ကျွန်တော် ရွာထဲ မရောက်ဖြစ်တာ တော်တော်လေး ကိုကြာပါပြီ .. အလုပ်မအားတာနဲ့ မဝင်ဖြစ် .. ကွန်ပျူတာက ပျက် .. လူက ဧရိယာ ပြင်ပရောက်နေ.. အလုပ်က ရှုပ် .. မိုးက ရွာ .. အဲဒါ တွေ နဲ့ မဝင်ဖြစ်တာပါ .. ပြီးခဲ့တဲ့လ က ပွဲ အတွက်ကိုလည်း စိတ် မကောင်းပါဘူး .. နားလည် ပေးကြပါလို့လဲ တောင်းပန်အပ်ပါတယ် ။
ကျွန်တော်က အတွေးသမား ဆိုတော့ အချိန်ခဏ ရရင် တွေးနေတတ်ပါတယ် ။ ဆိုတော့ နီးစပ် တဲ့ နိုင်ငံရေး ၊ စီးပွါးရေး ၊ အထွေထွေ ပေါ့ဗျာ .. ကျွန်တော်က တစ်ခုသိရရင် အစ ရဲ့ အစ ကို လိုက်ချင်ပါတယ် .. ဒါပေသိ .. နောက်က လိုက်မယ့် သွင်းအားစုက မရှိတော့ ခရီး မရောက် ..
သိကြတဲ့ အတိုင်း မြန်မာ ဆိုတာက အစ ပဲ စ တာကများတယ်လေ ၊ အဆုံးက သိပ်မသေချေ တာ များတယ် ..
ကဲ စပြီ ဗျာ ..
ကျွန်တော်တို့တွေ အလိမ်ခံ နေကြရတယ် ၊ ကျွန်တော် ကားဝယ်စီးချင်တယ် ဒေါ်လာ တစ်သောင်းလား ဖြစ်တယ် ၊ မြန်မာငွေတွေ ပေးမယ် အစိုးရက ဒေါ်လာနဲ့ လဲပေးသလား ??? မြန်မာငွေဆိုတာ နိုင်ငံခြား မပြောနဲ့ နယ်စပ်တောင် အကျော်ခံတာ မဟုတ်ဘူး လေ ။ ပြီးတော့ မြန်မာကျပ်ငွေကို ဝါဇီ ကနေ ပုံနှိပ်လိုက်တယ် .. အဲဒါ နံပါတ် ဘယ်လောက် အထိ ရောက်သွားပြီ လဲ ??? စစ်သားဆိုရင် လည်း ကိုယ်ပိုင်နံပါတ် ရှိတယ် လေ ။ အဲဒီ အထဲမှာ တိုက်ပွဲကျတာ ၊ ပင်စင်ယူတာ ၊ ပြေးတာ ၊ ဘာညာ ၊ နှုတ်လိုက်ရင် လက်ရှိ တိုင်းပြည် ရဲ့ စစ်သား အင်အား ကို ရတယ် ။ ငွေစက္ကူက နံပါတ် ဘယ်လောက်ကို ရောက်နေပြီလဲ ??1000 တန် 5000 တန် 10000 တန် . . .
ပြီးတော့ သတင်းတစ်ခု ကြားမိတယ် .. လယ်ယာလုပ်ငန်း လုပ်ကိုင်တဲ့ တောင်သူတွေ ကို ငွေချေး ပေးမယ့် သတင်း .. နိုင်ငံခြားကနေ ဒေါ်လာတွေ ချေးပေးမယ် တဲ့ .. ဟုတ်ကဲ့ .. အစိုးရက ခင်ဗျား တို့ကို ဒေါ်လာ ပေးမယ် ထင်သလား .. မြန်မာ စက္ကူတွေပေးမှာလေ .. ရွှေဒေါ်လာကို သူက ကိုင်ထားမှာ .. ကျွန်တော်တို့က အဲဒါ ကို အဟုတ်ကြီး ထင်ပြီးတော့ ပျော်နေကြရတာ .. ကျွန်တော်တို့လဲ ဒေါ်လာ ကိုင်ချင်ပါတယ် .. လျှပ်စစ်မီး လင်းချင်ပါတယ် .. လမ်းကောင်းကောင်းမှာ ကားကောင်းကောင်းကို စီးချင်ပါတယ် ..ဖုန်းလိုင်းကောင်းကောင်း .. အင်တာနက်လိုင်းကောင်းကောင်း သုံးချင်ပါတယ် .. ခုတော့ မြန်မာပြည်မှာက လူတန်းစားက အရမ်းကွာဟ မှုဖြစ်နေတယ် ..
