ။
လူတစ်ယောက်ဟာ ဖြောင့်ဖြူးပြီး ရှင်းလင်းနေတဲ့ လမ်းမကြီးတစ်ခုမှာ စက်ဘီးစီးနေပါတယ် ။ သူ့ ဘာသာ သူ ပုံမှန်လေး နင်းနေတဲ့အချိန်မှာ ဘာပြဿနာ မှ မရှိဘဲ ဆက်ပြီး စီးနင်းသွားနေပါလိမ့်မယ် ။ ခရီးအဆုံးထိပေါ့ ။ အဲဒါကို အကြောင်းတစ်စုံတစ်ရာတစ်ခုက နင်းနေတဲ့ စက်ဘီးကို တစ်ခုခု ဝင်လုပ်လိုက်မယ်ဆိုရင်တော့ ၊ စက်ဘီးနင်းနေတဲ့ လူဟာ ခရီးတန့် ခရီးရပ်သွားတတ်ပါတယ် ….. အဲဒါကတော့ မောင်ပေ့ သီအိုရီပါဘဲ ။
…………………
……. အားလုံးကို ကျေးဇူးတင်ပါသည် …….

မောင် ပေ

About မောင် ပေ

မောင် ပေ has written 383 post in this blog.

အိုင် ဒုန့် လိုက်ခ် ကော် ပီ