ဒီမိုကရေစီနိုင်ငံရေးတွင် မဏ္ဍိုင်ကြီး၃ရပ်ဟူသည်ရှိသင့်၏။
ရှေးဂရိခေတ်မှသန္ဓေတည်စခဲ့ကာ ၁၇ရာစုပြင်သစ်ပြည်တွင်ပုံသဏ္ဍန်တိကျပေါ်လာသည်။ ထိုမှ ယခုခေတ်ကာလတွင်အအောင်မြင်ဆုံးသော ဒီမိုကရေစီနိုင်ငံကြီးများက မိမိဇာတိပုညတို့နှင့်လိုက်ဖက်ညီအောင်ပြုစုကာကျင့်သုံးနေကြပါသည်။

United States of America

အမေရိကပြည်ထောင်စုသည် အုပ်ချုပ်ရေးမဏ္ဍိုင် (သမ္မတနှင့် ဖယ်ဒရယ်ဝန်ထမ်း ၅သန်းမျှ)၊ ဥပဒေပြုရေးမဏ္ဍိုင်( လွှတ်တော်အမတ်တို့၏စိနိတ်နှင့်ကွန်ဂရက်)၊ တရားစီရင်ရေးမဏ္ဍိုင်( တရားလွှတ်တော်ချုပ်) တို့ဖြင့် အပြန်အလှန်ထိန်းကျောင်းထောက်ပို့နိုင်သော အစိုးရဖွဲ့ထားပေသည်။ သမ္မတကို လူထုက တိုက်ရိုက်/သွယ်ဝိုက်တင်မြောက်သည်။
သမ္မတသည် စစ်တပ်၏အကြီးအကဲ Commander-in-chief ဖြစ်ကာ လွှတ်တော်မှတက်လာသော ဥပဒေကြမ်းတို့ကို ဗီတိုအာဏာသုံးပယ်ချနိုင်သည်။ ဥပဒေကဲ့သို့အာဏာတည်သောအမိန့်ထုတ်နိုင်သည်။
ဥပဒေပြုရေးမဏ္ဍိုင်သည် အုပ်ချုပ်ရေးမဏ္ဍိုင်၏ ရသုံးငွေဘက်ဂျက်ကို ဖြတ်တောက်၍ အစိုးရကိုပိတ်ပစ်လိုက်နိုင်သည်။လွှတ်တော်သည် အခြေခံဥပဒေကိုပြင်ဆင်နိုင်သည်။ ကော်မတီ/ကော်မရှင်ဖွဲ့ကာသမ္မတအပါအ၀င် နိုင်ငံသားမည်သူကိုမဆို ကြားနာစစ်ဆေးခွင့်ရှိ၏။ တိုင်းပြည်၏ အခွန်ဝင်ငွေ၊ ဘက်ဂျက်ငွေ၊ ရသုံးငွေတို့ကို ချုပ်ကိုင်စီမံနိုင်သဖြင့် လူထုကရွေးကောက်တင်မြောက်ထားသော လွှတ်တော်အမတ်တို့တွင် ငွေကိုင်အာဏာရှိနေခြင်းဖြစ်သည်။
သမ္မတက ရွေးချယ်ပေး၍ လွှတ်တော်မှအတည်ပြုပေးရသော တရားလွှတ်တော်ချုပ်မှ တရားသူကြီး ၉ယောက်သည် အခြေခံဥပဒေကိုကိုင်စွဲကာ အခြားမဏ္ဍိုင်များကို ထောက်ပြ အရေးယူနိုင်သည်။
၂၇ကြိမ်ပြင်ဆင်ထားသည့် နှစ်၂၀၀ကျော်အခြေခံဥပဒေကိုင်ဆွဲထား၍ ယခုထိအောင်မြင်လျှက်ရှိသော ကမ္ဘာ့စံပြအစိုးရလည်းဖြစ်နေသေး၏။ ၅၀ခုသော
ပြည်နယ်တို့ကိုလွတ်လပ်စွာအုပ်ချုပ်ခွင့်ပေးထား၍ ပြည်နယ်အုပ်ချုပ်ရေးမှုး(ဂါဗနာ)ကို ဆိုင်ရာလူထုကတိုက်ရိုက်တင်မြောက်သည်။ ပြည်နယ်တို့အား ခွဲထွက်လိုက ခွဲထွက်ခွင့်ပေးထားသည့်ဖယ်ဒရယ်စနစ်ဖြစ်သည်။
အမေရိကန်လူထုဦးရေ သန်း၃၂၀တွင် ဖယ်ဒရယ်ဝန်ထမ်းဦးရေ ရာခိုင်နှုန်း ၁.၆%မျှရှိသတည်း။