ထားတော့ .. နောက်တစ်ခုက–
ကျွန်တော်တို့မြို့မှာ ပြည်သူ့ဆေးရုံ ရှိတယ် .. ဆရာဝန်ကြီး အသစ်ရောက်လာတယ် သူက ခွဲစိတ်တာ နာမည် ကြီးတယ် တဲ့ .. ကျွန်တော် သိသလောက် ပြောမယ်နော် ..
ဆရာဝန်ဆိုတာ လူ့အသက်ကို ကယ်တင်ရမယ် .. လူနာဟာ ရန်သူဖြစ်လင့်ကစား အသက်ကို ကယ်တင်ရမယ် ..ခုတော့ဗျာ မွေးလူနာ တစ်ယောက်ကို ဆေးရုံ 10 ရက်တက်ခိုင်းလို့ တက်ခိုင်း ၊ ဆေးရုံမတက်လည်း ရမယ့် လူနာမျိုးကို တက်ခိုင်း လို့ တက်ခိုင်း ၊သူ့ထက်ဆိုးတာက မဖြတ်သင့်တာကို ဖြတ်လို့ဖြတ် ၊ ပြောရရင် – ကျွန်တော်တို့ဆီမှာက အရမ်းချမ်းသာတဲ့သူက နေမကောင်းဖြစ်ရင် ရန်ကုန်ကိုသွားတာ များတယ် .. ဆင်းရဲ တဲ့သူကျ တော့ ဒီလိုပဲ နီးစပ်ရာ အပ်ပုန်း နဲ့ ကုတယ် .. အလယ်အလပ်တန်း (ငွေကြေး အသင့်အတင့် ရှိတဲ့)သူလောက်ပဲ ရန်ကုန်လည်း မသွား ၊ အပ်ပုန်း နဲ့ လည်း မကု တော့ ဒီမှာ တင်ပြကြတာ များတယ် ..လူတစ်ယောက်ဟာ ကျန်းမာရေးမကောင်းတာနဲ့ ဝင်ငွေလျှော့သွားပါတယ်.. တစ်ရက်ထက်တစ်ရက် ပြီးတော့ ဆေးရုံမှာ လူနာစောင့်အတွက် လူလိုလာပါတယ်.. အဲဒါ မျိုးတွေကို စာနာသင့်ပါတယ်..
နောက်တစ်ခုက –
ကျွန်တော်တို့ဆီမှာ ဆိုင်ကယ်လိုင်စင် လုပ်ခိုင်းပါတယ် .. မလုပ်ရင်ဖမ်းမယ် ပေါ့လေ .. လုပ်ပြန်တော့ အများကြီးတောင်းတယ် .. ပြီးတော့ ဟိုသွားရ ဒီသွားရ စည်ပင် သွားရ အမြတ်ခွန် သွားရ ..ပြီးတော့လည်း ဘာမှ မဟုတ်ဘူး ..ကြားထဲသတိရလို့ေ ပြာဦးမယ် လယ်သမားတွေကို စိုက်ဘဏ်က ငွေထုတ်ချေးတယ် အဲဒါ ကို ဘာကြောင့် တစ်ဧက ကို ဘယ်လောက် ဆိုတာမျိုး ၊ မိခင် နှင့်ကလေး တို့ အမျိုး သမီး ရေးရာ တို့က ပါလာရတာတုန်း ???သည်းခံပါဗျာ ..အဲဒီလိုတွေသွားပြီးတော့ ပေးရ ကမ်းရ ..လိုင်စင်မဲ့ ဆိုင်ကယ် ဆိုရင် တရုတ်ပြည်ကနေ ဝင်လာတဲ့ 105မိုင်မှာတည်းက ဖမ်းပါလား ..ဒီကြမှ ဟိုလူလိုက်ပြဿနာ ရှာ ဒီလူပြဿနာ ရှာ နဲ့ .. ရေးတော့ ထားတယ် တိုင်ကြားနိုင်ပါသည် တဲ့ ဘယ်ကို တိုင်ရမှာလဲ တိုင်တော့ရော လာစစ်ပေး လို့လား အတူတူပဲ ဝေစားနေတာလေ ..
လူကြီးတစ်ယောက်ပြောဖူးတာ သတိရမိတယ် ပေါင်းစားတော့ အရိုးမစူးဘူး တဲ့

ကျွန်တော်ရေးတဲ့အထဲ အမှားပါရင် တောင်းပန်ပါတယ်နော်.. ဝေဖန်နိုင်ပါတယ် ..
ဆက်ပါဦးမည် ..
ချစ်ရင်ထူး

ချစ်ရင်ထူး II

About ချစ်ရင်ထူး II

has written 35 post in this blog.