## မဲတစ်ပြားအတွက် မဲစာရင်းစစ်ကြပါ ##

 

မကြာမကြာ အွန်လိုင်းမှာတွေ့နေရတာတော့ မဲစာရင်းထဲနာမည်မပါကြတာကိုပါ ။

ဒါကြောင့်လည်း ဒီကနေ့ ရပ်ကွက်ရုံးမှာ မဲစာရင်းသွားစစ်ခဲ့ပါတယ် ။

 

မူးနောက်နေအောင်ရှာဖွေပြီးချိန်မှာတော့ ကျနော်တို့ မိသားစုတစ်ခုလုံး နာမည်မပါကြပါဘူး ။

မထူးဆန်တဲ့အဖြစ်အပျက်လိုသဘောထားပြီး မဲစာရင်းဝင်အောင်လျှောက်လွှာတင်ဖို့ဘဲပြင်ဆင်ခဲ့ရပါတော့တယ် ။

တကယ်တော့ ကျနော်အခုရွှေ့ပြောင်းနေထိုင်တဲ့ အိမ်နံပါတ်နဲ့လိပ်စာတောင်မှ ထုတ်ပြန်ထားတဲ့စာရင်းမှာမပါဝင်ပါဘုး ။

 

တမင်တကာ မထည့်ထားတာလား ဒါမှမဟုတ် ရပ်ကွက်ရုံးတွေက သိမ်းဆည်းထားတဲ့ လူဦးရေ အိမ်ထောင်စုစာရင်းတွေအတိုင်းဘဲ လုပ်တာလားဆိုတာကိုတော့ သေသေခြာခြာမသိနိုင်ပါဘူး ။

ကျနော်တို့ရပ်ကွက်အကြောင်းကို အတော်လေးသိထားသူမို့ ကျနော့်စာရင်းမပါတာဟာ သူတို့ဆီက သိမ်းဆည်းထားတဲ့လက်ခံအိမ်ထောင်စုစာရင်းစာရွက်ပျောက်သွားတာမျိုးလည်းဖြစ်နိုင်ပါတယ် ။

 

ဘာဘဲဖြစ်ဖြစ် ကျနော်တို့တွေဟာ ကျနော်တို့ရွေးချယ်ပိုင်ခွင့်မဲတစ်ပြားကို အလွယ်တကူမဆုံးရှုံးစေချင်ဘူးဆိုရင် မဲစာရင်းကို စစ်ဆေးသင့်ပါတယ် ။

ကျနော်တို့ဟာ မဲတစ်ပြားအတွက်အနည်းဆုံး ၅ နှစ် ကနေ နှစ်ပေါင်းများစွာအထိ စောင့်မျှော်ခဲ့ရတယ်မဟုတ်လား ။

အခုချိန်မှာ ကိုယ့်ဆန္ဒနဲ့ကိုယ်ရွေးချင်တဲ့ အစိုးရတရပ်အတွက် မဲစာရင်းပါ မပါဟာ တိုင်းပြည်အနာဂါတ်အတွက်သာမက မိမိအတွက်ပါ အရေးပါနေပါပြီ ။

ဒါကြောင့်  ……… လေးလေးစားစား မေတ္တာရပ်ခံလိုတာကတော့ ………

 

“” ကျေးဇူးပြုပြီး မဲစာရင်းပါမပါ စစ်ဆေးပေးကြပါ “””

 

 

အချိန်မှီပါသေးတယ် ။ တဆက်တည်း NLD က တာဝန်ရှိသူများနဲ့ ပါတီဝင် မောင်မယ်တွေဟာလည်း အသည်းကြားက မဲတစ်ပြားမဆုံးရှုံးစေဖို့မတွက် မဲစာရင်းကူင်္ညီစစ်ဆေးပေးနိုင်ရင်ပိုကောင်းပါလိမ့်မယ် ။

ကျနော်တို့လို လူတွေတောင်မှအခုမှစစ်ဆေးနိုင်ခဲ့တယ်ဆိုရင် တစ်ချို့လူတွေဟာလည်း စစ်ဆေးဖို့ အခက်အခဲရှိနေပါလိမ့်မယ် ။

သက်ဆိုင်ရာမဲဆန္ဒနယ်မြေက အမတ်လောင်းများကဦးဆောင်ပြီး ပါတီဝင်များအကူအညီနဲ့ ပြည်သူများမဲတစ်ပြားမဆုံးရှုံးစေဖို့ ဝိုင်းဝန်းကူညီကြပါလို့ တိုက်တွန်ရင်းးးးး ……………

.

.

.

.

.

ဟုတ်ကဲ့ ……… မဲ ပေးခွင့်လေး မဆုံးရှုံးစေဖို့ အခုဘဲ သွားရောက်စစ်ဆေး ကြပါလို့ ………………

 

 

 

လေးစားလျှက်

မောင်ဆာမိ

 

 

 

 

 

 

 

 

 

 

 

 

 

 

 

ဖိုးသာထူး

About ဖိုးသာထူး

surmi has written 104 post in this Website..