Republic of the Union of Myanmar

ပြည်ထောင်စုသမ္မတမြန်မာနိုင်ငံသည်လည်း ၂၀၀၈ အခြေခံဥပဒေအရ မဏ္ဍိုင်၃ရပ်နှင့်လည်ပါတ်အုပ်ချုပ်ပါသည်။ သို့သော် အုပ်ချုပ်ရေးမဏ္ဍိုင်ထဲတွင်
အမျိုးသားကာကွယ်ရေးနှင့်လုံခြုံရေးကောင်စီ(ကာလုံ) ရှိနေသည်။ ကာလုံတွင် သမ္မတ၊ ဒုသမ္မတ ၂ယောက်၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ ကာကွယ်ရေးဦးစီးချုပ်(ကာချုပ်)။ ဒုကာကွယ်ရေးဦးစီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီးတို့ဖြင့် ၁၁ယောက်ပါဝင်သည်။
ကာကွယ်ရေးဦးစီးချုပ်နှင့်သူကခန့်အပ်တာဝန်ပေးထားရသူ ပေါင်း၆ဦးပါ အဖွဲ့ပေတည်း။ လွှတ်တော်ကအတည်ပြုလာသည့်ဥပဒေမူကြမ်းကို ပယ်ချခွင့်ဗီတိုအာဏာ သမ္မတ၌မရှိသော်ငြား အခြေခံဥပဒေပြင်ဆင်ခြင်းပြုရာတွင်(၇၅%+၁)လွှတ်တော်အမတ်မဲလိုအပ်ပေရာ ကာချုပ်ကခန့်အပ်ရသည်ဆိုသော လွှတ်တော်အတွင်းရှိ တပ်မတော်သားကိုယ်စားလှယ် ၂၅%သည် ဗီတိုပါဝါရထားသည့်နှင့်သဘောတူနေပါသည်။ သမ္မတသည် လက်နက်ကိုင်တို့၏ဦးစီးချုပ် Commander-in-chief မဟုတ်။ သို့ကြောင့် တိုင်းပြည်အရေးပေါ်အခြေအနေတွင် ဖြစ်သော် ကာလုံနှင့်တိုင်ပင်လျှက် ကာချုပ်ကိုတိုင်းပြည်အာဏာအပ်ရမည်ဟူ၏။ လက်ရှိ၂၀၀၈ အခြေခံဥပဒေအရ နိုင်ငံအကြီးအကဲအာဏာစစ်စစ်သည် ကာချုပ်တွင်သာရှိသည်။
ပြည်နယ်ဝန်ကြီးချုပ်တို့ကို သမ္မတမှတိုက်ရိုက်ခန့်အပ်တာဝန်ပေး၍ လူထုဦးရေ ၅၁သန်းတွင် တပ်မတော်အင်အား ၅သိန်းမျှရှိကာ အငြိမ်းစား တပ်မတော်သားများသည်လည်း အစိုးရ၀န်ထမ်းရာထူးကြီးများ။ လုပ်ငန်းရှင်ကြီးများအဖြစ် တိုင်းပြည်၏စီးပွားရေး၊ နိုင်ငံရေးတို့ကို ချုပ်ကိုင်ထားပေသည်။
တရားရေးမဏ္ဍိုင်တွင် ပြည်ထောင်စုတရားလွှတ်တော်ချုပ်ရှိ၍ တရားသူကြီး ၇ဦးမှ ၁၁ဦးအထိရှိနိုင်သည်ဆိုပါသည်။ ပြည်ထောင်စုတရားလွှတ်တော်ချုပ်နှင့် သီးသန့်ဖြစ်သော လူ ၉ဦးပါ ဖွဲ့စည်းပုံအခြေခံဥပဒေဆိုင်ရာခုံရုံးဟူ၍ သမ္မတက ၃ဦး၊ လွှတ်တော်၂ရပ်၏ဥက္ကဋ္ဌတဦးစီက ၃ဦးစီဟုဖွဲ့စည်းထားကာ အခြေခံဥပဒေနှင့်ပါတ်သက်သည်များကို ကိုင်တွယ်မည်ဟုဆိုပါသည်။
မဏ္ဍိုင်၃ရပ်အား အပြန်အလှန်ထိန်းကျောင်းထားမှု အားနည်းနေသည်ကိုတွေ့ရပြီး သမ္မတအမိန့်၊ လွှတ်တော်၏ ဥပဒေပြုမှုတို့ကို ကာချုပ်ကမနာခံလျှင် အရေးယူဆောင်ရွက်ရန်အခွင့်အာဏာမရှိသလို လူထုကတင်မြောက်ထားသော လွှတ်တော်အမတ်တို့တွင်လည်း ဘက်ဂျက်ငွေကို ချုပ်ကိုင်စိစစ်ခွင့်မရသဖြင့် လွှတ်တော်နှင့် တရားရေးသည် Checks and Balances အားနည်းနေသည်ကိုတွေ့ကြရမည်။

