အပိုကြီးနဲ့ Valentine Day ဘာမှမပတ်သက်ပဲနဲ့

ဘာများလျှာရှည်ချင်နေသလဲလို့ အပြစ်တင် မစောပါနဲ့။ :kwi:

 

ဘယ်အချိန်ကပေါ်ပေါက်လာမှန်းမသိတဲ့…..
အခုနှစ်ပိုင်းတွေမှာ ခေတ်စားလာတဲ့……
လူငယ်ပိုင်းတွေကို အတော့်ကို လွှမ်းမိုးနိုင်တဲ့……

Roses-Valentines-Day-Flowers-Wallpapers-HD

 

Valentine Day ဟာ ဖေဖော်ဝါရီလ ၁၄ရက်နေ့ဆိုတာကို  ကြားဖူးနားဝတော့ မှတ်သားထားမိတယ်။  :)

 

အခါကြီးရက်ကြီးလည်း မဟုတ် ပိတ်ရက်လည်း မဟုတ်တော့ မှတ်မှတ်ရရလည်း မရှိပါဘူး။

 

ထုံးစံအတိုင်း မနက်စောစောအလုပ်ကို ထွက်လာတယ်။

အလုပ်ထဲရောက်တော့ အလုပ်ဆင်းတဲ့သူနည်းနေလို့ မေးကြည့်မှ…..

လူငယ်လေးတွေ တော်တော်များများ Valentine Day ဆင်နွှဲဖို့ သွားကြသတဲ့။ :roll:

 

 

ဒီအတိုင်းဆိုရင် ရှိတဲ့လူနဲ့ပဲ အလုပ်လုပ်ရရင် ဒီနေ့တော့ဖြင့် ပင်ပန်းအုံးမှာပဲလို့ တွေးမိတယ်။

ဒီလိုနည်းနဲ့ပဲ ကျွန်ုပ်နဲ့မဆိုင်ဘူးထင်ရတဲ့ Valentine Day ဟာ ကျွန်ုပ်နဲ့ သက်ဆိုင်လာပါတော့တယ်။ :j:

 

ဖြစ်လာမှတော့ မတတ်နိုင်ဘူး နေ့လည်စာနောက်ကျခံနိုင်အောင် မနက်စာအဆာပြေစားထားမှလို့ စဉ်းစားမိတယ်။
အစားစားမှ အလုပ်လုပ်နိုင်မှာလေ။
( ဤကားဆင်ခြေ) :k:

ဒါနဲ့ပဲ ကလေးတစ်ယောက်ကို အနားကဆိုင်မှာ မနက်စာအဆာပြေ ထမင်းကြော်သွားမှာခိုင်းတော့ Valentine Day မို့ ဆိုင်မထွက်ပါဘူးတဲ့။

 

ဒီလိုနဲ့ပဲ Valentine Day ဘရိတ်ဖတ်က အသင့်စားခေါက်ဆွဲပြုတ်ဆိုတာ အမှတ်တရပေ့ါ။ :byee:

 

cookingnoodles

 

နေ့လည်ပိုင်းရောက်တော့ အိမ်ဘေးကဆိုင်လေးမှာ ယိုစုံသွားဝယ်စားမယ်ဆိုပြီး သွားတော့……

တနှစ်ပတ်လုံး စနေ တနင်္ဂနွေတောင်မပိတ်ပဲ အလုပ်ကြိုးစားကြတဲ့ အဲဒီဆိုင်က ညီအမတွေလည်း  Valentine Day အတွက် ကြိုတင်ပြင်ဆင်ဖို့ မနေ့ကညနေကတည်းက ဆိုင်ပိတ်သွားကြသတဲ့။

V Day cycling

အော် …..Valentine Day ဆိုတာ ဒီလောက်တောင် ထူးခြားထွတ်မြတ်တဲ့ နေ့ပါလား လို့ မှတ်ချက်ချမိတယ်။ :(

 

ဒီနေ့တော့ အလုပ်မလာတဲ့သူများလို့ အလုပ်ရှုပ်ပြီး ပင်ပန်းတော့မှာပဲလို့ ထင်နေမိပေမယ့်…
တကယ့်တကယ်ကျတော့ တနေ့လုံး ပျင်းရိငြီးငွေ့ဖွယ်ကောင်းလောက်အောင် ဈေးဝယ်သူက မလာ။

7019761-lazy-cat

ဟယ် ဒီနေ့တနေ့လုံး အရောင်းအ၀ယ်အေးလိုက်တာ လို့ ငြီးငြူ မိတော့
ဘေးနားမှာ ရှိနေတဲ့သူက အ ရန်ကောဆိုတဲ့ အကြည့်နဲ့အတူ ပြောလိုက်တာက….

ဒီလိုနေ့မျိုးမှာ အရောင်းအ၀ယ်ကောင်းချင်ရင် နှင်းဆီပန်းနဲ့ ချောကလက် ရောင်းရတယ် ဟဲ့။

လို့ ဟောက်တာ ခံရပြန်ပါရောလား။ :evil:

 

ပြောရင်းဆိုရင်းမှာပဲ နယ်ကပစ္စည်းပို့တဲ့ မအေးဆီက ဖုံးဝင်လာတယ်။

မအေး “မမ ရေ မနက်ဖြန်ကျရင် ပို့ထားတဲ့ ပစ္စည်းဖိုးတွေ မောင်လေးကို လာယူခိုင်းချင်လို့ ကြိုဆက်လိုက်တာ”

ကျမ “မအေးရေ- ဘယ်နေ့က ပို့ထားတဲ့ ပစ္စည်းဖိုးကို ရှင်းခိုင်းမှာလဲ။ ဒီအပတ်ပို့ထားတဲ့ ပစ္စည်းဖိုးတွေ မနေ့ကပဲ သားတော်မောင် လာရှင်းသွားတယ်လေ။”

မအေး “အမလေးးးး ကုန်ပါပြီ မမ ရယ်။

သားက  Valentine Day လျှောက်လည်ဖို့ ပိုက်ဆံ တောင်းနေတာ၊

အဲဒါ မပေးလိုက်လို့ ပစ္စည်းဖိုးတွေ လာထုတ်သွားတာဖြစ်မယ်။

ခုလည်း ဖုံးဆက်မရလို့ ဘယ်ရောက်လို့ ရောက်နေမှန်းမသိရဘူး။

ဒုက္ခပါပဲ မမ ရယ်။ ”

 

အော်…….ကျွန်ုပ်နှင့် Valentine Day ကား ဤသို့သာတည်းးးးး :cry:

Ma Ma

About Ma Ma

Ma Ma has written 143 post in this Website..

ဗေဒင်ဆရာ မမေးပဲ နာမည်ပေးလိုက်မယ်။ သိပ္ပံမောင်ဝရဲ့ ခေတ်ဆန်းစာပေကို အားကျပြီး ရေးမိရေးရာ ရေးထားတဲ့ လက်စမ်းစာပေလို့။ THAKHIN CJ #8212010 ( 5/2/2016)