ကိုင်းဗျာ.. ပြောမယ် ပြောမယ်နဲ့ ပြောချင်နေတာ ယားနေလို့သာ ပြောရတယ်၊ ကျုပ်ရောက်ကာစက အဖြစ်အပျက်တွေကို သတိရသဗျ။ ရဆို ကျုပ်တစ်ယောက် မွေးစကနေ အသက် ၂၀ နည်းနည်းကျော်တဲ့ထိ မြန်မာပြည်ကြီးထဲမှာပဲ သွားလာလှုပ်ရှားခဲ့ရတာလား။ ပြောရမယ်ဆို မွေးကတည်းက တောင်ပေါ်တောင်အောင် ဇာတိဆိုတာ ပြောမရအောင် နေခဲ့ရတာ။ ဆိုတော့ ကျုပ်တစ်ယောက် မြန်မာပြည်တစ်ခြမ်းလောက်တော့ နေခဲ့ဖူးပါတယ်။ အဲ့လိုပြောမယ့်သာပြောရတာ တစ်ကယ်တော့ အုငဲ ဆိုကတည်းက စတွက်လို့ပါ။ ကျုပ်ကိုကျုပ် လူမှန်းသိတော့ ရန်ကုန်ရောက်နေပြီ။ ကျန်တာတွေက ပြန်ပြောပြလို့ သိရတာမှတ်။ လူမှန်းသိပြီးတော့မှ ကျန်တာတွေ လေ့လာတော့ သိပ်တော့ မရှိပါဘူးလေ။ ဘာပဲပြောပြော သူများတွေလိုတော့ (ကိုယ်နဲ့ ခေတ်ပြိုင်များကို ဆိုလိုပါတယ် ) သိသင့်သိထိုက်တာတွေ သိတယ်ပေါ့နော။ ကျုပ်ကလဲ နေရာတစ်ကာ စပ်စုတာလား။ ငယ်ငယ်ကတည်းက ခုထိ ဗြစ်တစ်သျှစကားပြော မတက်ဖူးပေါင်။ ဒါပေမယ့် စိတ်ဝင်စားလို့ တွေ့သမျှ လိုက်ဖတ်၊ အသံထွက်ကြည့်၊ တက်တိုး ၂ အုပ်တွဲကြီးလှန်လို့ပေါ့။ အဲ့တုန်းက ဘူးယိုလို့ ကိုယ့်မိဘများကတောင် လှောင်ကြသကိုး။ ထားပါတော့လေ၊ လိုရင်းဆက်ဆွဲတာပေါ့။

ကျုပ်တစ်ယောက်များဗျာ အစားအစာ သိပ်မက်တာ၊ မက်ဆို ငတ်ခဲ့တာကိုး။ ကျုပ်မသိခင်တုန်းက ပိန္နဲသီးဟင်းချက်ကို တောဝက်သားဆိုပြီး စားခဲ့ရဖူးတယ်။ မြင်းခွာရွက်တွေနှုတ်ပြီး သုတ်စားခဲ့ရတာလဲ အခါခါ။ ဆီနှစ်ကျပ်ခွဲသား၊ အချိုမှုန့် ၅ိ/- တန်တစ်ထုပ်၊ ဆား တစ်ကျပ်တန်တစ်ထုပ်ကို အိမ်က ဒန်အိုးအကောင်းလေးကို တူနဲ့ ထုပြီး လဲစားခဲ့ရဖူးတယ်။ ဒါပေမယ့် ကျုပ်ဂုဏ်မငယ်ပါဘူး။ ပြောရရင် အရာရှိသားသမီးဖြစ်ခဲ့တော့ ပုဆိုးအပေါက် ဖာတစ်ရာထပ်နေတာနဲ့ ကားခေါင်းခန်းမှာ ထိုင်ပြီး ကျောင်းတက်ခဲ့ဖူးတာကိုးဗျ။

