ဦးစွာပြောလိုတာက မိစ္ဆာဒိဋ္ဌိ ၆၂-ပါးကို တင်ပြမှာပါ။
ကျွန်တော့်စာကို ကျွန်တော်ပင်ပြန်ဖတ်ရင်း မျက်စိလည်ရပါတယ်။ ဒါကြောင့် စိတ်ရှည်ရှည်ထားပြီး ဖတ်ပေးပါ။ နောက်ဆုံးမှာတော့ အတိုးချုံးပြီး တင်ပြထားတာလဲ ပါပါတယ်။ ဗုဒ္ဓဘာသာစစ်စစ်ရဲ့ အယူအဆဟာ ဒီမိစ္ဆာဒိဋ္ဌိ ၆၂=ပါးက လွတ်မှ ဖြစ်မှာပါခင်ဗျာ။
မိစ္ဆာ=ဆိုတာက မှားတဲ့ပေါ့။ မမှန်ဘူးပေါ့။
ဒိဋ္ဌိ=ဆိုတာ အမြင်..အယူအဆ။
မိစ္ဆာဒိဋ္ဌိ= မှားတဲ့ အမြင်အယူအဆ။ မမှန်တဲ့ အယူအဆမှားကြီးပေါ့။

မိစ္ဆာဒိဋ္ဌိ..ကို ၆၂=ပါး ပြခဲ့ပါတယ်။၆၂ပါးကိုသီးသန့်ကြီး ပြတာလို့ တော့ မယူဆပါဘူး။ အဲဒီခေတ်က အခြားသော ဘုရားဆိုသူတွေရဲ့ အယူအဆအမှားတွေက ၆၂-မျိုးရှိနေလို့ ၆၂-ပါးဖြစ်တာလို့ယူဆပါတယ်။

အဲဒီ မိစ္ဆာဒိဋ္ဌိ ၆၂=ပါးက..
မမွေးခင် ဟိုအတိက်ဘ၀က အယူတွေကို ကြံဆပြီး ယူတဲ့ အယူအဆမှား အကြံအဆမှား ၁၈-ခု။
သေပြီးနောင်မှာ ဖြစ်လာမယ့် အယူတွေကို ကြံဆပြီး ယူတဲ့ အကြံမှား အယူမှားက ၃၉=ခု။
နောက်… လက်တွေ့ဘ၀ထဲမှာ ကြံဆပြီးယူတဲ့ အယူအဆမှားက ၅=ခု။
ပေါင်းတော့ ၆၂-ခု။
မမွေးခင် အတိက်ဘ၀က အနေ အထားကို ကြံဆတဲ့ အယူမှားအကြံမှား မိစ္ဆာဒိဋ္ဌိ ၁၈-ပါးကိုပြမယ်။

ငါတို့ အခုလဲဖြစ်နေတယ်။ ရှေးကလဲ ဖြစ်ခဲ့တယ်။ ဒါကြောင့် ဒီလောကရော ငါတို့ပါ မြဲနေတယ်။ ငါတို့ရဲ့ အသက်ဆိုတဲ့ “အတ္တ”လေးနဲ့ လောကြီးဟာ မြဲတယ်။ အဲဒီလိုမြဲလို့ သတ္တ၀ါတွေ တစ်ဘ၀ကနေ တစ်ဘ၀ ကူးပြောင်းပြီးလည်နေရတာပဲ။
၁=အဲဒီလို လည်နေရတာကို တစ်ဘ၀..နှစ်ဘ၀ထိသိတယ်လို့ယူတဲ့အယူ။ အဲဒါ မိစ္ဆာဒိဋ္ဌိ။
၂- အဲဒီလိုကျင်လည်နေရတာကို တစ်ဘ၀ နှစ်ဘ၀တင်မကဘူး။ ကပ်ကမ္ဘာ ၁၀-ခုလောက်ထိ သိရတယ်။ သိနိုင်တယ်လို့ ယူဆတာလဲ မိစ္ဆာဒိဋ္ဌိ။
၃-အဲဒီလိုဖြစ်တာကို ကပ်ကမ္ဘာ ၁၀-ခုလောက်မကပါဘူး။ ကပ်ကမ္ဘာ အများကြီးထိ သိနိုင်တယ်လို့ ယူဆတာလဲ မိစ္ဆာဒိဋ္ဌိ။
၎-နောက် ကိုယ့်ရဲ့ကြံစည်စိတ်ကူးထင်မြင်ချက်သက်သက်နဲ့ ဟောဒီ အသက်ဆိုတဲ့ အတ္တလေးနဲ့ လောကကြီးဟာ မြဲတယ်လို့ ယူဆတာလဲ မိစ္ဆာဒိဋ္ဌိပဲ။
အားလုံး ဒီလေးခုကို အတိုချုပ်လိုက်ရင်…မမွေးခင် ဟိုဘ၀တွေက “အတ္တ”လေးက ကူးပြောင်းပြီး တစ်ဘ၀နဲ့တဘ၀ လည်နေတယ်ဆိုတဲ့ အယူတွေဟာ မိစ္ဆာဒိဋ္ဌိတွေပဲတဲ့။ အတ္တဆိုတဲ့ အရာကိုမြဲတယ်လို့ယူလို့ မြဲအယူ ၄=ပါးလို့ဆိုတယ်။

