ဒုံဒုံတိမ်တိမ်အင်တာဗျူး

ဒီ အင်တာဗျူး မေးဖြစ်တဲ့ ဇာတ်လမ်းကတော့ ဒီလိုပါ။
Mark Zuckerberg က စတာပေါ့။
အဂ္ဂမဟာ ဖွဘုတ်တော်ကြီးမှာ ၂၀၁၄ နှစ်ကုန်တော့ ကလိစရာတွေ အမျိုးမျိုးတင်ပေးတယ်။ ကလေးတွေက ရှေ့ကနေ ရွစိရွစိ တင်ကြ၊ကျမတို့ အဖွားဂျီးတွေလည်း လိုက်ရူးကြ။
အဲဒီထဲ FB ID card ဆိုသဟာပါလာတယ်။
အဲဒါလေးလိုက်ကလိကြည့်တော့ ကိုယ့်ပရိုဖိုင်းပုံနဲ့ ကဒ်လေးထွက်လာတယ်။
အမယ်…အဲဒီမှာ Personality တဲ့။လက္ခဏာတွေ ဗေဒင်တွေကြည့်လို့ အင်မတန်သဘောကောင်း၊တော်တည့်ထက်မြက်တဲ့ စရိုက်ရှိ ဘာညာသာရကာဆို သိပ်ကြိုက်တာပေါ့။
အဲသလိုပဲ သူက ကိုယ့်စရိုက်ကို Assertive and Outspoken တဲ့။
အဲဒီ အဓိပ္ပါယ်တွေ ရေရေရာရာ မသိလို့ ဒစ်ရှင်နရီတော်ကြီး ပြေးလှန်ရသေးတယ်။
Assertive =Having or showing a confident and forceful personality (ကိုယ့်ကိုယ်ကိုယ် ယုံကြည်မှု ရှိတယ်ပေါ့)
Outspoken=Frank in stating one’s opinion (ကိုယ့်အမြင်ကို ပွင့်ပွင့်လင်းလင်းပြောတတ်တယ်) တဲ့။
ကိုယ့်ဖာသာ ယုံကြည်မှုရှိတာတော့ အမှန်ပဲ။(ဒီလောက် အရုပ်ဆိုးတဲ့ ရုပ်နဲ့တောင် လူကြားထဲကို ချည်ထည်အပေါစားနဲ့ပဲ သွားလာနေတာ)
အဲ..နောက်က ကိုယ့်အမြင်ကို ပွင့်ပွင့်လင်းလင်းဆိုတာကြီးကတော့ ကိုယ်ဟုတ်ပါ့မလားလို့ မယုံရဲဘူး။
ကိုယ့်ဘော်ဒါတွေထဲ ကိုယ့်လို အဲဒီ ကလိစရာတွေကို ကလိတဲ့လူတွေ လိုက်ကြည့်တော့ လားလား…
ကတိမ်မည်းကလည်း ဖေဖော်ဝါရီမွေးဖြစ်ပြီး ဒီလိုကဒ်မျိုးပဲ ဆွဲမိထားတာကိုး။
ဒါနဲ့ ကတိမ်မည်းရေ၊မှန်သလားဟေ့ လို့ သေဖော်ညှိလိုက်မိတယ်။
တိမ်မည်းက မှန်တယ် အန်တီတဲ့။ဒါပေမယ့် Outspokenကတော့ ငယ်ငယ်ကဖြစ်တယ်။အခု မဖြစ်တော့ဘူးတဲ့။
ဒါနဲ့ အင်တာဗျူးလေး စပါတယ်။
ပဒုမ္မာ- ကတဲမိန်..FB ID Card ထဲကလို ငယ်ငယ်ကတော့ Outspoken တကယ်ဖြစ်တယ်။အခု မဖြစ်တော့ဘူးပြောလို့ ၊ဒီထဲက ကွန်မန့်လေး ပြန်ဖတ်ကြည့်ပါအုံး။

 

