ပြီးခဲ့သောတစ်ပတ် စနေ၊ တနင်္ဂနွေ ရုံးပိတ်ရက်က ဖြစ်လေသည်။

ကျနော် ရွာစားကျော်သည် စိတ်အားလက်အားရှိသည့်အလျောက် ရုံးဖွင့်ရက်တွေမှာ သေချာငုံ့မကြည့်ဘဲ ခိုင်းချင်သလိုခိုင်းထားသည့် စီးတော်ယာဉ်မော်တော်ဖွတ်ချက်လေး၏ ကြံ့ခိုင်ရေးကို စစ်ဆေးကြည့်မိသည်။

ကျနော့ဆိုင်ကယ်နောက်ဘီးမှာ လေထိုးပါသော်လည်း မကြာ ပြန်ကာ ပြားပြားသွားနေသလို ဘရိတ်ကလည်း အတော်နင်းမှ မိချင်ချင်ဖြစ်နေပါသည်။ ဘီးပေါက်သလို ထိုးသမျှလေ အကုန်ထွက်တာလည်း မဟုတ်..။ သေချာကြည့်တော့ ဘားတိုင်က လေထွက်နေတာ ဖြစ်သည်။ ကျွတ်အဟောင်း တစ်ခုက ဘားဆံလေးနဲ့ လဲသုံးလို့ အိုကေနိုင်သေးသည်။ ဘရိတ်မမိတာကတော့ ဘရိတ်ရှူး အသစ်လဲမှကောင်းမည် ဆုံးဖြတ်ကာ လိုတဲ့ပစ္စည်းပြေးဝယ်လို့ ကိုယ်တိုင် ပြင်ဆင်ဖို့ လုပ်ပါတယ်…။ ရာသီဥတုက မိုးလေးတစိုစိုကြောင့် လမ်းကလျှော်တတ်တာမို့ အန္တာရာယ်ကင်းဖို့လည်း ဂရုထားရပေမည်မဟုတ်ပါလား။

ကျနော် တကုပ်ကုပ်နဲ့ ဘီးဖြုတ်၊ ဘာဖြုတ်လုပ်နေတော့ ဇနီးသည် ရှင်မွေးလွန်းက ခွလေးယူပေး၊ ကျောက်လှည့်လေးကိုင်ပေးနဲ့ ဘေးက ကူရှာပါသည်။ သုံးနှစ်ကျော်အရွယ် သားလေး ဂျူနီယာ ရွာစားကျော်ကလည်း စိတ်ဝင်တစား ကြည့်ရှုရုံမက သူသိချင်တာမှန်သမျှမေးပါသည်။

“ဖေဖေ.. ဘာလုပ်နာလဲ”

“ဆိုင်ကယ် ပြင်နေတာလေ သားရဲ့.. မြင်ရဲ့သားနဲ့”… နောက်ဘီး ဖြုတ်နေတဲ့ ကျနော်က ဖြေလိုက်ပါသည်။

“ဆိုင်ကယ်ကြီးက ဘာဖြစ်လို့ ပြင်တာလဲ”

“ဘီးပေါက်နေလို့.. သား မူကြိုသွားရင် လိုက်ပို့လို့ရအောင်လို့.. ဖေဖေက ပြင်နေတာ”

“သြော်.. ဘီးပေါက်သွားလို့ ဖေဖေက ဖြုတ်ပီးတော့ ပြင်တာပေါ့”

“အေး.. အေး” ဖြေပေးလိုက်တော့ ကျေနပ်သွားတဲ့ သားက အိမ်ထဲဝင်သွားကာ သူ့ ကစားစရာပုံးကြီးထဲက ကားရုပ်၊ ရထားရုပ် ဘီးပါသမျှအရုပ်တွေ ယူချလာပါသည်။

ကျနော်လည်း ဆိုင်ကယ်ဘီး ကျွတ်တိုင်အတွင်းမှ ဘားဆံလေးလဲကာ လေထိုးပြီး တံတွေးနဲ့ ဆွတ်ကြည့်လိုက်သည်။ လေပူဖေါင်းလေး ထွက်မလာ။ လေလျော့တဲ့ကိစ္စတော့ အိုကေသွားဘီ။ ဘရိတ်ရှူး လဲရအုံးမည်။

