“ကျနော်ဓါတ်ဖမ်းသမား” (၅)

(ဓါတ်ဖမ်းသူနဲ့ဓါတ်ကြည့်သူ)

1 ပြန်မရနိုင်တော့တဲ့ထုံးသင်္ကန်းနဲ့ကောင်းမူတော်စေတီ

1 ပြန်မရနိုင်တော့တဲ့ထုံးသင်္ကန်းနဲ့ကောင်းမူတော်စေတီ

အရင်က ဓါတ်ပုံတွေဘာလို့မတင်ကြသလဲဆိုတာကတော့ နှစ်ချက်ရှိပါတယ်။

ပထမ အချက်က ဖေစ်ဘုတ်ဆိုတာ ရှယ်ချင်သလိုရှယ် လုပ်ချင်သလိုလုပ်လို့ရတဲ့နေရာဖြစ်နေပါတယ်။

ဓါတ်ပုံတစ်ပုံဆိုတာက  အချိန် ၊ငွေကြေး၊ဖန်တီးမူ့အတတ်ပညာနဲ့စိတ်ခံစားမူ့ တို့ပေါင်းစပ်မှရလာနိုင်တဲ့

အနုပညာပစ္စည်းတစ်ခုဖြစ်ပါတယ်။

အဲတော့ ကိုယ်အပင်ပန်းခံရိုက်ထားတဲ့ ပုံလေးတစ်ပုံကို အလွယ်တကူ ယူပြီး

ကိုယ့် နာမယ်ကိုယ် ခပ်တည်တည်ပြန်ရေးတဲ့သူတွေ လက်ထဲရောက်သွားမှာကိုတော့

ဘယ်ဓါတ်ဖမ်းသူမှ အဖြစ်မခံချင်ပါဘူး။

အဲတော့ ဓါတ်ဖမ်းဆရာအစစ်တွေက ဖေစ်ဘုတ်မှာ ပုံမတင်ကြပါဘူး။

ဒုတိယအချက်က ပြိုင်ပွဲ ၀င် မ၀င် ဆိုတာနဲ့ဆိုင်ပါတယ်။

ကျနော်သိသလောက် ဟိုအရင်က ဓါတ်ဆရာကြီးများက

ကိုယ်ဓါတ်ဖမ်းခဲ့တဲ့ နေရာကို အလွယ်တကူပြလေ့မရှိပါဘူး။

ပြိုင်ပွဲဝင်ဓါတ်ပုံဆိုတာ သူများထက် ထူးနေ သာနေဘို့ လိုတယ်လေ။

ဒီတော့ ပြိုင်ပွဲဝင်မယ့် ဓါတ်ပုံ ကို လူတွေကြားမှာအလွယ်တကူချမပြဘူး။

မြင်ဘူးတွေ့ဘူးပြီးသား ပုံဆိုရင် အကဲဖြတ်မယ့် ဒိုင်ရဲ့စိတ်ကို ဆွဲဆောင်နိုင်မှာမဟုတ်ဘူးလို့

