ကျွန်မ မှာ အကျင့်တစ်ခု ရှိတယ်။
တစ်ခုခုကို လုပ်ပြီး ပြောပြီးလဲ ပြန်လှည့်ကြည့် ပြီး စမ်းစစ်တတ် တဲ့ အကျင့်။
တစ်ချို့ က ကျွန်မ ကို ရီ ကြတယ်။
သူတို့ကတော့ ပြတ်သတဲ့။ လုပ်ပြီး အလုပ် ကို ဘယ်တော့မှ နောင်တမရဘူး၊ ပြန်မကြည့်ဘူး တဲ့။
ဟုတ်မှာပါ။
ကျွန်မ မှားနေမှာပါ။
အခုလဲ ဒီရက် ဖြစ်နေတဲ့ အကြောင်း တွေ နဲ့ ဆက်လို့ ၈၈ က စတဲ့ သမိုင်းကြောင်းထဲ
ကျွန်မ မှားခဲ့၊ အမှားဖက်က ရပ်ခဲ့ တာ တွေ ကို ဝန်ခံဖို့ ဒီစာစု ကို ရေးပါတယ်။

အမှား(၁)
မနေ့က ပါပီမတို့ရဲ့ ဖခင်ကြီး (ဦး) မြသန်းစံ ရဲ့ ဆောင်းပါး “လုံးဝမရေးချင်ဘဲ ရေးရတဲ့စာ” ကိုဖတ်လိုက်ရတယ်။
အဲဒီထဲမှာ ” ဒေါက်တာမောင်မောင်”  ပြောခဲ့တဲ့ ““ကျွန်တော်တို့ကျောင်းသားသမဂ္ဂကိုပျော်ပျော်ပါးပါး အုတ်မြစ်ချပါစို့”  ဆိုတဲ့ စာကြောင်း ကို ပြန်ဖတ်မိပြီး ရင်ထဲ ပြန်နာလာတယ်။
၈၈ကာလထဲ ကိုယ်လဲ ကျောင်းသူတစ်ယောက်မို့ မျက်နှာမှာ အရေခွံကွာ နေလောင် တဲ့ အထိ လမ်းပေါ်မှာ တောက်လျှောက် ရှိခဲ့တယ်။
တကယ်တော့ ၈၈ ကာလ မှာ လူတန်းစားညီ တယ်။
အားလုံး ကြပ်တည်းတယ်။
ထိပ်ပိုင်း ဝန်ကြီး များ ဆိုတာလဲ အစိုးရ ပေးတဲ့ အိမ်၊ ကား ကြောင့် သာ သူများ တွေ ထက် နဲနဲ မြင့်မယ်။
သူတို့ ကိုယ်ပိုင် ပစ္စည်း လို ပြည်သူ့ ဘဏ္ဍာ တွေ ကို မခိုးကြဘူး။
ကုန်ကုန်ပြောရင် ဦးနေဝင်း သားသမီး တွေ အခွင့်အရေး ရတာကို ဒီ ခေတ်က ထိပ်ပိုင်း သားသမီး တွေက ဝါးလုံးကွဲ ရီလိမ့်မယ်။
ဦးနေဝင်း မြေး တွေ ဘယ်လောက် ဆိုးတယ်ပြောပြော ဆရာသမား ကို ဂါရဝ ပြုတတ်တယ်၊ ယဉ်ကျေးသေးတယ်။
ဒါပေမဲ့ အာဏာရှင် ရဲ့ တံခါးပိတ် ဝါဒ မှာ ကြိုးစားသလောက် မဖြစ်ထွန်းနိုင်တာ၊ တော်ရင် ဖိထားတတ် တာ တွေ က နိုင်ငံ ကို ပျက်စီးစေတာပါဘဲ။
ဒီ အတွက်  ရုန်းထွက်နိုင်ဖို့ ကျွန်မတို့ အားလုံး ကြိုးစား ခဲ့တယ်။
ပါမောက္ခဆရာကြီး တွေ က အစ ပါတဲ့ ပွဲ မှာ ကျွန်မတို့ အားလုံး အာဏာရှင်လက်က ထွက်နိုင်မဲ့ အလင်းရောင် ကို မြင်နေကြတယ်။
ဦးနေဝင်း ဖွင့်ပေးလိုက်တဲ့ တံခါး ကို တိုး အထွက်မှာ အလောတကြီး နဲ့ ဝရုန်းသုန်းကား အဖြစ်မှာ ကျွန်မ တို့ ကို အကဲစမ်း ပြီး တံခါး တစ်ဝက် ပြန်ပိတ်သွားတယ်။
အာဏာရှင် ကို မလွှတ်ချင်သူ လူ တစ်စု ဟာ ဦးနေဝင်း နေရာ ကို ဆက်ခံဖို့ အခွင့်ကောင်း စောင့်နေတာကိုး။
ဒီအချိန် ဆရာ/ဆရာမကြီး တွေ ရဲ့ “သမီး တို့ သားတို့ ဒီ အချိန်မှာ ရပ်ဖို့ သင့်ပြီ။ အိမ်ပြန်ကြတော့။ နဲနဲ သည်းခံ လိုက်ကြပါ။ ကောင်းတဲ့လမ်း ကို မြင်နေရပါပြီ၊ မဟုတ်ရင် ကြားက အာဏာသိမ်း လိမ့်မယ်” လို့ ပြောစကား အတိုင်း လူစု ခွဲ လိုက် တယ်။
တစ်ချို့ စကားနားမထောင်ဘူး။ ဆက် နေကြတယ်။
မကြာပါဘူး။ ဆရာကြီး တွေ ပြောလိုက်သလိုပါဘဲ။
သူတစ်လူ ငါတစ်မင်း စိတ် တွေ၊ လောဘ၊ မောဟ၊ အတ္တ တွေ က အာဏာရှင်များ ကို အသက်ဆက် ပေးခဲ့ တယ်။
ကျွန်မ ကတော့ အဲဒီအချိန်တုန်း က ဦးမောင်မောင် ကို ယုံ တယ်။
အဲဒီတုန်း က နဲနဲလေး သာ စိတ်ရှည်ပေးခဲ့ကြရင် သမိုင်း တစ်ကွေ့ ဟာ ပုံစံ ပြောင်း သွားမယ် လို့ ကို အခု ထက်တိုင် ယုံကြည်ဆဲဘဲ။
ဟုတ်မှာပါ။
အဲဒီလို ယုံခဲ့တာ က ကျွန်မ မှား တာ နေမှာပါ။

