တဖြည်းဖြည်း ပတ်ဝန်းကျင်နဲ့ ပို ထိတွေ့လာတာနဲ့ အမျှ

တဖြည်းဖြည်း ပို ပို သိလာတာနဲ့အမျှ

ဖုံးကွယ်ထားတဲ့ အမှန်တရားတွေကို ကျနော်တို့ ပိုတွေ့လာရတတ်တယ်ဗျ။

တချို့ကတော့ ခပ်စပ်စပ်

တချို့ကျတော့ ခါးသက်သက်

တချို့ကတော့ ချိမြိန်ရဲ့

တချို့ တချို့တွေ ကျပြန်တော့ ရသခြောက်ပါးစလုံး ရောမွှေထားသလို

အဲ့လို အဲ့လိုပေါ့ဗျာ။

အဲဒီ အမှန်တရားတွေထဲကမှ

သိလိုက်ရတဲ့အချိန်မှာ လက်မခံနိုင်ဘဲ စိတ်ဓာတ်ကျလောက်တဲ့အထိ ဖြစ်တတ်တဲ့ အမှန်တရားတွေလည်း ရှိသေးသဗျ။

ကျနော်ကတော့ အဲ့လို အမှန်တရားတွေကို hard truth လို့ နာမည်တပ်ပေးချင်ပါတယ်။  8)  8)

——————————-

လွန်ခဲ့တဲ့ နှစ်လလောက်က ပေါ့ဗျာ

အလုပ်ကိစ္စတွေရော၊ လူမှုရေးကိစ္စတွေရော အဆင်မပြေဖြစ်ခဲ့ပါရဲ့

ခံရခက်ခက်နဲ့ အမှန်တရား အတော်များများကို အဲ့ကာလမှာ လက်ခံခဲ့ရတယ်။  :op:

ဒီအကြောင်းကို ချစ်လှစွာသော ဂျီးဒေါ် ခင်ဇော် နဲ့ စကားစပ်မိတော့ ပြောဖြစ်ရဲ့ (နှစ်ယောက်စလုံး အဆင်မပြေတာတွေနဲ့ နပန်းလုံးနေရတာ ကြိုညှိထားသလားမှတ်ရ) :chee:

ပြောရင်း ပြောရင်း hard truth ဘက်ကို ရောက်သွားတယ်။

သိတဲ့အတိုင်း ကိုယ်တွေက အစတစ်ခု ဖော်မိရင် အရှိန်ထိန်းလို့ ရတဲ့သူတွေ မဟုတ်တော့ အဲ့လို ခါးသက်သက် ဖျဉ်းရှရှ အမှန်တရားတွေ ဘယ်လောက်များ ရှိနေသလဲ လို့ ရှာကြည့်တော့ ဆယ့်တစ်ချက် တောင် သွားတွေ့တယ်ဗျ။

ရှာတွေ့ပြန်တော့ ဦးဂူဂဲ က အင်္ဂလိပ်လိုပဲ ပြောထားပေးတာမို့ မြန်မာလို ပြန်ပြောင်းဖို့ လိုလာပြန်ရော :n:

နှစ်ယောက်သား ခေါင်းချင်းဆိုင်ပြီး ဘာသာပြန်ကြည့်တာ အမြီးအမောက် မတည့်တာတွေပဲ ထွက်လာတာမို့ ဘာသာပြန်ကိစ္စ အတွက် ရွာထဲက သန်းကြွယ်သူဌေး ကိုဘလှိုင် ကို အကူအညီတောင်းပြီး ဘာသာပြန်လိုက်ရတယ်။

သူက တစ်ချက်ချင်းစီ ဘာသာပြန် ကျနော်တို့ တူအရီး နှစ်ယောက်က အောက်ကနေ စိတ်ကူးတည့်ရာ ဝင်ပြော ပေါ့လေ။  :mrgreenn:

အဲ့လို အဲ့လို သုံးပွင့်ဆိုင် ဆွေးနွေးထားတဲ့ ဖျဉ်းရှရှ အမှန်တရားတွေကို ဖတ်ကြည့်ကြပါဦး။

ဖတ်ပြီးလို့ အတွေးတစ်ခုခု ပေါ်လာရင်လည်း ဝိုင်းပြီး ပြောကြ ဆိုကြတာပေါ့ဗျာ။ :c:

 

 

1. There is no true love.

Ko Ba Hlaing – အချစ်စစ်ဆိုတာ ဘယ်ခါမရှိ…

 

 

KZ – Melificent ထဲက စကားပဲ။

လက်မခံချင်ပေမဲ့လည်း ဒီခေတ်မှာ ဒါဟာ အမှန်တရားတစ်ခု ဖြစ်နေပြီ။  :-?  :-?  :-? 

