သမီးငယ်လေး၏ စကား ( အငယ်လေးများ၏ ခံစားချက်)

သမီးပြောသော စကားတခွန်းသည် ကျွန်မရင်ကို ထိခတ်သွားစေသည်။ ကျွန်မ တစ်ယောက်တည်းကို မဟုတ်ပဲ သူ့ကို ချစ်သော သူက ချစ်သော မိသားစုဝင် အားလုံးကို တခဏမျှ မှင်တက်သွားစေခဲ့ပါသည်။
ကျွန်မတို့ အမှုမဲ့ အမှတ်မဲ့ သတိမမူ ပြုမူခဲ့သည်များသည် သူ့စိတ်တွင် ထိုကဲ့သို့ မှတ်ယူ သွားမည်ကို ကျွန်မတစ်ယောက် ယောင်လို့မှပင် မစဉ်းစားမိခဲ့ပေ။ သမီးပြောသောစကားသည် မမှားသော မှန်သော စကားပေမို့ ကျွန်မတယောက် ချက်ချင်း ပြန်လည် တုန့်ပြန်ဖို့ တခဏမျှ နှုတ်စွင့် သွားခဲ့ရပေသည်။
( သမီးရေ…………. ဒီမှာ…… လှလား)
ဂါဝန်လေးကို ကိုင်ကာ သမီးမြင်အောင် သမီးရှေ့တွင် ဝှေ့ယမ်းပြကာ ကျွန်မမေးလိုက်သည်။
( လှတယ်….မီးမီးကို ဂု ၀တ်ပေး)
အင်္ကျီ အသစ်လေးကို မြင်တော့ မျက်လုံးလေးတွေ လက်သွားကာ ကျွန်မဆီ ပြေးလာရင်း မပီကလာ သမီးလေးက ဆိုပါသည်။
(မေမေ ၀ယ်လာတာရား)
( ဟုတ်ဘူး သမီးရဲ့ မမယွန်းယွန်း ပေးလိုက်တာ)
မမယွန်းယွန်း ဆိုသည်မှာ ကျွန်မ ညီမက မွေးသော သမီး၏ အမ ၀မ်းကွဲဖြစ်သည်။ သမီးထက် တနှစ်ခွဲ သာသာ ကြီးသည်။
ကလေး ဆိုသည်မှာ ခဏလေးနှင့် ကြီးလာသည် မို့ အ၀တ်အစား အသုံးအဆောင်များသည် ခဏသာ သုံးရပေသည်။ သိပ်မကြာခင်ကမှ ၀ယ်ထားသော အင်္ကျီသည် နောက် သုံးလေးလဆိုလျှင်ပင် ၀တ်မရတော့ပေ။ ဖိနပ်သည်လည်း ထိုနည်း နှင်နှင်………
ထို့ကြောင့် အပြင်သွားသော အင်္ကျီအသစ်အနည်းငယ်မှအပ အိမ်နေရင်း ၀တ်သော အင်္ကျီအများစုကို ကျွန်မသည် သိပ်မ၀ယ်ဖြစ်ပါ။ ခဏလေးနှင့် ငယ်သွားသောကြောင့် သိပ်မလိုအပ်ဘူး ထင်၍ဖြစ်သည်။ ဒါ့ကြောင့် သမီး အင်္ကျီ ထက်ဝက်ကျော်ကျော်လောက်သည် သူ့ မမယွန်းယွန်း အင်္ကျီတွေသာများသည်။ တခါတရံ သူ့ အမ လက်ဆောင်ရတတ်သော အင်္ကျီအသစ်များ ငယ်နေလျှင်လည်း အသစ်စက်စက် သမီးထံ ရောက်လာတတ်ပေသည်။ ဒါပေသည့် ၀ယ်လာတာ မဟုတ်သည့် အတွက် မမယွန်းယွန်း ပေးတာသာ အမည်တွင်လေသည်။ ဖိနပ်တွေသည်လည်း ထိုနည်း လည်းကောင်း……..
တခါတရံ အပြင်သို့ ထွက်ရခိုက် သမီး ၀တ်လာသည်ကို ကြည့်၍ သူ့ ကြီးကြီးနွဲ့က စတတ်လေသည်။
( ကြည့်စမ်း…..ဂါဝန်က …မမယွန်းယွန်းပေးတာ….လေဒီရှုးကလည်း မမယွန်းယွန်း ဟာပဲ။ သူ့ဟာလည်း မဟုတ်ဘူး)
ထိုသို့ စ လေတိုင်း သမီးကလည်း အညံမခံ ပြန်ပြောတတ်သည်။
( မမယွန်းယွန်းနဲ့ …နယ်..သွားရို့ ….မီးမီးကို ပေးတာ….ထု…မီးမီးဟာ ဖြစ်တွားပြီ)
သမီး ပြန်ပြောသည်ကို ချစ်၍ သူ့ ကြီးကြီး နွဲ့က အမြဲ စ တတ်သည်။
( မနွဲ့ ကလည်း ကလေးကို မ စ ပါနဲ့ စိတ်မကောင်း ဖြစ်သွားမယ်…ငါတို့ အငယ်တွေဟာ အဲ့လိုပဲ…သူများ အကျပဲ ရတာ)
သမီး၏ အဒေါ် အငယ်က မခံနိုင်၍ ထို့သို့ ၀င်ပြောတတ်သည်။
(နန်စီရယ်..ကလေးက အခုမှ ၂နှစ်။ မသိသေးပါဘူးဟာ)
ကျွန်မက ရယ်ရယ်မောမော ၀င်ပြောရသည်။ ကျွန်မ စိတ်ထဲတွင်လည်း တကယ်ကို သမီး မသိနိုင်လောက်ဟုသာ………
( ညွှန့်ညွှန့် ငယ်ငယ်ကလည်း ပြောဘူးတယ်ဟေ့။ မေမေက ညွှန့်ညွှန့်ကို ဘာလို့ အရင်မမွေးတာလဲတဲ့။ မေမေတို့ အကျတွှေပဲ သူ ၀တ်ရလို့လေ)
ယောက်ခမကြီး ပြောသော ညွန့်ညွန့်သည် ယောက်ခမကြီးတို့ ညီအမ ငါးယောက်တွင် အငယ်ဆုံး ညီမကို ဆိုလိုခြင်းဖြစ်သည်။ အငယ်လေးတွေ အများစုသည် အကြီးတွေ၏ အကျကိုသာ ရတတ်ကြသည်ကိုး…..။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

