daily eleven သတင်းစာကိုပေးပို့မယ့် ကျွန်တော့်ကိုယ်တွေ့လုပ်ငန်းလေးအကြောင်းပါ…

 

ဆရာဝန်အလုပ်ကိုဝါသနာပါလွန်းလို့ကိုလုပ်ခဲ့သူပီပီ ကျွန်တော့်အတွက် လူနာတွေကိုကြည့်နေရရင် မမောနိုင်ခဲ့ ပါဘူး။

နောက်မှာ ဘယ်လောက်ပဲလူနာများနေပါစေ လက်ရှိကြည့်နေတဲ့ လူနာတစ်ယောက်ကို မှာစရာရှိတာ မှာတတ်တာကျွန်တော့်အကျင့်ပါဘဲ။ မြန်မာနိုင်ငံရဲ့ အခြားခြားသော ဆေးရုံဆေးခန်းတွေနှင့်တူညီစွာ ကျွန်တော့်လူနာတွေထဲမှာ သွေးပေါင်တက်တဲ့ လူနာတွေကလည်း အတော့်ကိုများလှပါတယ်။
အခြားဆရာဝန်တွေက လူနာတွေကိုဘယ်လိုမှာတယ်မသိပေမယ့် ကျွန်တော်ကတော့ ကျွန်တော့်သွေးပေါင် တက်တဲ့လူနာတွေကို ဆောင်ရန်ရှောင်ရန်မှာတဲ့အခါမှာ ကံ စိတ် ဥတု အာဟာရ လေးခုကိုမူတည်ပြီးမှာတတ် ပါတယ်။ အလုပ်ပြင်းပြင်းထန်ထန်မလုပ်ဖို့ စိတ်ခံစားချက်တွေကိုထိန်းသိမ်းဖို့ ပူပြင်းလှတဲ့ရာသီဥတုမှာ နေတတ်ဖို့ အဆီအစိမ့်အငန်စတဲ့တက်စာတွေကိုရှောင်ဖို့မှာခဲ့ပါတော့တယ်။

အစားအစာတွေကို ထပ်ပြီးအာရုံစိုက်မှာမိတာဆိုရင် မတည့်တဲ့အစားအစာတွေက ၀က်သား အမဲသား ဘဲသား ငါးသလောက် ငါးဖယ် ပုဇွန် အုန်းနို့ ထောပတ် ဆေးလိပ် အရက် ကွမ်း ကြက်ဟင်းခါးသီး ဒညင်းသီး ဆူးပုတ်ရွက် မှို မျှစ် ငါးခြောက် ငါးပိ စတာတွေကိုရှောင်ဖို့ အမြဲမှာမိခဲ့ပါတယ်။ နားထောင်ကြတဲ့လူနာတွေရှိသလို ငိုအားထက် ရယ်အားသန် ပြောကာမှ ဆင်အိပ်ရာ ဆိတ်နိုး စားစရာတွေသတိရတဲ့လူနာတွေလည်းရှိပါသေးတယ်။

နယ် တစ်ခုမှာ တာဝန်ကျတုန်းက အဲဒီအဘကြီးကို သွေးတိုးနေတဲ့အကြောင်း ဆောင်ရန် ရှောင်ရန်တွေ မတည့်တဲ့ အစားအစာတွေကို တန်းစီ ခရားရေလွှတ် တတွတ်တွတ် မှာမိပါတယ်။ လူနာစမ်းသပ်တဲ့ကုတင်ပေါ်ကဆင်းပြီး ပြေလျော့နေတဲ့ပုဆိုးကိုပြင်ဝတ်ရင်း နံဘေးကအဖော်ပါလာတဲ့ သူ့အမျိုးသမီးကို လူနာအဘကချက်ခြင်း ပြော လိုက်ပုံက …ညီမလေး ရန်ကုန်ကားကြုံရင် ဘဲကင်လေးဘာလေးမှာကွာ ဆရာပြောမှ ငါစားချင်လိုက်တာတဲ့…


နွမ်းပါးတဲ့လူနာတွေက ကျွန်တော့်ကို တစ်ခုအထွန့်တက်တက်ပါသေးတယ်။ ဆရာရယ် ငါးသလောက်တို့ ၀က်သားတို့ဆိုတာကျွန်တော်ကျွန်မတို့ဘ၀မှာ မူးလို့ရှုစရာတောင် မရှိလှပါဘူး။ မစားရလည်း ဘာမှ မဖြစ်ပါဘူး။ တောသူတောင်သားတွေဖြစ်လို့ ငါးပိချက်အားပြုစားနေရတာ ငါးပိချက်မှ မစားရင်ဘာသွားစားရမှာ တုန်းလို့ ဆိုတတ်ကြပါတယ်။

အနည်းငယ်ကျွဲမြီးတိုသွားတဲ့ကျွန်တော်က ဟာဗျာ လောကကြီးမှာ ဒီငါးပိချက်ဘဲ စားစရာရှိတာမှတ်လို့ ဒီပြင့်ဟာစားပေါ့ လို့ ခပ်ငေါက်ငေါက်ဆိုမိမှ ခေါင်းလေးတွေပုသွားတတ်ကြပါတယ်။ ဒါပေမယ့် နေရာဒေသသာပြောင်းသွားတယ် ငါးပိချက်မစားဘာစားရမလည်းဆိုတဲ့စကားကို နွမ်းပါးတဲ့လူနာ တွေဆီက အမြဲကြားနေရတတ်ပါတော့တယ်။ သိချင်စိတ်ကြီးလာရင် မနေတတ်တဲ့ ကျွန်တော်ဟာ တစ်ညနေ မတော့ ဆေးခန်းကလေ ခဏထွက်ပြီး နွမ်းပါးသူတွေရှိနေတဲ့အရပ်ကိုသွား သူတို့ရဲ့ထမင်းဝိုင်းကိုလေ့လာမိ ပါတော့တယ်။
ထမင်းဝိုင်းအလယ်က ငါးပိချက်တစ်အိုးကို အဓိကဟင်းလျာအဖြစ် မိသားစုအကုန်ဝိုင်း အားပါးတရ စားနေကြပါတယ်။ ဟင်းတော့မကောင်းဘူးဆရာ ငါးပိချက်လေ ဒါပေမယ့် ကျွန်တော်တို့ကတော့ ဒါနှင့်ဘဲ ထမင်းမြိန်တယ် ဆိုပြီး ပလုပ်ပလောင်းဝါးရင်းပြောနေတဲ့ သူတို့ကို ရုတ်တရက်စကားပြန်တောင် မပြောနိုင်ခဲ့ပါဘူး။ နီးစပ်ရာ ကိုင်းအပြန် ယာအပြန်မှာချိုးလာတဲ့ အတို့အမြုတ်ကလေးတွေနှင့် ထမင်းကို ဇိမ်ခံ တောင်မ၀ါးဘဲ ငါးပိချက်နှင့်နယ် မျိုချနေရတဲ့သူတို့ ဘ၀ကို ဒါ ငါတို့လူမျိုးစားရတဲ့အစာလားလို့ သုံးသပ်ပြီး စိတ်မကောင်းဖြစ်မိခဲ့ပါတော့တယ်။

