မနက် က ရွာထဲ အမြန် ဝင် အကြည့်  ကြောင်ကြောင် ရဲ့ ပို့စ် ခေါင်းစဉ် ကို မြင်ပြီး အသေအချာမဖတ်သေးဘဲ ရန်ထောင် လိုက်မိတာ တွေး ပြီး နဲနဲ ရှက် သွားတယ်။
များများတော့ မဟုတ်ပါဘူး။ :wink:
အားလုံး ဖြစ်နေကျ သဘောမှာ ရှိတာဘဲ။
တစ်ဖက်သပ် ကိုယ့်အမြင်၊ ကိုယ့် အတွေး  နဲ့ ဒါဆို သူတော့ ဒီလို ပြောတော့မှာဘဲ။ ဒီလို လုပ်တော့မှာဘဲ ဆို တဲ့ စိတ် ရှေ့တန်းထားပြီး ကိုယ့်ဟာကို ကောက်ချက်ချ တာတို့၊ ဆုံးဖြတ်ချက်ချတာတို့ လုပ်လိုက်ခြင်းပါ။
သိုးဆောင်း မှာတော့ Confirmation bias (or) myside bias ပေါ့။

အဲဒီလို အကြောင်းမျိုး ကို ပြောဖို့ အတွက် ကိုယ့်ပေါင် ကိုယ်သာသာ လှန်ထောင်း ပြီး ပြောရမယ် ဆိုရင် အဖေ က အရင်က ယူနီဖောင်းဝတ်တစ်ယောက်ပါ။
အစိမ်းရောင် တော့ ဝုတ်ဘူး။  :-))
အခု ခေတ်မှာ သိပ်ပြီး လူမုန်းမများတော့ပေမဲ့ ဟိုးရှေး မဆာလာခေတ် မှာ တော့ ပြည်သူ့ချဉ်ဖတ်ကြီးပေါ့။ (လူဝင်မှု မဟုတ်)
အဖေ၊ အမေ ကုန်သည် ပွဲစား များမို့ အစိုးရဝန်ထမ်း ကို အထင်ကြီးကြတဲ့ ခေတ်မှာ သူ့နည်း သူ့ဟန် တော့  ပေါ်ပြူလာ ဖြစ်ခဲ့ပါတယ်။
အဖေ ဂျူတီဝင်ဖို့ အဖြူရောင်ယူနီဖောင်းဝတ်ပြီး ရင် အတော်လေး ကြည့်ကောင်းတယ်။ ကြည့်ပြီး အင်မတန် သဘောကျတာ။
မနက်စောစော လို လာကြို တဲ့ ကား နဲ့ ပါသွားတဲ့ အဖေ့ ကို လက်ပြကျန်ရတာ၊ ပြန်အလာ ကားသံကြားရင် ပြေးကြို ရတာ အင်မတန် ဂုဏ်ယူတာပေါ့။
နဲနဲကြီးလာတော့ အစ်ကို က ပင်လယ်ထွက်တဲ့ အလုပ်လုပ် ဖို့ သင်တန်း တက်တယ်။
အဲဒီမှာ သူ့သူငယ်ချင်း တွေ က သူ့ကို နောက်ကြတယ်။
မင်းတို့ ငါတို့ ကျွေးတာ ပေးတာတွေ နဲ့ လူဖြစ်လာတာ၊ ဘာညာပေါ့။
အစ်ကို့ မှာ တစ်အားစိတ်တို တယ်။
ဒါကို “ဟုတ်တာပြော တာ ဘာဖြစ်လဲ” လို့ ကြားက နေ သူများတွေ ဘက်က ရှေ့နေလိုက်ခဲ့သေး။
ဒါတောင် အဖေ က သူများတွေ ထက် စာရင် အများကြီး လောဘ နဲ တယ်ခေါ်မယ်။
မိဘ က ချမ်းသာခဲ့ဖူးတော့ သိက္ခာမဲ့လောက်အောင် တော့ အဆင့်မနိမ့်ခဲ့ဘူး။
မဟုတ်ရင် ကိုယ်လဲ သူဌေးသမီး ပေါ့။
အခုတော့ အဖိုး အဖွား လက်ထက် က ပေးခဲ့တာလေး တွေ နဲ့ မို့သာ လူလူသူသူ နေရ တယ်ခေါ်မယ်။
အိမ်တောင် အမေ့ ဘက်က အဖွား ကျေးဇူး နဲ့ ပိုင်လိုက်ရတာ။
ဒါကြောင့် အဖေ အလုပ်နဲ့ နယ်ဘက်တွေမှာ ရောက်ရင် အမေ့ ကို ပွဲစားလုပ်ကြ သတဲ့။
အများကြီး မဟုတ်တောင် မကင်းခဲ့တာ တော့ ဝန်ခံပါတယ်။

