.အာဏာရှင်စနစ်ဆိုတာ စစ်တပ်အားကိုး၊ လက်နက်အားကိုးနဲ့ နိုင်ငံသားတွေကို မတရားဖိနှိပ်ချုပ်ချယ်ထားခြင်း ဖြစ်တယ်လို့ ယေဘုယျယူဆထားပါတယ်။ နိုင်ငံရေးပညာရှင် ဂျော့အိုဝဲ ပြောတာကတော့ တိုင်းပြည်တွင်းက လူတွေကို အရူးလုပ်၊ မဟုတ်မဟပ် စိတ်ကူးယဉ်တိုင်းပြည်ကြီး တည်ဆောက်၊ သတင်း အချက်အလက်မှန်သမျှ၊ အတိတ်ဖြစ်ရပ်မှန်သမျှ အလုံးစုံကို အမှန်မဖြစ်အောင် အတုလုပ်နိုင်မှ အဲဒီ တိုင်းပြည်ကလူတွေကို အကြွင်းမဲ့အာဏာရှင်စနစ်နဲ့ အုပ်ချုပ်လို့ရမှာပါတဲ့။ ဒါကို သူက စကားလုံးတစ်လုံး တီထွင်ဆန်းသစ်ပြီး သုံးသွားခဲ့တယ်။ brainwash ပါ။ လူထုဟာ မဟုတ်တာကို ယုံကြည်ထားရမယ်။ အဲသလို ယုံကြည်ထားမှ အာဏာရှင်စနစ် အဓွန့်ရှည်တည်တံ့မှာပါတဲ့။

.ဂျော့အိုဝဲရဲ့ ၁၉၈၄ မှာ အဲဒီလို စိတ်ကူးယဉ် ကမ္ဘာကို တည်ဆောက်ပြထားတယ်။ BB လို့ခေါ်တဲ့ Big Brother အစ်ကိုကြီးက တိုင်းပြည်ကို အုပ်ချုပ်နေတယ်။ တကယ်က အဲဒီ BB ဆိုတာ ရှိကိုမရှိဘူး။ စိတ်ကူးယဉ် လုပ်ကြံဖန်တီးထားတဲ့ အတုအယောင် ခေါင်းဆောင်ကြီး။ တိုင်းပြည်တွင်းမှာ သိပ္ပံပညာတွေ တိုးတက်သလောက် လူသားနဲ့ သက်ဆိုင်တဲ့ အရာမှန်သမျှ ကို ဖျက်ဆီးထားတယ်။

.လူသားနဲ့ သက်ဆိုင်တဲ့အရာဆိုတော့ ပေါ်ထွက်လာတဲ့မေးခွန်းက လူသားဆိုတာ ဘာပါလဲ။ လူသားကို ဘာတွေနဲ့ ဖွဲ့စည်းထားသလဲ။ လူသားဆိုတာ ကိုယ်ပိုင်ဇာတိသတ္တိရယ်၊ လွတ်လပ်မှုရယ်၊ အနုပညာခံစားချက်ရယ်၊ တဆက်တည်း မျက်နှာမူရာ သွင်ပြင် ဖော်ပြချက်ရယ် (စက်ရုပ်လို မျက်နှာသေကြီး မဟုတ်ဘူးလို့ ဆိုလိုတာပါ)၊ ချစ်ခြင်းမေတ္တာရယ်၊ ရွေးချယ်ခွင့်တွေရယ်၊ ဒါတွေ ပူးပေါင်းပါဝင်ဖွဲ့စည်းထားတာကို လူသား လို့ခေါ်ပါတယ်။ ဒီလူသားရဲ့ အရည်အသွေးတွေကို တန်းညှိပစ်လိုက်မယ်။ ဖျက်သိမ်းလိုက်မယ်ဆိုရင် ဒါ အသက်ရှိလူကောင် သို့မဟုတ် လူသားစက်ရုပ်တွေပဲ ဖြစ်ကျန်ရစ်တော့မယ်။ လူတွေကို စက်ရုပ်ဖြစ်အောင် လုပ်နိုင်ပြီဆိုရင် ဒီတိုင်းပြည်ကို အကြွင်းမဲ့အာဏာရှင်စနစ်နဲ့ အုပ်ချုပ် နိုင်ပါပြီ။

