ရုတ်တရက်ဖုန်းထမည်လိုက်သောကြောင့်လန့်နိုးကာဒေါသကြီးစွာဖြင့်ဖုန်းကိုယူကြည့်လိုက်သည်။ဖုန်းတွင်ပေါ်နေသောအမည်က Mr.Park ဟင်ဒီအချိန်ကြီးသူကဘာဖြစ်လို့ဖုန်းဆက်ပါလိမ့်နာရီ
ကြည့်မိတော့၁နာရီထိုးနေပြီစိတ်တိုစွာဖြင့်ဖုန်းကိုင်လိုက်သည်။
‘ဟယ်လို’
‘ဆုရည်အကိုဖုန်းမတွေ့မိဘူးလားအကိုဖုန်းပျောက်သွားလို့’
‘သေချာရှာကြည့်ပါဦးဆိုင်မှာထားတာဘယ်သူကယူမှာလဲ’
သူဌေးဟုဆိုသော်လည်းဒီပဲခေါက်ဆွဲဆိုင်မဖွင့်ခင်ကတည်းကရင်းနှီးနေ၍အကိုလို့ပဲခေါ်ကာနှုတ်ကျိုးနေပြီ။ဖုန်းပျောက်သည်ဆိုသဖြင့်စိတ်ခုသွားသည်။
ကျွန်မပြန်လာသည့်တိုင်သူ့အခန်းမှာမထပဲအိပ်နေသ
ဖြင့်တက်နိုး၍ပြန်တော့မည်ဆိုတာရယ်ကောင်တာမှာလူမရှိဘူးရယ်ဆိုတာပြောခဲ့ပြီး သူဆင်းလာပြီမှပြန်ခဲ့ခြင်းရယ်
ပြန်လာသောအချိန်ကပင်၇နာရီထိုးပြီးပြီ။
သူ့အခန်းဆိုသည်မှာ ဆိုင်အပေါ်ထပ်ရှိအထူးခန်းကိုပြောခြင်းဖြစ်
သည်။ အရင်ကတော့မုဒိတာအိမ်ရာမှာနေပေမဲ့ နယ်မှလာသောအလုပ်သမလေးများကို အဆောင်အနေဖြင့် တိုက်ခန်းကိုပေးလိုက်သောကြောင့် ဆိုင်အပေါ်ထပ်က
အခန်းသုံးခန်းမှာညဘက်အိပ်ကြလေသည်။ တနေကုန်ဆိုင်မှာနေသောကြောင့်တခြားတိုက်ခန်းရှာလည်းအပိုငွေထွက်သွားမည်စိုးသောကြောင့်ဆိုင်မှာနေကြခြင်းဖြစ်လေသည်။ ယနေ့လည်းညဘက်ပင်ပန်းသည်ဆိုကာတနေကုန်မထ၍ ပြန်ကာနီးမှနိုးခဲ့သည်ကိုဖုန်းပျောက်သည်ဆိုတော့စဉ်းစားစရာ
ဆိုင်မှာရှိတာကနှစ်ယောက်တစ်ပိုင်း။ အလုပ်သမလေးများကဖြစ်တဲ့မနီ၊ဇင်ဇင်၊သီရိအပြင်မရှိ။ကိုကျော်တော့ရှိသည် ဒါပေမဲ့သူကလည်းအေးအေးဆေးဆေးသမား။ သူဌေးတို့နဲ့အတူတူနေကာစိတ်ချရသူ၊ ပိုက်ဆံလိုလည်းကြိုထုတ်နေသူဖြစ်သောကြောင့်မဖြစ်နိုင်။ အပေါ်မှာအိပ်နေလျင်မတက်ရန်မှာထားသောကြောင့်
ဘယ်သူမှလည်းမတက်ရဲ။ ဧည့်သည်နဲ့ပါသွားရအောင်
ဧည်သည်ပါး၍သူတက်အိပ်နေတာသာကြည့်တော့။ ငါပြန်လာပြီးမှများဧည်သည်များလာသေးလားစဉ်းစားမိသည်။ပျောက်သည်ဆိုတော့မတတ်​နိုင် ကောင်မလေးတွေဖုန်းဆက်ပေးပါလို့ဆို၍ ဆက်ပေးလိုက်သည်။ ဖုန်းမကိုင်။ အေးလေ ညဥ့်နက်နေပြီအိပ်ပျော်နေမှာပေါ့ဟု
တွေးကာ Mr.Parkဆီဖုန်းပြန်ဆက်လိုက်ပြီး ဖုန်းမကိုင်ကြောင်းပြောလိုက်သည်။ ပြီးနောက်ဖုန်းကိုအသံပိတ်ကာ
အိပ်လိုက်သည်။မနက်မှအကျိုးအကြောင်းမေးတော့
မည်။ မနက်ဆိုင်ကိုစောသွားလိုက်သည်။
‘ကိုကျော်ရေရော့’
ဈေးမှဝင်ဝယ်လာသောပစ္စည်းများကိုစင်ပေါ်တင်ရင်း
ပြောလိုက်သည်။ ပြီးမှသိချင်တာကိုဆက်မေးလိုက်
သည်။
‘ညကဖုန်းရှာတွေ့လားကိုကျော်’
‘အေးညီမလေးသီရိဆီကတွေ့တယ်တဲ့’
မထင်မှတ်သောအဖြေကြောင့်မှင်တတ်သွားသည်။ မဖြစ်နိုင်ပါဘူးလို့လည်းတွေးရင်းတစ်ဆက်တည်း အော်သူ့မှာဖုန်းမှမရှိပဲလို့တွေးမိသည်။