“မိန်းမ ကျောက်လှည့်ပေး”

“ဟဲ့.. သား.. ဖေကြီး ကျောက်လှည့်တောင်းနေတာ ပေးလိုက်အုံး”

ကြည့်လိုက်တော့ သားတော်မောင်က သူ့ရဲ့ ကား၊ ဆိုင်ကယ်၊ ရထားအရုပ်များမှ ဘီးတွေ ဖြုတ်ကာ ကျနော့် လက်နက်ကိရိယာများဖြင့် ဟိုကလော်၊ ဒီကလော်၊ ဟိုထိုး ဒီထိုးလုပ်နေပါသည်။

“ဟာကွာ.. သား ဘာလို့ ကစားစရာတွေကို ဖျက်ဆီးပစ်နေတာလဲ”.. ရုတ်တရက် လေသံမာနှင့် ကျနော် ပြောလိုက်မိသည်။

“ဟုတ်ဖူးလေ.. သားသားက.. သားသားက ဘီးပေါက်လို့ ပြင်နေတာ”.. မျက်လုံးလေး ပေကလပ် ပေကလပ်နှင့် ပြန်ဖြေ၏။  သူ့ အမေကတော့ ပြုံးလို့သာ ကြည့်နေသည်။ ကျနော် စိတ်ထဲက သဘောကျစွာဖြင့်..

“အေးနော်.. အကုန် ပျက်စီးကုန်လို့ကတော့ နောက်ထပ် မဝယ်ပေးတော့ဘူး”.. လို့တော့ ထပ် ဟန့်လိုက်ပါသည်။

“ဟုတ်ကဲ့ သားသား ဘီးပေါက်လို့ ပြင်တာ နော်.. ဖေဖေ” မျက်နှာ အရိပ်အကဲ ဖမ်းမိတဲ့ သားက အားတတ်သရောပြန်ဖြေပါသည်။

“… …. …”

ကျနော်လည်း ဘရိတ်ရှူးအသစ်လဲထည့်ပြီး နောက်ဘီးကို ဆိုင်ကယ်မှာ ပြန်တပ်သည်။ သားတော်မောင်ကလည်း ကျနော်လုပ်သမျှကြည့်ကာ သူ့အရုပ်တွေနဲ့ ရှုပ်နေတော့၏။

“သြော် ယောက်ျားရယ်၊ ဆိုင်သွားပြင်လိုက်ရင် သက်သက်သာသာလေး ပြီးမယ့်ဟာ” ချွေးတောင် မစို့တဲ့ ကျနော့်ကို ကြည့်ကာ ဇနီးသည်က အကြင်နာစကားဆိုသည်။

“ဒါလောက်လေးများကွာ.. ခု ကိုယ်ဘာသာ ပြင်လိုက်တော့ လက်ခ ၁၀၀၀၊ ၁၅၀၀ ပေးရ သက်သာတာပေါ့”

“အမလေး သူ့ဆိုင်ကယ် တော်ကြာ အင်ဂျင်ဝိုင်လဲလိုက်၊ ဘီးပေါက်လို့ဖာလိုက်နဲ့ ဆီဖိုးနဲ့ တစ်လတစ်လ ဘတ်ဂျက်ထိနေတာ ဒီပြင်ခလေးကျမှ…”

“သြော်ကွယ် ဒီဆိုင်ကယ်လေးရှိလို့ မင်း ဂျန်းရှင်းဆိုလည်း ဖွတ်ခနဲ၊ ဈေးဆိုလည်း လျှောခနဲ၊ အမေ့အိမ်ဆိုလည်း ဟောခနဲ ရောက်တာပဲမလား”

“ဟုတ်ပါပြီ.. ပုလင်းထဲမှာ အကပ်ပဲကျန်တော့လို့၊ မြီးစရာ မရှိတော့လို့ .. ရွှတ်ခနဲ ရွှတ်ခနဲ ထွက်တာလည်း ထည့်ပြောပါအုံးတော်.. ဟွန်း”

