ယမန်နေ့မနက်မှစ၍ ကျွန်ုပ်သည် ဆန္ဒပြသပိတ်မှောက် အဖွဲ့များအားလိုက်လံကြည့်ရှုရင်းဖြင့်
၈၈ သပိတ်မှောက်ကာလ၏ နောက်ပိုင်းကာလများကို ပြန်ပြောင်းသတိယမိလေတော့သည် ။
ထိုစဉ်က ကျွန်ုပ်သည် ဆယ်တန်းလေးနှစ်ကျပြီး အရွယ်ရောက်မှတ်မိသိရှိနေသည်ဖြစ်သောကြောင့် အတိတ်ဖြစ်ရပ်များကို ပြန်လည်တွေးတော စားမြုံ့ပြန်ချင်စိတ်ဖြစ်မိသည့်အားလျော်စွာ
ဤစာကိုရေးသားရခြင်းဖြစ်လေတော့သည် ။
၁၉၈၈ အရေးအခင်းကာလအစပိုင်းနှင့် အလယ်ပိုင်းများမှာ လူအများသိရှိသည့်အားလျော်စွာ ကျွန်ုပ်အနေဖြင့် မပြောလိုတော့သည်ဖြစ်၍
သပိတ်ကာလ နောက်ပိုင်းအခြေအနေကိုသာ ပြန်လည်ရေးသားချင်မိလေသည် ။
ဤသို့ဆိုရာတွင် ကျွန်ုပ်ရေးသားဖေါ်ပြအံ့သောဖြစ်ရပ်များမှာ ကျွန်ုပ်ပါဝင်ပါတ်သက်သော ဝန်းကျင်သာဖြစ်၍ အားလုံးထပ်တူကျသည်ဟု မဆိုလိုပေ။
ကျွန်ုပ်၏အတွေ့အကြုံများကိုသာ ဦးစားပေးရေးသားတင်ပြမည်ဖြစ်ပေတော့သည် ။

၁၉၈၈ သြဂုတ်လ၏ စတုတ္ထပါတ်တမနက်၌ …………
ကျွန်ုပ်သည် အိပ်ယာမှထလျှင်ထခြင်း အိမ်ရှေ့တွင် အထုတ်တထုတ်ကို တွေ့မိလေသည် ။
အဆိုပါအထုတ်အား အဆောတလျှင် ဖွင့်ကြည့်ပြီးသည်နှင့် ကျွန်ုပ်မှာလွန်စွာဒေါသထွက်လွန်းသဖြင့် အသားများပင် တဆတ်ဆတ်တုန်နေတာ့သည် ။
၎င်းအထုတ်မှာ အာဂျီနိုမိုတို ကြွတ်ကြွတ်အိပ်အဟောင်းဖြင့်ထုတ်ထားသော ပြည်တွင်းဖြစ် ဓတ်ရိုက်ထမီအဟောင်းတထည်ဖြစ်သည် ။
အဓိပ္ပါယ်ကောက်ချက်ဆွဲရသော် ဖြစ်ပွါးနေသော ၈၈၈၈ အရေးအခင်းသပိတ်တွင် ကျွန်ုပ်မပါဝင်သေးသောကြောင့်
သပိတ်စခန်းမှ ကျွန်ုပ်ထံပို့လိုက်ခြင်းဟူ၍ ယူဆမိလေတော့သည် ။

ကျွန်ုပ်မှာ အဆိုပါဆန္ဒပြပွဲတွင် နေရာယူဖျာခင်းသည့်အမှုမျိုးက်ို မလုပ်ချင်သော်လည်း ယခုအခြေအနေအတိုင်းဆိုပါက မလွှဲမရှောင်သာပါဝင်ရတော့မည်ဖြစ်လေသည် ။
ထိုစဉ်အခါက အုပ်ချုပ်ရေးယန္ဒရားသည်လည်း ရပ်တန့်သွားလေပြီဖြစ်ရာ မိမိတို့ရပ်ကွက် လမ်းနှင့် နေအိမ်တို့ကို ကိုယ့်အားကိုကိုးကာကွယ်ကြရသည်ဖြစ်သောကြောင့် သပိတ်စခန်းတွင်အဖွဲ့ဝင်ဖြစ်ပါက
အနေအထိုင်သက်သာချောင်ချိဖွယ်ဖြစ်နိုင်သောကြောင့် လည်းကောင်း ၊ ဆင်းရဲသားလက်လုပ်လက်စားမိသားစုများတွင် ဆန်ပြုတ်သောက်နိုင်ရန်ကြိုးစားနေရချိန်တွင်
သပိတ်စခန်း၌ ထမင်းထုပ်များ အလျှံအပယ်ပေါများနေ၍ နေ့လွဲညစာပူပန်ရန်မလိုသောကြောင့်လည်းကောင်း ကျွန်ုပ်မှာ သပိတ်တပ်သားအဖြစ်ဝင်ရောက်ရန် ပြတ်သားစွာ ဆုံးဖြတ်ချက်ချလိုက်ပါတော့သည် ။