၅- ငါတို့ခုလိုဖြစ်လာရတာဟာ… ဗြဟ္မာကြီးက ဖန်ဆင်းလိုက်လို့ဖြစ်လာ တာ။ ဗြဟ္မာကြီး မဖန်ဆင်းခင်က မဖြစ်ဘူး။ ငါတို့ကို ဖန်ဆင်းလိုက်တဲ့ ဗြဟ္မာကြီးကတော့ မြဲတယ်။ ဖန်ဆင်းခံတဲ့ ငါတို့ကတော့ မမြဲဘူးလို့.. ယူဆတာလဲ မိစ္ဆာဒိဋ္ဌိ။(ဒါက ဖန်ဆင်းရှင်ဝါဒပေါ့)
၆- အပျော်ကြူးတဲ့ နတ်တွေက မမြဲဘူး။ အပျော်မကြူးတဲ့ နတ်တွေကတော့ မြဲတယ်လို့ ယူဆတာလဲ မိစ္ဆာဒိဋ္ဌိ။
၇- ဒေါသကြီးတဲ့ နတ်တွေက မမြဲဘူး။ ဒေါသမကြီးတဲ့ နတ်တွေက မြဲတယ်လို့ ယူဆတာလဲ မိစ္ဆာဒိဋ္ဌိ။
၈- လူမှာ မျက်စိ..နား.. နှာ.. လျှာ.. ကိုယ်..ဆိုတဲ့ ဒီအရာတွေကတော့ မမြဲဘူး။(သေရင် ဒီခန္ဓာကိုယ်ကြီးကတော့ မမြဲဘူး။) သေရင်ပျက်စီးသွားတယ်။ မနော..ဆိုတဲ့ အရာလေးကတော့ မပျက်စီးဘူး..မြဲတယ်လို့ယူဆတာလဲ မိစ္ဆာဒိဋ္ဌိ။
ဒီလေးခုကိုတော့ ဖန်ဆင်းသူက မြဲတယ်။ ဖန်ဆင်းခံရတဲ့ ငါတို့က မမြဲဘူး။ ဒီခန္ဓာကိုယ်ကြီးက မမြဲဘူး။ မနောဆိုတဲ့ အရာလေးကတော့ မြဲတယ်လို့ ..တချို့ကိုမြဲတယ်ယူ။ တချို့ကိုတော့ မမြဲဘူးယူ လို့ “တချို့မြဲ.. တချို့မမြဲ အယူမှား မိစ္ဆာဒိဋ္ဌိ.. ၄=မျိုး” (ပေါင်း ဂ=မျိုးရှိပြီနော်)
(ဒီလေးမျိုးကို အနှစ်ချုပ်ကြည့်လိုက်ရင်.. ဖန်ဆင်းရှင်ဝါဒဟာ မိစ္ဆာဒိဋ္ဌိ။ ငါတို့ကို တစုံတခုက ဖန်ဆင်းထားတယ်လို့ယူဆတာဟာ မိစ္ဆာဒိဋ္ဌိလို့ဆိုတာပဲ