. နောက်ပိုင်း အစ်ကို အလုပ်ဝင်လို့ ပင်လယ် က ပြန်လာတိုင်း ဟိုပေး ဒီကမ်း လုပ်ရတာ တွေ က တော်တော်လေး ဆိုးလာတယ်။
အရင်လူ တွေထက် ပိုပြီး လောဘတက်လာကြတော့ ပိုပိုပြီး နာမည်ပျက်လာတာ မဆန်းဘူးပေါ့။
ဒီမှာ အမေ က အတော်လေး ရီ ရတယ်။
သူ့သား အလှည့် ပေးလဲ ပေးရ ရော သူ့မှာ ပြောမဆုံး တော့ဘူး။
အဲဒီ တုန်းက အမေ့ ကိုလဲ တရာ ပြ ရတာ အာပေါက်ရော။
ဒီတော့ သူက “နင့် အဖေ တို့တုန်း က အဲလို ဓားမြ တိုက်ခဲ့တာ မဟုတ်ဘူး” တဲ့။
ဒါပေမဲ့ အမေ ရယ်။ ဒီ ယူနီ ဖောင်း ဝတ် မှတော့ ဒီလိုမျိုး ဘဲ ထင်မှာမို့ စိတ်လျှော့ လို့ ပြောရသေး။
ဟုတ်တယ်လေ။
ဒီ နာမည်ပျက် တဲ့ အလုပ် အသိုင်းအဝိုင်း ထဲ က လူ ဖြစ်ခဲ့ မှတော့ သူများ အပြောခံ ရတာ ကို လက်ခံ ရုံဘဲပေါ့။
. ပြောတဲ့ သူ တွေ ကလဲ ဖြစ်ရပ် တွေ ပေါ်မှာ အခြေခံလို့ ပြောကြ၊ စွပ်စွဲကြ တာဘဲ။
ဒါကို ကိုယ်ပါတဲ့ အသိုင်းအဝိုင်း ကလဲ မှားသေး တယ်၊ အမှန်မမြင် ဘဲ မသိဟန်ဆောင်ပြီး ပြောသူ ကို ရန်လုပ်မယ်။
ကိုယ့်ကို စော်ကားသူ လို့ အမုန်းပွါးမယ် ဆိုရင်တော့ ပိုဆိုးဖို့ဘဲ ရှိတယ်။
တစ်ခြားသူ တွေ ပြောသလို ကိုယ်လဲ တကယ်ဖြစ်နေရင်လဲ မနာဘဲ အမှန်ကို လက်ခံပြီး ပါးစပ်ပိတ်ပြီး နေတာ ပိုပြီး အေးပါတယ်။
သူတို့ ပြောသလို မဟုတ်ဘူး လို့ ကိုယ့်လိပ်ပြာလုံ ရင်လဲ ဘာကို မှ နာနေစရာ မလိုဘူး။
ကိုယ်က ပိုပိုပြီး မှန်အောင် နေပြဖို့ဘဲ ရှိတယ်။
ပိုပြီး မြင့်တဲ့ စိတ်ရှိရင် ကိုယ့်အနားက အမှားတွေး နေမိသူ တွေ အမှန်တရား တစ်ခု ကို အတိုင်းအတာ နဲ့ မြင်တတ်အောင် ရှင်းပြပြီး တစ်ယောက်ချင်းက နေ အသိုင်းအဝိုင်း ကောင်းသည် အထိ ပြင်ပေးပေါ့။
ဒါဆို လူ့ အသိုင်းအဝိုင်း ထဲ မှာ တစ်ယောက် နဲ့ တစ်ယောက်၊ အသိုင်းအဝိုင်း တစ်ခု နဲ့ တစ်ခု အထင်သေးခြင်း၊ အပုတ်ချခြင်း၊ နားလည်မှု လွဲခြင်း တွေ နဲ သွားမယ်။

