daw-suu-return

ရဲရဲနီတဲ့ သွေးစက်တို့ရဲ့ ရာဇဝင်

***************

တချို့အရှုံးတွေကို
အမေက . . .
”တည်ငြိမ်တဲ့ အပြုံး”နဲ့ ရင်ဆိုင်တယ်။

တချို့ အပြုံးတုတွေကိုတော့. . .
အမေက. . .
ငြိမ်းချမ်းတဲ့ နှလုံးသားနဲ့
တည်ကြည်စွာ ခံစားဆက်ဆံတယ်။

တချို့က ပြောတယ်. .  .
အမေ့အကြောင်း မကောင်းသတင်းတွေပေါ့. . .
ကဲ့ရဲ့တင်းဆို သတင်းပိုတဲ့စကားတွေက. . .
ဂုဏ်ရှိန်ကြီးမြင့်လှစွာသော အမေ့ကို ခြေလှမ်းတစ်ချက်တောင်မှ
မယိုင်နဲ့စေခဲ့ဘူး။

တခါတလေများ. . .
အမေ့ရပ်တည်ချက်နဲ့ သက်ရှင်ဖြစ်တည်မှုကို  အံ့သြမိတယ်. . .
အမေ့ခန္ဓာနဲ့ ဥာဏ်ပညာဟာ
ငါတို့အားလုံးအတွက်ပဲတဲ့လား. . .
အမေရယ်. . .
သိပ် ရိုးသားလွန်းလို့ ကမ္ဘာ့အလည်မှာ ဆန်းကြယ်နေတဲ့အမေ. . .

တခါတလေမှာတော့. . .
သားစားကျူးတဲ့ ကျားရဲတွေကြားက. . .
မောလျနွမ်းနယ်ဟန်တောင် မပြခဲ့ရှာတဲ့ အမေ့ကို. . .
လက်ဖျားခါမိတိုင်းပေါ့. . .
အမေနဲ့ထိုက်တန်သော ငြိမ်းချမ်းရာ. . .နေရာ. . .
အမေနဲ့ အပ်စပ်သော ကြီးမြတ်ရာ အဝန်းအဝိုင်း. . .
အမေ့အစွမ်းအစတို့ ပြသခွင့် ရနိုင်သော ရာထူး အာဏာတွေရှိရာသာ. . . သွားပါတော့ အမေရယ်လို့  …ပြောပစ်လိုက်ချင်တယ်အမေ. . .

တကယ်ပါ . . .တခါတရံမက. . . ခက်မာဖြောင့်မတ်တဲ့ အမေ့စိတ်ဓါတ်နဲ့ . . .
ပြတ်သားတဲ့ အမေ့ရပ်တည်ချက်. . .
ပြီးတော့. . .
ကိုယ်ကျိုးမတွက်တဲ့
အမေ့ရဲ့ တိုင်းပြည် ချစ်စိတ်ကို တွေးမိတိုင်းပေါ့. . .
(ပြစ်မျိုးမှဲ့မထင် သူတော်စင်အမျိုးသမီး မဟုတ်သော မိန်းမတစ်ယောက်ပေမယ့်) အမေ့ကို . . .
ကျွန်တော်. . . လက်အုပ်ချီချင်မိတဲ့အထိပဲ အမေ. . .

တခါတလေမက. . .
အမေ သတိရမှာပဲ. . .
အမေ့ဝမ်းနဲ့ လွယ် မွေးခဲ့တဲ့သားတွေကို. . .
အို. . .
ဟိုစဉ်အချိန်တွေကတည်းက. . . ပြင်းစွာသော သတိရတမ်းတခြင်းနဲ့. . .
ငါတို့ရဲ့ အမေ. . . သတိရခဲ့မှာပဲ. . .
အသက်ခန္ဓာ မလုံခြုံတဲ့ နေအိမ်အချုပ်ထဲကနေ. . .
အမေ့ချစ်တဲ့သူတွေရဲ့ နွေးထွေးလုံခြုံသော ရင်ခွင်ကို. . .