သူတို့တွေ အတွက် ငါးပိချက်ထက်အာဟာရပြည့်ဝမယ့်အစားအစာတွေ အသုံးနည်းစွာနှင့် စားသုံးတတ်လာအောင် ဘယ်လိုပညာပေးရမယ် ဘယ်လိုနည်းပေးလမ်းပြလုပ်ရမယ် ဆိုတာကို အမြဲတွေးတောမိနေခဲ့ပါတော့တယ်။
အဲဒီအချိန်ကစ မြန်မာနှစ်ဆန်းတစ်ရက်နေ့လိုအခါကြီးရက်ကြီးတွေကျွန်တော့်မွေးနေ့လိုအမှတ်တရနေ့တွေမှာ ကျွန်တော်ဟာ တပည့်တပန်းနှင့်မိတ်ဆွေတွေရဲ့အင်အားကိုယူပြီးတော့ ဆင်းရဲနွမ်းပါးသူတွေကို စတုဒီသာ ကျွေးဖို့ စီစဉ်ခဲ့ပါတယ်။ ကိုယ့်အလှူကြောင့်သတ္တ၀ါတွေပိုသတ်ရတာမဖြစ်ရအောင် ပံ့သကူသားဖြစ်တဲ့ ငါးခြောက်နှပ်ကို သီးစုံ ပဲကုလားဟင်း ထမင်းနှင့်ဖိတ်ခေါ်ကျွေးမွေးခဲ့ပါတော့တယ်။ အားပါးတရ စားသောက်နေ ကြတဲ့သူတွေကိုတွေ့ရတာ ကျွန်တော်တင်မက လာကူတဲ့ တပည့်များ မိတ်ဆွေများကလည်း ၀မ်းမြောက်ကြပါ တယ်။

ဆင်းရဲနွမ်းပါးတဲ့ ရပ်ကွက်တွေ ရွာနီးချုပ်စပ်ကို လိုက်ပြီး ဗျို့ဟစ်ကာ စတုဒီသာစားရန်ကြွပါလို့ လိုက်ဖိတ်ရတာ အင်မတန်ကြည်နူးစရာကောင်းလှပါတယ်။ ဆရာဝန်ဖြစ်စကတည်းက တစ်နေ့တစ်နေ့ ဆေးခန်းလာပြသော ပထမဦးဆုံးလူနာဆီကရတဲ့ အမြတ်ငွေကို လှူဒါန်းဖို့စုဆောင်းခဲ့သလို လူနာတွေ သဒ္ဓါအလျောက် လာကန်တော့ကြရင်လည်း တစ်ဝက်တိတိကိုလှူရန်လို့စုဆောင်းထားတတ်တဲ့ ကျွန်တော့်အတွက် လှူရန်ငွေကအမြဲရှိနေတာမို့ လှူရန်အခွင့်ကိုဘဲ ပိုက်ဆံလေးတွေစုရင်း ရှာဖွေနေခဲ့မိတဲ့ အထိပါဘဲ။
ကျွန်တော့်အတွေးအခေါ်တစ်ဆစ်ချိုးစေမယ့်ကာလကိုရောက်လာခဲ့ပါတော့တယ်။ အဲဒါကတော့ တစ်ရက် နေရာဒေသတစ်ခုမှာ စတုဒိသာစားရန်ကြွကြပါ လို့ ရွာကလေးတစ်ခုထဲကို တပည့်တွေကိုဗျို့ဟစ်ခိုင်းပြီး ကြည်နူးချင်လို့ နောက်ဘက်မလှမ်းမကမ်းကနေလိုက်ကြည့်နေမိတဲ့အချိန်ကအဖြစ်အပျက်ပါ။ မနီးမဝေးက ပါလာတဲ့ကျွန်တော့်ကိုသတိမပြုမိတဲ့ အမျိူသမီးတစ်ယောက်က စတုဒီသာလိုက်စားရအောင် တို့က သူတောင်းစားမှ မဟုတ်တာ လို့ ရှေ့ကဗျို့ဟစ်သွားတဲ့ တပည့်ကျော်ခပ်လှမ်းလှမ်းအရောက်မှာ မကြားတကြားဆိုပါတယ်။