.ဂျော့အိုဝဲ ရဲ့ လူတွေကို ဘရိန်းဝပ်နိုင်မှ အာဏာရှင်စနစ်နဲ့ အုပ်ချုပ် နိုင်မယ်ဆိုတဲ့ ဒီဒ၁သနဟာ ယုတ္တိတန်လွန်း တယ်လို့ ထင်ရပေမယ့် ယနေ့ကမ္ဘာမှာ ဂျော့အိုဝဲရဲ့ နည်းလမ်းအတိုင်း အုပ်ချုပ် နေတဲ့ တိုင်းပြည် ရှိတယ်။ မြောက်ကိုရီးယားပါ။ မြောက်ကိုရီးယားမှာဆိုရင် ဘာဘာသာမှ မကိုးကွယ်ရပါဘူး။ bible တစ်အုပ် လက်ဝယ်တွေ့ရုံနဲ့ သေဒဏ်ချပါတယ်။ မြောက်ကိုရီးယားနဲ့ တောင်ကိုရီးယားကြားမှာ စစ်မဲ့ဇုန်ရှိတာ သိကြမှာပါ။ မြောက်ကနေ တောင်ကို ပြေးချင်ရင် လွယ်လွယ်လေး၊ တောင်ကလည်း လက်ကမ်းကြိုနေတယ်။ ဒါပေမယ့် မပြေးကြဘူး။ ပြေးရင် နောက်ခံမိသားစုကို သတ်တယ်။ ဒီလို ဖိနှိပ်မှုလည်း ရှိနေတယ်။ တစ်ပြိုင်တည်းမှာပဲ လူတွေကို အယုံသွင်းထားတဲ့ အတွေးအခေါ်တွေရှိတယ်။

.မြောက်ကိုရီးယားသားတွေကို အယုံသွင်းထားတာကတော့ ခေါင်းဆောင်ကြီး ကင်အီစွန်းဟာ ဘုရား။ တိုင်းပြည်ကို သစ္စာရှိရင် သေတဲ့အခါ ကင်အီစွန်းဆီကို သွားမယ်။ သူတို့ရဲ့ နိဗ္ဗာန်ပေါ့။ ကင်အီစွန်း ရဲ့သား ကင်ဂျုံ အီကလည်း ဘုရားသားတော်ပေါ့။ ကင်ဂျုံအီ ကိစ္စချောတော့ အခုတက်လာတဲ့ ကင်ဂျုံအွန်ကလည်း ဘုရားမြေးတော်ပေါ့။ ဘုရားမျိုး ရိုး စဉ်ဆက် အုပ်ချုပ်နေတဲ့ တိုင်းပြည်အဖြစ် သူ့နိုင်ငံသားတွေကို နှစ်ပေါင်းများစွာ ကြံကြီးစည်ရာတွေ ၀ါဒဖြန့်ပြီး အုပ်ချုပ် နေတာပါ။ ဒါကြောင့် ကင်ဂျုံ အီ လေဖြတ်ပြီး မာလကဈာန်ကြွတုန်းက ပိတ်တူတောင်ထိပ်ပေါ်က ရေခဲပြင်ပေါ်မှာ ဘာတွေပေါ်လာတာ ညာတွေပေါ်လာတာဆိုပြီး ပေါက်ကရလေးဆယ် အသံလွှင့်လိုက်သေးတယ်။

.မြောက်ကိုရီးယားမှာ အိမ်ပေါက်စေ့ လော်စပီကာတပ်ပြီး ၀ါဒဖြန့်တာတွေကလည်း ငါးနှစ်ကလေးကို ပုံပြောတဲ့ အဆင့်လောက်ပဲရှိတယ်။ ဒါတွေကိုပဲ လူတွေက ယုံနေကြသတဲ့။ လူတွေကို အရူးလုပ်ထားနိုင်မှ၊ အရာရာကို အတုပြုလုပ်ထားနိုင်မှ အကြွင်းမဲ့အာဏာရှင်စနစ် သက်ဆိုးရှည်တည်တံ့မယ်ဆိုတဲ့ ဂျော့အိုဝဲရဲ့ ဒ၁သနအတိုင်း တသဝေမတိမ်း အုပ်ချုပ်နေတဲ့ တိုင်းပြည်ပါ။

