ဒီတစ်ခါတော့ နိုင်ငံရေး အကြောင်း တွေ ကနေ လိုင်းပြောင်းချင်ရဲ့။

. ပြီးခဲ့တဲ့ ရက် တွေ  ထဲ မှာ အရီး ရဲ့ ချစ်တူမ လေးများ ဆီက သံယောဇဉ်ဖွဲ့ အသဲကွဲ သံစဉ် လေး တွေ နားထောင်ပြီး သဘောကျ နေတာ။
အဲဒါ ကို မနန်း ရဲ့ ရုပ်ရှင် ပဟေဠိ ထဲ က The Notebook ကို တွေ့လိုက်ပြီး တစ်ခါက အကြောင်းလေး ကို ပြန်သတိရ လိုက်မိတယ်။
ဒါနဲ့ အဲဒီ အကြောင်း ကို သီချင်း နဲ့ တွဲ စဉ်းစားလိုက်တော့
ဇီကလေး ရဲ့ အခေါ် “ကိုမှိုး” လေး ရဲ့ “မကြင်နာသူသို့” သီချင်း ကို သတိရလိုက်တယ်။
“မကြင်နာသူသို့” ကို ဆိုညည်း ရင်း နားဦးတည့် ကြပါစို့။

တကယ်တော့ တစ်ခါက ဆိုတာ ကိုယ့် အကြောင်းတော့ မဟုတ်ပါဘူး။
ကျောင်းတုန်းက ညီအစ်မ တွေလို အရမ်းခင်ခဲ့ကြတဲ့ ရဲ ကိုးဖော် (၉ ယောက်) သူငယ်ချင်း တွေထဲ က တစ်ယောက် အကြောင်းပါ။
ကိုယ့် အမိတက္ကသိုလ်ကြီး ဆိုတာ က ကျား ဆိုလို့ လက်ချိုး ရေလို့ ရ အောင် နည်းတဲ့ အပြင် အမှတ် အစဉ် အတိုင်း အတန်းခွဲ ထားတာမို့ အာအိုင်တီ ပြုတ် မိန်းမ တွေ ချည်း စု နေတဲ့ အတန်း က လူ တွေ မို့ အတန်းထဲ မူးလို့ ရှူစရာ ကျား မရှိ။
ဒီတော့ ဝုန်းဒိုင်းကြဲ ဘရုတ်ကျချင်သလို ကျ ပြီး တကဲ့ ကျောင်းပျော်ကြီး တွေ မို့ ရှိစုမဲ့စု ကျား တွေ ကလဲ မော်တောင် မဖူးဝံ့ တဲ့ အခြေအနေ ပေါ့။
အရင်က ကျောင်းတက် တယ် ဆိုတာ တကယ်ကို ကျောင်းထဲ မှာ အချိန်ပြည့် တက်ရတာ။
မနက် ၇ နာရီ (ဥပဒေ လိုမျိုး ဘာသာ တွေ ကို အပြင်က ဆရာကြီး တွေ လာသင်တာမို့ သူတို့ ရုံးချိန် မတိုင်ခင် သင်ရတဲ့ အတန်း တွေ) ဒါမှမဟုတ် ၈နာရီ က နေ ညနေ ၄ နာရီ တစ်ခါတစ်ခါ ၄ နာရီ ခွဲ။
ကျူရှင်ဆိုတာလဲ စာမေးပွဲနီးလောက်မှ စုပြီး ခင်ရာ ဆရာတွေ ဆီ သွားပြီး စာလုပ်ကြတာပါ။
အခု ပြောမဲ့ သူငယ်ချင်း ကတော့  ကျောင်း အသိုင်းအဝိုင်း ပိုင်းက မို့ သူ နဲ့ ခင်တဲ့ ရာဇူး ထဲ က ဆရာမ တစ်ယောက် ဆီမှာ သချာင်္ အိမ်စာ သွားသွား လုပ်တယ်။
တစ်ခြား သူတွေ ကို ခေါ်ပေမဲ့  ကျူရှင်သွားရမဲ့  နေရာ က အဲဒီသူငယ်ချင်း နဲ့ဘဲ နီးပြီး တစ်ခြားသူ တွေ အတွက် ဝေးတာမို့ သူ တစ်ယောက် ဘဲ သူ့ဟာသူ တက်တယ်။
အဲဒီမှာ ဇာတ်လမ်း စ တာဘဲ။

