လောကနတ်အနုပညာပြခန်း (သို့) ဆိုဖဲရ်အဆောက်အအုံ

 

ပန်းဆိုးတန်းလမ်းမကြီးဟာ ရန်ကုန်ရဲ့  ရှေးဟောင်းအမွေအနှစ်အဆောက်အအုံတွေ ရှိတဲ့လမ်းဆိုလည်းမမှားပါဘူး။ ပန်းဆိုးတန်းလမ်းမကြီးပေါ်က လောကနတ်အနုပညာ index

ပြခန်းရှိတဲ့ အဆောက်အဦးကြီးကိုတော့သိမှာပါ။ အဲသည်အဆောက်အဦးရဲ့ မြေညီထပ် မှာတော့ အစိုးရက ၀င်းသူဇာဆိုင်ဖွင့်လှစ်ထားပြီး အလယ်ထပ်မှာတော့ မိသားစု အတော်များများနေထိုင်ပြီး အပေါ်ဆုံးထပ်မှာတော့ လောကနတ်အနုပညာပြခန်း  ရှိပါတယ်။

၁၉၀၆ခုနှစ်ကတည်းက အဆောက်အအုံကြီးဖြစ်ပြီး။ ပထမဆုံးပိုင်ရှင်တွေကတော့ ဂျူးလူမျိုး ကုန်သည်မိသားစု ဖြစ်ပါတယ်။ ဆိုဖဲရ်မိသားစုလို့လည်းခေါ်ပါတယ်။  နာမည်ကျော် စီးပွားရေးလုပ်ငန်းတွေ ဖွင့်လှစ်ခဲ့တဲ့နေရာတစ်ခုပါ။

၁၉၇၁ခုနှစ်မှာ ပထမဆုံးခေတ်ပြိုင် အနုပညာပြခန်းအဖြစ် လောကနတ်ကို စတင်ဖွင့်လှစ်ခဲ့ပါတယ်။ ၀င်ဝင်ချင်းမြေညီထပ်မှာ သတိထားမိတာ ခင်းထားတဲ့ကျောက်ပြားတွေပါ။ ရှေးဟောင်းဖြစ်တဲ့အတွက် တစ်မူထူးခြားနေပါတယ်။ နောက်ထပ်ထူးခြားတာတစ်ခုက ဆိုဖဲရ်အဆောက်အဦးမှာ ခင်ထားတဲ့ ကြွေပြားတွေဟာ အဲသည်အဆောက်အဦးတစ်ခုတည်းအတွက်သာ  စက်ရုံမှာအော်ဒါမှာထားတာဖြစ်ပြီး အဲသည်အဆောက်အဦးကလွဲလို့ ဘယ်မှာမှ မရှိတဲ့ကြွေပြားတွေပါပဲ။ IMG_20150222_100709 copy

ဝင်းသူဇာဆိုင်စတင်ဖွင့်ခြင်းမှာ ပြင်ဆင်တဲ့အနေနဲ့ ခင်းထားတဲ့ကြွေပြားတွေကို မြေလှန်ပစ်ကြပါတယ်။ YGH(Yangon Heritage Trust) က သိသိချင်း တားဆီးခဲ့ရာမှာ အနည်းငယ်သာ ဖျက်ဆီးဖြစ်တာမို့ အချိန်မီလိုက်ပါတယ်။ အခုဆိုရင် ဆိုဖဲရ်အဆောက်အဦးကြီးက ကြွေပြားတွေကို အရင်အတိုင်းတွေ့မြင်နိုင်ပါသေးတယ်။

အဆောက်အဦးတစ်ခုကို ထိန်းသိမ်းရာမှာတော့ အဓိကခက်ခဲတာ ပိုင်ဆိုင်မှုပါပဲ။  ယခုလည်း အောက်ဘက်မှာ ၀င်းသူဇာဆိုင်ဖြစ်ပြီး အလယ်ထပ်မှာတော့ မိသားစုတွေနေကြပါတယ်။ အပေါ်ထပ်မှာတော့ အနုပညာပြခန်းဖြစ်လို့နေပါတယ်။   ပိုင်ဆိုင်မှုတွေ ရှုပ်ထွေးတာကြောင့် အဆောက်အဦးကို မွမ်းမံပြင်ဆင်မယ့်အပိုင်းမှာလည်း ခက်ခဲလို့နေပါသေးသတဲ့။IMG_20150222_100944

ထူးထူးခြားခြား အဲသည်ခေတ်ကတည်းက ကြေးစာဆိုင်းဘုတ်ကိုလည်းတွေ့မြင်ခဲ့ပါသေးတယ်။

 

လေးစားစွာဖြင့်

အောင်မိုးသူ

Ref : Yangon Heritage Trust လေ့လာရေးခရီးစဉ်

အောင် မိုးသူ

About အောင် မိုးသူ

ဘကြီး အောင် has written 203 post in this Website..

နာမည်အရင်းကော ကလောင်နာမည်ကော အောင်မိုးသူပါ။ လူဆန်တဲ့ လူ့ဘ၀ထဲမှာ နေထိုင်တဲ့လူတစ်ယောက်ပါ။