အမှား (၂)
၁၉၉၀ မှာ ဒေါ်အောင်ဆန်းစုကြည် ရဲ့ ဒီချုပ် အားကောင်း ခဲ့ တယ်။
ဒါပေမဲ့ ကျွန်မ သူ့ ကို မယုံခဲ့ပါဘူး။ သိတာ ၂ နှစ် လောက်ဘဲ ရှိသေး တဲ့ တိုင်းတပါး က ရောက်လာ တဲ့ မိန်းမ တစ်ယောက် ကို ကျောင်းက ဆရာမ တွေ လောက် ဘယ်လို အထင်ကြီး နိုင်ပါ့မလဲ။
ဒီ မိန်းမ ဘယ်လောက် တော်ကြောင်း ကို သူတို့ မိသားစု နဲ့ ထဲထဲဝင်ဝင် ခင်မင် တဲ့ အန်တီ တစ်ယောက် ပြောပြော ပြ လို့ တော့ သိပါရဲ့။
အဲဒီ  ၁၉၉၀ ရွေးကောက်ပွဲ ကာလ မှာ ကျွန်မ အလုပ် နဲ့ တောင်ကြီး ရောက်နေတယ်။
နေတဲ့ အိမ်က ဒီချုပ် အတွက် အတော်လေး မဲဆွယ် ခဲ့တယ်။
ကျွန်မ အဲဒီတုန်း က ဘယ်ပါတီ ကို မှ မဲ မပေးခဲ့ဘူး။
နောက်ပိုင်း ဒီချုပ် နိုင်ချိန် တစ်တိုင်းပြည်လုံး ပျော်ကြတယ်။
ကျွန်မ လဲ ကျေနပ်ပါတယ်။
တံခါးပိတ်ထား ခံရတဲ့ ကျွန်မတို့ နိုင်ငံ မှာ ထွက်ပေါက် ကို ဖွင့်ပေးနိုင်သူ ရှိသွားပြီ။
ကျွန်မ တို့ အတွက် ဒီမိုကရေစီ အသီးအပွင့် ခံစားဖို့ အချိန် ရောက်ပြီ လို့။
နောက်ပိုင်း ကိုယ့်ကို အုပ်ချုပ်ဖို့ ကြိုးစား နေတဲ့ မိန်းမ ရဲ့ အကြောင်း တွေ ကို သိအောင်ကြိုးစား ခဲ့ တယ်။
ဒီ မိန်းမ ဟာ တကယ်ဘဲ အနစ်နာခံစိတ် နဲ့ တိုင်းပြည် အတွက် လုပ် နေတာ ကို ခံစားလာ ရတယ်။
သူဟာ တကယ်ဘဲ ပညာရည်၊ နှလုံးရည် နဲ့ ပြည့်စုံသူမှန်း သိပါတယ်။
အဲဒီ အချိန် သူထောင်ထဲ ရောက်နေပြီ။
ကိုယ်က လဲ စိတ်ကသာ ရှိတာ။ လက် က တိုင်းပြည် အတွက် ထိထိ ရောက်ရောက် လုပ်ဖို့ ပမွှား အစွမ်းမရှိ။
ဒေါ်အောင်ဆန်းစုကြည် ကို ဖယ်ပြီး တိုင်းပြည်ကြီး ချောက်ထဲ မကျ အောင် ကယ်တင်ပေး ခဲ့ တဲ့ ကျေးဇူးရှင် သူတော်ကောင်းကြီး များ လက်ထဲ မှာ
တိုင်းပြည် ရဲ့ လူတန်းစား တွေ ရဲ့အဆင့်အတန်း စပြီး ကွာလာပြီ။
အာဏာ ကို သုံးပြီး ကိုယ့်အကျိုး ရှာသူ တွေ များလာပြီ။