ဆယ်တန်းလေးနှစ်ကျသောကျွန်ုပ်သည် သပိတ်စခန်းတွင် ကျောင်းသားခေါင်းဆောင်ငယ်အဖြစ် စတင်နေရာရခဲ့ပါသည် ။
ကျောင်းသားခေါင်းဆောင်ဖြစ်လာပြီးနောက် ကျွန်ုပ်မှာ စဉ်းစားရပါသည် ။
သပိတ်တပ်ဦးမှနေ၍ လှုံ့ဆော်ဟောပြောမည်လား သို့တည်းမဟုတ် နောက်တန်းစခန်းတွင်ထိုင်၍ စီမံခန့်ခွဲမည်လားဟူ၍တွေးတောလေရာ
ဧကန်စင်စစ် အန္ဒရယ်ကင်းဘေးရှင်း၍ စားကောင်းအိပ်ပျော်သော သပိတ်စခန်းအထိုင်အင်အားစုတွင်သာ ဝင်ရောက်လှုပ်ရှားခဲ့သည် ။
ကျွန်ုပ်၏တာဝန်မှာ လွန်စွာအရေးကြီးလှသောရိက္ခာထောက်ပံ့ရှာဖွေရေးဖြစ်လေရာ သပိတ်စခန်း၏ ထမင်းထုတ်အလှုခံ ၊ ဖြန့်ဝေရေးများဆောင်ရွက်ရလေ၏ ။

ရပ်ကွက်အတွင်းစေတနာရှင်များမှလာရောက်လှုတန်းသောထမင်းထုတ်များမှ ကောင်းမည်ထင်သည့်ထမင်းထုတ်များကို ကျွန်ုပ်နှင့် ဘော်ဒါတစုအတွက်အလျင်ဦးစွာဖယ်ပြီးနောက် ကျန်ထမင်းထုတ်များကို လက်သင့်ရာ ခင်မင်သူများအားဝေပေးခြင်းဖြင့် တာဝန်ကျေပြွန်စွာထမ်းဆောင်ခဲ့လေသည် ။

မကြာမီတွင် သပိတ်စခန်းများအတွင်း အဆိပ်ခတ်သည့် သတင်းများပြန့်နှံ့လာလေရာ ကျွန်ုပ်တာဝန်ယူရသော ရိက္ခာထောက်အဖွဲ့အဖို့ ကြီးစွာသောသတိထားစရာ ဖြစ်လာရပါတော့သည် ။
ကျွန်ုပ်မှာလည်း မိမိအသက်ဦးစွာသေရမည့် အဆိပ်ဘေးကို ကြောက်ရွံ့သည့်အားလျော်စွာ စခန်းတာဝန်ခံများ သပိတ်ခေါင်းဆောင်များထံတင်ပြပြီးလျှင် ရိက္ခာသိုလျောင်ရာနေရာနှင့် ရေတွင်းရေကန်များကို ကန့်သတ်နယ်မြေအဖြစ်ပြန်တမ်းထုတ်၍ လုံခြုံရေးဆောင်ရွက်မှုအား တိုးမြှင့်ခဲ့ရလေသည် ။
ထိုအခါမှစ၍ ကျွန်ုပ်၏ သြဇာအရှိန်အဝါမှာ လျှမ်းလျှမ်းတောက်ထည်ဝါခဲ့ရတော့သည် ။
အဘယ်ကြောင့်ဆိုသော် ကျွန်ုပ်နှင့်မျက်နှာကြောမတည့်သူအား လုံခြုံရေးအရ မသင်္ကာသည်ဟုဆိုပါလျှင် သပိတ်တပ်ဖွဲ့ဝင်များနှင့် အားပေးထောက်ခံသူများမှ ခေါင်းဖြတ်သည်အထိအရေးယူနိုင်ဖွယ်ရှိလေသောကြောင့်တည်း ။
ထိုစဉ်က မြောက်ဥက္ကလာတွင် လွန်စွာမှ ဆူပူနေ၍ သမိုင်းရေစီးလှိုင်းကြီးလေထန် ဖြစ်ရပ်များပေါ်ပေါက်နေပြီဖြစ်လေရာ အဆိပ်ခတ်သူဟု နာမည်တပ်လိုက်ပါက မည်သို့ဆက်လက်ဆောင်ရွက်ကြမည်ကို မတွေးဝံ့စရာပင်ဖြစ်နေလေတော့သည် ။

