အကျီင်္ စိမ်း ဘောင်းဘီနီကာတွန်းရုပ်နဲ့ ကလေးကို မှတ်မိကြပါသလား

အကျီင်္ စိမ်း ဘောင်းဘီနီကာတွန်းရုပ်နဲ့ ကလေးကို မှတ်မိကြပါသလား


ဒီပုံထဲက အကျီင်္ စိမ်း ဘောင်းဘီနီကာတွန်းရုပ်နဲ့ ကလေးကို မှတ်မိကြပါသလား။
2014 နိုဝင်ဘာလ ၁ရက်နေ့တုံးကပေါ့။
ကျမတို့ တက်ခဲ့တဲ့ အထက်တန်းကျောင်းရဲ့ ဘုံကထိန်ပွဲမှာ လှည့်လည်လာတဲ့ ပဒေသာပင်တွေ အိုးစည်ဒိုးပတ်ဝိုင်းတွေကို တနေရာက ရပ်စောင့်ပြီး ဓာတ်ပုံမှတ်တမ်းတင်နေတုံး….
`ဆရာမ´လို့ နှုတ်ဆက်သံကြားလိုက်ရပါတယ်။
ကျမ အသံကြားရာကို လိုက်ကြည့်တော့ ဒီကလေးလေးကို တွေ့လိုက်ရတာပါပဲ။
ကထိန်လှည့်တာကို တပျော်တပါး လိုက်ကြည့်ကြတဲ့ ကလေးအုပ်စုထဲမှာပါ။
မနှစ်က တရုတ်တန်းရပ်ကွက်ကလေးမှာ ခိုင်ဇာ၊မနှင်းပြုံး၊ရဲစည်တို့ ပေးလိုက်တဲ့ လက်ဆောင် စာရေးကိရိယာနဲ့ ကျောင်းတက်ရင် သုံးဖို့ အသုံးအဆောင်လေးတွေကို Essay နဲ့ စာစီစာကုံး ပြိုင်ပွဲလေး လုပ်ပြီး ဆုချတုံးက သူ့ကိုတွေ့ခဲ့တာပေါ့။သူ့နာမည်တောင် မသိခဲ့ပါဘူး။
ဒီကလေးက ထူးချွန်ဆုမရပါဘူး။ဒါပေမယ့် ကျောင်းတက်တဲ့ ကလေးအားလုံးကို အကျီင်္နဲ့ ဗလာစာအုပ်၊ဘောပင်လေးတွေ ဝေပေးဖို့ တန်းစီခိုင်းတဲ့ အချိန်မှာ ကလေးတွေ စိတ်ထဲ `After you ဆိုတဲ့ မင်းပြီးမှ ငါယူပါမယ်´ (တနည်း)သူတပါးကို ငဲ့ညှာတတ်တဲ့ စိတ်ကလေး ၀င်အောင် `ဘယ်သူ အနစ်နာခံပေးမလဲဟေ´့ လို့ မေးပြီး ချန်ထားခဲ့ပါတယ်။ တန်းစီပြီးတဲ့ အချိန် အဲဒီ အနစ်နာခံပေးပါမယ်ဆိုတဲ့ ကလေးတွေကို တန်ဖိုးပိုများတဲ့ လက်ဆောင်တွေ ပေးခဲ့ပါတယ်။ဒါ့ကြောင့် ဓာတ်ပုံထဲမှာ ဒီကလေးကို မနှင်းပြုံးလက်ဆောင် ထီးလေးပိုက်ပြီး ပြုံးနေတာ တွေ့ခဲ့ဖူးမှာပါ။
ကျမလည်း သူ့ကို အစဖော် အမှတ်ရလိုက်တာနဲ့ `ဟေ့သားလေး၊မင်းပုံကို အင်တာနက်ထဲ တင်ထားတယ်သိလား´လို့ ပြောလိုက်မိပါတယ်။ ကလေးကတော့ ကြားပုံတောင်မရပါဘူး။
ကျမကို နှုတ်ဆက်ပြီးတာနဲ့ အဖော်တွေနဲ့အတူ ကထိန်လှည့်ရာနောက် တကောက်ကောက်ပါသွားပါတယ်။ကျမလည်း အတော်လေးလှမ်းသွားမှ သတိရပြီး သူ့ကို ဓာတ်ပုံ လှမ်းရိုက်လိုက်မိပါတယ်။
ဒီကလေးတွေနဲ့ ကျမ တွေ့တာ တနှစ်မှ တရက်၊တရက်မှာမှ မိနစ်ပိုင်းလေးရယ်။
တွေ့တဲ့အချိန်လည်း ကျမက စာသင်တာမဟုတ်ပါဘူး။သူတို့ သင်ပြီးသား စာတွေကို တန်ဖိုးထားတတ်ဖို့ စာမေးပေးတာရယ်။တကိုယ်ရည်သန့်ရှင်းရေး လုပ်ဖို့၊အမှိုက်တွေ မြစ်ထဲမချဖို့ ဆိုတာမျိုးတွေ တခွန်းစ နှစ်ခွန်းစ ပြောပေးတာရယ်။မနှစ်ကတော့ After you လေး လေ့ကျင့်ပေးမိတာပဲ ရှိပါတယ်။
မနှစ်က မြို့ကိုပြန်တော့ 27.3.2014 ပါ။ မတ်လကနေ ကထိန်ပွဲလုပ်တဲ့ နိုဝင်ဘာလ 1ရက်ထိဆို ၇လ ကြာပါတယ်။ဒီလို မိနစ်ပိုင်းလေး တွေ့ခဲ့ရတဲ့ ကျမကို ဒီကလေးလေးက `ဆရာမ´လို့ အသိအမှတ်ပြုနှုတ်ဆက်တာဟာ ၇လကြာတဲ့ထိ သူ့ရင်ထဲမှာ ကျမသင်ပေးလိုက်တဲ့ After you ရှိနေသေးလို့သာပေါ့နော်။ သူ After you လုပ်ပေးခဲ့တဲ့ အတွက် ကျမတို့ ပေးလိုက်တဲ့ လက်ဆောင် ထီးကလေးကို ထိုက်ထိုက်တန်တန် ရလိုက်တယ်ဆိုတာ ဒီကလေး တန်ဖိုးထားမယ်ဆိုရင် ကျမတို့ ကြယ်ငါးလေးတကောင် ရေထဲချလိုက်နိုင်ပြီပေါ့လို့ တွေးရင် ပီတိဖြစ်မိပါတယ်။
(မနှစ်ကတော့ အန်တီမမက နောက်တခါဆို ပုံပြောပြိုင်ပွဲ လုပ်ခိုင်းရင် ကောင်းမယ်လို့ အကြံပေးထားပါတယ်။ဘာပုံများ ပြောခိုင်းရရင် ကောင်းပါမလဲ၊အကြံပေးကြပါအုံး။)

After you ကလေး(27.3.2014)

After you ကလေး(27.3.2014)


အရင်တုံးက ပို့စ်တွေ ပြန်ကြည့်ချင်သူများအတွက် ဆက်ဆက်သင်တဲ့အတိုင်း လင့်ခ် ထည့်ကြည့်ထားပါတယ်။



အဖူးအငုံလေးတွေက ၀င့်ဝင့်ကြွားကြွား
ပဒုမ္မာရဲ့ချစ်စရာ့အရွယ် Cover Story
ပန်းကလေးများပွင့်တော့မည် 2014

padonmar

About padonmar

has written 219 post in this Website..

THAKHIN CJ #12112010 (5/2/16)