သူ့  Homework  စစ်ပေး တဲ့ ဆရာမ မှာ တစ်ခြား ကျောင်းသား ၃ ယောက် လဲ ရှိသေးသတဲ့။
တစ်ယောက်က အာအိုင်တီ က အစ်ကိုကြီး တစ်ယောက် နဲ့ ကျန်နှစ်ယောက် က ရိုးရိုး မေဂျာ ကျောင်းသား နှစ်ယောက် တဲ့။
အဲဒီ နှစ်ယောက် က သူငယ်ချင်း တွေ တဲ့။
အဲဒီ နှစ်ယောက်ထဲ က တစ်ယောက် က ဂျပန်ကား On the road ထဲ က မင်းသား နဲ့ တူ ပါတယ် ဆိုပြီး ရောဂါ ထပါလေရော။
နောက်နေ့ ကျောင်း ရောက်လို့ သတင်း ပေး တာနဲ့ အဲဒီ ကိုယ်တော် ကို သွားကြည့်ဖို့ ရှိနိုင်တဲ့ နေရာ ကို ရမ်းပြီး အားလုံး တစ်ညီတစ်ညာ ချီတက် ကြပါတယ်။
ဒီလောက် ကျယ်တဲ့ ကျောင်း ထဲ ဘယ်လို တွေ့ပါ့မလဲ နော။
ဒင်း ကလဲ ကျောင်းမှန် ဦးမှကိုး။

ဒါနဲ့ ဘဲ ကျန်သူ တွေ မှာ လက်တွေ့ အပြင်မှာ မတွေ့ဖူး ဘဲ  အညွှန်း စကား တွေ နဲ့ ဘဲ ပုံဖော် နေရတော့တာပါ။
တစ်ခါ တစ်ခါ လဲ ကြုံ ရင် သွားသွား တော့ ရှာကြည့်ပါသေး တယ်။
မတွေ့ပါဘူး။
သူ့မှာတော့  တစ်နေ့ တွေ့ပြီး တိုင်း တစ်နေ့ ရောဂါ ပိုပိုပြီး သဲ လာတာ။
အဲဒီ ကိုယ်တော် ကလဲ ကြည့်ရတာ နဲနဲ ကြီးကျယ်ပုံဘဲ။
အစိမ်းရောင် မာဇဒါဂျစ် မောင်းမောင်း လာတယ်ဆိုလို့ သူ့ အဖေ က ဌာန တစ်ခု က ညွှန်ချုပ် လို့ မှန်းကြည့် ကြတယ်။

သူငယ်ချင်း ခမျာ အဲဒီ ကိုယ်တော်နဲ့ တစ်ခန်းထဲ ထိုင် ကိုယ့် စာ ကိုယ်လုပ်။ ပြီးရင် ဆရာမ ကိုပြ။
. ပြီး ရင် အိမ်က လာကြိုချိန် ပြန်။
ရိုးရိုး လေး မှ ရိုးရိုးလေး။
ဇာတ်ရှုပ်ခွင့် မရှိ။
အဲဒီ မိန်းမ ကလဲ သူက သာ စိတ်ထဲ သဘောကျ နေတာ။
သူက စပြီး စကား ပြော မိတ်ဖွဲ့ ဖို့ ကို ဘယ်တော့ မှ လုပ်မှာ မဟုတ်။
မျက်နှာထား က ခပ်တင်းတင်း မို့ ဒီလို မိန်းမ ကိုလဲ ဘယ်သူက မှ အရေးတယူ အောက်ကျို့ပြီး လာမိတ်ဖွဲ့ မယ် မထင်။