တခါတရံမကပါပဲ အမေရယ်. . .
အမေ့ရဲ့ မိန်းမသားတစ်ယောက်ဖြစ်တည်မှုနဲ့
အမေ့ရဲ့ ကိုယ်ပိုင်ဘဝတစ်ခု. . . အပျောက်အရှခံခဲ့ရတဲ့ နှစ်ပေါင်းများစွာမှာ. . .
အမေ အားငယ် အထီးကျန်ခဲ့ဖူးမလား. . .
တွေးကြည့်မိတယ်. . .

တခါတရံမက. . .
တခါတရံမကပါပဲ. . .
အမေ့ကို သစ်တစ်ပင်လိုသဘောထားပြီး အမြစ်ကနေ ဆွဲနှုတ်မယ့်အကြံနဲ့  ထောင်ချောက်ဆင်သူတွေကြားမှာ . . .
လူးကာလွန့်ကာနဲ့ပေါ့. . .
ငါတို့ရဲ့
ချစ်လှစွာသော အမေက အပြုံးမပျက်ပဲ . . .
ကိုယ့်ကိုကိုယ် ထူထောင်ပြခဲ့တယ်။

တခါတခါများမှာ. . .
အမေ . . .
အမေရယ်. . .
အမေ သိပ် မောမှာပဲ. . .

တခါတခါ. . .
အမေ မောပမ်းနွမ်းလျ . . .
ပစ်လဲကျသွားမတတ်ဖြစ်သွားတဲ့အခါမျိုးမှာ. . .
အမေ့ ဘာကို တမ်းတ မျှော်ကိုးသလဲ. . .
အမေ မျှော်ကိုးတောင့်တဲ့ မြက်တစ်ပင်တောင်မှ
အမေ့အနား. . .
လှမ်းဆွဲစရာ မရှိတဲ့အခါ. . .
ဘယ်လို အားနဲ့
အမေ အသက်ဆက်ခဲ့သလဲ. . .

အမေရယ်. . .
မယုံနိုင်လောက်အောင်ပါပဲ. . .
အမေ့ရဲ့သွေးက ရဲလွန်းတယ်. . .
အမေ့ရဲ့ ဦးတည်ချက်ဆိုတာကလည်း. .
တည့်မတ်ခိုင်ကြည်လွန်းပါရဲ့. . .

(သို့ပေမဲ့ . . .သို့ပေမဲ့ပေါ့ . . .အမေရယ်. . .)
တခါတုန်းဆီကတည်းက. . .
အမေ မျှော်မှန်းတမ်းတထားတဲ့
ငါတို့အတွက် ”ပြီးပြည့်စုံသော ဒီမိုပန်း”ကို
တနေ့နေ့တော့. . . လှမ်းချူနိုင်မှာပဲ. . .လို့ . . .
(အမေ့ ”အား”နဲ့ )
”ငါတို့”ယုံတယ်။

”တနေ့နေ့တော့”ရယ်ကို. . . မျှော်ရည်မှန်းပြီး. . .
အမေရယ်. . .
ငါတို့ရယ်. . .
အားအင်တွေ. . .သွယ်ကာ ဆက် . . .
ဟောဟိုက ဆူးခင်းလမ်းထဲ
အစီအရီ ချီတက်ကြပါဦးစို့ အမေ. . .

ကမ္ဘာ မကြေခင် . . .
”အရာ”ထင်စေရမယ့်အရေးပါပဲ
ဒါဟာ. . .
အမေ့သမိုင်း ဖြစ်တဲ့အပြင်. . .
ငါတို့ သွေး … ရဲ မရဲဆိုခြင်းရဲ့ ရာဇဝင်လည်း ဖြစ်ပေတယ်။

********************

Alinsett @ Maung Thura

(၂၀၁၅ ၊ ဇွန်လ ၂၇ ရက်
မနက် ၈း ၂၁ )

Thint Aye Yeik

About Thint Aye Yeik

Thint Aye Yeik has written 605 post in this Website..

Maung Thura @ သင့်အေးရိပ် CJ #5222013