ကျွန်မမျက်ဝန်းအိမ်မှ မျက်ရည်ပူများကို ကြည့်ရင်းသက်ပြင်းချကာ မောင်မျက်နှာလွဲသွားသည်။ ကျွန်မရင်ကို အစိတ်စိတ် ကွဲစေသော လုပ်ရပ်များအတွက် ဖွင့်ဟလိုက်သော စကားတစ်ခွန်းက ‘တောင်းပန်ပါတယ်’တဲ့လား။ ဒီစကားလေး တစ်ခွန်းအပြင် မပိုတော့။ လွန်ခဲ့သော လပေါင်းများစွာ ကျွန်မပေးဆပ်ခဲ့သော အချိန်များ၊ အချစ်များကို ဒီစကားတစ်ခွန်းနဲ့ ကြေဖျက်လိုက်ခြင်းလား။ ဖြစ်နိုင်လျင် ဒီနေရာ ဒီအချိန်ကို ရပ်တန့်၍ အဝေးဆုံးနေရာသို့သာ ထွက်ပြေးသွားချင်တော့သည်။ ကျွန်မထက်ချစ်ရမည့်သူ ပေါ်လာ၍ လမ်းခွဲကြပါစို့ ဆိုတဲ့စကားအတွက် ကျွန်မဘယ်လို ဖြေသိမ့်ရမလဲ။ အမှန်တကယ်ဆို ပေါက်ကွဲလိုက်ဖို့ တစ်ခုခု တုန့်ပြန်လိုက်ဖို့ကောင်းပေမဲ့ စကားစရှာမရ။ မောင့်ပုံစံတွေ ပြောင်းနေခဲ့တာ သတိထားခဲ့ပေမဲ့ ယုံကြည်စိတ်လွန်ကဲခဲ့သောကြောင့် အပြစ်မမြင်ခဲ့မိ။ ကျွန်မအပေါ် ရက်စက်လိမ့်မယ်လို့လည်း မထင်ခဲ့။ အခုတော့ မောင့်အပေါ်ကျွန်မထားခဲ့သော ယုံကြည်မှူကို တစ်စစီချိုးဖျက်ခြင်းသာမက ကျွန်မရဲ့အချစ်ကိုပါသစ္စာဖောက်သွားခဲ့ပြီရက်စက်သွားခဲ့သည်။ မယုံကြည်နိုင်သော မောင့်ရဲ့ပြောင်းလဲခြင်းကြောင့် အိမ်မက်လား တစ်ကယ်လား ဝေခွဲမရကာ မျက်ရည်များသာ တွေတွေကျလာခဲ့သည်။ ကျွန်မခဏကြာ နှုတ်ဆိတ်နေခဲ့ပြီး မျက်ရည်များသုတ်၍
‘ကောင်းပြီမောင် လမ်းခွဲကြတာပေါ့’လို့ပြောလိုက်သည်။ ကျွန်မပြောသော စကားကိုနားထောင်ပြီး မောင့်မျက်နှာပေါ်တွင် အံသြရိပ်သန်းသွားသည်။
‘ဘာလဲမောင်မမျှော်လင့်တဲ့စကားကြားလိုက်လို့လား မကမောင့်ကိုငိုယိုပြီးတွယ်ကပ်နေမယ်ထင်ခဲ့တာလား ကိုယ့်ကိုမချစ်လို့ နောက်တစ်ယောက်ရှာသွားတဲ့ မောင့်ကိုမကဘာလို့တွယ်ကပ်နေရမှာလဲ။ တွယ်ကပ်စရာအကြောင်းမရှိပါဘူး သစ္စာမရှိတဲ့မောင့်အကြောင်းကို စောမသိခဲ့ပေမဲ့ အခုလည်းနောက်မကျသေးပါဘူး လက်ထပ်ပြီးမှဒီလိုအဖြစ်မျိုးတွေ့ခဲ့တာထက်စာရင်ပေါ့ အခုလည်းဘာမှလွန်လွန်ကျူးကျူးမဖြစ်ခဲ့တာ တော်သေးတာပေါ့’
ကျွန်မပြောသောစကားများကို မောင်တစ်ယောက် ငြိမ်သက်စွာ နားထောင်နေရင်း ခေါင်းငုံ့သွားသည်။ မောင့်ကိုကြည့်ပြီး ကျွန်မထိုနေရာမှ ထလာခဲ့သည်။ အရင်နှစ်ယောက်တွဲ လျှောက်ခဲ့ဖူးသော လမ်းမထက် တစ်ယောက်တည်း လျှောက်လာခဲ့သည်။ မောင့်ကိုချစ်ခဲ့ပေမဲ့ ချစ်ခဲ့တာလေးတစ်ခု အတွက် တွယ်ကပ်နေရလောက် အောင်စဉ်းစားဥာဏ် မမဲ့ပါဘူး၊ အခုချိန် လမ်းခွဲရလို့ နာကြင်ရပေမဲ့ နှစ်တွေကြာရင် အဆင်ပြေသွားမှာပါ။ အချိန်ကကုစားသွားမည်ဖြစ်သည်။ ချစ်ခဲ့ခြင်းအတွက် နောင်တမရခဲ့သလို လမ်းခွဲခြင်းအတွက်လည်း နောင်တမရပါ။
နောင်တမရခဲ့ပါဘူးမောင်ရယ်။

About A mar nyo

A mar nyo has written 6 post in this Website..