မျက်စိစွေတာကို ဟိုယခင်တုန်းကတော့ ခပ်ပေါ့ပေါ့သာ သဘောထားခဲ့ဖူးပါတယ်။ ကျွန်မ သမီးလေးမွေးတော့ ကလေးက မွေးရာပါ မဆိုစလောက်ကလေး မျက်စိစွေနေခဲ့တယ်။ အိမ်နီးပါးချင်းတွေက ကလေးကြီးလာရင် အလိုလိုပျောက်ကင်းသွားမယ်လို့ အားပေးခဲ့တာကတစ်ကြောင်း၊ နေတာက နယ်မြို့ကလေးဆိုတော့ မျက်စိအထူးကုဆရာဝန် မရှိတာကတစ်ကြောင်း၊ ပေါ့ဆတာကလည်းတစ်ကြောင်း၊ ဒီလိုနဲ့ ကလေး အသက် ငါးနှစ်ပြည့်ချိန်အထိ ဆရာဝန်မပြခဲ့မိပါဘူး။ စိတ်ကိုလှည့်စားဖို့အတွက်များ ဖန်တီးနေခဲ့သလား အောက်မေ့ရအောင် ကလေးမျက်စိဟာ တော်ကြာကောင်းသွားလိုက်၊ တော်ကြာစွေလိုက်နဲ့ အမျိုးမျိုးအထွေထွေ ဖြစ်နေခဲ့တယ်။ မျက်ခွံပေါ်ကနေ သံပုရာသီးနဲ့ လှိမ့်ပေးရတယ် ပြောကြလို့ နှစ်ပေါက်အောင် သံပုရာသီးနဲ့ လှိမ့်ပေးခဲ့တယ်။ မနက်မနက်ဆိုရင် မျက်စိလေ့ကျင့်ခန်းဆိုပြီး ကလေးကို မျက်လုံးကစားခိုင်းခဲ့တယ်။ ဘယ်လိုပဲလုပ်လုပ် ကလေးမျက်စိဟာ စွေချိန်ကြာမြင့်ခဲ့ပါပြီ။

ကလေးရဲ့ အဖွားက မနေနိုင်တော့ဘဲ ရန်ကုန်ကမျက်စိအထူးကုဆရာဝန်ပြဖို့ စုံစမ်းပြီး နယ်မှာနေတဲ့ ကျွန်မတို့ သားအမိသားအဖ သုံးယောက်ကိုလှမ်းခေါ်၊ ဆရာဝန်ပြတော့မှ မျက်စိစွေခြင်းရဲ့ ဆိုးကျိုးတွေကို အနည်းအကျဉ်း သိရပါတော့တယ်။ ကျွန်မတို့က လှတာ မလှတာကိုပဲ စဉ်းစားတတ်ပြီး မျက်စိကုဖို့ဆုံးဖြတ်ကတည်းက သမီးလေး လှဖို့ကိုပဲ အဓိကထားပြီး စဉ်းစားခဲ့ပါတယ်။ သမားတော်ကြီးကတော့ လှခြင်း မလှခြင်းကို စကားထဲ တစ်လုံးမှထည့်မပြောခဲ့ပါဘူး။ မျက်စိစွေတဲ့အတွက် မျက်လုံးဟာ focus မကောင်းတော့ဘဲ ဥပမာ ခွဲစိတ်ကုဆရာဝန်လိုမျိုး အဆင့်မြင့်လုပ်ငန်းတွေကို မလုပ်နိုင်တော့ကြောင်း၊ မျက်လုံးဟာ ပုံရိပ် နှစ်ခုကို မြင်နေတဲ့အတွက် ဦးနှောက်ကို ပုံရိပ်နှစ်ခုပို့တော့ ဦးနှောက်က လက်မခံနိုင်ဘဲ သူလိုချင်တဲ့ပုံရိပ်ကိုယူတဲ့အတွက် တကယ်ပြောရရင် မျက်စိတစ်လုံးဟာ မြင်ကွင်းပျောက်ကွယ်ပြီးသား ဖြစ်နေတဲ့အကြောင်း၊ အသက်ကြီးပိုင်းမှာ မျက်စိအမှုန်မြန်လာမယ့်အကြောင်း၊ ဦးနှောက်ဟန်ချက်ပျက်တဲ့အတွက် ဥာဏ်ရည်ဥာဏ်သွေးကို ထိခိုက်ကြောင်း စသဖြင့် ဗဟုသုတ အနည်းအကျဉ်းရခဲ့ပါတယ်။