ပေါင်းတတ်ရင် ပေါင်းတတ် သလို အခွင့်အရေး ရတဲ့ အသိုင်းအဝိုင်း ကြား မှာ စိတ်ကုန် လာပြီ။
တစ်ဖက် ကလဲ ဘာထူး လဲ။
နိုင်ငံရေး ခိုလှုံခွင့်ရပြီး အောက်ခြေလွတ် နေသူ တွေ၊ မရ တရ အခြေအနေ မှာ ဒေါ်အောင်ဆန်းစုကြည် နာမည် ပြ စား နေသူ တွေ အပြည့် အနှက်။
ဒီအချိန် စီးပွါးရေးရာ အရ နိုင်ငံတကာ ကို ဝင်ချင် လွန်းလာတဲ့ အာဏာရှင် လူတန်းစား များ က လဲ သိလာပြီ။
ဒီမိန်းမ ကို ပြစား ပြီး သူတို့လဲ လူရာဝင်နိုင်ဖို့။
ဒီတော့ လွှတ်ပေးပြီး နိုင်ငံရေးမှာ ပေါင်းဖို့ ကမ်းလှမ်းကြတယ်။
နိုင်ငံ ထဲ မှာ လူတန်းစား အခြေအနေ မတူမှု ကြောင့် အရမ်း တင်း လွန်း ရင် လက်ရှိ အခြေအနေ လေး ပါပျက်ပြီး နှစ်ဖက် အရှုံး ဖြစ် ၊ နိုင်ငံ ပျက် သွားမှာ ကို မြင် တဲ့ ပညာရှိမိန်းမ က သူ့နာကျည်း ချက် တွေ ကို ခဝါ ချပြီး လက်ခံ ခဲ့ တယ်။
သူ့ ထမိန်နား ခို နေရတဲ့ ဟိုမရောက် ဒီမရောက် နိုင်ငံရေးသမား လို့ အမည်ခံ များ ဒုက္ခရောက်ပြီ။
စစ်အစိုး ရ ကို ခါးသီး အောင် မုန်း နေပြီး ဒီ အမုန်း ကို သေရာပါ သယ်မဲ့ ပြင်ပ က မင်းသားကြီးများ လည်း ကြိတ်မနိုင် ခဲမရ ဖြစ်ပြီ။
တိုင်းပြည် ပျက်ချင် ပျက်၊ စစ်ခွေး တွေ မရှိရင်ပြီးရော ကြွေးကြော်ပြီး သူတို့ နဲ့ လက်တွဲ လိုက်သူ ကို ပါ ရန်သူ စာရင်း ထည့် လိုက်ကြရော။
ဒီ မိန်းမ တစ်ယောက် ကို ပက်ပက်စက်စက် ပြောဆို ဝေဖန် နေတာ တွေ ကို ဘယ်လို မှ မခံစား နိုင်တဲ့ အဆုံး သူတို့ ကို တုန့်ပြန် ရင်း ကိုယ်လဲ အင်တာနက် လေတိုက်ပွဲ ဝင် တပ်သား ဘဝ က စလိုက် တာ အခု ဆို ဗိုလ်ချုပ် လောက်ဖြစ်နေပြီ။
ကိုယ့် အသိုင်းအဝိုင်း မှာတော့ ကိုယ်ဟာ အချိန်ဖြုန်း ပြီး အရည်မရ အဖတ်မရ လုပ်နေသူပေါ့။
ဟုတ်မှာပါ။
ကိုယ့်လုပ်စရာ တွေ ကိုပစ်ပစ်ပြီး ဒီ ရွာ ထဲ ဟီးရိုး လုပ် အချိန်ပေးပြီး ပေါက်က ရ လေးဆယ် ပြောနေတာ တွေ က ကိုယ် မှား တာ နေမှာပါ။