“ဟီး.. ဟိုနားဒီနားသွားဖို့ ကားခ၊ ကယ်ရီခ မကုန်တာလည်း ထည့်တွက်ပါအုံး မိန်းမရယ်..နော်..ဟဲဟဲ”

“.. ဟွန့်…”

သူ့အဖေနဲ့ သူ့အမေ အပြန်အလှန်ပြောဆိုနေတာကို သားငယ်က ဘာမှဝင်မပြော၊ တစုံတခုကို စဉ်းစားနေပုံရပါတယ်။

“မဟုတ်ဘူး ယောက်ျားရဲ့။ ခုလို မိုးနဲ့လေနဲ့ လမ်းတွေက မကောင်းရတဲ့ကြားထဲ ယောက်ျား ဆိုင်ကယ်နဲ့ သွားလာနေတာလည်း စိတ်မချတာ”

“အင်း…”

“ခုဆို ကားဈေးတွေလည်းကျနေတာဆိုတော့..၊ သိန်း သုံးလေးဆယ်လောက်နဲ့ ကားကောင်းကောင်းလေး ရနိုင်မယ်ဆို ကားဝယ်စီးမလားဟင် ယောက်ျား..”

“ဟုတ်တယ် ဖေဖေ။ ကားဝယ်ပီးရင် သားကို မူကြို ကားနဲ့လိုက်ပို့ နော်..နော်”

“အန်..။ အံမယ် အံမယ်… သားအမိနှစ်ယောက်၊ အတိုင်အဖောက်ညီလို့။ မင်းပဲ ဆိုင်ကယ်က ဘတ်ဂျက်ထိဆို..၊ ဆိုင်ကယ်က နှစ်ဘီးပဲပါသေးတာ၊ ကားများဝယ်ရင် လေးဘီးစာနော်… ကားတစ်ခါပြင်ရရင် ဘတ်ဂျက်က ဘယ်လောက်ကုန်မယ်မှတ်လဲ”

“ဖေဖေ ဖေဖေ၊ ဘတ်ဂျက် ဆိုတာ ဘာကြီးလဲဟင်..” စဉ်းစားသလိုနဲ့ သားငယ်က သိချင်တာမေးလာ၏။

“ဘတ်ဂျက်ဆိုတာ သားသားဖို့ မုန့်တွေ၊ အရုပ်တွေဝယ်ဖို့.. မေမေ ဈေးသွားဖို့.. ဖေဖေတို့ ဆိုင်ကယ်ပြင်ဖို့ ပိုက်ဆံတွေ အများကြီးကုန်တဲ့ဟာကို ပြောတာပေါ့ သားရဲ့”

“ပိုက်ဆံတွေ အများကြီးကုန်တာ ဘတ်ဂျက်ပေါ့.. ဟုတ်လား ဖေဖေ”

“ဒါပေါ့..ဒါပေါ့”.. ဆိုတော့ သားမျက်နှာလေး ကြည်ပြီး ကျေနပ်သွားပါတယ်။

… … … … …

“ဘတ်ဂျက်ဆိုလို့.. မိန်းမရော သိလား ၊ ရုံးမှာ မမရဲ့ဘတ်ဂျက်စာရင်း အရှုံးပေါ်တာနဲ့ ပတ်သက်လို့ သိရှိကြောင်း လက်မှတ်ထိုးခဲ့ရသေးတယ်”

“ဟင်.. ဘာလဲ၊ ဘယ်က မမ လဲ”

“မမ.. မြန်မာ့မီးရထား မမလေ။ ဝန်ထမ်းတွေကို တစ်ဝက်ဈေးနဲ့ လက်မှတ်တွေ ရောင်းပေးရလို့ မြန်မာ့မီးရထားရဲ့ ဘတ်ဂျက်စာရင်းမှာ သိန်းပေါင်းထောင်ချီ အရှုံးပေါ်သတဲ့၊ နောက်ဆို ဝန်ထမ်းအတွက် ရထားလက်မှတ်ကို ၇၅% နဲ့ပဲ ရောင်းတော့မှာတဲ့။ အဲဒါ သိရှိကြောင်း လက်မှတ်ထိုးရတယ်..”