ကျုပ်တစ်ယောက် အိမ်က အမေ ဘယ်လိုချက်ချက်၊ ဗိုက်ဆာတာနဲ့ စားရတော့ သိပ်စားကောင်းသဗျ။ နောက်တော့ အရွယ်လေးရောက်လာတော့ လမ်းဘေးတွေ့ကရာဆိုင်တစ်ခုခုမှာ ၀င်စားလိုက်တာပဲ။ မြောင်းဘေးမှာ ဖွင့်တာလဲ ဖြစ်ချင်ဖြစ်မယ်၊ တိုက်နံရံမှာ ကပ်ဖွင့်တာလဲ ဖြစ်ချင်ဖြစ်မယ်၊ အဖီလေးဆွဲပြီး လူသွားစင်္ကြန်ပေါ်မှာ ဖွင့်တာ ဖြစ်ချင်ဖြစ်မယ်၊ စားလိုက်တာပဲ။ ဘာပြောကောင်းမလဲ ဘယ်နေရာစားစား စားကောင်းတာချည်းပဲ။ ကိုယ့်ရှေ့ရောက်လာတဲ့ထဲက ပန်းကန်ထဲကဟာ ကောက်မော့ချင်မော့၊ စားချင်စား၊ အရသာတယ်ရှိသဗျား။

++++++++++++++++++++++++++++++++++++++++++++++

ဒီလိုနဲ့ ကျုပ်တစ်ယောက် ဆင့်ကာပူရရောက်သွားရော။ အဲ့မှာ ကျုပ်က တယ်အဆင့်အတန်းမြင့်မြင့်နေရတာလား။ ဆင့်ကာပူရ မြေတော်တော်ရှားတယ်လို့သာ ကြားဖူးတာ။ ကျုပ်တို့တွေများ လေဆိပ်မှာ ကားလာကြိုတော့ လာကြိုတဲ့ လော်ရီကားနောက်ခန်းမှာ အမိန့်သားထိုင်၊ လမ်းပြောင်းပြန်မောင်းနေတာကို ရင်တစ်ထိတ်ထိတ်စီးရင်းနဲ့ လေဆိပ်ကနေ မြို့ထဲဝင်လာ၊ “ဟယ်… ဒါ ဆင့်ကာပူရကြီးပါလား ” လို့ မိုးမျှော်တိုက်တွေကြည့်ရင်း ကားက မရပ်၊ ဆက်မောင်းလာလိုက်တာ နောက်တော့ အိမ်ကွက်တိကွက်ကြား၊ နောက်တော့ တောအုပ်ကြီး၊ နောက်တော့ သချီ်င်းကုန်းကျော်လာပြီးတဲ့နောက်မှာတော့ နေထိုင်ရာ တောမြိုင်လည်က အလုပ်သမား တန်းလျားကြီးကို ရောက်ပါလေရော။ နေရတာကတော့ လူ ၃၀၀၀ ကျော်။ ပါတ်ဝန်းကျင်ကြည့်လိုက်ရင် တောကလွဲ ဘာမှမရှိ။ အဲ့လို။ မြေနေရာရှားပေလို့သာပဲလို့ တွေးမိပြန်သေးတယ်။

ကိုယ့်ဖာသာ ချက်စားရတော့ တစ်ခုတည်းသော အားကိုးစရာ ဆိုင်ကြီးက တင်ရောင်းသမျှကို ၀ယ်ရတာလား၊ နောက်တော့ ကုလားပေါင်းစုံနဲ့ နေရာလု၊ အဆင်ပြေတဲ့နေရာမှာ လှီးဖြတ်ပြီးတော့ အဆင်ပြေသလို ကြော်စားရတာပ။

ဂလိုနဲ့ ၃ နှစ်ကုန်ဆုံးလေသည်ပေါ့။

အောင်မြင်စွာနဲ့ပဲ ဆင့်ကာပူရက ဆုတ်ခွာလာပြီးတဲ့နောက် ကျုပ်တစ်ယောက် တစ်ခါ စားဖူးခဲ့တဲ့ KFC က အလုပ်ခေါ်တော့ ၀မ်းသာအားရ လျှောက်သဗျား။

ဟုတ်တယ်လေ၊ သူက မီးဖိုချောင်ထဲမှာ အဲကွန်းနဲ့ လုပ်ရတာ၊ အသက်အန္တရာယ်မှလဲ မရှိတာ။ အရင်အလုပ်နဲ့စာရင်။