အမှား (၃)
လောလောဆယ် မှာတော့ မြန်မာပြည် ထဲ လူတန်းစားပေါင်းစုံ ရဲ့သပိတ်စုံ ပေါ့။
လယ်သမား တွေ မြေသိမ်းခံ ရလို့ မကျေနပ်ဘူး။
အလုပ်သမား တွေ လစာနဲ လို့ မကျေနပ်ဘူး။
လူသားချင်း စာနာရေး နောက်မှာ မျိုးချစ် ပုဂ္ဂိုလ်ကြီးများ အတွက် လူမျိုး နှော၊ လူမျိုးပျောက် စိုးလာတယ်။
ကျောင်းသားများ အလုပ်လက်မဲ့ တွေ ၊ အရည်အချင်း မပြည့်မှု တွေ အတွက် ပေါက်ကွဲလာတယ်။
ရိုင်းနိုင်ပေမဲ့ အမှန်တရား တစ်ခု ကတော့ ပေါက်ကွဲ ထွက် နေသူ တွေ အားလုံးဟာ စားဝတ်နေရေး အဆင်မပြေသူများ အများစုပါဘဲ။
ဒီအချိန် အင်မတန် ဟန်ကျ နေသူများ က နေမြဲ အတိုင်းဘဲ နေလို တယ်။
ဒီလို လူတွေ နဲ့ မျှစားဖို့ စိတ်ကူးထဲ တောင် မရှိကြဘူး။
ဒီလို အဆင်မပြေသူ တွေ၊ နွမ်းပါးသူ တွေ ကို ဖေးမ ဖို့ အာရုံမခံ နိုင်ကြဘူး။
လူတန်းစား တွေ ရဲ့ ဘဝ နေမှု အင်မတန် ခြား နေပြီ။
ဒါဟာ အပြောင်းအလဲ အကူးအပြောင်း ကာလ အတွက် အင်မတန် ကြီးမား တဲ့ အန္တရာယ်ဘဲ။
ဒီအချက် ကို နိုင်ငံ တကယ်ဘဲ တိုးတက်စေချင်သူတိုင်း သတိပြု ရမယ်။
အဲဒါ ကို သတိမပြု မိရင် ထမင်းငတ် လို့ ဆန္ဒပြ နေသူ တွေ နဲ့ ထမင်းငတ် လို့ လက်ပတ်နီ ဝတ်ပြီး လူကြမ်း ဝင်လုပ် သူ များ ထိတ်တိုက် တွေ့မဲ့ ပွဲ ဘဲ။
နောက်မှာ အသီးသီး ကြိုးဆွဲ ပေး နေသူ တွေ ကိုလဲ မမြင်တာ မဟုတ်ပါ။
တကယ်က အများစုရဲ့ ဆန္ဒ က အာဏာရှင်လက် က လွတ်ရေး၊ ဒီမိုကရေစီ အနှစ် ခံစားရေး၊ စားဝတ်နေမှု လူနေအဆင့်အတန်း မြင့်မား ရေး ပါ။
ဒီအတွက် အားလုံး ပေါင်းပြီး မတရား အုပ်ချုပ် မင်းလုပ် နေသူ တွေ ကို ဖယ်ထုတ်ဖို့ပါ။
သူတို့ ကို ပယ်နိုင်မှ မှန်ကန် မျှရ တဲ့ ဥပဒေ ကြီးစိုးလာမယ်။ မတရား အခွင့်အရေး ယူသူ တွေ နဲ သွားမယ်၊ တော်သူ တွေ ထိပ်တန်း ရောက်ဖို့ အခွင့်ရမယ်။ တိုင်းပြည် ကို စေတနာ ရှိသူ တွေ အတွက် နေရာ ရှိလာမယ်။
အဲဒါ ကို “ငါလဲ ငါ လုပ်ချင်တာ လုပ်မယ်။ မင်းက ဘာကောင် မို့လဲ၊ ဘာလို့ မင်းနောက် လိုက်ရမှာလဲ” ဆိုတဲ့ ငါစွဲ မာန အတ္တ တွေ နဲ့
ဟိုက တစ်မျိုး၊ ဒီက တစ်ဖုံ အခုလိုမျိုး လုပ်ချင်ရာ လုပ် နေလို့ ကတော့ တိုင်းပြည်ကြီး တိုးတက် နိုင်ပါဦးမလားဘဲ။
ချမ်းသာပြီး သူတွေ ပိုပိုပြီး ချမ်းသာလာဦး မဲ့ တိုင်းပြည် ကို မတိုးတက်ဘူး ပြောနေတဲ့ ကျွန်မ ရဲ့ ဒီလို အတွေး မှားဦးမှာပါ။