အမုန်းမီးများငြိမ်းစေချင်

http://mandalaygazette.com/153672/comment-page-1#comments

….
ဤဝတ္ထု၌ အမျိုးသမီးတစ်ယောက်သည် အမြုံမ ဖြစ်နေသဖြင့် လင်ယောက်ျားအတွက် မယားငယ်တစ်ယောက် ရှာပေးခဲ့ပုံ၊ မယားငယ် ကိုယ်ဝန်တည်သည့်အခါ ဝန်တိုစိတ်ဖြင့် အစာအာဟာရနှင့် ရောလျက် ကိုယ်ဝန်ဖျက်ဆေး ကျွေးခဲ့ပုံ၊ သုံးယောက်မြောက်ကိုယ်ဝန်
mandalaygazette.com
တိမ်မည်း- ပြန်ဖတ်ကြည့်လိုက်ပါ့မယ်… အန်တီ….
ပဒုမ္မာ- အန်တီ့ပို့စ်တွေကို ကတဲမိန် မန့်တဲ့ထဲက ဒီပို့စ်မှာ မှတ်မှတ်ရရ သတိထားမိလို့ပါ။
တိမ်မည်း- အင်း အဲ့တုန်းက မှတ်မှတ် ရရ ၂၀၁၂… အမှတ်မမှားရင် ရခိုင်အရေးအခင်း အကြီးအကျယ် ဖြစ်နေတဲ့အချိန်ထင်ပါ့…. ပြည်မ (ဗမာပြည်) (ရခိုင်အများစုအခေါ်) က လူတွေက ပြည်နယ် အရေးအခင်းကို နားမလည်ကျဖူး… အဲ့တုန်းကလည်း ကျွန်တော်ကလည်း ပြည်နယ်က လူတယောက်လို ဖြစ်နေတော့ သူတို့  စိတ်လေးတွေတော့ နဲနဲ ရှိသဗျ… အာ့ကြောင့် ရေးမိတာ နေမှာ… မူရင်း outspoken လေးလဲ ပါတော့ လေသံပိုမာသွားတာပေါ့….
ပဒုမ္မာ- အခုနေဆိုရင်ရော အဲလို ရေးဖြစ်အုံးမှာလား သိချင်ပါတယ်။(မိုက်ကိုင်၍ အိမ်သာဗျူးပါသီ)
တိမ်မည်း- ၂၀၁၃ ၂၀၁၄ က ကျွန်တော့်ဘ၀ကို သေစေနိုင်လောက်တဲ့ ဒဏ်ရာတွေ အပြည့်ရခဲ့ပါတယ်… အဲ့နောက်ပိုင်းမှာ အများကြီး ရင့်ကျက်လာတယ်လို့ လည်း ယူဆပါတယ်… ဒါပေမယ့် အခုထိ တချို့ အပိုင်းတွေ မှာ ကလေးဆန်တုန်းပါပဲ… အရင်ကထက်တော့ အများကြီး ထိန်းနိုင်နေတာတော့ သေချာပါတယ်… အဲ့တော့ အဲ့လို စာမျိုး ပြန်မြင်ရဖို့ တော့ မလွယ်လောက်ပါဖူး…
ပဒုမ္မာ- နှမျောစရာအေ။
ပဒုမ္မာ- နောက်တခု ဆက်ဗျူးပါရစေ။အခုနေဆိုရင်ရော အဲဒီ 2012က အနောက်ဖက်တံခါးကိစ္စကို ဘယ်လို သဘောထားမလဲ ဆိုတာလေး။(ဇီဇီဆာဆာအင်တာဗျူးထက်သာအောင် ဒုံဒုံတိမ်တိမ် အင်တာဗျူး လုပ်ပါသီ)