စွပ်စွဲ တဲ့ တစ်ဖက် ကလဲ ဒီလို ကောင် ဆို ဒီလို ဖြစ်တော့ မှာဘဲ ဆိုတဲ့ အပေါ်မှာ ပြောခဲ့ တဲ့ “Confirmation bias” မပါဘဲ ကြည့်နိုင်အောင် ကြိုးစားသင့်မယ်။
တစ်ယောက် (ဒါမှမဟုတ်) တစ်ဖွဲ့ မှာ အတိတ်ကြောင်း အဆိုး ရှိပေမဲ့ အားလုံး ကို ရမ်းပြီး ပြောလို့ မရဘူး။
အသေအချာ မှန် မှ အချက်အလက်ပြ ပြီး ထောက်ပြ ပြောဆို စွပ်စွဲ သင့်တယ်။

အခု လက်ရှိ မြန်မာပြည် နိုင်ငံရေး အခြေအနေမှာ “Confirmation bias” တွေ ပြည့်နှက် နေပါတယ်။
ထင်ကြေး နဲ့ အပေါ်ယံ အတွေး တွေ ပေါ်မှာ အခြေခံ ပြီး သတင်းတွေ ထင်တိုင်း ပြန့်နေတာပါ။
အဲဒီ မခိုင်လုံ တဲ့ ထင်ကြေး အချက် တွေ က နေ ဆုံးဖြတ်ချက် တွေချလိုက်ရင် အင်မတန် ဆိုးရွားတဲ့ အကြောင်း တွေ ဖြစ်လာမှာပါ။

စစ်ဖက် နဲ့ အစိုးရ ဘက်ကလဲ ဒီမိုစကား ပြောတာ နဲ့ ထမင်းငတ်လို့ လုပ်စရာမရှိ သူ တွေ လုပ်နေတာ မြင်ကြတယ်။ အချောင် နေရာ ဝင်လို သူတွေလို့ စွပ်စွဲတယ်။
ဒီမို တွေ ကလဲ စိမ်းစိမ်းမြင် ရန်လုပ်ဖို့ဘဲ တွေး တော့ နှစ်ဖက် အမြင် တွေ ကြား ဘယ်လို မှ မကြည်လင်တော့။
ဒီမို ထဲ လဲ အမှန်တရား အတွက် ကြိုးစားနေသူ တွေ အများကြီး ရှိသလို
အစိမ်းထဲ လဲ ကောင်းတဲ့ အမြင်အတွေး မျှ သူ တွေ ရှိ နေတာ သိသင့်တယ်။