စေတနာကိုစော်ကားလိုက်တာဆိုပြီး စိတ်တိုသွားသလို ဖြစ်ပေမယ့် လူတိုင်းမှာ မာနရှိတယ်ဆိုတာကို သတိပြုမိတဲ့အခါ အခမဲ့စတုဒီသာများ ကျွေးမွေးခြင်းကို လုပ်ရန် အနည်းငယ် လက်တွန့်သွားမိပါတော့တယ်။ မိမိကစေတနာပင်ဖြစ်လင့်ကစား သူတပါးရဲ့ ဂုဏ်သိက္ခာကို မထိခိုက်သင့်ဘူးဆိုတဲ့ အသိတစ်ချက်အား စတုဒိသာပြီး စတုဒိသာ ကျွေးချင်နေတဲ့ ကျွန်တော့်ကို တွေဝေစေပါတော့တယ်။ ဒါပေမယ့် အနည်းငယ်အနားရလို့ စဉ်းစားလိုက်တိုင်း ဆင်းရဲနွမ်းပါးတဲ့မိသားစုတွေ ပင်ပင်ပန်းပန်း တစ်နေကုန် အလုပ်တွေလုပ်လာပြီးမှ ငါးပိချက်အိုးလေးတစ်အိုးတည်းကို ခေါင်းမဖော်တမ်းအလုအယက်စားနေရတဲ့ မြင်ကွင်းက မြင်ယောင်နေမိပါတော့တယ်။
လိုလျှင်ကြံဆနည်းလမ်းရဆိုသလိုပါဘဲ သုံးလေးနှစ်လောက် အကောင်အထည်မပေါ်ပေမယ့် လုပ်နိုင်မယ့် အခွင့်အရေးကို အမြဲတမ်းမျှော်လင့်နေတဲ့ကျွန်တော့်အတွက် နေ့တစ်နေ့ကတော့ ရောက်လာခဲ့ပါတော့တယ်။

ယခုတာဝန်ကျနေတဲ့ အင်္ဂပူဆိုတဲ့ မြို့ငယ်ကလေးမှာ ဆရာဝန်အလုပ်သာမက ကျန်းမာရေးနှင့်နှီးနွယ်သော လူမှုဖွံ့ဖြိုးရေး ပရဟိတအလုပ်တွေလည်း လုပ်ကိုင်ဖြစ်ခဲ့ပါတယ်။ မြို့ကလေးကျဉ်းကျဉ်းမှာ နဂိုကတည်းက နယ်မြေခံအခြေခံကျန်းမာရေးဝန်ထမ်းအများစုဟာ တစ်ဦးနှင့်တစ်ဦး အမျိုးတွေပတ်လည်တော်နေကြတာပါ။ အစောပိုင်းကတော့ ကျွန်တော်လုပ်လို့သာလိုက်လုပ်နေရပေမယ့် နောက်ပိုင်းကျတော့ ၀န်ထမ်းအားလုံးဟာ ပရဟိတအလုပ်တွေကို လိုလိုချင်ချင်လုပ်ကိုင်လာပါတယ်။

လပြည့် လကွယ်နေ့တွေဆိုရင် ကျွန်တော်ဖွင့်နေကျ နေ့လည်ခင်းဇီဝိတဒါနဆေးခန်းလေးအတွက် သူတို့ ပြောစရာမလို သူ့တာဝန်နှင့်သူ ပြင်ဆင်နေတတ် ကြပါတယ်။ တစ်လတစ်ခါအခမဲ့မျက်စိခွဲစိတ်ကုသပေးတဲ့ မရှိ မလင်းသူမရှိစေရ အစီအစဉ်အတွက်ဆိုရင်လည်း မျက်စိလူနာတွေ နားရန် စားရန် သွားရန် အကုန်လုံးကိုသူတို့ထောင့်စေ့အောင်တက်တက်ကြွကြွလုပ်ကိုင် နေတတ်ပါပြီ။ နှုတ်ခမ်းကွဲလူနာတွေ ခွဲစိတ်ကုသရန်အစုလိုက် ပို့ဆောင်ရေး ပြန်ကြိုရေးတို့ကို ကျွန်တော်တောင်လုပ်စရာမလို သူတို့ ဘာသာ စီမံတတ်နေကြပါပြီ။ ကျွန်တော့်ဆီက ပရဟိတပိုး ကူးစက်ကုန်တယ်လို့ ဆိုရမှာပါဘဲ။ ညီညွတ်လှတဲ့သူတို့ရဲ့ အင်အား သူတို့မိသားစုဝင်တွေရဲ့အင်အားကို အသုံးချဖို့အချိန်ကျပြီလိုကျွန်တော်ဆုံးဖြတ်လိုက်ပါတော့တယ်။