ဒီလို နဲ့ နောက်ပိုင်းမှာ အားလုံး က ဝိုင်းပြီး အားပေးကြ တယ်။
အဲဒီ ကိုယ်တော် မှာ ကောင်မလေး ရှိလို့ အဲဒီ ကောင်မလေး ဆီ တစ်ချိန်လုံး သွား နေတာ ဖြစ်မှာ လို့။
အဲဒီလို ဝိုင်းပြောကြ ချိန် မျက်နှာလေး ငယ်ပြီး နားထောင်နေ တဲ့ သူ့ ကို အားလုံး က သနား နေကြ ပြန်ရော။
ဘယ်သူ က ဘယ်လို တတ်နိုင်ပါ့မလဲ။

ဒီလို နဲ့ တစ်နေ့ အာစီ ထဲ မှာ ဘော်လီဘော ပွဲ ရှိလို့ သွားကြည့် ကြတုန်း “ဟဲ့ ဟိုမှာ ဟို မှာ ဟို တစ်ယောက်” ဆိုပြီး သူ့ ဆီ က အသံတုန်တုန် လေး ထွက် လာတယ်။
ဒီမှာတင် “ကိုးစုံ” သော မျက်လုံး များ ဟာ ဝရုန်းသုန်းကား ဝိုင်းကြည့် လိုက်ကြပါလေရော။
သူ ကလဲ ကိုယ်တွေ ဘက် ကို ကြည့် နေပြီး ဖြစ်နေတာမို့ ကိုယ့်ဘက် က တပ်ပျက် နေတဲ့ အခြေအနေ ကို ရိပ်မိ သွားတယ် ထင်ရဲ့။
မသိမသာ ခပ်ပြုံးပြုံး လုပ်ပြီး ထွက် သွားတယ်။
အဖွဲ့ထဲ က တိုက်စစ်မှူး တစ်ချို့ ရဲ့ အားပေး အားမြှောက် မှု နဲ့ အဲဒီ ကိုယ်တော် နောက် ကို နောက်ရောင်ခံ လိုက်ခဲ့ တယ်။
သူက ဘယ် အတန်း ကို မှ မသွားဘဲ သစ်ပုတ်ပင်နားမှာရပ်ထား တဲ့ ကားပေါ်တက် ကိုယ်တို့ တွေ ကို တစ်ချက် ကြည့်ပြီး မောင်းထွက်သွားခဲ့တယ်။

နောက်တစ်နေ့ မှာ မထင်တဲ့ အရာ တစ်ခု ဖြစ်ခဲ့တယ်။
အဲဒီ ကိုယ်တော် ဟာ အတန်းရှေ့ က နေ လျှောက်ပြီး သူ့ ကို ကြည့်ပြီး ပြုံးပြသွားခဲ့တယ်။
သူ အပါအဝင် အားလုံး ဘဲ မှင်သက်ပြီး တိတ် သွားတယ်။
. ပြီးတော့ တစ်ယောက် တစ်ပေါက် “ဟား  ဇာတ်လမ်း စပြီ ဟေ့” လို့ ပြောသူပြော။ “ညှို့ချက် က ပြင်းသား” ဆိုပြီး ဝမ်းသာအားရ အော်သူအော်။ “နင် လဲ ပြန်ပြုံးပြလိုက်လေ” လို့ တွန်းသူကတွန်း ပေါ့။
အသံ တွေကြားမှာ သူ က မဲ့ပြုံး လေးပြုံးလို့။