ယူဆထားကြလို့ပါဘဲ။

ဒီတော့ပြိုင်ပွဲဝင်မယ်စိတ်ကူးရှိသူက ဖေစ်ဘုတ်မှာ ပုံ မတင်ပါဘူး။

တကယ်လို့ များ တင် ခဲ့ ရင်လဲ သူ သိပ်စိတ်တိုင်းမကျတဲ့ပုံကို သာတင်ကြပါတယ်။

သူကြိုက်တဲ့ ပြိုင်ပွဲဝင်မယ် ဆုံးဖြတ် ထားတဲ့ ပုံတွေကို မတင်ဘဲ

“ဥ” ထားတတ်ကြပါတယ်။

ကျနော်တို့လို ရိုက်သမျှတင်သူတွေကတော့ ဘာမှ ဥ ထားစရာမလိုသလို

ဥ ထားစရာလဲမရှိတော့ အကုန် တင်တာပါဘဲ။

အဲလို တင်ချင်သလိုတင်တဲ့အခါမှာတော့ ဓါတ်ပုံဂရုလေးတွေက

အက်ဒမင်တွေက တစ်ရက် ဘယ်နှစ်ပုံထက် ပိုမတင်ရ ဆို ပြီး ကန့်သတ်ယူ

ရတဲ့ အထိက တင်အားကောင်းကြပါတယ်။

ကျနော်အထင် ၂၀၁၂ ခုနှစ်က မြန်မာပြည်အနေနဲ့ဖေစ်ဘုတ်မှာ

ဓါတ်ပုံ ဂရုလေးတွေ အားကောင်းမောင်းသန်နဲ့ဝင်လာကြတယ်လို့

ထင်မိပါတယ်။

2 ထန်းညီနောင်က လဲ တစ်ပင် မရှိတော့ဘူး

2 ထန်းညီနောင်က လဲ တစ်ပင် မရှိတော့ဘူး

ကော်နက်ရှင်ကလဲ အရင်ကထက်စာရင် ကောင်းတော့

ကိုယ့်ဝေါပေါ်မှာလဲ စိတ်တိုင်းကျတင်လို့ရ။

တယ်လီဖုန်းဈေးတွေက လဲ ကျလာတော့ လူတိုင်း လက်ကိုင်ဖုန်း  ကိုင်နိုင်ပါတယ်။

ဒီတော့ လူတိုင်းနီးပါး ရောက်တဲ့နေရာမှာ ဓါတ်ပုံရိုက်လာနိုင်ပါတယ်။

ရိုက်ပေးမယ့်သူ့မရှိလဲ ကိုယ့်ဘာသာကိုယ်ရိုက်လို့ရတဲ့ဖန်ရှင်တွေပါလာပါတယ်။

ဒီတော့ ဖေစ်ဘုတ်မှာ ဓါတ်ပုံတွေ လူတိုင်းနီးပါးတင်လာကြပါတယ်.။

အရင်ကရုံးမှာ အိမ် မှာ အင်တာနက်ချိတ်ထားမှသား သုံးလို့ရပါတယ်။

အခုတော့ လက်ကိုင်ဖုန်းနဲ့အင်တာနက်ချိတ်ထားလို့ ရနေတော့

အချိန်မရွေးနေရာမရွေး အွန်လိုင်းဝင်လို့ ရနေပါတယ်။

နောက်တစ်ချက်က မန္တလေးမြို့မှာ လက်ဖက်ရည်ဆိုင်တော်တော်များများမှာ ၀ိုင်ဖိုင်လွှင့်ပေးပါတယ်။

ဟိုးအရင်က မန်းလေးမှာ လက်ဖက်ရည်ဆိုင်ဖွင့်မယ်ဆိုရင် စလောင်းရှိမှ ပရီးမီးယားလ်ိဂ်

ဘောလုံးပွဲပြမှ ဆိုင်လူစည်ပါတယ်။

အခုနောက်ပိုင်းမှာတော့ ၀ိုင်ဖိုင်ရှိမှ လက်ဖက်ရည်ဆိုင်လူစည်ပါတယ်။

နောက်ကိုယ့်နေတဲ့အလုပ်နားအိမ်နားမှာ ဟိုတယ်တွေအင်းတွေရှိရင်လဲ

ကိုယ်က ၀ိုင်ဖိုင်ကပ်သုံးလို့ရပါတယ်။

ဒီတော့ ဖေစ်ဘုတ်သုံးတဲ့လူ အရည်အတွက်များလာသလို ဓါတ်ပုံချစ်သူတွေလဲ များလာပါတယ်။

အဲတော့ ဖေစ်ဘုတ်ပေါ်မှာတစ်ရက် တစ်ရက် တင်လိုက်တဲ့

ဓါတ်ပုံတွေ “နဲဘူးကြီး” လို့တောင်ဆိုနိုင်ပါတယ်။

ဟိုးလွန်ခဲ့တဲ့ နှစ်များစွာက လမ်းဘေးမှာရပ်ပြီးဓါတ်ပုံရိုက်ဘို့ဆိုတာ သာမန်လူတစ်ယောက်အဖို့