ဂလိုနဲ့ပဲ ကျုပ်တစ်ယောက် UAE ရောက်လာပါရော။ အင်တာဗျူးမှာ မေးသမျှ မသိဘူး၊ မရှိဘူး၊ မတတ်ဘူးဖြေရင်းနဲ့ စားသောက်ကုန်လုပ်ငန်းရောက်ခဲ့တာ။

++++++++++++++++++++++++++++++++++++++++++++++

နိဒါန်းပျိုးတာ ဒီလောက်နဲ့တင် တော်ကြစို့ရဲ့

ကျုပ်တစ်ယောက် အဆင့်ဆင့်ကျော်ခွလာရင်း၊ လုပ်သက်လေးလဲ ဆယ်စုနှစ်တစ်ခုနီးပါးကြာလာရင်းမှ စားသောက်ကုန်လုပ်ငန်းအကြောင်းကို အတော်လေး တီးခေါက်မိလာတော့ Food Safety အကြောင်း ကျွမ်းကျင်သလိုတော့ ရှိလာသပေါ့လေ။ ရှိဆို ကိုယ်က တာဝန်ခံထားရတာကို၊ ကိုယ့်ဆိုင်နဲ့ ပါတ်သက်လာရင်။ ဆိုတော့ ငါတို့ မြန်မာပြည်ကြီးမှာ မရှိပါလားတွေးမိတယ်၊ တွေးမိတော့လည်း ငါနေခဲ့တုန်းက ဘယ်လိုနေ၊ ဘယ်လိုစားခဲ့တာတွေးမိတော့ အပိုတွေပါလို့ (မြန်မာပီပီ) တွေးမိပြန်သေးသကိုးဗျ။ ခုနေများ အဲ့ဒါကြီးချပြလိုက်ရင် သောက်ရူးကြီးဖြစ်မယ်ဟ ဆိုတာလည်း ပါသကိုး။

အံမယ်… ကျုပ်တို့ မြန်မာတွေကလဲ မခေပါဘူး၊ ၂၀၀၀ မတိုင်ခင်လောက်ကတော့ လမ်းဘေးမှာ ရေကုသိုလ်ဆိုပြီး မြေအိုးလေးတွေကို စင်ကလေးနဲ့၊ သဲခံမြေလေးနဲ့ ထားထားတာကို အလကားသောက်ခဲ့တဲ့ ကျုပ်တို့မြန်မာတွေ နောက်တော့ ရေသန့်ဆိုတာကြီးပေါ်လာပြီး ဘယ်သွားသွား ရေသန့်ဗူးလေးတွေနဲ့ ဖြစ်လာတာ။ ရေသန့်ဗူးတွေ စရောင်းတုန်းကများတော့ သောက်ရူးတွေလို့ ထင်ခဲ့ကြတာ ခုတော့ ဒေါက်တာ စိုင်းစံထွန်းခဗျာ ရေရောင်းပြီး သထိန်းကြီးတောင် ဖြစ်သွားတယ်။

ပြောပါတယ်၊ ကျုပ်တို့မြန်မာတွေ မခေပါဘူးလို့၊ မသိသေးခင်သာ မိုက်နေကြတာ၊ သိပြီးတော့မှ လူမိုက်ကြီးတွေလုံးလုံး ဖြစ်သွားကြတာ။ ခုလဲ နည်းနည်းလေး ညှောင့်ပေးချင်တာ ပါတယ်ပေါ့နော်။ ကျုပ်တို့ မြန်မာတွေ အရင်တုန်းကလို ကားဂိတ်မှာ ကားစောင့်ရင်း လမ်းဘေးမှာ မိုးရေကာဖျင်နဲ့ ထိုးထားတဲ့ ဆိုင်လေးတွေကနေ ကြာဇံကြော် အရောင်ညိုညစ်ညစ်လေးတွေကို ငရုတ်ဆီရဲရဲလေးနဲ့နယ်၊ ဘယ်ကလာမှန်းမသိတဲ့ ကြက်သွန်ဖြူလေးကိုက်၊ အရောင်ပါတယ်ဆိုတဲ့ ရေနွေးကြမ်းတစ်ခွက်နဲ့ မြိန်ရေလျှက်ရေ လွေးနေတုန်းပဲ ထင်ရဲ့၊ ကျုပ်ကိုယ်တိုင်လဲ တစ်ချိန်က အဲ့လို အရသာရှိရှိ စားခဲ့ဖူးတာလား။

