၂။ ၀င်စေ……………. ထွက်စေ………………..

” ခြေတစ်လှမ်း အကွာက သူတို့နေရာ “(အပိုင်း ၂)

 

မူဆယ်ရောက်လာပြီး တရုပ်ပြည်ထဲကိုဝင်မယ်ဆိုရင်

ပထမဆုံးလိုအပ်တာကတော့ မှတ်ပုံတင်ပါဘဲ။

မှတ်ပုံတင်ပါရင် မြန်မာ့လ၀ကရှေ့မှာတန်းစီ မှတ်ပုံတင်ပြ ဓါတ်ပုံရိုက်ပြီး

ငွေတစ်ထောင်ကျပ်ပေးလိုက်တဲ့အခါ

တစ်ပါတ်ယာယီနေထိုင်ခွင့်

တစ်ခါသုံး ကဒ်ပြားအစ်ိမ်းလေးလက်ထဲကိုရောက်လာတယ်ဆိုရင်

တရုပ်ပြည်ထဲကိုဝင်လို့ရပါပြီ။

ရှေ့ဘက်

ရှေ့ဘက်

၆ညအိပ်၇ရက်နေ့ခွင့်အတွက်ကျပ်တစ်ထောင်ပါ။

ကျောဘက်

ကျောဘက်

အဲဒီကဒ်လေးကိုယူ တရုပ်ပြည်ထဲကိုဝင်တဲ့ အဆောက်အဦထဲကိုဝင်လိုက်ပါ။

လူတွေတန်းစီနေတဲ့နောက်က ၀င်တန်းစီလိုက်ပါ။

အဲဒီနေရာနားကိုရောက်ပြီဆိုရင်

“စာအုပ်ဖွင့်ပေးပါ။

မဆူညံရ

လက်ကိုင်ဖုန်းမသုံးရ

ဓါတ်ပုံမရိုက်ရ၊”

ဆိုတာတွေကိုပုံလေးတွေနဲ့ပြထားပါတယ်။

တန်းစီပါ၊

ရပ်မျှဉ်းအ၀ါထက်မကျော်ရဘဲ တစ်ယောက်နဲ့တစ်ယောက်ခွာပြီးဝင်ပါ

လို့ရေးထားပေမယ့်

ကျနော်တို့ မြန်မာတွေက တော့ ရှေ့လူနဲ့နောက်လူ ဇွတ်ကပ်ထားကြတာပါဘဲ။

ကြားဖြတ်တိုးလို့မရအောင်ပိတ်ထားတာကအကျင့်ပါနေတာကိုး။

သူတို့ရှေ့ရောက်တဲ့အခါ

ဦးထုပ်ဆောင်းထားရင်ချွတ်ခိုင်းမယ်။

မျက်မှန်ချွတ်ခိုင်းမယ်။

သူတို့စည်းကမ်းနဲ့မကိုက်ညီရင် တစ်လုံးစနှစ်လုံးစတတ်တဲ့မြန်မာစကားနဲ့ပြောမယ်။

“တန်းစီ ” တို့ “စာအုပ် “တို့ ကို ဗမာစကားမပီမသနဲ့တောင်းမယ်။

မျက်မှန်တွေ ဦးထုတ်တွေချွတ်မထားရင် တရုတ်လိုပြောမယ်။

အပြောခံရသူက တရုတ်စကားမတတ်တော့ ဘာပြောနေတာမှန်းမသိလို့

အူကြောင်ကြောင်ဖြစ်နေမယ်ဆိုရင်

ဘေးနားရှိတဲ့လူက ၀င်ပြီးဘာသာပြန်ပေးကြပါလိမ့်မယ်။

(အသားလွတ် အော်ရင် ဆူရင် တိုင် လို့ရတယ်ပြောပါတယ်)

