TVကနေ ဖျော်ဖြေမှု အစီစဉ်တခုကို ကြည့်နေတုန်း အောက်ကနားဘက်က ဟိုက်လိုက်ထိုးထားတဲ့ စာတမ်းလေးတစ်ခု အမှတ်မထင်ဖြတ်ပြေးသွားခဲ့တယ် … ။ အမှတ်တမဲ့ မြင်ခဲ့ရတဲ့ စာသားလေးတစ်ခုက ကျွန်မ စိတ်အာရုံကို ဖမ်းစားလိုက်တာ ၊ ထိုင်ကြည့်နေတဲ့ ဖျော်ဖြေမှု အစီစဉ်ကိုတောင် မေ့သွားမိတဲ့ အထိပေါ့ ။
%%%%%%%%%%%%%%%%%%%%%%%
” အခမဲ့ ပညာရေး “
၂၀၁၁-၂၀၁၂ပညာသင်နှစ်ကနေ စတင်ခဲ့တဲ့ မူလတန်း အခမဲ့ပညာရေးစနစ်က ၂၀၁၄-၂၀၁၅ ပညာသင်နှစ်မှာတော့ အလယ်တန်းထိ တိုးမြင့်လုပ်ဆောင်လာနိုင်တာ သိရတော့ ၊ ချို့တဲ့ပြီး ပညာလိုချင်ကြတဲ့ ကလေးတွေအတွက် ၀မ်းသာမိပါတယ် ။ ၂၀၁၄-၂၀၁၅ ပညာသင်နှစ်မှာ ဘာအကြောင်းပြချက်နှင့်မှ အလှူငွေ / ငွေကြေး တစုံတရာ ကောက်ခံခြင်းမပြုအောင်လည်း တင်းတင်းကြပ်ကြပ်တားမြစ်ထားတာကြောင့် သာဓုခေါ်စရာကောင်းတဲ့ ပညာရေးအထောက်ကူပြု စီမံချက်တစ်ခုပါပဲ ။
အစိုးရကျောင်းတွေကနေ အခမဲ့ ပညာရေး စနစ်ကို ၂၀၁၁-၂၀၁၂ပညာသင်နှစ်ကနေစတင်ခဲ့တယ် ဆိုပေမယ့် ဒီထက်ရှေ့ကျ တည်ထောင်ထားတဲ့ ဘုန်းတော်ကြီးသင် (သီလရှင်သင်) ပညာရေး ” ဘက ” ကျောင်းတွေပေါ်ခဲ့တာလည်း ကြာခဲ့ပါပြီ ။ အလှူရှင်တွေ ပရဟိတအဖွဲ့တွေအပြင် စေတနာ့ဝန်ထမ်းဆရာ/ဆရာမတွေ လုပ်အားနဲ့ ၀ိုင်းဝန်းရပ်တည်ခဲ့တဲ့ ဘုန်းတော်ကြီးသင် ပညာရေး ကျောင်း ( သီလရှင်သင် ပညာရေးကျောင်း)တွေမှာလည်း ပညာသင်သူဦးရေ တိုးမြဲ တိုးစဲပါပဲ ။ ကိုယ့်နိုင်ငံတွင်းက ကလေးတွေ အသိပညာ အတတ်ပညာသင်နိုင်အောင် ထောက်ပံ့ပေးနေတဲ့နေရာတွေရှိနေတာ ၀မ်းသာစရာပါ … ။
ပညာရေးဝန်ကြီးဌာနကပါ … ဒီစနစ်ကို ထုတ်ဖော် ၊ ဖော်ဆောင်လာတဲ့အခါ ကျွန်မတို့ နိုင်ငံထဲက ကလေးတွေအဖိုးခမဲ့စွာ စာသင်နိုင်တဲ့နေရာတွေ တိုးလာတော့မှာပါလားဆိုတဲ့ အသိကြောင့် ကြည်နူးရပြန်ပါတယ် ။
%%%%%%%%%%%%%%%%%%%%%%%