ဒီစာလေးက အစပြုတာတော့ မြန်မာနိုင်ငံမှာ နိုင်ငံတစ်ကာက စားသောက်ကုန် Brand တွေဝင်လာလို့ တပ်လှန့်သတိပေးတာလဲ ဖြစ်သလို၊ နိုင်ငံတစ်ကာက လူတွေနည်းတူ စားသုံးသူ လူပါးဝနည်းတွေ သိစေချင်တာလဲ ဖြစ်ပါကြောင်း။

++++++++++++++++++++++++++++++++++++++++++++++

ကျုပ်တစ်ယောက် မြန်မာပြည်မှာ International Brand တွေဝင်လာတော့ သူနဲ့ တွဲလျက်က Food Safety ဗျ။ ကျွန်တော်တို့ မြန်မာနိုင်ငံကတော့ ဘယ်သူသေသေ ငတေမာပြီးရောဆိုတဲ့ အစိုးရကြောင့် တစ်ချိန်တုန်းက International Brand တွေက သူတို့ ဂုဏ်သိက္ခာအတွက် မ၀င်လောက်ဘူးထင်ထားတာပေါ့ဗျာ။ ထင်ဆို ကျုပ်လေ့လာခဲ့မိသလောက် သူတို့က ဘယ်သူတွေ ထိန်းထိန်း မထိန်းထိန်း သူတို့စံနဲ့ကို သူတို့ ထိန်းတာလား။ ဒီတော့ မ၀င်လောက်ဘူးထင်ပါရော။

ဒါနဲ့ မနှစ်လောက်က ကမ္ဘာကျော် Brand ကြီးတစ်ခု ၀င်တော့မယ်ကြားတော့ လိုက်တီးခေါက်သပေါ့ဗျာ။ သူတို့ရဲ့ Fan Page မှာကို ကျုပ်တစ်ယောက် ၀င်အာချောင်ဖူးတယ်။ ဈေးနှုန်းက လိုက်မမှီလောက်ဘူးပေါ့။ တစ်ကယ်လဲ ဖွင့်ရော ဈေးသက်သာတာ မြင်မိတော့ ဟုတ်မှ ဟုတ်ပါ့မလား တွေးနေတုန်း အရေးကြီးတာ သွားမြင်တယ်။ စားသောက်ကုန်လုပ်ငန်းအတွက် အရေးအကြီးဆုံးအရာတစ်ခုက မြန်မာပြည်မှာ ဘာမှ အရေးမကြီးပါလားတွေးတော့ သူတို့ ဈေးသက်သက်သာသာနဲ့ ချရောင်းနိုင်တယ်လို့ ထင်မိပါတယ်။

ထင်မိဆို GHP( Good Hygiene Practices ) နဲ့ HACCP(Hazard analysis and critical control points ) လက်မှတ်တွေ မတွေ့မိဘူး။

စားသောက်ဆိုင်တစ်ခုရဲ့ နောက်ကွယ်မှာ၊ စားသုံးသူလက်ထဲ ရောက်တဲ့ထိ ဖြတ်သန်းလာရတဲ့ အဆင့်ဆင့်ကိုတော့ နောင်များမှာ အချက်အလက်စုံစုံလင်လင်နဲ့ ရေးပါဦးမယ်ဆိုတဲ့အကြောင်း ယခုစာဖတ်မိသူများ သတိပြုမိစေခြင်းအလို့ငှာ သံချောင်းခေါက်လိုက်ရပါကြောင်း။


စိုင်းကွမ်းခေး
(ခေတ္တလူ့ပြည်)

စဆရ ကြီး

About စဆရ ကြီး

စဆရ ကြီး has written 160 post in this Website..