 

 

Mister Marga – အရာရာတိုင်းကို အရှုံးအမြတ် တွက်နေတဲ့ ခေတ်ပဲလေ…

ချစ်ခြင်းမေတ္တာတွေ ရှားပါးလာတာ ဘာဆန်းမလဲ။

အချစ်စစ် ဆိုတာ မရှိဘူးဆိုတော့… အမုန်းစစ် ဆိုတာလည်း ရှိမှာမဟုတ်!!

ဒါကြောင့် ထာဝရ ရန်သူ ဟူသည် မရှိ။ 

:boss:

——————————————

2.There is no such thing as a soul mate

Ko Ba Hlaing – နှစ်ကိုယ့် တစ်စိတ် ဆိုတာ မရှိ…

 

 

KZ – (တစ်ဦးနှင့်တစ်ဦး) စိတ်တူ ကိုယ်တူ သဘောမျှကြည်ဖြူတယ်ဆိုတာမျိုး မရှိ

ရင်ဘတ်ချင်း တူညီသူ၊

ခံစားချက်ခြင်း ထပ်တူကျသူ၊

အချစ်ခြင်းညီတဲ့သူ

ဘယ်တော့မှ………………..

……………………………….

……………………………

…………………………………. မရှိ…  

:q: 

 

Mister Marga – သူ့စိတ်နဲ့ ကိုယ့်ကိုယ် (နှစ်ကိုယ့်တစ်စိတ်) နေဖို့ဆိုတာ အသာထား…

ကိုယ့်စိတ်နဲ့ကိုယ်တောင် တခါတခါ အံကျရဲ့လား

အဲ…. အဲ….

ဒီစကား ကြားလို့ သိပ်လည်း စိတ်မပျက်ပါနဲ့…

အရင်းနှီးဆုံး မိတ်ဆွေတွေက နှစ်ကိုယ့်တစ်စိတ်ထက် ပို တန်ဖိုးရှိပါတယ်။

မရနိုင်တာကို တမ်းတနေမယ့်အစား ရနိုင်တာတွေနဲ့ အကောင်းဆုံး လုပ်ကြတာပေါ့

:dd:

 

————————————

3.Your problems are your own, no one else’s

Ko Ba Hlaing – ကိုယ့်ပြဿနာ  ကိုယ့်ဟာပါ။ (တစ်ပါးသူဟာ မဟုတ်)

 

 

KZ – ကိုယ့် ပြသာနာကတော့ ကွကိုယ်သာရှင်းရမှာ။ ဟိ။ ဘယ်သူမှ ကူရှင်းပေးမှာ မဟုတ်။

ဆိုတော့ … ကိုယ်နဲ့ ထပ်တူခံစားပြီး ဖြေရှင်းပေးနိုင်မယ် ထင်တဲ့ အတွေးတွေဟာ အမှားကြီး မှားပါပေါ့လားးး။

:cry:

 

 

Mister Marga – အသက်တစ်ရာ မနေရပေမယ့် အမှုတစ်ရာ ပွေတတ်တဲ့ လူ့ဘဝပဲ…

ဒါတွေ အကုန်လုံးကို မငြီးမငြူ  ဘယ်သူကမှ လိုက်ရှင်းမပေးဘူး စိတ်ချ။

ကိုယ်ကြိုက်တာ ကိုယ်လုပ်…

ကိုယ်ဖြစ် ကိုယ်ခံ…

ကိုယ့်ပြဿနာ ကိုယ်ရှင်း…

ကိုယ့်ဘဝကို ကိုယ်တိုင် ပုံသွင်းယူရမှာပဲလေ…

:j:

 

 

—————————————-

4.You are not important. Just get used to it

Ko Ba Hlaing – ကိုယ်က သာမည၊ အထာကျအောင် လက်ခံ။ (ကိုယ်က သာမည၊ သူက ကျိုက်ထီးရိုး :loll: )  

 

KZ – ဘယ်သူ့ အတွက်မှ ကိုယ်က အရေးကြီးတဲ့ မရှိမဖြစ် လူ တစ်ယောက်မဟုတ်…

နေသား တကျ လက်ခံထားလိုက်ပါ…

ကိုယ့် အတွက်လည်း ဘယ်သူရှိမှ ဘယ်သူက မရှိမဖြစ်ဆိုတာမျိုး မရှိ

ပိုကောင်းး…

:a:

 

Mister Marga – ကိုယ်က သူ့အတွက် ဘယ်လောက်ပဲ အရေးပါတယ်ပြောပြော

သူ့ကိုယ်သူထက် ဘယ်သူမှ ပို အရေးမကြီးဘူးရယ်။

အဲ.. အပြန်အလှန်အနေနဲ့ ကိုယ်တိုင်လည်း ကိုယ့်အတွက်ကိုယ် အရင်တွေးတာပဲကိုး

ဆိုတော့ …ကိုယ့်အတွက် ကိုယ်သာ အဓိက… သူများအတွက် ကိုယ်ဟာ သာမည…

(သာမညပဲဆိုတော့ သိပ်လည်း အာရုံစိုက်နေစရာမလိုတော့တာပေါ့ဗျာ)

:a:

————————

 

 

5.Getting no message is also a message

Ko Ba Hlaing – စာမလာ သတင်းမကြားရင် မင်းနားလည်လိုက်တော့…

 

KZ– ဟုတ်တယ်။

တစ်ခါတလေ သိပါရဲ့နဲ့ … “မအားလို့ နေမှာပါလေ၊ စိတ်ဆိုးနေလို့လား မသိဘူး” ဆိုတာမျိုးတွေနဲ့ မျှော်လိုမျှော်၊

ဇွတ်လိုက်မေးလိုမေးး နဲ့ အလိုက်မသိချက်ကလည်း ၉ လောက် ရှိတယ်။ ကွကိုယ် ပြောပါတယ်။

:(

 

Mister Marga – လိုသုံး ဆိုတဲ့ စကားလုံးလိုပေါ့…

အကျိုးအမြတ် တစ်ခုအတွက် တစ်ယောက်နဲ့တစ်ယောက် ပြောဆိုဆက်ဆံနေကြတာပါပဲ။

win-win situation မှာတောင်မှ သူ့အတွက်လည်း အကျိုးအမြတ်ကျန်အောင် လုပ်ပေးရသေးတယ်မလား…

ကိုယ် ကိုယ်တိုင်ဟာ သူ့အတွက် ဘာအကျိုးအမြတ်မှ မရရင်တော့ သူဘက်က ဘာမှ ထပ်မလာတာ အသေအချာ။

သိပ်လည်း ခံစားမနေပါနဲ့ ချင်းစိမ်းနဲ့ မိဿလင် သူကြင်မှ ကိုယ်ကြင် ပေါ့ ဟုတ်ဖူးလား။

:buu:

—————————–

 

 

6.Hidden Truths are Unspoken Lies

Ko Ba Hlaing – ဖုံးကွယ်ထားတဲ့ အမှန်တရားဆိုတာ မပြောဖြစ်တဲ့ မုသား…

 

KZ – ကိုယ့်မှာလည်း အဲ့ဒီ အမှန်တရားအများကြီးမို့… သူများရဲ့ အဲ့ဒီ မုသားတွေလည်း ခွင့်လွှတ်တယ်။ အဟေးဟေး….  :mrgreenn: :mrgreenn:

 

 

Mister Marga – အမှန်တရားဆိုတိုင်း သိကောင်းတယ်များ ထင်နေသလားဗျ။

ဘယ်ကိစ္စမှာမဆို လျှို့ဝှက်ချက်ဆိုတာ ရှိနေမှ။ Transparency ဆိုတာ အတိုင်းအတာတစ်ခုအထိပဲ ကောင်းတယ်လေ။

မယုံရင် ပလတ်စတစ် အကြည်စကို အဝတ်အစားချုပ်ဝတ်ကြည့်ပေါ့ (အနည်းဆုံး ခွေးလိုက်ဆွဲခံရမယ်)  :n: 

ဒါကြောင့် သိရင်တောင် မသိချင်ယောင် ဆောင်ပြီး လွှတ်ပေးလိုက်ပါ။

—————————-

 

7.Sometimes you have to forget what you want and remember what you deserve.