” အခမဲ့ မသင်မနေရ မူလတန်း ပညာသင် စနစ် “ ဆိုတဲ့ စာတမ်းလေးကို ကျွန်မ မြင်ခဲ့ရတာပါ ။ စနစ်သစ်တစ်ခု အနေနဲ့ ” မသင်မနေရ ” ပညာရေး စနစ်ကို အကောင်ထည်ဖော်တာ ၊ အသက်ရွယ်ပြည့်ပြီး စာသင်ကြားဖို့ကြံ့ကြာနေတဲ့ ကလေးတွေအတွက် အထောက်ပံ့ဖြစ်ပေမယ့် ….. ကလေးလုပ်သားတချို့ အတွက်တော့ အခုထက်ထိ စာသင်ဖို့ ခက်ခဲနေကြတုန်းပါပဲ ။
၂၀၁၄ ဒီဇင်ဘာလဆန်းက ချောင်းသာကို ကျွန်မရောက်ခဲ့တယ် …. ဒေသခံ ဈေးရောင်းတဲ့ လူတွေအများကြီးထဲ သောင်ပြင်ပေါ်ဈေးရောင်းနေတာ အများစုက ကလေးအရွယ်တွေပါပဲ ။ မူကြိုအရွယ်ကစလို့ မူလတန်း အလယ်တန်းအရွယ်တွေထိပဲ ဒေသထွက်ကုန်တွေ ရောင်းကြသလို ကဏန်းတွေ ၊ ဂုံးတွေကို ဇီဝိတဒါန လွှတ်ဖို့လည်း လိုက်ရောင်းကြတယ် ။
ကဏန်းထည့်ထားတဲ့ ရေပုံးကို မနိုင်တနိုင်လက်တဖက်နဲ့ ဆွဲလို့ ၊ ပေစောင်းစောင်းလမ်းလျှောက်လာတဲ့ ကလေးတစ်ယောက်ကို စပ်စပ်စုစု မေးကြည့်ခဲ့ဖူးတယ် ။ အသက်ကတော့ သုံးနှစ်ကျော်ရုံပါ ။ အဖေမရှိရှာတော့ဘူး အမေရယ် ၊ အကိုရယ်နဲ့ နေပါတယ် ။ အမေကတော့ ဧည့်သည်တွေအတွက် ဟင်းလိုက်ချက်ပေးတဲ့ အလုပ်ကို လုပ်ပြီး ၊ အကိုကတော့ ဆိုင်ကယ် ကယ်ရီ ဆွဲပါသတဲ့ ။ ကျောင်းမနေဘူးလားမေးတော့ မနေဘူးတဲ့ ။ သူများတွေလို စာမသင်ချင်ဘူးလား ကျောင်းမသွားချင်ဘူးလားမေးပြန်တော့ ၊ ကျောင်းသွားလျှင် ပိုက်ဆံမှ မရတာ အစ်မရဲ့တဲ့လေ ။ စာတတ်တယ်ဆိုလျှင် အခုရှာနိုင်တာထက် ပိုရှာနိုင်မယ် ၊ ပိုကောင်းတဲ့ အလုပ်တွေ လုပ်နိုင်မှာလို့ စည်းရုံးကြည့်တော့ ၊ နီရဲ ဖွာလန်ကြဲနေတဲ့ ဆံပင်တွေကို တဗျင်းဗျင်းကုတ်ရင်း …. မသင်ချင်ဘူးလို့ ပြတ်ပြတ်သားသား ငြင်းဆန်လေရဲ့လေ ။ သားကျောင်းတက်ဖို့ အကျီ င်္လည်း မ၀ယ်နိုင်ဘူး ၊ အမေ့ကိုလည်း ကူလုပ်ပေးရဦးမယ်တဲ့လေ ။
စာမသင်တော့ ပိုက်ဆံရော တွက်တတ်ရဲ့လား မေးမိပြန်သေးတယ် ။ စာမဖတ်ခဲ့ရပေမယ့် ပိုက်ဆံတော့ကောင်းကောင်းတွက်နိုင်ကြောင်းနဲ့ ပိုက်ဆံတွေရဲ့ အရောင်နဲ့ပုံသဏ္ဍန်ကိုကြည့်ပြီး ဘယ်လောက်တန်ဖိုးရှိသလဲ ခွဲခြားနိုင်ကြောင်လည်း သိခဲ့ရတယ် … ။