နောက်
၉- ဟောဒီလောက(လူ)ကြီးဟာ အဆုံးရှိတယ်လို့ ယူဆတာလဲ မိစ္ဆာဒိဋ္ဌိ။
၁၀-ဟောဒီလောက(လူ)ကြီး အဆုံးမရှိဘူးလို့ ယူဆတာလဲ မိစ္ဆာဒိဋ္ဌိ။
၁၁-အထက်အောက်တော့ အဆုံးရှိတယ်။ ကန့်လန့်ကတော့ အဆုံးမရှိဘူး လို့ယူဆတာလဲ မိစ္ဆာဒိဋ္ဌိ။(အဲဒီခေတ်က အဲလိုလူတွေရှိလို့ပါ)
၁၂-လောကဟာ အဆုံးရှိတာလဲ မဟုတ်ဘူး။ အဆုံးမရှိတာလဲ မဟုတ်ဘူးလို့ ယူဆတာလဲ မိစ္ဆာဒိဋ္ဌိ။
ဒါကတော့ လောက(လူ)အဆုံးရှိ.. မရှိ အယူမှား ၄-ခုပဲ။ ဒီအယူတွေကလဲ မိစ္ဆာဒိဋ္ဌိတွေပဲ။
၁၃=ကိုယ်က ဘာမှမသိလို့ မသိပဲနဲ့ယူရင် မှားမှာစိုးလို့ ဟိုလိုလဲ မယူဘူး.. ဒီလိုလဲ မယူဘူးဆိုပြီး ဘာမှမယူတာလဲ မိစ္ဆာဒိဋ္ဌိ။
၁၄=ကိုယ်က ဘာမှမသိပဲနဲ့ဖြေရင် အဖြေမှားဥပါဒါန်စွဲကပ်ပြီး ပင်ပန်းမှာစိုးလို့ဆိုပြီး ဟိုလိုလဲ မယူဘူး.. ဒီလိုလဲ မယူဘူးဆိုပြီး ဘာမှမယူတာလဲ မိစ္ဆာဒိဋ္ဌိ။
၁၅=ကိုယ်က ဘာမှမသိပဲ ဖြေရင်.. သူများက ပြန်ဖိနှိပ်ခံရမှာစိုးလို့ ဟိုလိုလဲ မယူဘူး.. ဒီလိုလဲ မယူဘူးဆိုပြီး ဘာမှမယူတာလဲ မိစ္ဆာဒိဋ္ဌိ။
၁၆=တပါးသော လောကရှိမှရှိ။ သေပြီးနောက်ဖြစ်..မဖြစ်…။ ကံနဲ့ကံရဲ့အကျိုးစတာတွေမေးလာတဲ့အခါ.. ဟိုလိုလဲ မယူဘူး.. ဒီလိုလဲ မယူဘူးဆိုပြီး ဘာမှမယူတာလဲ မိစ္ဆာဒိဋ္ဌိ။ ဒီလေးမျိုးကိုတော့ စကားလွဲ မိစ္ဆာဒိဋ္ဌိ ၄=မျိုးလို့ဆိုတယ်။

၁၇=အရင်ဘ၀ဆိုတာ ရှိခဲ့တာမဟုတ်ဘူး။ ငါတို့အရင်ဘ၀က ဖြစ်ခဲ့တာ အရင်ဘ၀ကနေ လာတာ မဟုတ်ဘူး။ ခုဒီဘ၀ဖြစ်လာတာဟာ အကြောင်းမဲ့ သူ့ဘာသာ ဖြစ်လာတာလို့ ယူဆတာလဲ မိစ္ဆာဒိဋ္ဌိ။
၁၈=နောက်ကိုယ်စိတ်ကူးနဲ့ကို ငါတို့ခုလိုဖြစ်လာတာ အကြောင့်မဲ့သက်သက် ဖြစ်လာတာပဲလို့ယူဆတာလဲ မိစ္ဆာဒိဋ္ဌိ။ ဒါကတော့ အကြောင်းမဲ့ မိစ္ဆာဒိဋ္ဌိ ၂ပါးပဲ။

အားလုံးပေါင်းရင် (၁၈)ခုရှိသွားပြီ… ဒီ ၁၈=ခုဟာ အယူမှား မိစ္ဆာဒိဋ္ဌိတွေပဲ။
ဒီမိစ္ဆာဒိဋ္ဌိ ၁၈=ပါးကို အားလုံးအတိုချုပ်ကြည့်လိုက်ရင်…
အတ္တလေးဟာ တဘ၀ကနေ တဘ၀ကျင်လည်နေတယ်..အရင်ဘ၀တွေရှိခဲ့ လို့ ခုဘ၀ဖြစ်နေတယ်လို့ယူဆရင် မိစ္ဆာဒိဋ္ဌိ။
ဖန်ဆင်းရှင်တစ်ဦးဦးက ဖန်းဆင်းလို့ဖြစ်လာတာလို့ယူရင်လဲ မိစ္ဆာဒိဋ္ဌိ။
လောက(လူ)ဟာ အဆုံးရှိတယ်။ မရှိဘူး ယူဆနေရင်လဲ မိစ္ဆာဒိဋ္ဌိ။
ဘာမှ မသိလို့ ဘာမှမယူရင်လဲ မိစ္ဆာဒိဋ္ဌိ။
အကြောင်းမဲ့ဖြစ်လာတာလို့ ယူရင်လဲ မိစ္ဆာဒိဋ္ဌိလို့ အတိုချုပ်ရပါတယ်။