Ko Ba Hlaing – တစ်ခါတစ်ရံ ကိုယ်နဲ့တန်တာပဲ သတိရပါ။ လိုချင်တာ မေ့ထား…

 

KZ – သဘောကတော့ ကိုယ်လိုချင်တာတိုင်း နဲ့ ကိုယ်နဲ့မထိုက်တန်ဘူးပေါ့။ ရပါတယ်။

မစားတဲ့ အမဲ သဲနဲ့ပက်မယ်။

မရတဲ့ စပျစ်သီးချဉ်မယ်။ ဒါပဲ။

:l:

 

Mister Marga – နည်းနည်း လုပ်ပြီး များများ ရနေရင်ပဲဖြစ်ဖြစ်…

များများ လုပ်ပြီးနည်းနည်း ရနေရင်ပဲဖြစ်ဖြစ်..သေချာတယ် တစ်ခုခုတော့ မှားနေပြီ။

အရာတိုင်းမှာ တန်ဖိုး ဆိုတာရှိတာမို့ လိုချင်ရင် အဲဒီ တန်ဖိုးကို ပေးမှ ရတယ်။

အပေါ်ကလို ဖြစ်နေပြီဆိုရင်တော့ တစ်ချိန်ချိန်မှာ မတန်တဆ ပြန်ပေးဆပ်ရတော့မှာမို့ အသင့်သာ ပြင်ထားပေရော့။

:dd:

—————————–

 

8.Respect yourself walk away from anything that no longer serves you grow you or make you happy.

Ko Ba Hlaing – ကိုယ့်ကို မဖြည့်ဆည်းတော့တဲ့၊

ကြီးထွားရှင်သန်ခွင့်မပေးတော့တဲ့၊

မပျော်ရွှင်စေတော့တဲ့ အရာမှန်သမျှကို ဥပေက္ခာပြုဖို့ ကိုယ့်ကိုယ်ကိုယ် (လုံလောက်တဲ့) လေးစားမှုထားရမည်။

Or

(ကိုယ့်ကိုယ်ကိုယ် (လုံလောက်တဲ့) လေးစားမှုရှိလျင်

ကိုယ့်ကို မဖြည့်ဆည်းတော့တဲ့၊

ကြီးထွားရှင်သန်ခွင့် မပေးတော့တဲ့၊

မပျော်ရွှင်စေတော့တဲ့ အရာမှန်သမျှကို စွန့်ခွာနိုင်ရမည်။)

 

KZ– မှန်တယ်။ မှန်တယ်။

ဒါပေမယ့် အဲဒါကိုပဲ တွယ်ကပ်နေမိတာ နှစ်ပေါင်းများစွာ…

:b:

 

Mister Marga – မြတ်စွာဘုရားက အနတ္တ လို့ ဟောခဲ့တယ်..

ဒါပေမယ့် အတ္တ အပေါ်မှာ ခုထက်ထိ တွယ်ကပ်နေကြတုန်းပဲ…

အဲ့ အတ္တ ကို နည်းနည်းလေးပဲ လျှော့ကြည့်လိုက်ပါ… လောကကြီးဟာ ပျော်စရာအရမ်းကောင်းသွားမယ်။

ဘာကြောင့် ကိုယ့်အတွက် အကျိုးမရှိတဲ့အရာတွေကို အကြောင်းမဲ့သက်သက် တွယ်ကပ်နေချင်ကြတယ်ဆိုတာ စဉ်းစားလို့ကို မရဘူး :roll: :roll: :roll:

 

——————————–

 

 

9.“GONE” is the saddest word in the language, in any language.

Ko Ba Hlaing -“GONE”  ဆိုတာ ဘယ်ဘာသာစကားမှာမဆို ငိုချင်စရာအကောင်းဆုံးပေါ့။

“GONE” နဲ့အဓိပ္ပါယ်တူတဲ့ မြန်မာစကား စဉ်းစားမရပါ။

(ခွဲခွာတာ၊ သေတာ၊ ပျောက်ဆုံးတာ၊ ဖျက်စီးခံရတာ(ပျက်စီးတာ)၊ သုံးလို့ကုန်သွားတာ..ဘာညာ)

နီးနီးနားနား ဗန်းစကား ဆို “ဂွမ်း” တယ်ဆိုတာ ဘယ်ဘာသာစကားမှာမဆို ငိုချင်စရာအကောင်းဆုံးပေါ့။

 

KZ – ဟင့်အင်းးး

နိုင်သလောက်ပဲ ကောင်းပါတယ်။

ဝမ်းနည်းစရာဆိုပေမဲ့လည်း အရမ်းလေးလံလာရင် ဂွမ်းကနဲ နေအောင် လွှတ်ချလိုက်တာ အကောင်းဆုံးပဲ။။

ခုထိတော့ ကိုယ်ကချည်း ဂွမ်း နေသလိုပဲ။

(ဒီ မှတ်ချက်ကို မနိုင်ဝန်တွေ အောက်မှ ရေးသည်)

:p:

 