နောက်နေ့ သူ  သတင်း တစ်ခု ပေးလာတယ်။
မနေ့ ညနေ က ကျူရှင်မှာ ကိုယ်တော် က သူ့ ဆီက ဖတ်စာအုပ် လာငှား တယ်တဲ့။
ဒီလို မျိုး ဇာတ်လမ်း ဖန် နိုင်ကောင်း ဖန်နိုင်တော့ မယ်လို့ မှန်းထားပြီး မို့ အားလုံး က မေးလိုက်ကြတယ် “ပေးလိုက်လား” လို့။
သူခေါင်းခါပြ တယ်။
. ပြီးတော့ “ဒီ ဇာတ်လမ်း ကို သူ ဆက်မှာ မဟုတ်ဘူး” တဲ့။
အားလုံး က “ဟင် ဘာလို့လဲ”  ဆိုတော့ “ငါ က သူ့ကို စိတ်ဝင်စား တယ် ဆိုတာ ဘော်လီဘောပွဲ မှာ သူ ရိပ်မိသွားပြီး စ လာ တဲ့ ဒီ ဇာတ်လမ်း ကို မယုံဘူး၊ ငါ က စလို့ သူ ပြန်စိတ်ဝင်စား တဲ့ အဖြစ် ကို ငါ မကြိုက်ဘူး” တဲ့။
အားလုံး အတွေး မျိုးစုံ နဲ့ တိတ်သွား တယ်။
အားလုံး အံ့ဩရပြန်တယ်။
ဒါပေမဲ့ ဒီ မိန်းမ က ရီ  တော့ ရီ ရသား။
ဇာတ်လမ်းသာ အဖြစ်မခံတာ။
အဲဒီ ကိုယ်တော် အကြောင်း က ဖောက်သည်ချ နေတုန်း။
မောင်နှမ ၃ ယောက် ရှိတာ အလတ်တဲ့။
အရမ်းအေးပြီး ရီးစား မရှိ မိန်းကလေး အပေါင်းအသင်း တောင် မရှိ တဲ့။
UTC  တက်နေသူ တဲ့။ (တက္ကသိုလ် က ဖွင့်တဲ့ အရန် စစ်သင်တန်း)

တစ်နေ့ မှာ ဆရာမ ဆီမှာ ခွင့်တိုင် နေသတဲ့။
UTC က တပ်မတော်နေ့  စစ်ကြောင်း တစ်ကြောင်း အနေ နဲ့ ပါ ရ မှာမို့ Camp ဝင် ရမှာကြောင့် အတန်း မလာနိုင်တာ အတွက် တဲ့။
, မြင်ယောင်ကြည့် မိပါရဲ့။
ဂရု မစိုက် သယောင် မျက်နှာထား ကို တင်းထားပြီး နား ကတော့ သူ့အကြောင်းကို ကြားဖို့ နူးညံ့လွန်းနေတဲ့ မိန်းမ တစ်ယောက် အဖြစ်ကို။

ဒါတင်လား။ မပြီး သေး။
စစ်ရေး လေ့ကျင့် တာ ကြည့်ချင်တယ် ဆိုပြီး သူငယ်ချင်း တွေ မှာ မနက် အစောကြီး ဝဋ်ခံ ပြီး လိုက်သွားကြည့် ရသေး။
တကဲ့ စစ်ရေးပြတဲ့ နေ့မှာလဲ ပန်းကုံးမစွပ်ဘဲ အဝေး က လှမ်းကြည့် နေခဲ့ တဲ့ မိန်းမတစ်ယောက် ရှိနေခဲ့တာ ကို
အဲဒီ ကိုယ်တော် ဘယ်သိခဲ့မလဲ လေ။
သူကတော့ မိန်းမတစ်ယောက် က သူ့ ကို အရူးလုပ်ခဲ့ တယ် လို့ ဘဲ တွေးသွားမှာပေါ့။
အဲဒီ နောက်ပိုင်း ကျူရှင် ကို သူပြန်မလာတော့ဘူးတဲ့။
အဲဒီ နောက်ပိုင်း ထဲ က မတွေ့တော့တာ ကျောင်းပြီးတော့ OTS  တက် သွား တယ် လို့ သတင်းကြား သတဲ့။
နောက်ပိုင်း နှစ် နည်းနည်း ကြာတော့ တိုက်ပွဲမှာ ကျ သွားတယ် လို့ တစ်ဆင့် ကြားကြား ရ သတဲ့။