သပိတ်တပ်သားတို့အတွင်းသာမက လမ်းထိတ်မှ ပါတီယူနစ်ဥက္ကဌကြီးနှင့်ရပ်ကွက်ကောင်စီဥက္ကဌဟောင်းတို့သည်ပင် ကျွန်ုပ်အားမျက်နှာချိုသွေးရလေသည် ။
ကျွန်ုပ်မှာ လုံခြုံရေးအဖွဲ့များတိုင်းမြှင့်၍ ထမင်းထုတ်များကို ကင်းတာဝန်ချထားခြင်း ၊ စခန်းအတွင်းတွင် ရှောင်တခင်စစ်ဆေးခြင်းများကို ပြုလုပ်ပြီးလျှင် ဒီမိုကရေစီသပိတ်တပ်ရင်း၏ ထောက်ပံ့ရေးနှင့် လုံခြုံရေးအထူးတာဝန်များကို အားတက်သရောထမ်းဆောင်ခဲ့ပါသည် ။

ဤသို့ဖြင့် စက်တင်ဘာလ ဒုတိယပတ်သို့ရောက်ရှိလာသောအခါ
ဆန္ဒပြပုံစံမှာ အနည်းငယ်ပြောင်းလဲလာကြသည် ။ အဆာအငတ်ခံဆန္ဒပြခြင်းများ ဟိုနားတစုဒီနားတစု စတင်နေပြီဖြစ်သောကြောင့် ကျွန်ုပ်တို့သပိတ်စခန်းအနေဖြင့်လည်း အဆိုပါလှုပ်ရှားမှုတွင် ပါဝင်ပြသရမည်ဖြစ်လေတော့သည် ။
ထမင်းလွန်စွာဆာလောင်တတ်သောကျွန်ုပ်မှာ ကြီးစွာသောစိတ်ဆင်းရဲမှုဖြစ်ရလေသည် ။
အဘယ်ကြောင့်ဆိုသော် အငတ်ခံဆန္ဒပြနေသူများအတွက် ထမင်းထုတ်များမပို့တော့ပါက ကျွန်ုပ်မှာ ဒုဗ္ဗိကန္တရကပ်ဘေး(အငတ်ဘေး) ဆိုက်ရောက်တော့မည်ကို တွေးတောစဉ်းစားမိသောကြောင့်ဖြစ်ပါသည် ။