ဖယ်ဒရယ်

ကမ္ဘာနိုင်ငံရေးစနစ်တွင်တိုင်းပြည်၏ ကောင်းကျိုးဆိုးမွေ စီမံခန့်ခွဲရေးကိုတိုက်ရိုက်တာဝန်ရှိသည်မဏ္ဍိုင်မှာ အုပ်ချုပ်ရေးဖြစ်သည်။ သမ္မတသည် ၀န်ကြီးအဖွဲ့(ကက်ဘိနက်)ကို စိတ်ကြိုက်ဖွဲ့စည်းခွင့်ရသည်။ ဖယ်ဒရယ်ဝန်ထမ်းများသည် သမ္မတအတွက် အလုပ်လုပ်ပေးရသည်။
သို့သော်ဖယ်ဒရယ်စနစ်ကိုအသားကျပြီးသည် ယူအက်စ်လိုနိုင်ငံတွင် သမ္မတသည် ပြည်နယ်အသီးသီးရေးရာများကို တိုက်ရိုက်တာဝန်မခံ၊ ၀င်စွက်ဖက်ရန်အခွင့်အာဏာသည်မရှိ။
သာဓကအနေဖြင့် လွန်ခဲ့သော ၁၀လက လူမည်းလူငယ် ဘရောင်းနှင့်ရဲတပ်ဖွဲ့ကိစ္စမှစသော ဖာဂူဆန်မြို့အဓိကရုန်းများတို့တွင် သမ္မတနှင့်ဖယ်ဒရယ်အစိုးရမှတိုက်ရိုက်ဝင်စွက်ဖက်ခြင်းငှာမစွမ်းနိုင်။ ပြည်နယ်တို့တွင်ကိုယ်ပိုင်ပြဌာန်းဥပဒေများလည်ှးရှိနေပေရာ အဆိုပါဥပဒေတို့သည် ဖယ်ဒရယ်ဥပဒေနှင့်လည်း (အခြေခံဥပဒေနှင့်မငြိစွန်းသမျှ) လွတ်လပ်ခွင့်ရနေပေသည်။ ပမာဆိုရပါလျှင် ဆေးခြောက်ရောင်းဝယ်သုံးစွဲခြင်းကို ဖယ်ဒရယ်မှ တရားဝင်ခွင့်ပြုခြင်းမရှိသော်ငြား ပြည်နယ်အချို့တွင် တရားဝင်ဖြစ်နိုင်သည်။ ပြည်နယ်တို့တွင် ဂါဗနာကတိုက်ရိုက်အုပ်ချုပ်ရသောသီးခြားလက်နက်ကိုင်တပ်ရှိသလို ရဲတပ်ဖွဲ့သည်လည်း သူ့အားလစာထုတ်ပေးထားသောဆိုင်ရာပြည်နယ်၊ မြို့နယ်ကိုသာ သစ္စာခံသည်။
အမေရိက၏ နိုင်ငံရေးစနစ်အရ ပြည်နယ်တခု၏အရေးကိုလည်း အခြားပြည်နယ်က တိုက်ရိုက်ဝင်ရောက်စွက်ဖက်ဝေဖန်ခြင်းငှာမပြုနိုင်၊ တိုင်းပြည်တခုစီကဲ့သို့သဘောထားကာ သဘောတူလက်မှတ်ထိုးထားသော ဖယ်ဒရယ်ဥပဒေများအရသာ ဆောင်ရွက်ကြရ၏။ United Statesအဓိပ္ပါယ်မှာ တိုင်းပြည်တို့အားစုစည်းတည်ထောင်ထားကြခြင်းမဟုတ်ပါလား။

