၂၀၁၅ ဆီဂိမ်းဘောလုံး ပြိုင်ပွဲကြီးကား ပြီးဆုံးသွားခဲ့ပြီဖြစ်ပြီး မြန်မာယူ-၂၃ အသင်းမှာ ဒုတိယငွတံဆိပ်နှင့် ကျေနပ် ခဲ့ရပြီဖြစ်သည်။

၈ နှစ်အတွင်း ဆီးဂိမ်းဗိုလ်လုပွဲသို့ ပထမဆုံးအကြိမ် ပြန်လည်ရောက်ရှိ လာခဲ့သည့်

မြန်မာယူ-၂၃ အသင်းအတွက် ပြည်တွင်းပြည်ပမှ မြန်မာတိုင်းက ချီးကျူးခဲ့ကြပြီး

ဗိုလ်လုပွဲတွင် အနိုင်ရစေရန် လှိုက်လှိုက်လှဲလှဲ အားပေးခဲ့ကြသည်။

သို့သော် မြန်မာယူ-၂၃ အသင်းမှာ စနစ်တကျရွေးချယ်စုစည်း လေ့ကျင့်ထားခဲ့သည့် ထိုင်းယူ-၂၃ ကို မယှဉ်သာပဲ

ဝး၃ ဖြင့်အရှုံးပေးခဲ့ရသည်။ မြန်မာယူ-၂၃ ရှုံးနိုမ့်ခဲ့ခြင်းအတွက် စိတ်မကောင်းဖြစ်ရသော်လည်း

ထိုရွေးကျအသင်းအတွက်ကိုမူ များစွာဂုဏ်ယူမိပါသည်။

ရွေးကျအသင်းဟု အဘယ်ကြောင့် ဆိုရသနည်း။

မြန်မာကအိမ်ရှင်အဖြစ် လက်ခံကျင်းပခဲ့သည့် AFC ယူ-၁၉ ပြိုင်ပွဲတွင် မြန်မာယူ-၁၉ ကဆီမီးအထိရောက်ခဲ့သဖြင့် ဖီဖာယူ-၂၀

ကမ္ဘာ့ဖလားပြိုင်ပွဲသို့ ၀င်ရောက်ယှဉ်ပြိုင်ခွင့် ရခဲ့သည်။

ထိုပြိုင်ပွဲသည် ၂၀၁၅ မေလကုန်နှင့် ဇွန်လဆန်းတို့တွင် ကစားရမည့်ပွဲဖြစ်ပြီး

ထိုကဲ့သို့ပထမဆုံး ၀င်ခွင့်ရခဲ့သော ကမ္ဘာ့အဆင့်ပြိုင်ပွဲအတွက် မြန်မာနိုင်ငံဘောလုံးအဖွဲ့ချုပ်က ဂျာမနီနည်းပြကိုငှား၍

ဥရောပနိုင်ငံများသို့သွားကာ လေ့ကျင့်ခြေစမ်းကစားစေခဲ့သည်။

ထိုအတူဇွန်လထဲတွင်ပင် ကစားရန်ရှိနေသည့် ၂၀၁၈ ကမ္ဘာ့ဖလားဝင်ခွင့်နှင့် ၂၀၁၉ AFC ဖလားဝင်ခွင့်အတွက်

မြန်မာ လက်ရွေးစင် အသင်းကြီးကိုလည်း အာဆီယံနိုင်ငံအသင်းများကို ကိုင်တွယ်ခဲ့ဘူးသည့်

ဆာဘီယားနည်းပြ လက်သို့အပ်၍ လေ့ကျင့်ထားစေခဲ့သည်။

ထိုအချိန်တွင် ၂၀၁၅ ဆီးဂိမ်းကလည်း ဇွန်လမှာပင် စောင့်ဆိုင်းလျက်ရှိနေပြန်သည်။

ထိုသို့သော အခါယူ-၂၃ ကိုမည်ကဲ့သို့ဖွဲ့စည်းခဲ့ပါသနည်း။

ယူ-၂၀ ကမ္ဘာ့ဖလားပြိုင်ပွဲဝင်မည့် အသင်းတွင် မပါခဲ့သူများ၊ လက်ရွေးစင် အသင်းကြီးတွင်လည်းမပါခဲ့သော

အပယ်ခံရွေးကျ ကစားသမားထဲမှသာ ရွေးချယ်ဖွဲ့စည်းခဲ့ခြင်း မဟုတ်ပါလား။

ရွေးချယ်ပြီးချိန်မှစ၍ အချိန် ၃ လခန့်သာရခဲ့ကာ စုစည်းလေ့ကျင့်ခွင့် ရခဲ့သည်မှာ ၁ လခန့်သာရှိခဲ့ပြီး