မလွယ်လှပါဘူး။

3 မန်းလေးက ကျုံးနံဘေးဘက ပန်းခြံ မန်းသီတာဥယျာဉ်ဆိုင်းဘုတ်

3 မန်းလေးက ကျုံးနံဘေးဘက ပန်းခြံ မန်းသီတာဥယျာဉ်ဆိုင်းဘုတ်

ကန့်သတ်ချုပ်ချယ်မူ့ တွေများလှတဲ့ မြန်မာပြည်ရဲ့ အုပ်ချုပ်မူ့အောက်မှာ

ဓါတ်ပုံရိုက်တာလဲပြဿနာတစ်ခုလိုဖြစ်နေလို့ပါဘဲ။

ဟိုနေရာဓါတ်ပုံမရိုက်ရ ဒီနေရာမှာဓါတ်ပုံမရိုက်ရ ကန့်သတ်ချက်တွေများလှသလို

တစ်ခါတစ်ခါ ကံမကောင်းရင်ခေါ်ပြီးစစ်တာရစ် ခံရတတ်ပါတယ်။

အခုနောက်ပိုင်းမှာတော့အရင်ကထက်စာရင် နေရာအတော်များများမှာဓါတ်ပုံရိုက်လို့

ရသွားတယ်ဆိုတော့ ဓါတ်ဖမ်းသမားများစိတ်ပေါ့ပါးစွာနဲ့ဓါတ်ဖမ်းလို့ရလာပါတယ်။

အခုနောက်ပိုင်းမှာတော့ ကင်မရာ အကြီးအလတ်အငယ်နဲ့ဓါတ်ဖမ်းသူရော

ဖုန်းနဲ့ဓါတ်ဖမ်းသူကိုပါ နေရာအနှံ့မှာတွေ့လာရတော့ မြန်မာပြည်မှာ

ဓါတ်ချစ်သူတော်တော်များမှန်းသိရပါတယ်။

တကယ်တော့လဲ ဓါတ်ပုံတစ်ပုံဟာ အစားပြန်မရနိုင်တဲ့အချိန်တစ်ခုရဲ့

မပြောင်းလဲနိုင်တဲ့မှတ်တမ်းတစ်ခုပါဘဲ။

ဟိုအရင်က ရိုက်ခဲ့တဲ့ဓါတ်ပုံအဟောင်းလေးတစ်ပုံက

ကြည့်မိသူတစ်ယောက်အတွက် အတွေးတွေအများကြီးပေးနိုင်ပါတယ်။

ပျော်ရွှင်ကြည်နူးခြင်း

တမ်းတသတိရခြင်း

လွမ်းဆွမ်းကြေကွဲခြင်းစတဲ့ ရသတွေကိုပေးနိုင်စွမ်းရှိတာအမှန်ပါဘဲ။

ကျနော်ကင်မရာအသေးလေးနဲ့ ရိုက်လာတဲ့ပုံတွေတော်တော်များပါတယ်။

ရှမ်းလေးကျွန်းတောင်သမန်အင်း ရွှေကြက်ယက် အင်းဝ စစ်ကိုင်းတောင် အောင်ပင်လယ်

ဂေါဝိန် ကျွဲစွန်း မရမ်းခြံ စတဲ့ ဧရာဝတီမြစ်ကမ်းနံဘေးနေရာအနှံ့ပါဘဲ။

ကျနော်ဓါတ်ပုံရိုက်မှန်းသိတော့ နယ်ကလာတဲ့ ဓါတ်ဖမ်းဆရာတွေ

မန်းလေးကိုလာရင်လဲ လိုက်ပို့ပေးရတော့ မရောက်တဲ့နေရာခပ်ရှားရှားပါဘဲ။

နောက် မန်းလေးမှာရှိတဲ့မိတ်ဆွေများကလဲ အဖိတ်နေ့ရောက်ပြီဆိုတာနဲ့

“ကိုပေါက် နက်ဖြန်ဘယ်သွားမှာလဲ” ဆို ပြီးချိန်းကြပါတယ်။

မနက်စောစောထသွားတဲ့အခါသွား