“မြန်မာ့ မီးရထား.. ဟင် သူတို့ကလည်း…လက်မှတ်ဈေးတွေလည်း တတ်ပါရဲ့..၊ without ဆိုပြီး ခုံမရတဲ့ လက်မှတ်တွေရောင်းတဲ့ ရထားများ သွားစီးကြည့်ပါအုံး..ခြေချစရာတောင်မရှိဘူး..လမ်းတံတားတွေ ပြင်ရလို့ ဆိုရအောင်ကလည်း… …”

“ပြင်ဆင်စရာ၊ အသစ်ဝယ်စရာတို့.. ရထားမောင်းတဲ့ ဆီဖိုးတို့အတွက် ၀န်ကြီးဌာနဘတ်ဂျက်ခွဲတမ်း ရှိတာပဲ မဟုတ်လား၊ ဌာနတွေကလည်းကွာ ပြည်သူလူထုအတွက် ဝန်ဆောင်မှုပေးရမယ်ဆိုတဲ့ အတွေးကို မရှိတော့ပါဘူး၊ တို့ ပြည်သူတွေဆီက အမြတ်ပြန်ရှာသလို ဖြစ်နေပါပြီ။”

“အင်းလေ.. အဲဒီ ဘတ်ဂျက်တွေရော၊ လက်မှတ်ရောင်းရတဲ့ငွေတွေရော ဒီလောက်ပိုက်ဆံအများကြီးဟာ ဘာလို့များ ရှုံးရပါလိမ့်တော်.. အံ့ပါရဲ့”

မမ ခေါ် မြန်မာ့မီးရထား ဘတ်ဂျက်စာရင်းမှာ အရှုံးတွေနဲ့သာ ရင်ဆိုင်နေရတဲ့ အကြောင်း ရွာစားကျော်တို့ ဇနီးမောင်နှံ ခေါင်းစားနေပေမယ့်လို့… …

အဲ..အဲ..ဒါပေမယ့်လို့။ ဆိုင်ကယ်အရုပ်နဲ့ မီးရထားအရုပ်လေးတွေကို လက်တစ်ဖက်ဆီမှာ ကိုင်ထားတဲ့ ကျနော်တို့ သားတော်မောင် ဝင်ပြောလိုက်တာကတော့…

… … … …   …

“မီးရထားကြီးက ဘီးတွေအများကြီးရှိတယ်လေ။ မီးရထားဘီးပေါက်လို့ ဖာရတော့ ဘတ်ဂျက်တွေ အများကြီးကုန်တာပေါ့လို့… ဖေဖေနဲ့ မေမေကလည်း ဒါလေးတောင်မသိဘူး…” တဲ့ဗျာ..။

… … … …   …

ကဲ.. မှတ်ကရော..။

ကျနော်တို့မှာ ပါးစပ် အဟောင်းသားနဲ့။

သြော်.. ကလေးအတွေး ပြောပါတယ်။ :mrgreen: :D

“… … … ”

“ချွန်တာသိလို့၊ လွန်တာရှိရင်… ၀န်တာသာ မိပါတော့…

အာဟိ.. ဒက်ဂလောက်..ဒက်ဂလောက် (ခရက်ဒစ်တူ ဂီ)”

 

 

ရွာစားကျော် မင်းနန္ဓာ

About ရွာစားကျော် မင်းနန္ဓာ

ရွာစားကျော် မင်းနန္ဓာ has written 70 post in this blog.

နတ္ထိတွေ အစာသွပ်ထားတဲ့ ရင်ဘတ်ထဲ ၀မ်းစာကလည်း ရှားပါးလို့ ပစ္စုပ္ပန်မှာ ငူငေါင်ငေါင်ရပ်ရင်း လှမ်းမျှော်ပြီးကြည့်တော့ အနာဂတ်ဟာ မှုန်ဝါးလို့နေရဲ့.. မထူးဇာတ်ခင်းကာ အတိတ်က အိပ်မက်တွေကို ပြန်တူးကြည့်တော့ ပုပ်သင်ဥတွေပဲ ထွက်လာတယ်....