တစ်ရက် စိတ်လက်ကြည်သာ ရှိတဲ့တစ်နေ့မှာ ကျွန်တော်တင်ကြိုစဉ်းစား ထားတဲ့ ၀န်ထမ်းအချို့နှင့် ၀န်ထမ်း မိသားစုတွေကိုခေါ်တွေ့လိုက်ပါတယ်။ ကျွန်တော့်ရဲ့ ငါးပိချက် အိုးကလေး ကိစ္စကိုသူတို့နားဝင်အောင် ပြောပြလိုက်ပါတယ်။ နောက် နေ့စဉ် ရုံးချိန်ပြင်ပ မိမိတို့ အားလုံး အားလပ်ချိန်မှာ အာဟာရ ဒါန စေတနာ့ ၀န်ထမ်းလုပ်ရမယ်လို့ မေတ္တာရပ်ခံပြီး လုပ်ဆောင်ရမယ့်လုပ်ငန်းတွေကိုချပြလိုက်ပါတော့တယ်။ အထက်လူကြီးရဲ့ ဆန္ဒသည် သူတို့အတွက် အမိန့်လို့ ခံယူထားတဲ့ ကျွန်တော့်ဝန်ထမ်းတွေဟာ အားကျိုးမာန်ထည့်ကြိုးစားပေးကြပါတော့တယ်။ အဲသည်လိုနှင့် ဆင်းရဲနွမ်းပါးမိသားစုများအတွက် အပန်းဖြေစေရန်ညနေခင်းများအတွက် တန်ဖိုးသင့်ညစာလုပ်ငန်းကိုစတင်လုပ်ကိုင်ဖြစ်ပါတော့တယ်။


နှစ်စဉ်မြန်မာ နှစ်ဆန်းတစ်ရက်နေ့မှာ ကျွန်တော်စတုဒီသာကျွေးနေကျဖြစ်ပါတယ်။ ဒီနှစ်တော့စတုဒိသာ မကျွေးတော့ဘဲ ကုန်ကျမည့်ပိုက်ဆံနှင့်ဆိုက်ကားတစ်စီးဝယ် အိုးခွက်ငရုတ်ကြက်သွန် ဆီဆန်တွေကိုဝယ်လိုက် ပါတော့တယ်၊ သီးစုံပဲကုလားဟင်း ၀က်သားဟင်း ကြက်သားဟင်း ထမင်းတို့ကိုချက်ခိုင်းလိုက်ပါတယ်။ ပြီးတော့မှ ဆိုက်ကားပေါ်တင် ထမင်းနှင့် သီးစုံပဲဟင်းဆို ငွေကျပ် ၂၀၀ ထမင်းနှင့်ဝက်သားဆို ၃၀၀ ထမင်းနှင့် ကြက်သားဆို ၅၀၀ လို့သတ်မှတ်ပြီး ဆင်းရဲနွမ်းပါးတဲ့ရပ်ကွက်တွေကို လိုက်လံရောင်းချစေခဲ့ပါတယ်။ အပန်းဖြေစေရန် ညနေခင်းများအတွက် အာဟာရပြည့်ဝသောတန်ဖိုးသင့်ညစာ လို့ ခေါင်းစဉ်တပ်ပြီး ဆောင်ရွက်တဲ့အခါ တစ်ခဏအတွင်းမှာဘဲ အမြန်ကုန်သွားခဲ့ပါတော့တယ်။ ပထမဦးဆုံးနေ့မှာဘဲ စုရပ်သုံးခု သွားဖို့ရည်ရွယ်ထားရာမှ တစ်ခုထဲမှာဘဲ ကုန်သွားအောင်တခဲနက်အားပေးကြပါတော့တယ်။ နောက်နေ့လည်း လာပါ တန်လိုက်တာ ထင်းဖိုးသာသာလောက်ရှိတဲ့ တန်ကြေးနှင့် ဟင်းတွေစားရတာလို့ ကြွေးကြော်ကြပါတော့ တယ်။ လုပ်အားခ အားလုံးမယူကြတဲ့အတွက်ထည့်မတွက်တဲ့အခါ ဈေးဝယ် ဈေးရောင်းကနေ ပထမဦးဆုံးနေ့မှာဘဲငွေတစ်ထောင် မြတ်ခဲ့ပါတယ်။ အမြတ်ရယ်ဆိုတာထက် လူအများစုကို ကြည်နူးစေလိုပြီး ဆင်းရဲနွမ်းပါးသူတွေ ကိုလည်း နှစ်ပေါင်းများစွာကျွန်တော်မျှော်လင့်ခဲ့သလို အာဟာရပြည့်ဝစွာကျွေးနိုင်ခဲ့ပါပြီ။