.သို့သော် .. သို့သော် ဂျော့အိုဝဲ ချမပြတဲ့ ပုံသဏ္ဍာန်နဲ့ အကြွင်းမဲ့အာဏာရှင်စနစ် ဖြစ်ထွန်းနေတဲ့ တိုင်းပြည်တွေ ရှိတယ်။ ဘယ်တိုင်းပြည်တွေလဲဆိုတော့ ကျမ ဥာဏ်မီသလောက် ပြောရရင် အစ္စလာမ္မစ် တိုင်းပြည်တွေထဲမှာ မွတ်စလင် ဘာသာ ၉၉ %ကနေ ၁၀၀ % ကိုးကွယ်တဲ့ တိုင်းပြည်တွေ တွေ့ရပါတယ်။ အစွန်းရောက်တွေလို့ ပြောရင် ကာယကံရှင် ဘာသာဝင်တွေ ဒေါသပုန်ထမယ်။ အာဖဂန်နစ္စတန်၊ ပါကစ္စတန်၊ အီရန်၊ အီရတ်၊ ဘက်ဘနွန်၊ ဆီးရီးယား .. စတဲ့တိုင်းပြည်တွေ ခုထိကို မငြိမ်းချမ်းနိုင်ဘူး။

.ဒါဆို ဗုဒ္ဓဘာသာ တိုင်းပြည်ဖြစ်တဲ့ မြန်မာပြည်မှာကကော အစွန်းမရောက်ဘဲ ဘာဖြစ်လို့ အာဏာရှင်စနစ် သက်ဆိုးရှည်ခဲ့သလဲလို့ မေးစရာရှိပါတယ်။ အဲဒီ မေးခွန်း ကျမ ဖြေလို့ မရပါ။ ဗုဒ္ဓဘာသာဝင်တွေက ဗုဒ္ဓလမ်းစဉ်ဟာ မစ္ဖျိ မ ပဋိပဒါ အလယ်အလတ် လမ်းစဉ်ဖြစ်ကြောင်း၊ သစ္စာလေးပါး၊ မဂ္ဂင်ရှစ်ပါးအကြောင်း သူတို့ပြောပြကြပါလိမ့်မယ်။ ဗုဒ္ဓဘာသာဝင် မဟုတ်တဲ့ ဘာသာခြားတစ်ယောက် အမြင်မှာတော့ ဗုဒ္ဓဘာသာဟာ ပေါကြောင်ကြောင် အနိုင်ဆုံးဘာသာ၊ ရုပ်တုကြီး ရေမွှေးဆွတ်ပြီး ဖင်ဘူးတောင်းထောင် ထိုင်ရှိခိုးနေတဲ့ ဘာသာအဖြစ် သူတို့မြင်ကြပါတယ်။ သူတို့တတွေ အမြင်မှာ တစ်နေ့ နမားငါးခါ ဖတ်ရတဲ့၊ နေမင်းကို နေ့တိုင်းရှိခိုးရတဲ့ အစ္စလာမ်တွေထက်တောင် ဗုဒ္ဓဘာသာဟာ ပေါကြောင်ကြောင်နိုင်ပါသေးတယ်။ ဒီတိုင်းပြည်မှာ အာဏာရှင်စနစ် သက်ဆိုးရှည်ခဲ့တော့ ဂျော့အိုဝဲ ပြောသလို လူတွေ အရူးလုပ်ခံထားရသလား၊ အတုတွေကို ယုံနေကြသလား ပြန်ဆန်းစစ်ရပါတော့မယ်။

.အာဏာရှင်စနစ်မှာ လူတွေကို လူမဆန်စွာ ညှင်းပန်းနှိပ်စက်ခြင်း Thuggery ကတော့ မပါမဖြစ်တဲ့ လုပ်ငန်းစဉ်တစ်ရပ် အနေနဲ့ ပါရပါတယ်။ ဒါပေမယ့် ဒါ အခရာ မဟုတ်ဘူး။ အခရာအကျဆုံးက အတုလုပ်ခြင်း၊ တနည်း လိမ်ညာထားခြင်း။ ဒီနည်းနဲ့ လူ့ဦးနှောက်ကို သတ်ထားခြင်း၊ လူသားရဲ့ ဖွဲ့စည်းမှုကို သတ်ထားခြင်း။