. လောလောဆယ် ရက်ထဲ မျက်စိမှာ အချိုး မပြေ တာ ကို ပြောချင်သေးရဲ့။
. နှိမ်ပြောလိုခြင်း တော့ မရှိပေမဲ့ မြန်မာပြည် ရဲ့ ဘွဲ့ ပိုင်ရှင် တစ်ချို့ ဟာ Management နာမည် တပ် ရုံ နဲ့ နိုင်ငံတကာ ယှဉ် ပြီး ဝင်နိုင်ပဟ၊ ငါဟဲ့ ပညာရှင် ထင်နေကြ တာ စိတ်ပျက်ဖို့ ကောင်းပါတယ်။
အခုခေတ် မြန်မာပြည် မှာ မာစတာသာမက ဒေါက်တာဘွဲ့များပါ ဖောချင် သောချင်း ခလုတ်တိုက်လို့ တောင် ရ နေတဲ့ အခြေမှာ မပြည့်ဝ တဲ့ ဘဝင်ကိုင် ဘောင်ဘင် စိတ် တွေ နဲ့ ဆရာကြီး များ များလွန်းနေပါတယ်။
(အမှန် တော် ပြီး ဘောင်ဘင် မခတ် သူ အများ ကိုတော့ ဒီ စကားကြောင့် အနူးအညွန့် တောင်းပန်ပါတယ်)
အဲဒီ ကျပ်မပြည့် တွေ ကနေ တစ်ဆင့် လဲ “Confirmation bias” တွေ အခြေပြုပါတယ်။

ဒဲ့ ပြောရရင် အဲဒီ အသိုင်းအဝိုင်း က အာဏာရှင်ကိုလဲ လက်မခံ၊ ဒီမိုသမား တွေ ကိုလဲ အမြင်စောင်း ပါတယ်။
. ဒေါ်အောင်ဆန်းစုကြည် လောက်တော့ သူတို့ လဲ စွမ်း တယ် လို့ အထင်ရှိကြပါတယ်။
ဒီတော့ ကြားခံ လူ ဖြစ်နေတဲ့ သမ္မတကြီး မှ သမ္မတကြီး ဖြစ်ကြပါတယ်။
ဒီ သမ္မတကြီး ခမျာ အင်မတန် သနားဖို့ ကောင်းတဲ့ အခြေ ကို ရောက်နေရှာ တယ်လို့ ခံစားမိတယ်။

အဲဒီ ဇော်ကန့်လန့် အုပ်စု ရဲ့ မြှောက်ထိုးပင့်ကော်စကား များက သူ့ ကို အထွက်ရ ခက်နေစေလားမသိပါ၊
ဒါမှမဟုတ် နောက်ကွယ်က အမိန့်ပေးသူကြီး ကိုယ်တိုင် ဇာတ်လမ်းပျောက် ဖြစ်နေသမို့ ကန့်လန့်ကာကြား ကန့်လန့်ကြီး ဖြစ်နေရှာတယ် ထင်မိသေး။
ဒီလို အဖြစ်ကြား ထဲ မှာ ပရိတ်သတ် ကို ရီရမလို ငိုရမလို ဖြစ်အောင် လုပ်ပြ မဲ့ တစ်ကိုယ်တော် မင်သား တစ်သီး ပုဂ္ဂလ များ လဲ ထွက်လာပါဦးမယ်။
ကိုကိုးကျွန်း မှာ ဝင်ပြိုင်ချင်လို့ အဲဒီက အကြောင်းများ သိရင် မျှ ပေးစမ်းပါလို့ ဂဋ္ဌုန်ပြာကြီး ပေါ် က ရူးကြောင်ကြောင် အတည် မေးနေသူ ကို တောင် မြင်လိုက်သေး။
အဲဒါကို Like လုပ်သူ က အမျိုး။ အဲဒီ ပုတ်ထဲ က အဲဒီ ပဲ။

Opppppppppppppppppps ………….
သများ လဲ ပြောရင်း ပြောရင်း “Confirmation bias” တွေ ဝင်လာပြီ မို့ တော်ပါပြီ လို့စ်။ lol:-)))

ဒီမို ၊ ဒီရေ၊  ဒီလူ  တွေ နဲ့။
. ဖြစ်ချင်ရာသာဖြစ်။
ကိုယ် အထင်ကြီးတဲ့ ခေါင်းဆောင်စေလိုသူ နေရာ မရတော့ ရင် လဲ ….
. တော မပြန် ရလို့ သက်သာ တယ် ဘဲ မှတ်တော့ မယ်။

မြစပဲရိုး

About မြစပဲရိုး

Khin Latt has written 240 post in this Website..