ကဏန်းလွှတ်ဖို့ လိုက်ရောင်းနေတဲ့ ကလေးက ကျွန်မ တူလေးနဲ့ယှဉ်လျှင်တောင် သုံးနှစ်လောက် ငယ်ပါသေးတယ် ။ ကဏန်းပုံးမပြောနဲ့ သူမျက်နှာသစ်ဖို့ ရေခွက်တောင် နိုင်အောင် မ မချင်တဲ့ တူတော်မောင်နဲ့ယှဉ်ပြီး ၊ စိတ်မကောင်းဖြစ်မိခဲ့သေးတယ် ။
မိုးမလင်းခင် ကဏန်းပုံးကြီး မနိုင်တနိုင်ဆွဲလို့ … သောင်ပြင်ပေါ် ဈေးရောင်းနေတဲ့အချိန်ကတည်းက သူတို့ ဦးတည်ရာက ငွေရဖို့အတွက်ပါ ။ တနေ့စာရောင်းရငွေကို အမေ့ကို ပြန်အပ်ပြီး နောက်ရက်အတွက် အရင်းထပ်လုပ်ရပြန်သတဲ့လေ ။ နေပြင်းလို့ ကဏန်းတွေ သေကုန်လျှင် ရှုံးကြောင်းနဲ့ အရင်းပြုတ်လို့ ဈေးမရောင်းခဲ့ရတဲ့ နေ့တွေလည်းရှိကြောင်း သိရပြန်ပါတယ် ။ အဲ့ဒီနေ့က သူ့ကို အိမ်ပြန်စောစေချင်တာကြောင့် ကဏန်းတပုံးလုံးကို ဈေးဖြတ်ဝယ်ခဲ့တယ် ။ ကဏန်းအရေတွက် ဘယ်လောက်မှန်းမသိပေမယ့် သုံးထောင့်ငါးရာရလျှင် အိမ်ပြန်လို့ ရပြီပြောလို့ ၊ ကဏန်းတပုံးလုံး သုံးထောင့်ငါးရာနဲ့ အကောင်မရေတွက်ပဲ ရောင်းဖို့ ဈေးဖြတ်လိုက်တယ် ။ ကဏန်းတွေကို ရေထဲချတော့ အကောင် ငါးဆယ်ကျော်တယ် ….. နောက်ဆုံး ကဏန်းရေထဲ ရောက်သွားတာနဲ့ …. ဟာ သားရှုံးတယ်တဲ့လေ ။ တစ်ကောင်ကို တစ်ရာနဲ့ ရောင်းလျှင် ငါးထောင်ကျော်ရမှာကိုတဲ့ ။ စာသာ မသင်ခဲ့ရတာ သင်္ချာအရေတွက်ကို ကောင်းကောင်းမှန်အောင် တွက်နိုင်တယ် ။ အရောင်းဝယ် မလုပ်ခင်က သဘောတူခဲ့တဲ့ အတိုင်းပဲ သုံးထောင့်ငါးရာ အတိပဲ ထုတ်ပေးခဲ့တယ် ။ ကျွန်မ ကပ်စီးမနည်းပါဘူး ဒါပေမယ့် အပြန်လှန် သဘောတူခဲ့တဲ့ အရောင်းဝယ်တစ်ခုကိုစောင့်ထိန်းရတယ်ဆိုတဲ့အသိ ၊ သူ့ကိုပေးချင်ခဲ့လို့ ပါပဲ ။
လက်တဖက်က ပိုက်ဆံကို ကျစ်ကျစ်ပါအောင် ဆုတ်ပြီး ကျန်တဖက်က ကဏန်းပုံး အလွတ်ကိုကိုင်လို့ ခုန်ပေါက်ပြန်သွားတဲ့ကောင်လေးကို ကြည့်ရင်း …. အခမဲ့ ပညာရေး လုပ်ပေးနေပါလျှက် ပညာ မသင်နိုင်တဲ့ ကလေးတွေလည်း ရှိနေတုန်းပဲရယ်လို့ ….
%%%%%%%%%%%%%%%%%%%%%%%