အိမ်တွင် အရုပ်တွေကို ခြင်းကြီး နှစ်လုံးထဲ စုပြံထည့်ထားသည်။ ကစားချင်ပြီဆိုမှ မောင် နှမ နှစ်ယောက် ခြင်းကို မှောက်ကာ မွှေနှောက်ကာ လိုအပ်သည်များကို ယူကြသည်။ လုကြသည်။ ရန်ဖြစ်ကြသည်။
(မေမေ…မီးမီးကို….မပေးဘူးတဲ့)
( သားသား အရင်ယူတာ ညီမလေးက လုတာ)
သူ့ထက်ငါ ဦးအောင် တိုင်ကြပြန်လေသည်။
( ပေးလိုက်ပါ သားရယ် သားက အကြီးပဲဟာ)
( သား ပစ္စည်းဟာကိုး)
သားပြောသော စကားသည် မှန်သည်။ အိမ်မှာရှိသော အရုပ်အားလုံးနီးပါး သား အရုပ်တွေကြည့်သာ။
နှစ်ဖက်မိသားစုတွင် ပထမဦးဆုံး ရောက်လာသော ကလေးမို့ ဟိုဘက် သည်ဘက် နှစ်ဖက်လုံးမှ အချစ်ပိုစွာ ၀ယ်ပေးသော အရုပ်၊ ကျွန်မ စိတ်ကြိုက်ဝယ်ပေးသောအရုပ်။ သား အဖေကိုယ်တိုင် ၀ယ်ပေးသော အရုပ် စသည်ဖြင့် အရုပ် အားလုံး၏ မူပိုင်ရှင်သည် သားသာလျှင် ဖြစ်ပေသည်။
မွေးစမှ ယခု ခြောက်နှစ်အရွယ်ထိ ၀ယ်ထားသည်မို့ ကလေးတွန်းလှည်းမှ အစ အေဘီစီ စာလုံးအလယ် စက်ဘီးအဆုံး သားအရုပ်များဖြစ်သည်။
အေဘီစီ စာလုံးလေးများ လုလျှင်
( သားက ကျောင်းတက်နေပြီ စာဖတ်တတ်နေပြီ။ ညီမလေးကို ပေးလိုက်တော့ အခု ညီမလေးဟာ ဖြစ်သွားပြီ)
အဲ့သည်လိုမျိုး ကျွန်မမှာ ဖြေရှင်းရသည်။ ဒါပေသိ…..သူ့ အစ်ကိုနှင့် ငယ်သွား၍ သူ ရသည် ဆိုသော အသိကို သမီးက သိနေသည်။
(ကိုကိုကြီးက ကြီးသွားလို့ မီးမီး ရတာနော်) ဟု မမေ့မလျှော့ မေးတတ်သေးသည်။
ထိုကဲ့သို့ ကစားစရာများသည်လည်း သူ့မွေးနေ့တွင် သူ့အဒေါ် အငယ်မှ ၀ယ်ပေးထားသော ဘာဘီအရုပ်လေးမှ လွဲလျှင် အားလုံးသည် သူ့အစ်ကို အကျများသာဖြစ်ပေသည်။
ပစ္စည်းလုတိုင်း သားက ကြီးသွားပြီ ညီမလေးကိုပေးလိုက်ဟုသာ ကျွန်မသည် အမြဲလိုလို ဖြေရှင်းတတ်သည်။ အမှုမဲ့ အမှတ်မဲ့သာ။
ပြီးခဲ့သော အပတ်က သားသည် သားအဖေ ပြန်လာခိုက် သူလိုချင်သော စကူတာကို ၀ယ်ခိုင်းလေသည်။ အိမ်ရောက်ေ၇ာက်ခြင်း တအိမ်လုံး ပတ်စီးလေသည်။
သမီးကလည်း သူ့အစ်ကိုကို အားကျကာ စီးချင်ပေသည်။ သို့သော် သူသည် စီးခွင့်မရပေ။ ထို့ကြောင့် လိုက်၍ လုလေသည် ။ နောက် ရန်ဖြစ်ကာ ဆူညံပေပြီ။
သူ ကျေနပ်စေရန် ထုံးစံအတိုင်း လုပ်ရပေပြီ။ စကူတာရ၍ အရင်က လုနေကြ ကားကို သားက မေ့ပြီမို့ သမီးကို ပေးရပေမည်။
( သမီးက ငယ်သေးတယ် စကူတာ စီးလို့ မရသေးဘူးနော်။ ကားပဲစီးနော်။ အခု ကားက သမီးဟာ ဖြစ်သွားပြီနော် သိလား)
ကျွန်မနှင့် သမီးအဒေါ် နှစ်ယောက်သား သမီးကိုသာ ၀ိုင်းချော့ကြရသည်။ု ထုံးစံအတိုင်း သားအကျ ကားကို သမီး ကျေကျေနပ်နပ် ယူစေရန် ကြိုးစားကြသည်။
ကျွန်မတို့ စကား အဆုံး မကျေမနပ်နှင့် နှုတ်ခမ်းဆူကာ သမီး ပြောလိုက်သော စကားသည် ကျွန်မကို ရုတ်တရက် ကြောင်သွားစေသည်။ ပြီးတော့ စိတ်မကောင်း ဖြစ်ရသည်။ ကျွန်မ မတရားရာ ကျနေပြီလားဟု အတွေး ၀င်သွားမိပြန်ပါသည်။ သမီးက ငယ်သေး၍ မသိဘူး ထင်ထားသော ကျွန်မ အတွေး မှားလေပြီ။ သူ့ အဒေါ် သူ့ အဖွား အားလုံး တယောက်တခွန်း ချော့နေရင်းမှ ရုတ်တရက် အသံတိတ်သွားကြလေသည်။
နှနှစ်ခွဲ အရွယ် သမီးငယ် မကျေမနပ် ပြန်ပြောသည်က……
( မီးမီးမှာ….တူများ….. ဟာတွေ…. ကြည့်ပဲ) ဟူ၍ဖြစ်လေသည်။

hmee

About hmee

has written 86 post in this Website..

စာဖတ်တာ ၀ါသနာပါတယ်။ စာလည်းရေးချင်ပါတယ်။ စာစရေးဖို့ ကြိုးစား တာပါ။