ဒီမှာက အလကား ရသလို တောင်းတာမျိုးမရှိဘူးဗျ။

တစ်ချို့ က သီချင်း ဆိုပြတယ်။

တစ်ချို့က တစ်ရှူးလေးလိုက်ရောင်းတယ်။

တစ်ချို့ကတော့ လက်ကမ်းစာစောင် ဝေပေးတဲ့ အလုပ်နဲ့ အခကြေးငွေယူတယ် စသည်ဖြင့်ပေါ့။

ခါတလေတော့ ချယ်ရတီ အတွက် ကျောင်းသားကျောင်းသူလေးတွေ စုဘူးလိုလေးတွေ ကိုင်ပြီး အလှူလိုက်ခံပါတယ်။

ပိုက်ဆံထည့်တဲ့ အချိန် ကိုယ့် ကို သူတို့ စတစ်ကာလေးတွေ ကပ်ပေးလိုက်တာပါပဲ။

တစ်ချို့ကကျလည်း ရေခဲမုန့်တွေ လိုက်ရောင်းပါတယ်။

တစ်ချို့ကကျ ကျောင်းက စာရွက်နဲ့ တွဲပြီး အိတ်လေးတွေ လာပေးတယ်။ ကိုယ့် အိမ်က အသုံးမဝင်တာကို ထည့်ပြီး အိမ်ရှေ့မှာ ထားပေးထားရတာပါပဲ။

အဲဒီ ရက်ကျရင် လာယူသွားတယ်။

…………………..

ဆိုတော့ တောင်းရမ်းချင်ချင်၊ အလှူပဲ ခံချင်ချင် ဒီတိုင်း ပရမ်းပတာ အကြောင်းပြချက် မယ်မယ်ရရ မရှိပဲတော့ လိုက်တောင်းတာ မမြင်ဖူးသလို၊

ဇွတ် အလှူခံတာမျိုးလည်း မမြင်ဖူးပါဘူးး…

.

.

.

 

ကေဇီ ရုံးကို အသွား ဆင်း တဲ့ ဘူတာမှာ …

ဘီးတပ် ကုလားထိုင်နဲ့ အဖိုးကြီး တစ်ယောက် က အမြဲ ဘော်လပင် လေးတွေ ထိုး၊ တစ်ရှူးလေးတွေ တင်ပြီး ရောင်းပါတယ်။

ဘီးတပ် ကလားထိုင်ရှေ့မှာ ဗန်းလေးလိုမျိုး တင်ပြီးတော့ တော့ ရောင်းတာပါ။

ဘယ်လောက်မှတော့ မရှိပါဘူးးး

ဘော်လပင် တစ်ချောင်း ၂ ဒေါ်လှ။

တစ်ရှူး ၅ ထုတ် ၁ ဒေါ်လှ စသည်ဖြင့်ပေါ့။

အမြဲလိုလို အားပေးဝယ်ယူတဲ့သူတွေ မြင်နေရတာပါ။ ကိုယ်က ရုံးအသွား အမြဲ ပြာနေတာဆိုတော့ ဖြတ်သွား ဖြတ်လာပဲ မြင်ဖြစ်တာပေါ့။

တစ်ရက်တော့ ကိုယ်ကလည်း စောတာနဲ့ လျှာလျှာရှည်ရှည် သူ့ ဆီ သွားပြီး ဘောလပင်လေးတွေ ကြည့်ပြီး ဝယ်မယ်ပေါ့။ ဒါမဲ့ ကြည့်ရင်းလည်း သနားလာတာနဲ့ ၂ ဒေါ်လှ တန်လေးထုတ်ပေးပြီး ပြန်လှည့်ထွက်မယ် ပြင်ပါတယ်။

အဲဒီမှာ သူက တရုတ်လို ရှောင်ကျဲ့ ရှောင်ကျဲ့ နဲ့ လှမ်းခေါ်တယ်။

ဘောလပင် ကြိုက်ရာ ယူ ခိုင်းပါတယ်။ ပါးစပ်ကလည်း တရုတ်လို ပြော …  ကိုယ် က သိပ်နားမလည်။  :roll:

အဲဒါကို ကေဇီက မယူတော့ဘူး ဆိုတဲ့ အကြောင်းး၊ (အမှန်တော့ ကိုယ့် အတွက် လည်း မလိုဘူးလေ)

ဆက်ရောင်းပါ လို့ လက်ဟန်ခြေဟန်တွေရော ကြားညှပ် ပြောတာပေါ့လေ။

အဲဒီမှာ ဗျာ၊ အဖိုးကြီး မျက်နှာရော မျက်လုံးရော နီလာပြီး ဒေါသဖြစ်လာပုံပေါက်လာပါတယ်။