ပဒုမ္မာ – ကျုပ်တို့ ရွာထဲ Outspoken တွေ အများကြီး ရှိခဲ့ပြီး ပျောက်ကုန်တာ နှမျောလိုက်တာ။
တိမ်မည်း- နောက်ဆုံးတခုကိုအရင်ဆုံး ဖြေပါရစေ… စိတ်ထင် လူတွေ ခင်ကုန်တာက ထိပ်ဆုံးကပါမယ်ထင်တာပါပဲ….
တိမ်မည်း- ၂၀၁၂ ကိတ်စ ကို အခုအမြင်နဲ့ ပြောရရင်တော့ နိုင်ငံရေး လူမျိုးရေး ကစားကွက် တခုလို့ ပဲ မြင်ပါတယ်… သုံးဖတ်မြင် အမြင်လေးတွေလည်း ရှိပါတယ်… နောက်ဆုံး ကျတော့ ဘယ်သူ့ အပြစ်ဆိုတာ အင်မတန် ပြောရခက်လောက်အောင်ပါပဲ….
ပဒုမ္မာ- ဟုတ်တယ်။ခင်ကုန်တော့ အပျော်တွေပြောပြီး ဝေဖန်ရေးမှာ အားလျော့သွားတာ အမှန်ပဲ
ပဒုမ္မာ- ကတိမ်မည်းရေ၊သေချာတာကတော့ အခုပြည်နယ်ဖက်က သက်သက် ခံစားလို့ မရတော့ဘူးမလား။နီးစပ်မှုကလည်း ခံစားချက်တွေကို အတိုးအလျှော့လုပ်ပေးမယ်ထင်တယ်။
တိမ်မည်း- အဲ့လိုလည်း မဟုတ်သေးဖူး… ကျွန်တော်တို့ က အဲ့မှာ နေတာကြာတော့ ရပ်ကွက်က အတင်းအစ လွတ်တော်က စကားအဆုံး အကုန်နားထောင်ဖြစ်တယ်… ပြသာနာ အတိမ်အနက်ကို နောက်ပိုင်းကျတော့မှ အတိအကျ နားလည်တာ… အဲ့ဒါကြောင့် သုံးဖက်မြင်လို့ ပြောတာ… အဲ့မှာ နေကတည်းက အဲ့ပြသာနာကို နိုင်ငံရေး လူမျိုးရေး ကစားကွက်လို့  မြင်ထားပီးသားပါ…. ဒီဘက်ရောက်မှ မဟုတ်ပါဖူး….
ပဒုမ္မာ- အန်တီပြောချင်တာက ကစားကွက်မှန်းတော့ သိကြတာပဲ။ အနားနီးသူတွေရဲ့ ခံစားချက်က ကိုယ့်ရဲ့ ခံစားချက်ဖြစ်သွားတာကို ပြောချင်တာ။ပိုခံစားရတယ်ပေါ့။
ပဒုမ္မာ- ဟိုတုန်းက ကိုထူးဆန်းလား ကိုဆာမိလားမသိ၊ပြဇာတ်ကနေတယ်ပြောခဲ့။အခုလည်း ပြဇာတ်ကြီးက ကမဆုံးပါပဲ ကတိမ်မည်းရေ။
တိမ်မည်း- ဖြစ်ဖြစ်ချင်းတုန်းက ကစားကွက်မှန်း မသိဖူး အန်တီ… အဲ့လောက်ကြီးမယ်လို့ လည်း မထင်ဖူး… ခံစားချက်ကတော့ အန်တီ ပြောသလိုပါပဲ…
ပဒုမ္မာ- ဤတွင် ဒုံဒုံတိမ်တိမ် အင်တာဗျူး ပြီးပါပြီ။ကျေးဇူးတင်ပါသည်။
January 19 at 10:23pm • Like • 2

