ဒီနေ့မနက် လမ်းလျှောက်ရင်း ဖုန်းထဲပါတဲ့ Panorama ကိုစမ်းရိုက်မိတယ်။ အပြင်မှာ ကျယ်ပြန့်လွတ်လပ်တဲ့ ခံစားချက်ရလို့ နှစ်ခြိုက်မိတဲ့ ပြည်သူ့ရင်ပြင်ရှုခင်းကို ဓာတ်ပုံထဲလည်း ခံစားရမိသလိုပါပဲ။ဒီနေရာကို ကျမတို့ ငယ်ငယ်က ဗိုလ်ရှုခံတဲ့။ နောက် ၈၀ ခုနှစ်ပိုင်းတွေမှာ ပြည်သူ့ရင်ပြင်၊ပြည်သူ့ဥယျာဉ်လို့ နာမည်ပြောင်းလိုက်ပါတယ်။၊လူတွေ အပန်းဖြေလို့ရမယ့် အပြင်အဆင်တွေလည်းပြောင်းခဲ့တာပေါ့။ 2007 လောက်မှာ မနက်ဖက် လမ်းလျှောက်တဲ့ လေ့ကျင့်ခန်းစလုပ်ဖြစ်တုံးက မနက်ဖက် ပြည်သူ့ရင်ပြင်မှာ လွတ်လွတ်လပ်လပ် လေ့ကျင့်ခန်း လုပ်လို့ရခဲ့တယ်။မနက်ဆို ကက်ဆက်နဲ့ လေ့ကျင့်ခန်းလုပ်တဲ့ အဖွဲ့တွေ အများကြီး။တကိုယ်တော်တွေရော၊၄-၅ယောက်အစုအဖွဲ့လေးတွေရော စုံလို့ပါပဲ။ပျော်စရာကြီးပါ။ နောက်ပိုင်း မနက် ၅နာရီဖွင့် ၇နာရီဆို တံခါးပြန်ပိတ်လို့ အသည်းအသန်ပြန်ထွက်ကြရပါတယ်။ မမီလိုက်ရင် အဝေးကြီးက ပတ်ပြန်ကြရတာကိုး။ခုတော့ ဒီအ၀င် ပေါက်၂ခုကို ခြင်္သေ့စောင့်တဲ့ တံခါးမကြီးတွေက စောင့်ကြပ်ထားလိုက်တာ ကြာပါပြီ။

ခြင်္သေ့စောင့်တဲ့ တံခါးကြီးတွေ

ခြင်္သေ့စောင့်တဲ့ တံခါးကြီးတွေ

ကျယ်ပြန့်တဲ့နေရာမှာ အုပ်စုဖွဲ့ အားကစားလုပ်ခွင့် ရှိသင့်မသင့်

ကျယ်ပြန့်တဲ့နေရာမှာ အုပ်စုဖွဲ့ အားကစားလုပ်ခွင့် ရှိသင့်မသင့်

ဆင်ရုပ်ရေပန်း

ဆင်ရုပ်ရေပန်း

စင်မြင့်ပေါ်က အမှိုက်တွေ

စင်မြင့်ပေါ်က အမှိုက်တွေ

ဘယ်လိုပင် တောင်းဆိုကြပေမယ့် ခြင်္သေ့ကြီးတွေက တုပ်တုပ်မှ မလှုပ်၊ အထဲကို ၀င်ပြီး လေ့ကျင့်ခန်းလုပ်ချင် ဘုရားရှိခိုးချင်ရင် နက္ခတ်တာရာပြခန်းဖက်က လှည့်ပတ်ဝင်ကြတဲ့။အော်…၀င်ခွင့်လေးပေးထားတာတောင် ကျေးဇူးတင်ရမလိုပါပဲ။ပြည်သူ့……..ဆိုတာ ပြည်သူနဲ့ လားလားမှ မဆိုင်လို့ အဓိပ္ပါယ်ဖွင့်ရမယ်ထင်ပါရဲ့။
ကွေ့ပတ်ဝင်ပြီး ၀ါးရွှေဝါလမ်းက တဆင့် ဆင်ရုပ်ရေပန်း ရှိရာအလာ မြက်ခင်းစင်မြင့်မှာတော့ ညက ရေပန်းအက ကြည့်သူတွေရဲ့ အမှိုက်တွေ ဖွေးလို့။
တိဂုံဆံတော်ရှင်ကို ဦးချပြီး လာလမ်းအတိုင်း ပြန်ထွက် အိမ်ပြန်ရေမိုးချိုး၊အလုပ်ကို အသွားမှာ အင်းလျားလမ်း မီးပွိုင့်က ကားတန်းရှည်ထဲ မျောဝင်စီးပါရင်း ရန်ကုန်တက္ကသိုလ်ဘေးက တရွေ့ရွေ့အသွား၊ ခြင်္သေ့မစောင့်ပေမယ့် ပိတ်ထားတဲ့ တံခါးမကြီးဘေး မလွယ်ပေါက်လေးက ငုံ့ဝင် ငုံ့ထွက်ကြတဲ့ ကျောင်းသားကျောင်းသူလေးတွေရယ်၊ဗုံးရှာတဲ့ ကိရိယာတွေ၊လေ့ကျင့်ထားတဲ့ ခွေးတွေနဲ့ လုံခြုံ ရေး တာဝန်ယူထားကြသူတွေရယ်ကို မြင်လိုက်ရပြန်တော့

မလွယ်ပေါက်က ငုံ့ဝင်နဲ့ ငုံ့ထွက်

မလွယ်ပေါက်က ငုံ့ဝင်နဲ့ ငုံ့ထွက်

……
ပြည်သူကို ပြည်သူလို့ ပီပီသသဖတ်ပေးမယ့်
ကျောင်းသားကို ကျောင်းသားလို့ ပီပီသသ ရွတ်ပေးမယ့်
မင်းလောင်းကို မျှော်လိုက်မိပါတယ်။
မင်းလောင်းမျှော်တဲ့ ခေတ်မကုန်သေးဘူးလား အပြစ်တင်ရင်လည်း ခံရမှာပါပဲ။
ဟိုတုန်းကလို အလကားထိုင်စောင့်ရင်း မျှော်မှာတော့ မဟုတ်ဘူးပေါ့။
ဖွေးနေတဲ့ အမှိုက်တွေ ကောက်ရင်း၊
နောင်ဒီလို စည်းမဲ့ မပစ်အောင် စည်းရုံးရင်း
စည်းကမ်းရှိတဲ့ ပြည်သူအဖြစ်ကို ဆောက်တည်ရင်း စောင့်မှာပါ။
အနည်းဆုံးတော့ ဖြစ်သင့်တဲ့ ကတိတွေပေးပြီး ပေးခဲ့တဲ့ ကတိတွေ တည်အောင် လုပ်ပေးမယ့် မြို့တော်ဝန်တယောက်ကို ကိုယ်တိုင်မဲပေးပြီး ရွေးချယ်နိုင်မယ့် ကိုယ့် စိတ်ကြိုက် မင်းလောင်းကိုတော့ မျှော်ခွင့်ပြုကြစေချင်ပါတယ်။

padonmar

About padonmar

has written 219 post in this Website..

THAKHIN CJ #12112010 (5/2/16)