ပါးစပ်ကလည်း ဝူးဝါးဝူးဝါးနဲ့ အော်တော့ (ကိုယ်ကတော့ အဲလိုပဲ ကြားတာပဲ) ကိုယ်မလည်း လူတွေ ဝိုင်းလာမှာ ဆိုးတာနဲ့ ဘောလပင် အနီလေး ကောက်ယူပြီး ထွက်လာခဲ့ရတယ်။

:oops:

:oops:

စိတ်ထဲမတော့ ခုလုလု……!!!!

~~~~~~~~~~~~

.

.

.

အဲဒီ အဖြစ်က နှစ်ချီပါပြီ။

.

.

.

.

.

.

ဟို တလော က …

မင်းသားကြီးရယ် ကေဇီရယ် အစည်းအဝေးက အပြန် လမ်းမှာ ထမင်း ဝင်စားတယ်။ ထုံးစံ အတိုင်း မိန်းမပီသတဲ့ ကေဇီက တစ်ရှူးမပါ။

ဆိုတော့…  စားသောက်ဆိုင်မှာ တစ်ရှူးလှည့်ရောင်းတဲ့ အဖွားကြီး တစ်ယောက် ကို မြင်လို့ ခေါ်ပါတယ်။

အနားရောက်မှ သိလိုက်တာက ဆွံ့အ နားမကြားး၊ မျက်စိတော့ လျှင်ပါတယ်။ စားပွဲဝိုင်းတိုင်း ရောက်ပြီး မေးလေ့ရှိတာမို့ပါ။

အဲဒါနဲ့ တစ်ရှူးဝယ်မယ် ဆိုတော့ လူ ၂ ယောက် လို တာ တစ်ထုတ်ပဲလေ။ ၄ ထုတ် ၁ ဒေါ်လှတဲ့။

ဖြစ်ချင်တော့ အနုတ် မပါတာနဲ့ ၂ ဒေါ်လှတန်လေးပေးပြီး တစ်ရှူး တစ်ထုတ်ပဲ ယူလိုက်ပါတယ်။

ကေဇီက ဖုံးရော ဝေါလက်ရော ဘောင်းဘီဖင်အိတ်ထဲထည့်ပြီး လက်က အလွတ်ပဲ နေတတ်တာမို့ ဟိုဟာသယ်၊ ဒီဟာသယ် မလုပ်ချင် မလုပ်တတ်။

အဲဒါကြောင့် လောလောဆယ်လိုတဲ့ တစ်ရှူး တစ်ထုတ်ပဲ ယူပြီး ၂ ဒေါ်လှ ပြန်မအမ်းနဲ့ဆိုတဲ့ သဘောနဲ့ သွားခိုင်းလိုက်ပါတယ်။

အဲဒီမှာ ဘွားတော်က မျက်နှာပုတ်ကြီးနဲ့ ကျန်တဲ့ တစ်ရှူး ၇ ထုတ်ကို လက်ထဲ အတင်းထိုးပေးး

ကိုယ်ကလည်း သယ်ရမှာ ကြောက်တဲ့ အမှုနဲ့ အတင်းငြင်းး၊

:oops:

:oops:

အဲဒီမှာ မင်းသားကြီးရယ်…  ယူလိုက်ဖို့ ပြောရင်း ဘွားတော်ကိုလည်း ကျေးဇူးတင်ကြောင်း ခေါင်းတွေ တညိမ့်ညိမ့်နဲ့ လုပ်ပြတော့မှ ဟိုက ထွက်သွားတယ်။

ကိုယ့်မတော့ တစ်ရှူး ၈ ထုတ်နဲ့။

8-O

 

လမ်းကျမှ ပြောတာက….

မင်းသားကြီး တစ်ခါက ကြုံဖူးသတဲ့။ ဆရာ တပည့်တွေ အဲလို တူတာပါဆို။ :mrgreenn:

အဲဒီကတည်းက အလကားမပေးရဲတော့တာပဲတဲ့။

သူတို့ကို သူတောင်းစားလို ဆက်ဆံတာ အလကားပေးတာ မကြိုက်ဘူး ဆိုပဲ။

သူ တုန်းကဆို သူ့ကို အဲလိုပဲ တစ်ရှူးရောင်းတဲ့ အဘိုးကြီး က အော်လို့တဲ့။ ကားပေါ်ရောက်မှ ရီပြီး ပြောတာ။

“I’m not beggar. I’m selling tissue packets, you know!!!” တဲ့။

သူက လေသံ ကျပေါက်နဲ့ အော်ပြလို့ ရီရသေးတယ်။

:-P

 

အဲဒီကျမှ ပြန်တွေးမိတာပါ။

ကိုယ်က သနားလို့ ဒီတိုင်းပေးတဲ့ ပိုက်ဆံက သူတို့ကို စော်ကားရာကျတယ် ဆိုတာ။

:((

ဇီဇီ

About ဇီဇီ

ဇီဇီ has written 331 post in this Website..

CJ # 129120