ဘာညာ သာလကာ

 

 

 

 

 

 

 

 

 

 

 

 

 

 

 

ကျွန်တော် = customer
။။။။။။။။။။။။။။။။။။။။။။။။။။။။

စကား(၁)

ဖုန်းနဲ့ ဖုန်း ဆက်စပ်အပိုပစ္စည်းတွေ ရောင်းတဲ့ ဆိုင်တစ်ဆိုင်ထဲ ဝင်လိုက်တယ်။

ဆိုင်ထဲက အရောင်းဝန်ထမ်းဖြစ်ပုံရတဲ့ အမျိုးသမီးငယ်နှစ်ယောက်က ဆိုင်ထဲ ဝင်လာတဲ့ ကျွန်တော့်ကို တစ်ချက်ပဲ…မော့ကြည့်လိုက်ပြီး
သူတို့ချင်း စကားဆက် တွတ်ထိုးနေတယ်။

ဆိုင်ထဲဝင်လာတဲ့သူကို ဘာအလိုရှိသလဲ…မေးဖို့ သူတို့မှာ တာဝန်မရှိသလိုပဲ.. ။

ကျွန်တော်လည်း..သူတို့ကို ဘာမှမပြောသေးဘဲ ဆိုင်ထဲက ဖုန်းကာဗာလေးတွေ ချိတ်ထားတဲ့စင်ပေါ်ကို လိုက်ကြည့်နေလိုက်တယ်။
ကျွန်တော့်ဖုန်းမှာ တပ်မယ့် ကာဗာများတွေ့မလားလို့။
ဒါပေမယ့် အလွယ်တကူမတွေ့ဘူး ။
ဒါနဲ့ အရောင်းဝန်ထမ်းဖြစ်သူကို မေးရတော့တာပေါ့ ။

”အဟမ်း … ကျွန်တော် ဖုန်းကာဗာလိုချင်တယ်။”

ကျွန်တော့် အသံကြားတော့မှ ထလာပြီး ဖုန်းအမျိုးအစားပြောတဲ့ ။

”ဖုန်းအမျိုးအစားက HUAWEI ၊ Honor C8817D ၊ ကျွန်တော်လိုချင်တာက frames ပုံစံလေး ၊ ဘောင်လေးပဲ ကွပ်ထားသလိုမျိုး Cover….  ”

 

”မရှိဘူး”

 

————————

စကား(၂)

 

ရှင်းတယ်။
ကျွန်တော့် စကားတောင်မဆုံးသေးဘူး ။
သူက မရှိဘူးလို့ ယတိပြတ်ပြောပြီး ဟိုတစ်ယောက်ဆီ လှည့်ထွက် / စကားဆက် တွတ်ထိုးနေတယ်။

ကျွန်တော်သဘောပေါက်သွားတယ်။

ဒီဆိုင်ရဲ့ ဝန်ဆောင်မှု ဒီလောက်ညံ့ဖျင်းလို့လည်း…ဆိုင်ထဲ ဝင်လာမိသူဆိုလို့ ကျွန်တော်တစ်ယောက်ထဲ ဖြစ်နေတာ ။

ဒီလို…ပြီးစလွယ်ရောင်းချတတ်တဲ့ဆိုင်မျိုးကို အကြောင်း သိသွားရင် ဘယ်သူမှ  ထပ်မလာဘူး ။

 

————————

စကား(၃)

 

ကျွန်တော် (customer) လိုချင်တာကို ပြောပြတယ်။
ကျွန်တော် (customer) လိုချင်တာက ကျွန်တော်လိုချင်တာပဲ ဖြစ်တယ်။
”မရှိဘူး”ဆိုတဲ့ စကားကို ကျွန်တော် မလိုချင်ဘူး ။

 

မရှိဘူးဆိုတဲ့စကားအစား…
”ခဏလေးနော် ရှာကြည့်ပေးပါ့မယ်”တို့. . .

အဲ့ဒီ ပုံစံ မရှိရင်တောင်…
”အဲဒီပုံစံ ရမှ ဖြစ်မှာလား…. တခြားပုံစံထဲက ကောင်းတာလေးတွေ သုံးကြည့်ပါလား..” တို့… ပြောစေချင်တယ်။

customer ဘက်က  ဒါရမှဖြစ်မှာလို့ ပြောရင်တောင်

(ရချင်တဲ့ဟာက မရှိဘူးဆိုတာ သေချာရင်တောင်)
” ဟုတ်ကဲ့…အခုလောလောဆယ်တော့ အဲဒီပုံစံလေးက ပစ္စည်းပြတ်နေလို့… နောက်နေ့မှာ..စုံအောင်တင်ထားပါ့မယ်..
.ဖြစ်နိုင်ရင်..နောက်တစ်ခေါက် လာအားပေးပါနော်..” ဆိုတာမျိုး…ပြောစေချင်တာ… ။

customer တွေအနေနဲ့ ကိုယ်လိုချင်တာကို ကိုယ့်စိတ်ကျေနပ်တဲ့အထိ ရချင်ရင်ရ၊ မရရင်တောင် အဲဒီလို စကားမျိုးကို ကြားချင်တာ ။

 

—————————

စကား(၄)

”မရှိဘူး”လို့ တုံးတိပြောချလိုက်တာထက်စာရင်…တခြားနားဝင်လည်းချိုမယ့်စကားမျိုး.. /
စိတ်ကသိကအောက် မဖြစ်စေတဲ့ စကားမျိုးနဲ့ ဒီဆိုင်ကို အသိအမှတ်ပြုထားလောက်အောင်…
အရောင်းဝန်ထမ်းတွေအနေနဲ့က ပြောတတ်သင့်တယ်မဟုတ်လား ။

အခုတော့… ဝယ်ချင်ဝယ် မဝယ်ချင်နေဆိုတဲ့အထာမျိုးနဲ့ ”ဈေးရောင်းသူ”လုပ်နေတာတွေ များနေပါလား ။
customer ကို ရေရှည်ဆက်ဆံနိုင်အောင် စည်းရုံးတဲ့နည်းမသုံးပဲ…
တစ်ခါဆက်ဆံမိလို့မှ နောက်ထပ်မဆက်ဆံချင်တော့လောက်အောင် ဖြစ်စေတဲ့ ပုံစံတွေနဲ့ ရောင်းနေတဲ့ ဝန်ထမ်းတွေ များလှပါလား… ။

အမှန်ဆို လှည်းတန်းလမ်းဆုံလိုနေရာမျိုးဟာ ဖုန်းနဲ့အပိုပစ္စည်းရောင်းတဲ့ဆိုင်တွေမှ အများကြီး…။
အများကြီးထဲကမှ…ကိုယ့်ဆိုင်ထဲကို ဝင်လာတဲ့ customer ကို အသိအမှတ်ပြုပြီး ဝန်ဆောင်မှုကောင်းကောင်းပေးသင့်/ ဆွဲဆောင်သင့်တယ်မဟုတ်လား ။

—————————-

စကား (၅)

 

ဒီလို ဝန်ဆောင်မှုညံ့ဖျင်းပုံမျိုးတွေနဲ့ဆိုရင်တော့လား…
ကျရှုံးမှုကိုသာ အောင်အောင်မြင်မြင်ရရှိပိုင်ဆိုင်ရလိမ့်မယ်လို့…..တွေးမိပါတယ်။

—————————–

Maung Thura
13/02/2015/11:49

Thint Aye Yeik

About Thint Aye Yeik

Thint Aye Yeik has written 599 post in this Website..

Maung Thura @ သင့်အေးရိပ် CJ #5222013