အဲဒီလို အပြန်အလှန်ပြောရင်း ကတိမ်မည်းနဲ့ တီဒုံ ရွာထဲမှာ တချိန်က အပြန်အလှန်ရေးဖြစ်ကြတဲ့ ပို့စ်ကို သတိရပြီး အတောင်ဆိတ်မိပါတယ်။

အဲဒီပို့စ်ကိုရေးတဲ့ အချိန်က 2012 ၊
ရေးမိတာက ည သန်းခေါင်၊
ရေးဖြစ်တဲ့အကြောင်းရင်းက ရခိုင်မှာ မသီတာထွေးကစပြီး ဖြစ်လိုက်တာ တောင်ကုပ်ကိစ္စအပြီး..ဒီကိစ္စတွေ ပြီးပါပြီ ထင်နေဆဲ သံတွဲမှာ ဆူနေပြီလို့ ကထူးဆန်းက e-mail ပို့လာတယ်။
အန်တီမမကလည်း သူ့ရဲ့ ရခိုင်မှာ မွေး၊ရခိုင်မှာကြီးတဲ့ မွတ်စ်မိတ်ဆွေ တွေ အိမ်နဲ့ ပစ္စည်းတွေ ပစ်ပြီး ပြည်မကို ပြေးလာကြရတယ်လို့ စိတ်မကောင်းစရာတွေ ပြောပြတယ်။
အဲဒီမှာ စိတ်တွေ ပူပင်မိလို့ အမုန်းမီးများငြိမ်းပေးပါ ဆိုတာလေး ကောက်ရေး၊ကိုယ့်ရွာထဲ ရင်ဖွင့်မိတာ၊
မနက်လည်းကျရော ကိုရွှေသူကြီးက ရွာထိပ်မှာ စတစ်လုပ်ထားပါလေရော။
အို… ရန်အတွေ့ခံလိုက်ရတာ စုံနေတာပဲ။
ကိုယ်ကလည်း အဲဒီတုံးက အတော်စိတ်ပါနေတာ၊ကွန်မန့်တွေကို ဦးဆောင်ဆွေးနွေးရမည် ဆိုတဲ့ စည်းကမ်းအတိုင်း တယောက်ကမန့်လိုက် ကိုယ်က ပြန်ရေးလိုက်..အတောမသပ်ပဲ။
အဲဒီတုံးက ကိုယ်နဲ့ ဆန့်ကျင်ဖက်မှာ ချစ်ညီအမ မလတ်လည်းပါတယ်။
(မတူသောအမြင်နဲ့ ချရေးတာပါ)
Onyx ဆိုတဲ့ တယောက် ခုတော့ မတွေ့တော့ဘူး။အဲဒီကတည်းက တီဒုံကို စိတ်နာနာနဲ့ ရွာထဲ မ၀င်တော့တာလား မသိဘူး။
နောက်ဆုံးကတော့ ကတိမ်မည်းပါ။
သူက တော်ပါတော့၊ထပ်မရေးပါနဲ့တော့ ဆိုတာနဲ့ အဲဒီမှာတင်ရပ်တန်းက ရပ်ခဲ့တာပါပဲ။
ပျင်းရင် ပြန်ရှာ ဖတ်ကြည့်ကြလေ။
အော်..အခုတော့ ၃နှစ်နီးပါးတောင် ရှိခဲ့ပြီ။

အဲဒီတုံးက ကထူးဆန်းလား၊ကဆာမိလား မသိပြောခဲ့တဲ့ ပြဇာတ်တွေ ကနေကြတာ ဆိုတာလေး အမှတ်ရမိလို့ပါ။
ရခိုင်ပြဇာတ်ပြီးတော့ မိတ္ထီလာပြဇာတ်၊မန္တလေးပြဇာတ် တွေ ကခဲ့ကြသေးတယ်။
မလေးရှားမှာ သေကြရတဲ့ အသက်တွေကိုလည်း ရေတွက်ကြည့်မိပါတယ်။

အော်….ဒီပြဇာတ်ကြီး ဘယ်တော့များ ဆုံးပါ့မလဲ။
ဝင်ကနေမိတုံးလည်း ငါပြဇာတ်ထဲ ရောက်နေပါလားလို့ သတိရကြမယ် မထင်ပါဘူး။
ကိုယ်လည်း ဒီပုတ်ထဲကပဲ ပါဘဲ။

padonmar

About padonmar

has written 219 post in this Website..

THAKHIN CJ #12112010 (5/2/16)