ဒါတွေဟာ မိစ္ဆာဒိဋ္ဌိ ၆၂=ပါးထဲက မမွေးခင် ရှေးအတိတ်အကြောင်းအရာ တွေနဲ့ပတ်သက်ပြီး ယူဆတဲ့ အယူအဆမှား ၁၈-ခုပါပဲ။

နောက် ကျန်တဲ့ မိစ္ဆာဒိဋ္ဌိတွေကို ပြောပါမယ်။
ပထမဆုံးပြောမှာက သေပြီးနောင်မှာ ဒီလူ့ခန္ဓာကိုယ်ထဲကနေ အတ္တလေးထွက်သွားတယ်.. အသက်ဝိညာဉ်လေးထွက်သွားတယ်.. အဲဒီအသက်ဝိညာဉ်လို့ဆိုတဲ့ အတ္တလေးဟာ အမှတ်သညာ ရှိနေတယ် လို့ယူဆချက်အပေါ်မှာ အမြင်အမျိုးမျိုးကွဲသွားတဲ့ မိစ္ဆာဒိဋ္ဌိ ၁၆-မျိုးကို ပြောမယ်။

၁၉-အသက်ဝိညာဉ်ဆိုတဲ့ အတ္တလေးဟာ သေပြီးသွားပေမယ့် ပျက်စီးတော့ မသွားဘူး.. မြဲနေတယ်။ အမှတ်သညာလဲ ရှိနေသေးတယ်လို့ယူဆတာလဲ မိစ္ဆာဒိဋ္ဌိ။
၂၀- အဲဒီ အတ္တလေးဟာ ဖောက်ပြန်ပြောင်းလဲသွားတဲ့ ရုပ်သဘောတော့ ရှိတယ်လို့ ယူဆတာလဲ မိစ္ဆာဒိဋ္ဌိ။
၂၁-ဖောက်ပြန်ပြောင်းလဲ သွားတဲ့ ရုပ်သဘောမရှိဘူးလို့ယူဆတာလဲ မိစ္ဆာဒိဋ္ဌိ။
၂၂-ဖောက်ပြန်ပြောင်းလဲသွားတဲ့ သဘောရှိတာလဲ ဟုတ်နိုင်တယ်။ ဖောက်ပြန်ပျောင်းလဲသွားတဲ့ သဘော မရှိတာလဲ ဟုတ်နိုင်တယ်လို့ ယူဆတာလဲ မိစ္ဆာဒိဋ္ဌိ။
၂၃-ဖောက်ပြန်ပျောင်းလဲသွားတဲ့ သဘော ရှိတာလဲ မဟုတ်နိုင်ဘူး။ မရှိတာလဲ မဟုတ်နိုင်ဘူးလို့ယူဆတာလဲ မိစ္ဆာဒိဋ္ဌိ။
၂၄- အဲဒီ အတ္တလေးဟာ အဆုံးတော့ရှိတယ်လိုယူဆတာလဲ မိစ္ဆာဒိဋ္ဌိ။
၂၅- အဲဒီ အတ္တလေးဟာ အဆုံးတော့ မရှိနိုင်ဘူးလို့ယူဆတာလဲ မိစ္ဆာဒိဋ္ဌိ။
၂၆-အဲဒီအတ္တလေးဟာ အဆုံးရှိတာလဲ ဟုတ်နိုင်တယ်။ အဆုံးမရှိတာလဲ ဟုတ်နိုင်တယ်လို့ယူဆတာလဲ မိစ္ဆာဒိဋ္ဌိ။
၂၇- အဲဒီအတ္တဟာ အမှတ်သညာတမျိုးတော့ရှိတယ်လို့ ယူဆတာလဲ မိစ္ဆာဒိဋ္ဌိ။
၂၈- အမှတ်သညာတွေ အများအပြားရှိနိုင်တယ်လို့ယူဆတာလဲ မိစ္ဆာဒိဋ္ဌိ။
၂၉-အမှတ်သညာ ငယ်ငယ် နည်းနည်းလေးရှိတယ်လို့ယူဆတာလဲ မိစ္ဆာဒိဋ္ဌိ။
၃၀- အမှတ်သညာ အများကြီးရှိတယ်လို့ ယူဆတာလဲ မိစ္ဆာဒိဋ္ဌိ။
၃၁- အဲဒီအတ္တလေးဟာ ဆင်းရဲချည်းဖြစ်တယ်လို့ ယူဆတာလဲ မိစ္ဆာဒိဋ္ဌိ။
၃၂-အဲဒီအတ္တလေးဟာ ချမ်းသာချည်းဖြစ်တယ်လို့ ယူဆတာလဲ မိစ္ဆာဒိဋ္ဌိ။
၃၃-ဆင်းရဲရော..ချမ်းသာရော..ရှိတယ်လို့ယူဆတာလဲ မိစ္ဆာဒိဋ္ဌိ။
၃၄-ဆင်းရဲရော..ချမ်းသာရော..မရှိဘူးလို့ယူဆတာလဲ မိစ္ဆာဒိဋ္ဌိ။တဲ့။
ဒီ မိစ္ဆာဒိဋ္ဌိ ၁၆-ပါးကို အတိုချုပ်ပြောရရင်တော့
(လူသေလို့ပျက်စီးသွားပေမယ့် အသက်ဝိညာဉ်လိပ်ပြာလို့ဆိုတဲ့ အတ္တဆိုတဲ့အရာလေးက မပျက်စီးဘူး.. မြဲနေတယ်။ အဲဒီ မြဲနေတဲ့ အတ္တလေးက ဟိုလိုဖြစ်နိုင်တယ်။..ဒီလိုဖြစ်နိုင်တယ်..နဲ့ ဘယ်လိ်ုပဲ ယူယူ ယူဆမှု အားလုံးဟာ မိစ္ဆာဒိဋ္ဌိတွေချည်းပဲဆိုတာပဲ။)