မြန်မာသမ္မတသည် ဥပဒေကဲ့သို့အာဏာတည်သောအမိန့်ကို အချိန်အတိုင်းအတာတခုတွင်ထုတ်နိုင်သည်။ ကာလုံနှင့်တိုင်ပင်၍ လုပ်နိုင်သည့်အာဏာများစွာလည်းရှိသည်။
တိုင်းဒေသကြီး သို့မဟုတ် ပြည်နယ်ဝန်ကြီးချုပ်အဖြစ်အားခန့်ထားခြင်းကို ဆိုင်ရာပြည်နယ်လူထုကရွေးကောက်ခြင်းမဟုတ်မူပဲသမ္မတက ပြုရသည်။
ဖယ်ဒရယ်စနစ်ကို မူလပြုအသက်သွင်းလိုလျှင် လူထုက ပြည်နယ်၊ဒေသကြီးအချင်းချင်း ငြိမ်းချမ်းစွာ အတူယှဉ်တွဲနေထိုင်မှုကို ကောင်းစွာသိနားလည်ရမည်။ သို့ဆိုပါလျှင် ဧရာဝတီမြစ်ဆုံဆည်အရေး၊ လက်ပံတောင်းတောင် ၊ ဘင်္ဂလီ၊ ၀နှင့်လောက်ကိုင်ကိစ္စတို့တွင် အဓိကတာဝန်ခံဖြေရှင်းရမည့်သူမှာ ဆိုင်ရာနယ်လူထုနှင့်ပြည်နယ်ဝန်ကြီးချုပ်ဖြစ်ရလိမ့်မည်။ အခြားပြည်နယ်သားများနှင့် ပြည်ထောင်စုအစိုးရက ဆိုင်ရာဒေသ၏လူထုသဘောထားနှင့်လုပ်ပိုင်ခွင့်ကို ဦးစားပေးအလေးထားရပေမည်။

စတုတ္ထမဏ္ဍိုင်

လက်ရှိမြန်မာပြည်အခြေအနေအရ အစိုးရမဏ္ဍိုင်အားလုံး(အားလုံး)တို့တွင် အာဏာကိုင်ထားသူများသည် ပြည်ခိုင်ဖြိုးပါတီတခုတည်းမှဖြစ်နေကာ ပါတီဝင်အဖြစ်တိုက်ရိုက်ဆက်စပ်မှုရှိသည့်အပြင် စစ်သားဟောင်းကြီးများဖြစ်ကြ၏။ သမ္မတဦးသိန်းစိန်(ကြည်း ၁၁၂၅၂)၊ လွှတ်တော်နာယက သူရဦးရွှေမန်း(ကြည်း ၁၁၅၃၄)၊ တရားသူကြီးချုပ်ဦးထွန်းထွန်းဦး(ကြည်း ၁၅၅၅၇)တို့အပါအ၀င် လက်ရှိအစိုးရမဏ္ဍိုင်အားလုံးအားလွန်စွာခိုင်မြဲသော သွေးသောက်ညီနောင်များအဖြစ် ဖွဲ့ချည်ထားသော ကြိုးရှိနေကာ အဆိုပါဘွဲ့ချည်ကြိုးသည် မြန်မာ့တပ်မတော်မှလာသည်။ သို့ဆိုသော် မြန်မာ့တပ်မတော်သည် တိုင်းပြည်၏ အာဏာအရှိဆုံးစတုတ္ထမဏ္ဍိုင်ဖြစ်နေသည်ဟုဆိုပါလျှင် ငြင်းဝံ့ပါသလော။

ပဉ္စမမဏ္ဍိုင်

ကမ္ဘာနှင့်မတူ X၀င်ထူးခြားသည်မှာ ကျေးရွာ၊ရပ်ရွာ အခြေခံအဆင့်အုပ်ချုပ်ရေးသြဇာကို ရှေးအစဉ်အလာအရ ထေရာဝါဒဘုန်းတော်ကြီးများထံတွင်လူထုက ဓလေ့ထုံးစံယဉ်ကျေးမှုခေါင်းစဉ်ဖြင့်အပ်နှံထားခြင်းဖြစ်သည်။ အခြေခံပညာရေးစနစ်သည်လည်း မြန်မာ့သမိုင်းအစဉ်အဆက် ဘုန်းတော်ကြီးများထံတွင်သာကိုင်တွယ်ဖန်တီးခွင့်(အများစု)ရှိပေသည်။ ဘုန်းတော်ကြီးအင်အားမှာ ၅သိန်းကျော်ရှိပါသတည်း။ လူထုက စားဝတ်နေရေးထောက်ပံ့လှူတန်းထားသော သီလရှင်နှင့် ကပ္ပိယ ဘာသာရေးဆက်စပ်မိသားစုများပါထည့်တွက်လျှင် ဦးရေ ၁သန်းမကရှိလိမ့်မည်ထင်သည်။ သာသနာ့ဝန်ထမ်းများ မဲပေးခွင့်ကားမရှိ၊ လူတို့ဥပဒေနှင့်ကင်းလွတ်၍နေရ၏။ ပဉ္စမမဏ္ဍိုင်ဟုဆိုပါလျှင် မှားမည်လော။

