ကျွန်တော်တို့ မွေးချင်းက ငါးယောက်ပါ။ ကျွန်တော်ကတော့ အငယ်ဆုံးပေါ့။ နံပါတ် (၁) နဲ့ (၂)က အစ်ကို ၊ နံပါတ် (၃) နဲ့ (၄)က အစ်မ။ ကျွန်တော်အဖေကတော့ ကျွန်တော် (၄)နှစ်သားမှာ ဆုံးပါးသွားပါတယ်။ အမေကတော့ သားသမီးငါးယောက်ကို အိမ်နားက မြင်သာဈေးမှာ “၀ါဝါရွှေ” ဇာဘော်လီဆိုတဲ့ ဘော်လီချုပ်ရင်း ရှာကျွေးခဲ့ပါတယ်။

 

စဉ်းစားတော့လည်း သားသမီးငါးယောက်ကို အစအဆုံး ဘော်လီချုပ်ရင်း ရှာကျွေးတဲ့ အမေ့ကို အံသြချီးကျူးမိတယ်။ ပြောချင်တဲ့အကြောင်းအရာလေးက အမေက မနက် (၆)နာရီဆို ဈေးမှာဆိုင်ဖွင့် ၊ ညနေ (၆)နာရီမှ ဆိုင်သိမ်း။ ကျွန်တော် သူငယ်တန်းကနေ တက္ကသိုလ်ဝင်တန်းအထိ ကိုယ်တိုင်ကျောင်းလိုက်အပ်မပေးခဲ့ဘူး။ ငယ်ငယ်တုန်းကတော့ အိမ်မှာ ဖေဖေ့လက်ထပ်ကတည်းကနေတဲ့ အဖိုးကြီးတစ်ယောက်ကပဲ ကျောင်းလိုက်အပ်ပေးတယ်။

 

အစ်ကိုအကြီးဆုံးက ဆိုးလိုက်တာ တာတေကိုလန်ရော ရန်မဖြစ်တဲ့နေ့မရှိဘူး။ ရှစ်တန်းနဲ့ကျောင်းထွက်တယ်။ အစ်ကိုအလတ်လည်း ရှစ်တန်းနဲ့ကျောင်းမတက်ဘူး လျှပ်စစ်ပိုင်းနဲ့ ဦးလေးတွေဆီမှာနေတယ်။ နံပါတ်(၃)အစ်မကတော့ တက္ကသိုလ်တက်နေပြီ ဆရာမကြီးပေါ့။ နံပါတ် (၄)အစ်မကတော့ စက်ချုပ်သင်ဖို့ဆိုပြီး အဒေါ်ရှိရာ ကော့သောင်းကိုလိုက်သွားတယ်။

 

မနက်နိုးတာနဲ့ အိမ်က စက်ခုံပေါ်မှာ အမေက မုန့်ဖိုးဘယ်လောက်ဆိုတာ ထားခဲ့ပြီးသား။ ကိုယ့်ဖာသာ ထမင်းချိုင့်ဆွဲ ရေချိုး ကျောင်းသွား၊ ကျောင်းကပြန်လာရင် ထမင်းအိုးတည်ပေးထား။ အဓိကကတော့ ကျွန်တော်တို့နေတဲ့ အရှေ့အိမ်က မိသားစုပါပဲ။ သူတို့က အစ္စလာမ်ဘာသာဝင်တွေပါ။ အဲသည်အစ်မကြီးတစ်ယောက်က ကျွန်တော့်ဆို သိပ်ချစ်ပါတယ်။ ငယ်ငယ်ကတည်း ပုံပြင်စာအုပ်ဆို အသည်းအသန်ဖတ်ခဲ့တဲ့ ကျွန်တော်ဟာ အဲသည်အစ်မကြီးပြောပြခဲ့တဲ့ ပုံပြင်တွေနဲ့  ရင်းနှီးခွင့်ရခဲ့တယ်။ အဲသည်ထဲက မှတ်မှတ်ရရဖြစ်နေတဲ့ ပုံပြင်လေးတစ်ပုဒ်ကို ပြန်ပြောပြဖို့ စိတ်ကူးရလာတာနဲ့ ဒီပို့စ်လေးကို ရေးလိုက်ပါတယ်။

 

မိုးလေးရွာတဲ့နေ့လေးဆို အဲသည်အစ်မကြီးပေးမှာ ခေါင်းအုံးလေးနဲ့ အိပ်ပြီး နားထောင်ခဲ့တဲ့ပုံပြင်ပေါ့။

 

တစ်ခါတုန်းက တိုင်းပြည်နှစ်ခုက ဘုရင်နှစ်ပါးဟာ ရင်းနှီးချစ်ခင်စွာ ကူးလူးဆက်ဆံကြသတဲ့။ ဘုရင်နှစ်ပါးဟာလည်း ရင်းနှီးချစ်ခင်ကြသတဲ့။ သည်လိုနဲ့တစ်ရက်မှာ သူတို့ထက် အင်အားကြီးတိုင်ပြည်တစ်ခုဆီကနေ ဘုရင်တစ်ပါးဆီ စာတစ်စောင်နဲ့ သေတ္တာတစ်လုံးရောက်လာတော့တယ်။  ရောက်လာတဲ့စာထဲမှာတော့