ဒီလို နဲ့ သူမသိ ငါမသိ ဇာတ်လမ်းလေး တစ်ပုဒ် အဆုံးသတ်ခဲ့ တယ်။
ဒီကိုယ်တော် တစ်ယောက်
“မကြင်နာသူ” ဆိုတာ ကို သေရွာ ထိ သယ် သွားခဲ့ မလား။
ဖတ်စာအုပ် ကို ရိုးရိုးသားသား ငှားခဲ့တာ လား။
သူငယ်ချင်း ကို သူ တကယ်ဘဲ စိတ်ဝင်စားခဲ့လား။
သူငယ်ချင်း စွပ်စွဲသလို တမင် အကဲစမ်း ခဲ့တာလား။
သူ့ အတွက် တကဲ့ ချစ်သူ မိန်းကလေး တွေ့သွားခဲ့ သလား။
အဖြေ ကတော့ မရှိနိုင်တော့ပါ။

ဒါပေမဲ့ တစ်ခြား သိလိုက်တာက သီချင်းထဲ ကလို
လက်တွေ့ မှာ အိမ်မက်တွေ တစ်ချို့ ဟာ တစ်လွဲ ဖြစ်နေတတ်တာ ကတော့ အသေအချာပါဘဲလေ။

ပုံ
ဂန္ဒဝင် မြောက်  စာရေးဆြာမဂျီး
* မြစာကလေး

The trouble with quotes(stories) on the Internet is you never know if they are genuine.” –Abraham Lincoln  :))

မကြင်နာသူသို့ ၊ ဆို ကိုမှိုး ၊ ရေး ဖိုးခွား (၁၉၉၁)

* သူဟာ ကျွန်တော့် ရဲ့ အိမ်မက်တွေတိုင်းမှာ ရွှေနတ်သမီး အဖြစ်စိုးမိုး နေတာ
* ကျွန်တော် ညည အိပ်မရ တဲ့ အခါ အိမ်မက်များ ကို နှမြော တသစွာ
* တကယ်တမ်းတော့ ကျွန်တော့် ရဲ့ အဖြစ်ဟာ မကြင်နာလေသူကိုမှ သွားချစ်မိနေတာ။

* စိတ်ကူးယဉ် အတွေးထဲမတော့ ပြေလည်လိုက်တာ
* သူ ကျွန်တော့် ကို ချစ်လိုက်ပုံများ နှိုင်းရက်စရာဘာမှ မရှိပါ
* အပြင်က လက်တွေ့ဘဝ မှာ အိမ်မက်ဟာ တကယ်ဖြစ်မလာ။

* သူဟာ ကျွန်တော့် ရဲ့ နှလုံးသားထဲမှာ ဘယ်လိုလုပ်မှဖျောက်မရနိုင်ပါ
* ကျွန်တော် တန်းတန်းစွဲတဲ့ အချစ်ဟာ သေတောင်မှလေ ပျောက်ပျက်မသွားနိုင်
* မျှော်လင့်ခြင်းများ အသက်ရှိသ၍တော့ ရှင်သန်ဆဲဘဲ ဘဝ နဲ့ ထပ်တူပါ။

* စိတ်ကူးယဉ် အတွေးထဲမတော့ ပြေလည်လိုက်တာ
* သူ ကျွန်တော့် ကို ချစ်လိုက်ပုံများ နှိုင်းရက်စရာဘာမှ မရှိပါ
* အပြင်က လက်တွေ့ဘဝ မှာ အိမ်မက်ဟာ တကယ်ဖြစ်မလာ။*

Ko Hmoe

မြစပဲရိုး

About မြစပဲရိုး

Khin Latt has written 240 post in this Website..