နောက်ထပ်..
လူတော့ သေသွားတယ်…ဒါပေမယ့်အတ္တလေးက ပျက်စီးတော့ မသွားဘူး.. အဲဒီအတ္တလေးက အမှတ်သညာတော့ မရှိတော့ဘူးလို့ယူဆတဲ့အပေါ်မှာ အခြေခံပြီး မိစ္ဆာဒိဋ္ဌိ ၈=မျိုးရှိလာပြန်တယ်။
၃၅-လူသေသွားတယ်။ အသက်ဝိညာဉ်လို့ဆိုတဲ့ အတ္တလေးက ပျက်စီးမသွားဘူး။ အမှတ်သညာတော့ မရှိတော့ဘူး…ဖောက်ပြန်ပြောင်းလဲ သွားတဲ့ သဘောတော့ရှိတယ်။ အဲဒီလိုယူဆတာလဲ မိစ္ဆာဒိဋ္ဌိ။
၃၆- ဖောက်ပြန်ပြောင်းသွားတဲ ရုပ်သဘော မရှိနိုင်ဘူးလို့ယူဆလဲ မိစ္ဆာဒိဋ္ဌိ။
၃၇-ဖောက်ပြန်ပြောင်းလဲသွားတဲ့ ရုပ်သဘောရှိတာလဲဟုတ်နိုင်တယ်။ မရှိတာလဲ ဟုတ်နိုင်လို့ယူဆတာလဲ မိစ္ဆာဒိဋ္ဌိ။
၃၈-ဖောက်ပြန်ပြောင်းလဲသွားတဲ့ ရုပ်သဘော ရှိတာလဲ မဟုတ်နိုင်ဘူး။ မရှိတာလဲ မဟုတ်နိုင်ဘူးလို့ ယူဆရင်လဲ မိစ္ဆာဒိဋ္ဌိ။
၃၉-အဲဒီအတ္တဟာ အဆုံးဆိုတာရှိတယ်လို့ယူဆတာလဲ မိစ္ဆာဒိဋ္ဌိ။ပဲ
၄၀-အဲဒီအတ္တဟာ အဆုံးဆိုတာ မရှိဘူးလို့ ယူဆတာလဲ မိစ္ဆာဒိဋ္ဌိ။
၄၁-အဲဒီအတ္တဟာ အဆုံးရှိတာလဲ ဟုတ်တယ်။ မရှိတာလဲ ဟုတ်တယ်လို့ယူဆတာလဲ မိစ္ဆာဒိဋ္ဌိ။
၄၂-အဲဒီအတ္တဟာ အဆုံးရှိတာလဲ မဟုတ်ဘူး။ အဆုံးမရှိတာလဲ မဟုတ်ဘူးလို့ယူဆတာလဲ မိစ္ဆာဒိဋ္ဌိပဲ။တဲ့။