.ဒါကြောင့်မို့ တိုင်းပြည်တစ်ပြည်ကို အာဏာရှင်စနစ်နဲ့ အုပ်ချုပ်မယ်ဆိုရင် စစ်တပ်အခြေပြုတဲ့ အစိုးရက လက်နက် အားကိုးနဲ့ လူတွေကို မတရား ဖိနှိပ်ချုပ်ချယ်ပြီး အုပ်ချုပ်ရင် ရမယ်လို့ ယူဆထားတဲ့ ပုံစံဟာ ဂျော့အိုဝဲရဲ့ သီဝရီနဲ့ ဆိုရင် မကိုက်ညီဘူး။
. ဂျော့အိုဝဲ ရဲ့ သီဝရီအရဆိုရင် အာဏာရှင်စနစ်နဲ့ အုပ်ချုပ်နိုင်အောင် ဖန်တီးထားရတယ်။ အဓိက အတုပြုလုပ်ခြင်း။ ဒါကို ခေါင်းဆောင်ကြီးတွေက မလုပ်နိုင်ဘူးဆိုရင် နဂိုအခံရှိနေပြီးသား (အတုရှိပြီးသား) အခြေအနေပေါ်မှာ တက်အုပ်ချုပ်လို့ ရပါတယ်။

.အစ္စလာမ္မစ်တိုင်းပြည်တွေမှာ ဘာသာရေးက ခိုင်းစေတဲ့အတိုင်း အမျိုးသမီးတွေကို နှိပ်ကွပ်ထားနိုင်တယ်။ ဦးခေါင်းကို ခြုံ တာတောင်မှ ၃ မျိုးရှိတယ်။ ခေါင်းလုံရုံ ခြုံ တဲ့ ပ၀ါကို ရိုစရီ၊ ခေါင်းနဲ့ ခန္ဓာကိုယ်ကို ခြုံ တာက ချာဒိုး (Chado) ၊ မျက်လုံးလေးပဲ ဖော်ထားပြီး တစ်ကိုယ်လုံး ခေါင်းမြီးခြုံ တာက ဘာကာ ( Burqa) ( najib လို့လည်း ခေါ်တယ်) ။ ဒီလောက် ပူလောင်အိုက်စပ်နေတဲ့ တိုင်းပြည်မှာ အပူဓာတ်ကို စုပ်ယူတဲ့ ၊ ကျန်းမာရေးနဲ့ ဘယ်လိုမှ မညီညွတ်တဲ့ အမည်းရောင်စောင်ကြီးကို ခြုံ ခိုင်းထားနိုင်အောင် ဘာသာရေးက စွမ်းပြီဆိုမှတော့ အဲဒီတိုင်းပြည်ကလူတွေရဲ့ ဥိးနှောက်ဟာ အရှိတရားထက် အတုတရားကို ပိုယုံတယ်ဆိုတာ ပြောစရာကို မလိုတော့ပြီ။ အပျို ရည်မပျက်အောင် စောင့်ထိန်းကြရတာကတော့ လူတိုင်းအသိ။ မြောက်ကိုရီးယားမှာဆိုရင် ကျားရောမရော စောင့်ထိန်းရတယ်။

.အစ္စလာမ္မစ်တိုင်းပြည်တွေမှာ ဘာသာရေးခေါင်းဆောင် မူလာ တွေ အင်မတန် တန်ခိုးထွားတယ်။ အယာတိုလာ ခိုမေနီ က စနစ်တကျ ဘုရားဝတ်ပြုနည်း လက်ချာရိုက်ရင် တက်ရောက်တဲ့ ပရိသတ်က သိန်းသန်း ချီသတဲ့။ ဘာသာရေးဆရာတွေ တရားဟောကောင်းတဲ့တိုင်းပြည်၊ တနည်းဆိုရင် အဆိုအမိန့်တွေ အားကောင်းတဲ့ တိုင်းပြည်ဟာလည်း အတုကြီးစိုးတဲ့ တိုင်းပြည်ပါ။ မြောက်ကိုရီးယားမှာကတော့ ဘာသာရေးဆရာ မရှိ။ ဒါပေမယ့် ကျောင်းနေရွယ် ကလေးတွေဟာ ပညာရှိကြီး ကင်အီစွန်းရဲ့ ဒ၁သနတွေ၊ အဆိုအမိန့်တွေ မိန့်ခွန်းတွေကို အလွတ်ကျက်ကြရတယ်။