၆ပွင့်ဆိုင်သာအဓိက

သာမန်အတိုင်းဆက်သွားကြလျှင် လာမည့် အောက်တိုဘာ/နိုဝင်ဘာရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(ဒီချုပ်)သည် လွှတ်တော်အမတ်အများစုနေရာကိုလက်ခံသိမ်းပိုက်ပါလိမ့်မည်။
၂၀၀၈အခြေခံဥပဒေအရ လွှတ်တော်၂ရပ်နှင့် တပ်မတော်သားကိုယ်စားလှယ်တို့မှ ဒုတိယသမ္မတ၁ဦးစီ ပေါင်း ၃ဦးရွေးကောက်တင်မြောက်လျှက် ထိုထဲမှ လွှတ်တော်၂ရပ်ပေါင်းအမတ်များကသမ္မတအဖြစ်မဲခွဲရွေူးကောက်ပေးရမည်ဖြစ်လေရာ နိုင်ငံတော်သမ္မတအား လူထုမဲဆန္ဒများဖြင့်ရွေးထားသောအမတ်များက ဆန္ဒမဲပေးရွေးချယ်သည့်သဘောဖြစ်၍ ဒီမိုကရေစီစနစ်ကျသည်ဆိုနိုင်မည်။

ဒုသမ္မတတို့သည် အခြေခံဥပဒေကပြဌာန်းထားသော အရည်အချင်းများနှင့်ပြည့်စုံချင်းရှိမရှိကို စိစစ်ပေးရမည့်သူများမှာ လွှတ်တော်၂ရပ်၏ ဥက္ကဌနှင့် ဒုဥက္ကဌများဖြစ်ကြပေရာ ထိုအချက်သည်စိတ်ဝင်စားဖွယ်ပင်။

ဒေါ်အောင်ဆန်းစုကြည်သည် စိန့်ပြည်ကွန်မြူုနစ်ပါတီ၏ဖိတ်ခေါ်ချက်အရ China သို့ ၅ရက်ကြာအလည်အပါတ်သွားခဲ့သည်။ ထိုဇွန်လ ၁၀နေ့တွင်ပင် အခြေခံဥပဒေကိုပြင်ဆင်သည့် ဥပဒေကြမ်း၂ခုကို ပြည်ခိုင်ဖြိုးအမတ်မှ လွှတ်တော်တင်လိုက်ပေရာ ထိုပြင်ဆင်ချက်တွင် ဒေါ်အောင်ဆန်းစုကြည်သမ္မတဖြစ်ခွင့်ကို အထူးပိတ်ပင်ထားသော ပုဒ်မ ၅၉(စ)အား ဖြုတ်ပယ်ထားခြင်းမရှိသေးပေ။
သို့သော် မေလကကျင်းပခဲ့ပြီးသော ၆ပွင့်ဆိုင်ဆွေးနွေးပွဲကိုမူ ပြန်လည်ကျင်းပဦးမည့် သတင်းများထွက်လာပါသည်။
၆ပွင့်ဆိုင်တွင် သမ္မတ၊ ပြည်သူ့လွှတ်တော်ဥက္ကဌ၊ အမျိုးသားလွှတ်တော်ဥက္ကဌနှင့် ကာကွယ်ရေးဦးစီးချုပ်ဖြစ်သောလေးပွင့်သည် တပ်မတော်သား(ဟောင်း)များဖြစ်နေကြကာ ကာလုံနှင့် သမ္မတအရည်အချင်းစိစစ်ရေးအဖွဲ့ဝင်များလည်း၍ဖြစ်နေကြ၏။ ၆ပွင့်ဆိုင်တွင်ညှိကြလျှက် လာမည့်ရွေးကောက်ပွဲတွင် ခြေဥပြင်ဆင်ချက်အတွက်ပါ ပြည်လုံးကျွတ်မဲဆန္ဒရယူဆုံးဖြတ်နိုင်ကြပါလျှင် အချိန်ကုန်ငွေကုန်သက်သာကိန်းဆိုက်သွားမည်ယူဆပါသည်။