မည်သို့ပင်ဖြစ်စေကာမူ ဘီဘီစီ ဗွီအိုအေ တို့၏သတင်းတွင် ကျွန်ုပ်တို့၏သပိတ်စခန်းသတင်းအား ဝေဝေဆာဆာဖြင့်ဖေါ်ပြနိုင်စေရန်
သပိတ်တပ်သားများအား ခေါင်းဆောင်များမှ ရဲရဲတောက်မိန့်ခွန်းပြောကြားပြီးလျှင် ဆန္ဒပြစေရန် စည်းရုံးနိုင်ခဲ့လေသည် ။
အဖွဲ့များခွဲ၍ အလှည့်ကျဆန္ဒပြရမည်ဖြစ်သောကြောင့် ကျွန်ုပ်လည်း ပါဝင်ရမည်ဖြစ်လေရာ ထိုအကြောင်းကိုသိပြီးလျှင်ပြီးခြင်း မျက်စိများပင်ပြာဝေသွားမတတ် ဖြစ်ရသည် ။
သို့သော် ကျွန်ုပ်မှာခေါင်းဆောင်ပိုင်း၌ပါဝင်နေသည်ဖြစ်သောကြောင့် အရေးကြီးတာဝန်များထမ်းဆောင်နိုင်စေရာအလို့ငှါ နောက်ဆုံးအဖွဲ့သို့ အလှည့်ရွှေ့ပေးထားခြင်းခံရလေသည် ။
ကျွန်ုပ်၏စိတ်ထဲမှ ကျိတ်ကျိတ်ပြီးတောင်းသောဆုမှာ ကျွန်ုပ်အငတ်ခံ ဆန္ဒပြရသောအလှည့်မတိုင်မှီ ဒီမိုကရေစီမြန်မြန်ရပါစေ ဟူ၍ဖြစ်ပါတော့သည် ။

ကျွန်ုပ်တောင်းသောဆုကားမပြည့်ခဲ့ပါသော်လည်း တမျိုးတဖုံသက်သာခွင့်အားရခဲ့ပါသည် ။
ထိုနေ့သည် စက်တင်ဘာလ (၁၈) ရက်နေ့ဖြစ်သည် ။
ကျွန်ုပ်နှင့် အငတ်ခံဆန္ဒပြအဖွဲ့မှာ ဗိုက်များတဂွီဂွီ အော်မည်နေပြီဖြစ်သည် ။
ဘီဘီစီသတင်းထောက်ဟုယူဆရသူများနှင့်လက်ကမ်းစာစောင်များမှသတင်းယူသူများမှလည်း ကျွန်ုပ်တို့အဖွဲ့သတင်းကိုယူနေကြလေပြီ ။
ထိုအချိန်တွင် စခန်းတွင်းရေဒီယိုမှ ကြာဖြတ်သတင်းတခုကိုကြေငြာလိုက်ရာတွင် ကျွန်ုပ်တို့သပိတ်စခန်းတခုလုံး အုံးအုံးကျွက်ကျွက်ဖြစ်သွားရပါတော့သည် ။
ထိုသတင်းမှာ တပ်မတော်မှ နိုင်ငံတော်ငြိမ်ဝတ်ပိပြားမှုအတွက် အာဏာသိမ်းလိုက်ခြင်းပင်ဖြစ်ပါတော့သသည် ။

ကျွန်ုပ်လည်း ခေတ္တခဏ စနည်းနာလျက် လက်ရှိမြို့တွင်းမှအခြေအနေများကို နားထောင်ပြီးလျှင် မိဘများနေထိုင်ရာအိမ်သို့ အောင်မြင်စွာဆုတ်ခွါလာခဲ့သည် ။
မည်သို့ပင်ဖြစ်စေကာမူ အဆိုပါ ၈၈၈၈ အရေးအခင်းသည် ကျွန်ုပ်အားများစွာအထောက်အကူပြုခဲ့ပါသည် ။
မြောက်များလှစွာသော အကျိုးခံစားခွင့်များထဲမှတခုအားပြောရမည်ဆိုပါက အရေးအခင်းကာလအပြီး၊ စစ်အစိုးရလက်ထက် ၁၉၉၀ ခုနှစ် ဆယ်တန်းစာမေးပွဲတွင် သင်ခန်းစာများလျော့ချပြီးစစ်ဆေးသောကြောင့် မည်သို့မျှအောင်မြင်ဖို့မရှိသော ဆယ်တန်းလေးကြိမ်ကျဖူးသည့် ကျွန်ုပ်သည် တဘာသာလျှင် ၄၀ နှုံးဖြင့် ချောမောစွာခိုးချအောင်မြင်ခဲ့လေတော့သည် ။
ထို့ကြောင့် ယခုအခါတွင် သားသမီးများရှေ့၌ ဘွဲ့ရပညာတတ်တဦးအဖြစ် မားမားမတ်မတ်ရပ်တည်နိုင်ခဲ့ပါတော့သည် ။

ကြိုးစားပါဦးမည်
ရာမည

ရာမည

About ရာမည

ရာမည has written 35 post in this Website..