.မြန်မာပြည်မှာဆိုရင် အလောင်းမင်းတရားခေတ်ကတည်းက လက်ရုံးမီးတောက်တယ်ဆိုတာ အခုထိ ယုံကြတုန်း။ စကြ၀တေးမင်းတို့ ဘုန်းတန်ခိုးတို့ကို ယုံကြတဲ့ခေတ်တွေ ရှိတယ်။ ဦးနေ၀င်းခေတ်တုန်းကလည်း လူတွေကို မျက်စိပိတ်၊ နားပိတ်ပြီး အင်မတန် သယံဇာတ ပေါကြွယ်ဝတဲ့ တိုင်းပြည်၊ တစ်မူးရလို့ တစ်ပဲလှူ တဲ့ သူတော်ကောင်းတိုင်းပြည်ကြီးအဖြစ် လံကြုပ် လုပ်ခဲ့တယ်။ န၀တခေတ် ရောက်တော့ ကျမ အထင် တလွဲဘာသာရေး သိပ်အားကောင်းလာခဲ့တယ် ထင်ပါတယ်။ ဘိုးတော် ခေတ်ဖြစ်သွားခဲ့တာ။ အစ္စလာမ်တွေ အားအားရှိ ပုတီး တချောက်ချောက် စိပ်နေသလို မြန်မာတွေလည်း ပုတီးပဲ။ ဆရာတော်ဘုရားတွေကလည်း တန်ခိုးကြီးကြပါဘိတော့။ ထွက်တဲ့ စာအုပ်တွေကလည်း နက္ခတ္တရောင်ခြည်လိုမျိုး ။ လူတွေကို အဘတို့မလို့ နေ့ချင်းညချင်းပဲ ကြီးပွားတော့မလို။ နတ်တွေ နဂါးတွေ ယုံတဲ့လူကလည်း ဒုနဲ့ဒေး။ တစ်နေ့ကို ဒိဝါတပတိ ဂါထာ အကြမ် ၁၀၀ ရွတ်ရင် ဘာဖြစ်မယ်ဆိုပြီး ဂါထာတွေ မိုးပျံနေခဲ့ကြတယ်။ တစ်ဖက်မှာလည်း ၂လုံး ၃လုံးနဲ့ မျှားထားတယ်။ ဒီကနေ့မှာတောင် တရားပွဲတွေ တခြိမ့်ခြိမ့် ကျင်းပပြီး အဆိုအမိန့်တွေနဲ့ သူတော်ကောင်းလမ်းစဉ်ကြီး ဖွံ့ဖြိုးလို့။

တခြား အာဏာရှင်စနစ်နဲ့ အုပ်ချုပ်တဲ့တိုင်းပြည်တွေမှာ ခေါင်းဆောင်ကြီးတွေဟာ သိပ်တော်မှဖြစ်တယ်။ ခေါင်းဆောင်တွေက သိပ်တော်လွန်းအားကြီးလို့ စာအုပ်တွေပြု စု၊ အဆိုအမိန့်တွေ တီထွင်ပြီး သူတို့ကိုယ်သူတို့ ပညာရှိကြီးတွေအဖြစ် ဖန်တီးလိုက်ကြရတယ်။ ဒီတိုင်းပြည်မှာ ဒါမျိုး လုပ်နိုင်လောက်တဲ့လူ မရှိဘူး။ အတုတွေကို ယုံကြည်ပြီးသား လူထုပေါ်မှာ လက်နက်အားကိုးနဲ့ လူစွာလုပ်၊ အသင့်တက်အုပ်ချုပ် လိုက်တာ။

.အရှင်လတ်လတ် ငရဲပြည်ရောက်သွားတဲ့ အင်မတန်ချမ်းသာကြွယ်ဝခဲ့တဲ့ အာဖဂန်နစ္စတန်မှာ ဘာသာရေးခေါင်းဆောင် မူလာတွေ သိပ်တန်ခိုးထွားခဲ့တယ်။ ဘာသာရေးခေါင်းဆောင်တွေ သြဇာထက်ပြီဆိုရင် အဲဒီတိုင်းပြည် ကြေတော့တာပဲ။ ပီကေ ဇာတ်ကားထဲမှာ ဘုရား မရှိဘူးလို့ မပြောဘူး။ ဘုရားရှိချင်လည်း ရှိမယ်။ ဒါပေမယ့် လူသားနဲ့ ဘုရား ဆက်သွယ်ရေးမှားယွင်းနေတယ်။ ဘာဖြစ်လို့လဲဆိုတော့ ကြားထဲမှာ ကြားခံအဖြစ် Duplicate God ရှိနေလို့ပါပဲ။ ။

.၀င့်ပြုံးမြင့်
.ဖေဖော်ဝါရီ ၂ရက်၊ ၂၀၁၅။

ဝင့်ပြုံးမြင့်

About ၀င့်ပြုံးမြင့်

wintpyone myint has written 55 post in this Website..

IN LOVE I TRUST.