ပညာနှင့်အတွေ့အကြုံရစေမည့် အသင်းကောင်းများနှင့်လည်း ခြေစမ်းခွင့်မရရှိခဲ့ပေ။

ထို့အပြင် ပြည်တွင်းမှမြန်မာနည်းပြကိုသာ တာဝန်ပေးခဲ့သည်။ အမှန်အတိုင်းဆိုရပါက ဘောလုံးအဖွဲ့ချုပ်အနေနှင့်

ယူ-၂၃ အပေါ်တွင်လေးနက်မှု နည်းပါးခဲ့သည်မှာကား အမှန်ပင်

သို့သော် ထိုသို့သောရွေးကျအသင်းကပင် မထင်မှတ်ထားသည့် ဗိုလ်လုပွဲအထိ ရောက်အောင်လှမ်းသွားနိုင်ခဲ့သည်။

ယခုလက်ရွေးစင်အသင်းကြီးက ယူ-၂၃ အဖြစ်ကစားခဲ့သော ၂၀၁၃ ဆီးဂိမ်းတွင်အုပ်စုမှထွက်ရသည့် ရလဒ်ဆိုးကို

၂၀၁၅ ဆီးဂိမ်ဝင် ရွေးကျအသင်းက ချေဖျက်ပြနိုင်ခဲ့သည်။

ဤအချက်နှင့်ပင် ယူ-၂၃ ကိုချီးကျူးရမည်ဖြစ်သည်။

ယခု…….ယူ-၂၃ အတွက်ပြိုင်ပွဲကားပြီးဆုံးသွားခဲ့ပြီ ဖြစ်သည်။

သို့သော် အနိုင်လိုစိတ်နှင့် အသင်းလိုက် ကစားပုံကောင်းသည့် အသင်းကောင်း တစ်သင်းကို ပျက်မသွားစေလိုပါ။

လာမည့် …..ပြိုင်ပွဲများအတွက် ဆက်လက်စုဖွဲ့ထားမှသာ

လက်ရွေးစင်အသင်းကြီး ကစားသမားများ၏ နေရာသို့ ၀င်ရောက်အစားထိုး လာနိုင်မည်ဖြစ်သည့် အတွက်ပင်.

ယူ-၂၀ ကမ္ဘာ့ဖလားပြိုင်ပွဲဝင် အသင်းသည်လည်း နောင်လာမည့် ၂၀၁၇ ဆီးဂိမ်းအတွက် ယူ-၂၃ အသင်းအဖြစ်ကစားရမည် ဖြစ်သည်။

ထို့ကြောင့်…… အသင်းလိုက်နားလည်မှုရှိစွာ ကစားပြနိုင်ခဲ့သော သက်တမ်းအလိုက်အသင်း ၂ သင်းဖြစ်သည့်

ယူ-၂၀ နှင့် ယူ-၂၃ အသင်းများကို စဉ်းစားကာဆက်လက် မွေးမြူထားရမည်ဖြစ်သည်။

၂၀၁၃ ဆီးဂိမ်းတွင် ရွေတံဆိပ် ၈၄ ခုအထိရခဲ့သော မြန်မာအားကစားအဖွဲ့ အသီးသီးအတွက်

၁ နှစ်ခွဲခန့်အကြာ ၂၀၁၅ ဆီးဂိမ်းတွင် ရွှေတံဆိပ် ၁၂ ခုသာရတော့သည်မှာ အဘယ်ကြောင့်နည်း……?

မည်သည့် ကစားနည်းမဆို တစ်ပွဲတိုး ဆေးမြီးတိုနည်းများဖြင့် ခရီးမဆက်စေလိုတော့ပါ။

အထူးသဖြင့် ကစားနည်းများထဲတွင် လူတိုင်းစိတ်ဝင်တစား အားပေးကြသည့် ဘောလုံးကစားနည်းအတွက်

အဆင့်အတန်း တိုးတက်လာရေးမှာ ရေရှည် စီမံချက်ထား၍ ကြိုးပမ်း ရလိမ့်မည်ဖြစ်သည်။

ဤအချက်အတွက် မည်သူများထံတွင် တာဝန်ရှိနေပါသနည်း…..

ဤမေးခွန်းအတွက် အဖြေမှာခက်ခဲစွာ စဉ်းစားစရာမလိုကြောင်း အများအသိပင် မဟုတ်ပါလား….

ဆီးဂိမ်းပြိုင်ပွဲဝင် ငွေတံဆိပ်ဆုရ ယူ-၂၃ အသင်းကိုဂုဏ်ပြုလျက်……။

2

တောင်ပေါ်သား

About တောင်ပေါ်သား

တောင်ပေါ်သား 007 has written 199 post in this Website..