ကလေး မျက်စိစွေတာကို ခွဲစိတ်ကုသတဲ့နည်းနဲ့ပဲ ကုသရတော့မှာပါ။ အသက် ရှစ်နှစ်ကျော်ရင်တော့ မျက်လုံးကြွက်သားတွေ အားကောင်းခိုင်မာ သွားပြီဖြစ်တဲ့အတွက် စွေတာကို ကုသလို့ မရတော့ပါဘူးတဲ့။ ကလေး အသက် သုံးနှစ်တုန်းကသာ ခွဲစိတ်ကုသခဲ့ရင် ကလေးမျက်လုံးဟာ လူကောင်းပကတိအတိုင်းဖြစ်ရမှာပါ။ ကျွန်မတို့ကတော့ ပေါ့ဆခဲ့မိလို့ အသက်ငါးနှစ်မှခွဲတာဆိုတော့ ကလေးဟာ 3D မကြည့်နိုင်တော့ပါဘူး။

ကျွန်မသမီးကို ခွဲစိတ်ကုသပေးခဲ့တဲ့ ဆရာဝန်ကြီးကတော့ သမားတော်ဦးသန်းအောင် ဖြစ်ပါတယ်။ ပထမ မေတ္တာဦးမှာ ခွဲဖို့ ရက်ချိန်းယူတော့ တစ်လနီးပါးစောင့်ရမှာဆိုတော့ မစောင့်နိုင်ဘဲ ရက်ချိန်းစောစောရတဲ့ အမေရိကန်ဗွီးရှင်း မှာ ခွဲစိတ်ခဲ့ပါတယ်။ ခွဲစိတ်ခန်းထဲ ကလေးဝင်သွားပြီး ပြန်ထွက်လာတဲ့အချိန်ထိ သုံးနာရီငါးမိနစ် စောင့်ရပါတယ်။ အဲဒါ ခွဲစိတ်ချိန်အပြည့် ဟုတ်မဟုတ် မသေချာပါဘူး။ မေ့ဆေးပြယ်မှ ခွဲစိတ်ခန်း ထဲက ထုတ်ပေးတာလား ကျွန်မ သေချာမသိပါဘူး။ မျက်စိစွေတာကို ခွဲစိတ်ကုသတာဟာ ဘေးကင်းတဲ့ခွဲစိတ်မှုပါ။ သို့သော် ကလေးက ညလယ်ကြီး ခဏခဏ နိုးလာပြီး ရုန်းရင်းဆန်ခတ်ဖြစ်လိုဖြစ်၊ မျက်လုံးပတ်တီးကို အတင်းဆွဲခွာလိုခွာ၊ ကလေးဆိုတော့ ပြောလို့ကလည်း သိပ်နားမလည်ချင်ဘူး။ အဲဒီအခါ သူနာပြုဆရာမနဲ့လွှတ်မထားဘဲ ဘေးမှာ အမေကိုယ်တိုင်စောင့်တာ အကောင်းဆုံးဆိုတာ ပြောပြချင်ပါတယ်။

ခွဲစိတ်ပြီး တစ်ပတ်ကြာတဲ့အထိ မျက်သားတွေ နီရဲနေတယ်။ အခုတော့ သမီးလေး မျက်လုံးဟာ လုံးဝ(လုံးဝ) ကို မစွေတော့ပါဘူး။ ခေတ်မီဆေးသိပ္ပံပညာနဲ့ ဆရာဝန်ကြီးတွေရဲ့အစွမ်းကတော့ အံ့မခန်းပါပဲ။ ဂေဇက်စာဖတ်သူများလည်း မိမိတို့ရဲ့ သားသားမီးမီးတွေ မျက်လုံးစွေရင် အချိန်မဆွဲမိကြစေဖို့ တိုက်တွန်းလိုက်ပါတယ်နော်။ ခလုတ်တစ်ချက်နှိပ်ရုံနဲ့ ပြီးတဲ့ခေတ်၊ အသိဥာဏ် အခရာကျတဲ့ခေတ်မှာ လူသားတန်ဖိုးဟာလည်း တန်ကြေးကြီးလာတယ်။ လူသားရဲ့ လုပ်ဆောင်နိုင်စွမ်းဟာလည်း မြင့်မားလာတယ်။ အရှိန်အဟုန်နဲ့ ပြောင်းလဲနေတဲ့ခေတ်ကြီးထဲ ထူးခြားတောက်ပနေတဲ့ သားသားမီးမီးတို့ရဲ့ ရှေ့အနာဂတ်မှာ လူသားရဲ့ လုပ်ဆောင်နိုင်စွမ်း ကျဆင်းမယ့်ကိစ္စ တစ်ခုတလေတောင် မလုပ်မိဖို့၊ ကျွန်မလို မပေါ့ဆမိကြဖို့ စေတနာကောင်းနဲ့ ရေးသားလိုက်ပါတယ်ရှင်။

 

About ၀င့်ပြုံးမြင့်

wintpyone myint has written 21 post in this blog.

မိဘပေးခဲ့တဲ့ နာမည် ၀င့်ပြုံး ။ ၀င့်ဝါခြင်းသဘောကို မဆောင်၊ အောင်နိုင်သူ့အပြုံး (Triumphant Smile) လို့ ဆိုလိုခြင်းဖြစ်ပေမယ့် လူကတော့ အရှုံးသမားတစ်ဦးသာ ဖြစ်ခဲ့။ ( I am nothing but a loser.)