နောက်ထပ်ပြီး လူသေသွားရင် အတ္တဆိုတဲ့ အရာလေးက ပျက်စီးမသွားဘူး။ ဒါပေမယ့် သညာကတော့ ရှိတာလဲ ဟုတ်နိုင်တယ်။ မရှိတာလဲ ဟုတ်နိုင်တယ်ဆိုတဲ့အပေါ်မှာ အခြေခံပြီး ၈-မျိုးကွဲပြန်တယ်။
၄၃-လူသေသွားတယ်။ အသက်ဝိညာဉ်လို့ဆိုတဲ့ အတ္တလေးက ပျက်စီးမသွားဘူး။ အမှတ်သညာတော့ ရှိတာလဲ မဟုတ်ဘူး။ မရှိတာလဲ မဟုတ်ဘူး …ဖောက်ပြန်ပြောင်းလဲ သွားတဲ့ သဘောတော့ရှိတယ်။ အဲဒီလိုယူဆတာလဲ မိစ္ဆာဒိဋ္ဌိ။
၄၄- ဖောက်ပြန်ပြောင်းသွားတဲ ရုပ်သဘော မရှိနိုင်ဘူးလို့ယူဆလဲ မိစ္ဆာဒိဋ္ဌိ။
၄၅-ဖောက်ပြန်ပြောင်းလဲသွားတဲ့ ရုပ်သဘောရှိတာလဲဟုတ်နိုင်တယ်။ မရှိတာလဲ ဟုတ်နိုင်လို့ယူဆတာလဲ မိစ္ဆာဒိဋ္ဌိ။
၄၆-ဖောက်ပြန်ပြောင်းလဲသွားတဲ့ ရုပ်သဘော ရှိတာလဲ မဟုတ်နိုင်ဘူး။ မရှိတာလဲ မဟုတ်နိုင်ဘူးလို့ ယူဆရင်လဲ မိစ္ဆာဒိဋ္ဌိ။
၄၇-အဲဒီအတ္တဟာ အဆုံးဆိုတာရှိတယ်လို့ယူဆတာလဲ မိစ္ဆာဒိဋ္ဌိ။ပဲ
၄၈-အဲဒီအတ္တဟာ အဆုံးဆိုတာ မရှိဘူးလို့ ယူဆတာလဲ မိစ္ဆာဒိဋ္ဌိ။
၄၉-အဲဒီအတ္တဟာ အဆုံးရှိတာလဲ ဟုတ်တယ်။ မရှိတာလဲ ဟုတ်တယ်လို့ယူဆတာလဲ မိစ္ဆာဒိဋ္ဌိ။
၅၀-အဲဒီအတ္တဟာ အဆုံးရှိတာလဲ မဟုတ်ဘူး။ အဆုံးမရှိတာလဲ မဟုတ်ဘူးလို့ယူဆတာလဲ မိစ္ဆာဒိဋ္ဌိပဲ။တဲ့။

အားလုံးပေါင်းရင် ၅၀-တော့ရှိသွားပြီး …နဲနဲလဲ မျက်စိလည်လောက်ပြီ။ ပြီးမှပေါင်းပြီးပြန်ရှင်းပြဦးမယ်။

နောက်ကျံနေတာလေးတွေကိုပြောဦးမယ်။
၅၁=သေရင် အသက်ဝိညာဉ်လို့ခေါ်တဲ့ အတ္တလေးဟာ ပြီးပြတ်သွားတယ်။ နောက်ထပ်မဖြစ်တော့ဘူး.လို့ယူဆတာလဲ မိစ္ဆာဒိဋ္ဌိ။

၅၂=သေရုံနဲ့တော့ မပြီးပြတ်သေးဘူး.. နတ်ဖြစ်သွားပြီးမှ ပြီးပြတ်တယ် လို့ ယူဆတာလဲ မိစ္ဆာဒိဋ္ဌိ။
၅၃=ဒီအတ္တလေးဟာ နတ်ဖြစ်သွားရုံနဲ့လဲ မပြီးပြတ်သေးဘူး..ရူပဗြဟ္မာဖြစ်သွား ပြီးမှ ပြီးပြတ်တယ်လို့ယူဆတာလဲ မိစ္ဆာဒိဋ္ဌိ။ပဲ။
၅၄-ရူပဗြဟ္မာဖြစ်ရုံနဲ့လဲ မပြီးသေးဘူး..အာကာသာနဉ္စယတနဗြဟ္မာ။
၅၅=မဟုတ်ဘူး..၀ိညာနဉ္စ ယတန ဗြဟ္မာ။
၅၆=မဟုတ်ဘူး…အာကိဉ္စညာယတနဗြဟ္မာ။
၅၇=မဟုတ်ဘူး.. နေ၀သညာနာသညာယတန ဗြဟ္မာ။
ဒီ ၇=မျိုးကတော့ သေသွားရင် အသက်ဝိညာဉ်လို့ခေါ်တဲ့ အတ္တလေးဟာ ပြီးသွား ပြတ်သွားတာပဲလို့ ယူဆတဲ့အချက်ပေါ်မှာ ကွဲပြားလာတဲ့ အချက် ၇=ချက်ပဲ။အဲဒါတွေလဲ မိစ္ဆာဒိဋ္ဌိတွေပဲ။