နောက်နေ့နောက်နေ့တွေမှာလည်း တခဲနက်အားပေးခဲ့ကြပါတယ်။ နေ့တိုင်းတိုးချက်နေသော်လည်း ၀ယ်လိုအားကကျသွားခြင်းမရှိကြပါဘူး။ ဆီသန့်သန့် အာဟာရစံညွှန်းအတိုင်း ဆရာမတစ်ဦးကို ကြီးကြပ်ခိုင်းပြီး တာဝန်ချိန်ပြင်ပ ၀န်ထမ်းများ ၀န်ထမ်းမိသားစုများအားလုံးတစ်ညီတစ်ညွှတ်ထဲ ပျော်ပျော်ပါးပါး ကျွန်တော်ကငွေအားဥာဏ်အားစိုက်ထုတ် သူတို့တွေက လုပ်အားစိုက်ထုတ်နှင့် အချိန်တိုတိုအတွင်း အောင်မြင်မှုတွေကိုရရှိလာပါတော့တယ်။ ဆင်းရဲတဲ့သူတွေရဲ့ ဂုဏ်သိက္ခာလည်းထိခိုက်မှုမရှိတော့ပါဘူး။ ၀ယ်စားတာ အလကားလိုက်စားတာမဟုတ်ဘူးလို့ ကြွေးကြော်ချင်လည်းကြော်ကြပါစေတော့။ ဘယ်လိုဆိုဆို ကျွန်တော်ဖြစ်စေချင်တဲ့ အာဟာရပြည့်ဝသော ဟင်းလျာများကတော့ သူတို့ဆီကို ဂုဏ်သိကာရှိရှိရောက်ရှိ သွားခဲ့ပါပြီ။