Mister Marga – ယုံကြည်ချက်တွေ…

မျှော်လင့်ချက်တွေ…

အမှန်တရား လို့ ထင်ခဲ့တဲ့ မုသားတွေ…

အချိန်ပေး တည်ဆောက်ခဲ့ရတဲ့ ဂုဏ်ဒြပ်တွေ…

တဖြည်းဖြည်း ပျိုးထောင်ခဲ့ရတဲ့ ပုံရိပ်တွေ…

ဘောင်ခတ် ခံထားရတဲ့ အတွေးအခေါ်တွေ…

အဲဒါတွေ အားလုံး ပျက်စီး၊ ဆုံးရှုံး၊ ပျောက်ကွယ်၊ လွင့်ပြယ် သွားတဲ့ ခံစားချက်ကို တွေးကြည့်လေ…

GONE ဆိုတာ တစ်လုံးတည်းနဲ့ ပြည့်စုံနေတယ်

————————————

10.We met for the reason either you’re a blessing or a lesson

Ko Ba Hlaing – အကြောင်းကံဆုံ လို့ တွေ့ကြ၊ ကောင်းချီးမင်္ဂလာ နဲ့ သင်ခန်းစာ တစ်ခုခုပေါ့…

 

KZ–  ခု အသက် ၃၀ နောက်ပိုင်းတော့ ဘယ်သူ့ကိုပဲ တွေ့တွေ့ ခွဲခွါဖို့ အကြောင်းအရာကို အလိုလို စဉ်းစား အသင့်ပြင်ပြီးသားဖြစ်နေတတ်ရဲ့။ 

:s:

 

Mister Marga – အမှတ်တမဲ့ပဲ တွေ့တွေ့…
တမင်ရည်ရွယ်ပြီးတော့ပဲ တွေ့တွေ့…

တွေ့သမျှ လူတိုင်းကို ကျနော်တို့ မှတ်ချက် အနည်းငယ်တော့ ပေးမိတယ်မလား…

စိတ်ချပါ။ အဲဒီမှတ်ချက်က အကောင်းနဲ့ အဆိုး နှစ်မျိုးထဲမှာပဲ လည်ထွက်နေတာ။

ကိုယ်တိုင်လည်း သူများကိုမှတ်ချက်ပေးသလို သူများတွေ ပြန်ပေးရင်လည်း ပြုံးပြုံးလေး ခံယူလိုက်ပေါ့…

——————————–

 

 

 

11.The worst thing about being lied is that you come to know you weren’t worth the truth.

Ko Ba Hlaing – မုသားဆို ခံရသူအတွက် အဆိုးဆုံးအရာမှာ (မိမိသည်) အမှန်တရားနှင့်မထိုက်တန်ကြောင်း သိလာရခြင်းပင်ဖြစ်သည်။

 

KZ – ဆိုတော့ …

ဒါဆိုရင် လိမ်တဲ့သူကရော…??

ယုံကြည်ချက်နဲ့ မထိုက်တန်သူပေါ့နော်…???

:r:

 

Mister Marga – ပြောခဲ့ပါတယ်…

အမှန်တရားဟာ တခါတခါ ခါးသက်သက် နိုင်ပါတယ် လို့…

ပိုသိလေ ပို ခံရလေ…

စေတနာ မုသားပဲ ဖြစ်ဖြစ်…

တမင်တကာ မုသားပဲ ဖြစ်ဖြစ်…

ကိုယ့်အတွက် ပြောတာပါ လို့ပဲ မှတ်လိုက်ပါ…

မသိတော့ မခံစားရတော့ဘူးလေ….

:a:

———————————————

 

 

Mister Marga – အဆုံးသတ် ပြောချင်တာကတော့ We live in hard truth ပါ လို့…

KZ – ထပ်ဖြည့်ရရင်တော့ We live in Hard Truths using White Lie ပါလို့။

:op: :op: :op: :op:

 

လေးစားစွာဖြင့်

ဦးမာဃ (ခေတ္တ လူ့ပြည်)

Mr. MarGa

About Mr. MarGa

Mr. MarGa has written 82 post in this Website..

နတ်ပြည်သမ္မတ အဂ္ဂမဟာ သရေစည်သူ အဂ္ဂမဟာ သီရိသုဓမ္မ နေမျိုးဗလကျော်သူ ဝဏ္ဏကျော်ထင် သီရိပျံချီ အလင်္ကာကျော်စွာ သီဟသူရ အောင်ဆန်းသူရိယ ဦးမာဃ CJ # 9292010