နောက် မိစ္ဆာဒိဋ္ဌိ ၅=ချက်ကျံသေးတယ်။ အဲဒါကတော့ လောကနိဗ္ဗာန်အယူ မိစ္ဆာဒိဋ္ဌိ ၅=မျိုးပဲ။
၅၈=ဒီအတ္တလေးဟာ.. လောကမှာ ကာမဂုဏ်တွေကို ဇိမ်ရှိရှိခံစားနေရတာ အဆုံးစွန် နိဗ္ဗာန်လို့ယူဆလိုက်တာလဲ မိစ္ဆာဒိဋ္ဌိ။
၅၉= အဲဒီကာမဂုဏ်ဇိမ်တွေကို တွန်းကန်ပြီး ပထမဈာန်ချမ်းသာလေးနဲ့နေပြီး အဲဒီချမ်းသာဟာ အတ္တရဲ့အဆင့်အမြင့်ဆုံး နိဗ္ဗာန်လို့ ယူဆလိုက်တာလဲ မိစ္ဆာဒိဋ္ဌိ။
၆၀=ပထမဈာန်ထက် အဆင့်မြင့်တဲ့ ဒုတိယဈာန်ချမ်းသာဟာ အတ္တရဲ့ အဆင့်မြင့်ဆုံး နိဗ္ဗာန်လို့ ယူဆလိုက်တာလဲ မိစ္ဆာဒိဋ္ဌိ။
၆၁=ဒုတိယဈာန်ထက် အဆင့်မြင့်တဲ့ တတိယ ဈာန်ချမ်းသာဟာ အတ္တရဲ့ အဆင့်အမြင့်ဆုံး နိဗ္ဗာန်လို့ ယူဆလိုက်တာလဲ မိစ္ဆာဒိဋ္ဌိ။
၆၂=တတိယဈာန်ထက် အဆင့်မြင့်တဲ့ စတုတ္ထ ဈာန်ချမ်းသာဟာ အတ္တရဲ့ အဆင့်အမြင့်ဆုံး နိဗ္ဗာန်လို့ ယူဆလိုက်တာလဲ မိစ္ဆာဒိဋ္ဌိ။
အားလုံးပေါင်းရင် (၆၂)မျိုးပြည့်သွားပြီ။
ဒီအယူအဆတွေကို ဘုရားက အယူမှားမိစ္ဆာဒိဋ္ဌိတွေလို့ သတ်မှတ်ပြီး ပြသွားတယ်။
ကိုယ်လက်ခံပြီး ယူဆထားတဲ့ အယူဟာ မိစ္ဆာဒိဋ္ဌိလား… သမ္မာဒိဋ္ဌိလားဆိုတာတော့ ကိုယ့်ဖာသာခွဲခြားကြဖို့ပါပဲ။
မြန်မာပြန်ကျမ်းစာကိုကြည့်ပြီး နားလည်အောင်ကြိုးစားရတာမို့ ကိုယ်ပိုင်အသိထိတော့လဲ မရောက်သေးသလိုခံစားရပါတယ်။
နောက် သိသလောက်ရဲရဲဝံ့ဝံ့ မတင်ပြရဲတာလဲ ပါပါတယ်။ ဒါဟာ ရိုးရိုးသားသား တင်ပြတာပါ။