ကျွန်တော်တို့ဆောင်ရွက်နေတာကိုသိရှိသွားတဲ့မိတ်ဆွေအသိုင်းအ၀ိုင်းများကလည်း ဒီလုပ်ငန်းလေး အဓွန့် ရှည်ကြာစွာ ဆက်လက်လုပ်ကိုင်နိုင်စေရန် ငွေပင်ငွေရင်းတွေ ၀ိုင်းဝန်းထူထောင် ထည့်ဝင်ပေးကြပါတယ်။ လုပ်အားဒါနပေးလှူကြတဲ့ကျွန်တော့်ရဲ့တက်ကြွနေတဲ့ဖြူစင်စိတ်ထားနှင့်တပည့်တွေကို အ၀တ်အစား ဦးထုပ်မိုးကာကအစ ကူညီထောက်ပံ့ ကြပါတော့တယ်။ မိတ်ဆွေများရဲ့ စေတနာအားတွေကြောင့် မကြာခင်အချိန်အတွင်းမှာ စုရပ်တစ်ခုတည်းကို ရောင်းနေရတာထက် စုရပ်နှစ်ခုသုံးခုကို တစ်ပြိုင်တည်း ရောင်းချနိုင်လောက်အောင် ဆိုက်ကား စီးရေ တိုးချဲ့နိုင်ပါတော့မယ်။ ဆင်းရဲနွမ်းပါးတဲမိသားစုထဲကတစ်ချို့ကို ဟင်းချက်တဲ့နေရာ ဟင်းတွေပို့ဆောင်တဲ့နေရာတွေမှာ အလုပ်ပေး ထမင်းကျွေး လခပါပေးနိုင်ပါတော့မယ်။ စေတနာမှန်ရင်ကံဖြစ်လာတာပါဘဲ။ ခုဆို နှစ်သောင်းရင်းရင် ငါးထောင်မြတ်တဲ့အထိအောင်မြင်လာခဲ့ပါပြီ။ ရောင်းအားကောင်းလာရင်ကောင်းလာသလောက် အမြတ်ကလိုက်လာမှာပါ။ နှစ်သောင်းဖိုးရင်းရင် လူဦးရေ (၁၀၀)ကို လွှမ်းခြုံနိုင်ပါတယ်။ သင်္ချာနည်းအရတွက်ရင် ၂၅ရာနှုန်းနီးပါးမြတ်တဲ့အလုပ်တစ်ခုလည်းဖြစ်ပါတယ်။


ကျွန်တော်တို့နိုင်ငံမှာ ဆင်းရဲမှုနှုန်းက ၂၆ရာနှုန်းရှိတယ်လို့ ဆိုပါတယ်။ တစ်ချို့သောအဖွဲ့အစည်းများက ၄၀ရာနှုန်းအထိရှိတယ်လို့ဆိုကြပါတယ်။တစ်နည်းဆိုရင် လူဦးရေသန်းငါးဆယ်မှာ ဆယ်သန်းကနေ သန်းနှစ်ဆယ် အထိကဆင်းရဲကြပါတယ်။ ဆယ်သန်းဘဲဆိုကြပါစို့။ တစ်နေ့သိန်းနှစ်ထောင်ရင်းပြီး တန်ဖိုးသင့် ထမင်းဟင်း ရောင်းပေးလိုက်ရင် တစ်နေ့တည်းမှာ သိန်းငါးရာမြတ်နေပါပြီ။ ချမ်းသာလှတဲ့သူဌေးကြီးများ ခင်ဗျား ရန်ကုန်လိုနေရာ မန္တလေးလို နေရာတွေမှာ ဈေးကွက်ကိုဝိုင်းလုနေမယ့်အစား မေ့လျော့နေတဲ့ ဆင်းရဲနွမ်းပါးဈေးကွက်ကြီးကို မျက်စိကျကြပါလားဗျာ။ ကုသိုလ်လည်းရ ၀မ်းလည်းဝမယ့်အလုပ်ပါဘဲ။
လောလောဆည်တော့ ကျွန်တော်က ရှိစုမဲ့စု ချွေးနည်းစာငွေနှစ်သိန်းကိုအရင်းပြု နေ့စဉ် နှစ်သောင်းဖိုးဟင်းချက် တစ်နေ့ငါးထောင်အမြတ်ကလေးတွေကိုစု ထပ်ထပ်ပြီးလုပ်ငန်းလေးတွေကို မိတ်ဆွေ များရဲ့ အရင်းအနှီးနှင့် ချဲ့ထွင်ရင်း နွမ်းပါးမိဘပြည်သူများကို အာဟာရတွေပြည့်ဝအောင် တန်ဖိုးသင့်ညစာများကိုစီစဉ်လျက်ရှိပါတော့တယ်။ တကယ်ဖြစ်ချင် တကယ်လုပ် အဟုတ်ဖြစ်ရမည်။

.
နန္ဒ၀င်း(ဆေး-၁)

 

1

1

 

2

2

 

3

3

 

 

11179967_668869529923683_5515842470951131417_n

4

 

 

11150403_668869599923676_7495570937061488899_n

5

 

About Travis Zaw

Travis Zaw has written 11 post in this Website..