ညနေစောင်းသွားတဲ့အခါသွား

အဲလိုသွားကြ လာကြ နဲ့ပျော်စရာအတော်ကောင်းခဲ့ပါတယ်။

ကျနော်နဲ့အတူသွားတာများသူကတော့ ကိုစိန်သော့

ကျနော်ချစ်သောမြို့  နဲ့ တောင်သမန်အင်းပိုင်ကြီးတို့ပါဘဲ။

ကျွန်တော်နဲ့တွဲပြီးဓါတ်ပုံရိုက်ကြသူအားလုံးက ကင်မရာအကြီးကိုင်ကြပါတယ်။

ကျနော်ကတော့ လက်စွဲတော် ကင်နွန်ပေါက်စနလေးနဲ့ ရိုက်တာပေါ့။

ဒါပေမယ့် လည်း အတူသွားကြတဲ့လူတွေအားလုံးက

ကျနော်ကင်မရာအသေးကိုင်လို့ ဆိုပြီး နှိမ့်ချတာ ခွဲခြားတာမျိုးမရှိခဲ့တာအမှန်ပါဘဲ။

နေရာတစ်ခုရောက်ပြီဆိုရင် ကိုယ့် အမြင် ကိုယ့်အတွေး နဲ့ ကိုယ့်စိတ်ကြိုက်ရိုက်ကြ။

ရိုက်ပြီးနှက်ပြီးလို့ လက်ဖက်ရည်ဆိုင်မှာနားကြပြီဆိုမှ သူ့ပုံ ကိုယ့် ပုံ အပြန်အလှန်ပြကြပါတယ်။

အဲဒီအခါမှာ ကျနော့်ကင်မရာအသေးနဲ့ရိုက်တဲ့ပုံတွေက သူတို့ပုံတွေလောက်ကြည်လင်

ပြတ်သားမူ့ မရှိတာကို သွားတွေ့ရပါတယ်။

5အဖော်မဲ့သွားတဲ့ထန်းပင်

5အဖော်မဲ့သွားတဲ့ထန်းပင်

ကိုစိန်သော့  ကိုဒီအကြောင်းပြောမိတဲ့အခါ

သူပြောတာ သိပ်ရှင်းပါတယ်။

“ကင်မရာအကြီးနဲ့အသေးရဲ့ စွမ်းဆောင်မူ့ခြင်းကွာတော့ ပုံထွက်လဲကွာမှာအမှန်ပါဘဲ”တဲ့။

ဒီတော့ ကျနော်စိတ်ထဲမှာ ကင်မရာ အကြီးလိုချင်တဲ့စိတ်က ပြင်းပြလို့လာပါတယ်။

အကြီးနဲ့သာဆိုရင် ငါ့ ပုံတွေဒီထက်လှမှာလို့ စိတ်ထဲမှာအမြဲထင်နေမိပါတယ်။

တိုက်ဆိုင်စွာဘဲ ၂၀၁၃ ခုနှစ်ကုန်ခါနီးမှာတော့ ကျနော် ကင်မရာအကြီးနဲ့

ရေစက်ဆုံဘို့ အတွက် လမ်းစပေါ်လာပါတော့တယ်။

5ရွှေအဆင်းနဲ့ကောင်းမူ့တော်

5ရွှေအဆင်းနဲ့ကောင်းမူ့တော်

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး

2-6-2015

 

 

ကိုပေါက်(မန္တလေး)

About ကိုပေါက်(မန္တလေး)

ko pauk mandalay has written 1570 post in this Website..

အတွေးပါးပါးလေးကနေ ထူသွားပြီထင်တော့ အရင်လောက်တော့ စာမရေးဖြစ်တော့ဘူး။