‘ကိုကျော်ဘယ်လိုရှာတွေ့တာလဲသိလား’
‘မသိဘူးညီမလေး ညကအကိုလည်းအိပ်နေ
တာ သူဌေးနဲ့စားဖိုမှူးလိုက်သွားတယ်လေ အဆောင်ကို’
စကားပြောနေရင်းတံခါးဖွင့်သံကြား၍လှည့်ကြည့်လိုက်တော့ မနီနဲ့ဇင်ဇင်ဝင်လာသည်။ ညကမအိပ်ရလို့ထင်ပါ့
အိပ်ရေးမဝသောပုံစံများဖြင့်လေးတွဲ့ကာဝင်လာကြ
သည်။သီရိတော့မပါလာ။
‘ဆုရေညကမအိပ်ရဘူး’
‘ကိုကျော်ပြောတယ်အစ်မ’
‘သီရိယူတာဆိုဖုန်းက’
‘ဟုတ်တယ်ဆု’
‘ညတုန်းကဟန်နီတို့ရှိလို့တော်သေးတာပေါ့’
ဟန်နီတို့ဆိုသည်မှာသူဌေးအသိကောင်မလေးနှစ်ယောက်ဖြစ်ပြီး အဆောင်မနေချင်၍ သူဌေးထံခွင့်တောင်းကာနေသောသူများဖြစ်သည်။ ကိုရီးယားစကားမတတ်သော်
လည်းနီးစပ်စွာအလုပ်လုပ်နေသူများဖြစ်တာကြောင့် နည်းနည်းနားလည်ကြသည်။ ထို့ကြောင့်တော်သေးသည်
ပြောခြင်းဖြစ်ကြောင်းနားလည်လိုက်သည်။ မနီသည်စားပွဲများသုတ်နေရင်း ညကအကြောင်းများကိုဆက်ပြောနေသည်။
‘ပြန်ရလို့တော်သေးတာပေါ့ဆုရယ်ညကသူဌေးဆိုအခန်းကိုရောက်လာတာချွေးတွေလည်းပြန်လို့သနားပါတယ် သီရိကဖုန်းကိုယူလာပြီးသူ့အဖွားအိမ်ထားတာတဲ့လေ အစ်မတို့ကိုမပြောဘူး ဟန်နီကိုခေါ်သွားတာသီရိက အဲ့ဒါဟန်နီတို့ကပြန်ပြောပြတာ မနက်ကလည်းအစောကြီးထသွားတယ် အစ်မတို့မနိုးခင်ရှက်လို့နဲ့တူပါတယ်’
‘ခိုးတုန်းကခိုးပြီးတော့သူကရှက်နေတာလားအစ်မရယ်သူဌေးတို့ကတော့ညီမတို့လူမျိုးကိုအထင်သေးတော့မှာပဲ ညီမကအဲ့ဒါကိုပိုရှက်တယ်’
‘ဆုရယ်သူကဟန်နီတို့ကိုအားကျနေတာလေ ဟိုဟာတွေကသုံးတယ်လေ အဝတ်အစားဆိုလည်းဝယ်နိုင်တာကိုး တစ်ခါတစ်လေစပွန်ဆာရလာတယ်ရလာတယ်နဲ့လေ တစ်ခါရရင်ဒေါ်လာတွေကိုသူကလည်းအဲ့လိုစပွန်ဆာလိုချင်သုံးချင်တာလေ ပြီးတော့သူဌေးကလည်းဖုန်းကိုအလွယ်ထားတော့သူလိုချင်မှာပေါ့’
မနီပြောသောစကားများကိုနားထောင်ရင်း မွန်းကြပ်လာသည်။ စပွန်ဆာလိုချင်သည်တဲ့လား သည်စပွန်ဆာရတာ
ကောင်းသောရခြင်းမျိုးမဟုတ်ဘဲ ခန္တာကိုယ်နှင့်ရင်း၍ရသောစပွန်ဆာ။ ပတ်ဝန်းကျင်မှာအထင်အမြင်သေးခံရပြီး ခေါင်းမဖော်နိုင်ပဲရသောစပွန်ဆာဆိုတာ သူနားမလည်လိုက်လေခြင်း။ မိဘများမှာဘယ်လောက်တောင်ရင်
ထုမနာဖြစ်နေခြင်းဆိုတာသူမသိလေလား။ စဉ်းစားရင်း ဆရာချစ်ဦးညိုစာပေဟောပြောပွဲတစ်ခုမှာပြောခဲ့သောစကားကိုသတိရမိသည်။
‘လူငယ်တွေဟာမနက်ပြတင်းတံခါးဖွင့်တိုင်းဖွင့်တိုင်း အသစ်သစ်တွေဝင်လာတယ် အဲ့ဒီအသစ်တွေနောက်ပြေးလိုက်ရင်းပြေးလိုက်ရင်း ချော်လဲတဲ့အခါ အိတ်ကပ်ထဲက စာရိတ္တဆိုတာက ထွက်ကြသွားတတ်တယ်’
အင်း ဆရာပြောတာမှန်လိုက်တာဟုစဉ်းစားရင်း သီရိတစ်ယောက်ကိုဘယ်လိုနားလည်အောင်ပြောပြမှဒီလိုအတွေးမှားကြီးကနေရုန်းထွက်နိုင်မှာပါလိမ့်။

About A mar nyo

A mar nyo has written 6 post in this Website..