အစိုးရကျောင်းတစ်ခု တက်ဖို့ဆိုလျှင် တူညီဝတ်စုံ ယူနီဖောင်းကို ၀တ်ရတယ် ၊ ကျောင်းက ထုတ်ပေးတဲ့ လက်မောင်းတံဆိပ်(ကျောင်းတံဆိပ်) ၊ ရင်ဘတ်တံဆိပ် (အတန်းတံဆိပ်) စတာတွေကို အကျီ င်္မှာ တပ်ရတယ် ။ တချို့ကျောင်းတွေဆို ကျောင်းစိမ်းအရောင်ကိုတောင် အနုရင့် ၊ အစက်ပြောက်မပါရ စသဖြင့် ၊ တသမတ်တည်းသတ်မှတ်ထားပြီး ကျောင်းဝတ်စုံပုံစံ နှင့် တူညီ ဖိနပ်အရောင်ကိုစီးရတာလည်း ရှိတယ် ။ စာသင်ကြားဖို့အတွက်တင် အခမဲ့ မဟုတ်ပဲ ၊ စာသင်သားရဲ့ ကျောင်းတက်ဝတ်စုံကိုပါ ထောက်ပံ့ပေးနိုင်လျှင် အ၀တ်စားမ၀ယ်နိုင်လို့ကျောင်းတက်မတက်ရဲတဲ့ ကလေးတွေကို စာသင်ခန်းမှာများတွေ့နိုင်မလားရယ်လို့ ကြံကြံဖန်ဖန်တွေးမိပါတယ် ။
ကျောင်းဝတ်စုံနဲ့ ပတ်သတ်လို့ကတော့ ဘက(ဘုန်းတော်ကြီးသင်ပညာရေးကျောင်း) တွေမှာ အစိုးရကျောင်းတွေလောက် တူညီဝတ်စုံစည်းမျဉ်း မကြပ်ထားတာကြောင့် အဖြူစိမ်းဖြစ်လျှင်ပြီးရောလို့ ၀တ်လာတဲ့ကလေးတွေလည်း ရှိသလို ၊ တချို့ ဘက ကျောင်းတွေဆို အရပ်ဝတ်နဲ့ပဲ စာလာသင်ကြတယ် ။ လွယ်အိတ်မလို ကြွတ်ကြွတ်အိတ်နဲ့ စာအုပ်သယ်လာကြတယ် ။ ဖိနပ်မပါပဲလည်း စာလာသင်တဲ့ ကလေးတွေရှိတယ် ။ ဘယ်ဘက ကျောင်းကမှ ရိုက်မလွှတ်ခဲ့ဘူး ။ လာသမျှကို သင်ပေးခဲ့တာချည်းပါ ။
အခုအကောင်ထည်ဖော်နေတဲ့ ” မသင်မနေရ မူလတန်း ပညာသင်စနစ် ” ကို ကြိုဆိုပါတယ် ဒါပေမယ့် ဒီကလေး အေးအေးချမ်းချမ်း အနှောင်ဖွဲ့လွတ်ကင်းစွာ စာသင်နိုင်ဖို့  …. လက်ရှိ အလုပ်လုပ်နေတဲ့ ကလေးတစ်ယောက်ရဲ့ ကျောင်းချိန်ပြင်ပမှာ ငွေရှာနိုင်ဖို့ရယ် ၊သူ့ဝင်ငွေနဲ့ မမှီ တမှီ ထောက်ပံ့ပေးနေတဲ့ မိသားစုရယ်အတွက်ပါ ၊ တဖက်ဖက်က အလုပ်ကိုင်ပါ ဖန်တီးပေးမယ်ဆိုလျှင် … စာသင်သားဦးရေ နဲ့ ကျောင်းမြဲတဲ့ ကလေးဦးရေများ တိုးလာမလားရယ်လို့ စိတ်ကူးယဉ်မိပြန်တယ် ။

 

အားးးးး

အတွေးတွေ နယ်ချဲ့ တာလွန်သွားပြီ ….. ။
” အခမဲ့ မသင်မနေရ မူလတန်း ပညာသင် စနစ် “ အောင်မြင်ပါစေလို့ပဲ ဆုတောင်းပါတယ် ။ ကလေးတိုင်း စာသင်ဖို့ အခွင့်ရေး ရကြပါစေ ။

etone

About etone

etone has written 851 post in this Website..

Goooooooooooooooooood 4 nothing lady !!!