အမှန်က ကျွန်တော်သိချင်နေတဲ့ ဒီမိစ္ဆာဒိဋ္ဌိတွေကို ပြတ်ပြတ်သားသားထိ သိချင် လို့ မေးမိတာပါ။ ဘယ်သူမှ မပြောလို့ ကျွန်တော်သိတာ မြင်တာလေးကို ချပြကြည့်တာပါပဲ။
တွေ့ရှိတဲ့ပုဂ္ဂိုလ်များအနေနဲ့ မှားတာများ… ရှိရင်..တည့်ပေးခဲ့ကြပါလို့ အနှုးအညွတ်တောင်းပန်ပါတယ်။ ကျွန်တော်ဟာ ပြောချင်နေတာထက် သိချင်နေသူ သာဖြစ်ပါတယ်။
ကျန်းညွှန်းပြရရင်တော့….သုတ်သီလက္ခန်မှာ မြန်မာပြန်ကို ကြည့်ကြပါ။

အထက်ပါ ၆၂=ပါးကို အတိုဆုံး ချုပ်ပြရရင်….
၁= အတ္တလေးဟာ တဘ၀ကနေ တဘ၀ကျင်လည်နေတယ်.. အရင်ဘ၀ တွေရှိခဲ့ လို့ ခုဘ၀ဖြစ်နေတယ်လို့ယူဆတာ မိစ္ဆာဒိဋ္ဌိ။
၂=ဖန်ဆင်းရှင်တစ်ဦးဦးက ဖန်းဆင်းလို့ဖြစ်လာတာလို့ယူရင်လဲ မိစ္ဆာဒိဋ္ဌိ။
၃=လောက(လူ)ဟာ အဆုံးရှိတယ်။ မရှိဘူး ယူဆနေရင်လဲ မိစ္ဆာဒိဋ္ဌိ။
၎=ဘာမှ မသိလို့ ဘာမှမယူရင်လဲ မိစ္ဆာဒိဋ္ဌိ။
၅=အကြောင်းမဲ့ဖြစ်လာတာလို့ ယူရင်လဲ မိစ္ဆာဒိဋ္ဌိလို့ အတိုချုပ်ရပါတယ်။
၆=အသက်ဝိညာဉ်လို့ဆိုတဲ့ အတ္တလေးဟာ သေရင်ပျက်စီးမသွားဘူး။ မြဲနေတယ်။ လို့ယူဆရင်လဲ မိစ္ဆာဒိဋ္ဌိ။
၇=အသက်ဝိညာဉ်လို့ဆိုတဲ့ အတ္တလေးဟာ သေရင်ပြီးပြတ်သွားတာပဲ လို့ယူ ရင်လဲ မိစ္ဆာဒိဋ္ဌိ။
၈=အဲဒီအတ္တဆိုတဲ့ အရာလေးဟာ ကာမဂုဏ်တွေ..ခံစားနေတာအဆုံးစွန် နိဗ္ဗာန် လို့ယူဆတာ…ဈာန်တရားနေတွေနဲ့နေပြီးခံစားနေရတာ နိဗ္ဗာန်လို့ယူ ဆတာလဲ မိစ္ဆာဒိဋ္ဌိ ဆိုတာတွေပဲ။
ဒီ ၈=ချက်ကတော့ စာရေးသူ ကိုယ်တိုင် အတိုချုံးပြီး နားလည်အောင် စုစည်း ထားတာပါ။ အထက်ပါ ၆၂-ချက်ကို အတိုချုံးရင်လဲ ဒါပဲ ရတာပါပဲ။
ပထမ ကျွန်တော်က ဒါထက်ရှင်းတဲ့အမြင်ကိုသိချင်နေသေးလို့..ဂေဇက်ကနေ မေးမိတာပါ။
နောက်ကျွန်တော်ကိုပြန်မေးလို့ ကျွန်တော်သိသလောက်လေး ပြန်ပြောပြတာပါ။
ဒါထက် အမြင်ရှင်းအောင်..တင်ပြနိုင်သူများ ထပ်ဆင့်တင်ပြပေးဖို့ တောင်းပန် အပ်ပါသည်။.
ရှေ့နောက်စသည်…စကားလုံးမပြည့်စုံသည်များလဲ အနည်းငယ်လွဲနိုင်ပါသည်။ သို့သော်အဓိပ္ပါယ်ပြောင်းလွဲသွားလောက်အောင်ဖြင့် မှားနိုင်မည် မထင်ပါ ကြောင်း။

ဗုဒ္ဓဘာသာဝင်တစ်ဦးအနေနဲ့ ဒီမိစ္ဆာဒိဋ္ဌိ..၆၂=ပါးဟာ မဖြစ်မနေသိသင့်ပါတယ်လို့…ထိုကြောင့် ကျွန်တော်လဲ အထူးသိချင်နေပါတယ်လို့တင်ပြရင်း………..

ဇောက် ထိုး

About ဇောက် ထိုး

ဇောက် ထိုး has written 44 post in this blog.