မီးစိမ်းပြ

ဒေါ်အောင်ဆန်းစုကြည်၏ စိန့်ပြည်ခရီးစဉ်ကို မဟာဗျူဟာကျကျဆွဲပေးထားသူမှာ ယခုမြန်မာအစိုးရဟုပင်ဆိုချင်ပါ၏။
ဒေါ်အောင်ဆန်းစုကြည် စိန့်ပြည်မသွားခင် တလကျော်မျှသာစောလျှက်သွားထားသူမှာ သူရဦးရွှေမန်းဖြစ်၍ ထိုမှအမေရိကားသို့ပင်ခရီးဆက်ထားခဲ့သည်။
အနောက်ဖက်ယိမ်းသည်ဟု စွတ်စွဲခံနေရသောဒေါ်အောင်ဆန်းစုကြည်၏ ဒီချုပ်ပါတီအာဏာအချို့ရလာလျှင် မည်သည်/မည်သို့ဖြစ်မည်နည်းကို အသိချင်ဆုံးသူတို့မှာ စိန့်ပြည်၏ကွန်မြုနစ်ပါတီကိုယ်၌သာမက ယခုအာဏာရအစိုးရလည်းဖြစ်လိမ့်မည်။
မြန်မာပြည်တွင်း စိန့်ပြည်၏ရင်းနှီးမြုတ်နှံထားမှုတို့ကို မည်သို့ကိုင်တွယ်မည်နည်း။
နယ်စပ်ကုန်သွယ်ရေး၊ စစ်ရေး၊ နယ်ဆက်စပ်တိုင်းရင်းသားအရေးများကို မည်သို့ဖြေရှင်းမည်နည်း။
တောင်တရုတ်ပင်လယ်အရေးတွင် ဘယ်သို့ရပ်တည်ပေးမည်နည်း။
အမေရိကတပ်အခြေစိုက်စခန်းတို့ကိုခေါ်သွင်းလာမည်လော
မြန်မာ့တပ်မတော်နှင့်ရင်းနှီးဆက်ဆံမှုရှိထားသော ရုရှားအားမည်သို့သဘောထားသနည်း။
ဒေါ်စုအား စိန့်ပြည်မှပေးလိုသည်မှာ မီးစိမ်းလေလော၊ မီးနီလော။

မီးစိမ်းကားလင်းခဲ့ဟန်ရှိသည်။ မည်သို့ဆိုစေ။ တကယ်ပြုပြင်ပြောင်းလဲရေးကို လုပ်လိုမြင်လိုလျှင် အတိုက်အခံပါတီတို့သည် လွှတ်တော်ခုံနေရာများကို တောင်ပြိုကမ်းပြို ယခင်၁၉၉၀ကဲ့သို့နိုင်မှဖြစ်ပေလိမ့်။
ထိုသို့နိုင်လေဦး ကာချုပ်ကို ခလုပ်တိုက်ကျော်သွား၍ကားမရ၊ ညှိကာညှိ၍လုပ်ကြရမည်။ အာဏာချိန်ခွင်လျှာခွင့်တူညီမျှထိန်းလိုလျှင်ကား သာသနာ့ဝန်ထမ်း ဘုန်းတော်ကြီးများနှင့် ဒီချုပ်ပါတီ လိုက်လျှောညီထွေ အဆင်ပြေရပေဦးမည်။ တပ်မတော်ကို Checks and Balances လုပ်နိုင်သည်မှာ ထေရာများ၏ ပဉ္စမမဏ္ဍိုင်သာလျှင်ဖြစ်သည် ဟူလို။
အဖမြန်မာတိုင်းပြည်၏ကြမ္မာနှင့် ရဟတ်လည်ခြင်းသည် လူထု၏အမြင်ကျယ်မှုနှင့် မိုးနတ်မင်းကြီးထံတွင်သာရှိသည်ဟု ပြောလိုပါကြောင်း..။
ရွေးကြပါလင့်။ ရွေးပါလင့်။
km 12

kai

About kai

Kai has written 854 post in this Website..

Editor - The Myanmar Gazette || First Amendment – Religion and Expression - Congress shall make no law respecting an establishment of religion, or prohibiting the free exercise thereof; or abridging the freedom of speech, or of the press; or the right of the people peaceably to assemble, and to petition the Government for a redress of grievances.