အမှား (၄)
. ဒေါ်အောင်ဆန်းစုကြည်
ရှင့်ကြောင့် ဒီ အစိုးရ မှာ တိုင်းပြည် ချောက်ထဲ ကျဖို့ ဆဲဆဲ အပင်ပန်းခံ ကယ်တင်လိုက်ရပြီးပြီ။
ရှင့်ကြောင့် တိုင်းပြည်မှာ ခရိုနီ လူချမ်းသာ တွေ အင်မတန် များလာရပြီ။
ရှင့်ကြောင့် ပညာရေးကြီး ဇောက်ထိုးမျိုးမျှော် ဖြစ်ရပြီ။
ရှင့်ကြောင့် ပြည်ပက မင်းသားကြီးများ စိတ်ဒုက္ခရောက်ရရှာပြီ။
ရှင့်ကြောင့် မိန်းကလေး တွေ ပျက်စီးပြီး လူမျိုးပျောက်ဖို့ ဖြစ်ပြီ။
ရှင့်ကြောင့် လူငယ်လေး တွေ အလုပ်လက်မဲ့ ဖြစ်ရတယ်။
ရှင့်ကြောင့် လူတွေ စိတ်ဓာက်ပျက်တယ်။
ရှင့်ကြောင့် လူအို တွေ နေဝင်ချိန် မအေးချမ်းဘူး။
ရှင့်ကြောင့် ပြည်တွင်းစစ် တွေ ဖြစ်ရပြန်ပြီ။
ရှင့်ကြောင့် နောက်ပေါ်ထွက်လာမဲ့ မျိုးဆက်သစ် တွေ ခေါင်းဆောင် တွေ မှာ ဦးမဆောင်နိုင်ဘဲ ပုန်းနေကြရတာ။
ကျွန်မတို့ ပြည်သူ လူထု ဆိုတာ ဘာမှ ရှင့် ကို ပံ့ပိုး ထောက်မ ပေးစရာ မလိုဘူး။
ကျွန်မတို့ မှာ လက်၊ ခြေ၊ နား၊ မျက်စိ မရှိဘူး။ ဦးဏှောက် လဲ ရှိစရာမလိုဘူး။
ရှင် သာ တိုင်းပြည် ကို တိုးတက်အောင် တာဝန်ရှိ တဲ့ တာဝန်ယူရမဲ့ တစ်ယောက်ထည်းသောသူဘဲ။
အခုတော့ အဲဒီလို ဖြစ်အောင် မစွမ်းဆောင်ပေးနိုင်တာ ရှင့် အလွန်ဘဲ။။
လောလောဆယ် တော့ ရှင်ဟာ တိုင်းပြည်မှာ လူကြမ်းဘဲ။
ကျွန်မလား?
အဲဒီ လူကြမ်း မိန်းမကြီး ကို ချစ်ခင် အားကိုး ယုံကြည် ပြီး ရှင့် နောက် ကို လိုက် နေ မိတာ။
ဒီတော့ ကျွန်မ က မှား တဲ့ ဘက် မှာပါ။

မှားနေ တဲ့ သမိုင်း ကြောင်း တစ်လျှောက်
အမှား တွေ လုပ်ခဲ့၊ အမှား ဘက် က ရပ်ခဲ့ တာ တွေ အတွက် ဂုဏ်ယူစွာဖြင့်
ဒေါ်အောင်ဆန်းစုကြည် လုပ် နေ တဲ့ အမှားတွေ ကို ယုံကြည်စွာဖြင့်
နောင်မှာ အများမကြိုက် တော့ ဒီ လူကြမ်းမ ကြီး ရဲ့
ရာသက်ပန် လေတပ် စစ်ဆင်ရေး တာဝန်ခံ
ဗိုလ်ချုပ်မြ

 

မြစပဲရိုး

About မြစပဲရိုး

Khin Latt has written 240 post in this Website..