သေတ္တာထဲမှာပါတဲ့အရာရဲ့ လျှို့ဝှက်ချက်ကို ဖြေပေးစေဖို့ပါ။ မဖြေနိုင်ရင်တော့ စစ်ခင်းပါ့မယ်လို့လည်း ပါသတဲ့။ သည်လိုနဲ့ ဘုရင်ကြီးဟာ သေတ္တာကိုဖွင့်ကြည့်တဲ့ အချိန်မှာ။ သစ်သားနဲ့လုပ်ထားတဲ့ လူရုပ်သုံးရုပ်ကိုတွေ့ရပါသတဲ့။ လူရုပ်သုံးရုပ်ထဲက တစ်ရုပ်ကိုပဲ သူ့ဆီပြန်လည်ပေးပို့ဖို့လည်း မှာလိုက်ပါသတဲ့။

 

လူရုပ်သုံးရုပ်ရဲ့ လျှိုဝှက်ချက်ကို သူကိုယ်တိုင်ကော ၊ သူ့တိုင်းပြည်မှာရှိတဲ့ ပညာရှိတွေကို ပါ ဖော်ထုတ်ခိုင်းတော့တာပေါ့။ သစ်သားရုပ်အားလုံးဟာ ဆင်တူပဲဖြစ်ပြီး ဘယ်သူကမှ စဉ်းစားမရဘူးဖြစ်နေသတဲ့။ အဲသည်တော့ ဘုရင်ကြီးဟာ သူ့ရဲ့မဟာမိတ်တိုင်းပြည်က ဘုရင်ကြီးကို အကူအညီတောင်းရတာပေါ့။

 

တစ်ဖက်တိုင်းပြည်က ဘုရင်ကြီးကလည်း ဘယ်လိုစဉ်းစားစဉ်းစားမရဘူး ဖြစ်နေချိန်မှာ ဘုရင်ကြီးအနားမှာနေတဲ့ အမတ်က အဲသည်အရုပ်သုံးရုပ်ကို သူ့ကိုပေးပါ သူဖော်ထုတ်ကြည့်ပါ့မယ်ဆိုပြီး အိမ်ကိုယူသွားသတဲ့။ သုံးရက်မြောက်နေမှာ အမတ်ကြီးဟာ ၀မ်းသာအားရနဲ့ လျှို့ဝှက်ချက်ကို သူဖော်ထုတ်နိုင်ပြီလို့ ပြောသတဲ့။

 

အဲသည်မှာ အမတ်ကြီးက ရှင်းပြပါတော့တယ်။ သစ်သားရုပ်သုံးရုပ်ဟာ လူသုံးယောက်ကို ကိုယ်စားပြုပါသတဲ့။ အမတ်ကြီးဟာ ကောက်ရိုးမျှင်လေးယူလာပြီး ပထမဆုံးအရုပ်တစ်ရုပ်နားထဲကို ထိုးထည့်လိုက်ပါတယ်။ ကောက်ရိုးလေးဟာ တစ်ဖက်နားကနေပြန်ထွက်လာသတဲ့။

 

နောက်တစ်ရုပ်နားထဲကိုထည့်လိုက်တဲ့အခါမှာ ကောက်ရိုးဟာ ပါးစပ်ကနေ ပြန်ထွက်လာပါတယ်။ နောက်တစ်ရုပ်နားထဲကို ထည့်လိုက်တဲ့အခါမှာတော့ ဘယ်နေရာကမှ ထွက်မလာတော့တာ တွေ့ရသတဲ့။

 

ပထမတစ်ရုပ်ကတော့ အရေးကြီးကြားတဲ့စကားအကြောင်းအရာတွေဟာ တစ်ဖက်နားထဲကနေ ပြန်ထွက်တတ်တဲ့ လူမျိုးပါတဲ့။

ဒုတိယတစ်ရုပ်ကတော့ အရေးကြီးကြားတဲ့စကားအကြောင်းအရာတွေဟာ  ပါးစပ်ကနေပြန်ထွက်တတ်တဲ့ လူမျိုးပါတဲ့။

တတိယတစ်ရုပ်ကတော့ အရေးကြီးကြားတဲ့စကားအကြောင်းအရာတွေဟာ    ဘယ်ကမှမထွက်တဲ့အကြောင်း စောင့်စည်းတဲ့လူမျိုးပါ။

ဘုရင်ကြီး တတိယမြောက်တစ်ရုပ်ကို ပြန်လည်ပေးပို့လိုက်ပါလို့ဆိုပါတယ်။

အဲသည်လိုနဲ့ အမတ်ကြီးဖြေရှင်းမှုကြောင့် အားလုံးအဆင်ပြေသွားပါသတဲ့။

 

ငယ်ငယ်တုန်းကတော့ အဲ့ပုံပြင်လေးနားထောင်ပြီး တော်ရုံလောက်သာ စဉ်းစားခဲ့ဖူးပါတယ်။ အခုတော့ အဲ့ပုံပြင်လေးရဲ့အဓိပ္ပာယ်ကို ပိုပိုပြီးသိလာခဲ့ရပါတယ်။ နောက်ကြုံရင်လည်း နားထောင်ခဲ့ရတဲ့ ပုံပြင်လေးတွေ ပြောပြပါဦးမယ်။

 

လေးစားစွာဖြင့်

အောင်မိုးသူ

 

အောင် မိုးသူ

About အောင် မိုးသူ

ဘကြီး အောင် has written 203 post in this Website..

နာမည်အရင်းကော ကလောင်နာမည်ကော အောင်မိုးသူပါ။ လူဆန်တဲ့ လူ့ဘ၀ထဲမှာ နေထိုင်တဲ့လူတစ်ယောက်ပါ။