သူတို့မျက်နှာတွေကတော့ မရယ်မပြုံး ဖော်ရွေမူ့မရှိ။

ဒါပေမယ့် ၀င်လာသူထံက လည်း ဘာမှ ရယူလိုမူ့မရှိ။

သူတို့အချင်းချင်း စကားပြောနေရင်းက နေ ကွန်ပြူတာကို တဂျောက်ဂျောက်နှိပ်မယ်။

ပြီးရင် ကဒ်အစိမ်းပေါ် ဒါမှ မဟုတ်စာအုပ်ပေါ်ကို တံဆိပ်တုံးထုပြီးရင်

တရုပ်ပြည်ထဲကိုဝင်ခွင့်ရလို့ နိုင်ငံခြားကိုရောက်သွားပါပြီ။

အင်မတန်မှလွယ်ပါတယ်။

တစ်ယောက်သူ့ရှေ့ကထွက်သွားရင်သူက လက်ဖ၀ါးကိုထောင်ပြပါမယ်။

နောက်တစ်ယောက်လာလို့ ရပြီဆိုတဲ့သဘောပေါ့။

 

ပြန်ထွက်မယ်ဆိုရင်လဲ အထွက်ပေါက်မှာ အခုလိုဘဲတန်းစီ။

တရုတ်လ၀က ဘက်က အထွက်တံဆိပ်တုံးထု ပြီးရင်ပြန်ထွက်လို့ရပါတယ်။

စာအုပ်အနီသမားကတော့ တရုပ်ပြည်ဘက်ကထွက်တာနဲ့မြန်မာပြည်ဘက်ကို အ၀င်တံဆိပ်တုံးထုပေါ့။

တစ်ပါတ်နေခွင့်ကဒ်ကိုင်သူများကတော့ အထွက်မှာ မြန်မာလ၀က ကို ကဒ်အစိမ်းလေး ပြန်အပ်ခဲ့ရပါတယ်။

(အဲဒီကဒ်ကိုမအပ်ဘဲလွှင့်ပစ်ခဲ့ရင် တရားဥပဒေအရ အရေးယူနိုင်တယ်လို့ပြောပါတယ်)

ပြန်ဝင်ချင်တယ်ဆိုရင်တော့ အ၀င်ပေါက်မှာ ပြန်တန်းစီ

တစ်ထောင်ပေး ကဒ်အသစ်ပြန်လုပ်ပေါ့။

တကယ်လို့များ မှတ်ပုံတင် မပါခဲ့ရင်ရောလို့မေးရင်

မြန်မာလူမျုိးဝန်ထမ်းတွေက ကိုယ့်အမျိုးအချင်းချင်းပေါ်စောင့်ရှောက်ပါတယ်။

ကဒ်အစိမ်းရှိ မှတ်ပုံတင် မပါ ပြန်ဝင်ဘို့ ၀င်ခွင့်ကဒ်ပြား ပြန်လုပ်မယ်ဆိုရင်

လဲကူညီပေးပါလိမ့်မယ်။

တကယ်လို့များပြန်ထွက်လာတဲ့အချိန် သတ်မှတ်ထားတဲ့ရက်ထက်

လွန်နေရင်လည်း ကူညီပါတယ်။

ဥပဒေရှိတဲ့အတိုင်း တိတိကျကျကြီးအရေးမယူပါဘူး။

ကြီးသောအမူ့ငယ်စေဆိုတဲ့စေတနာလေးနဲ့ပါ။

ငွေပေးရင် ကိုယ့် အမျုိး ကိုယ်ပြန်စောင့်ရှောက်ပေးတတ်တာဂုဏ်ယူစရာပါဘဲ။

တကယ်လို့များကိုယ်က ဒီမှာ အမြဲအလုပ်လုပ်မယ့်သူ

နေ့တိုင်းဝင်ချီထွက်ချီ လုပ်မယ်ဆိုရင်တော့ စာအုပ်အနီလုပ်ထားရင်ရပါတယ်။

ဒါပေမယ့်လည်းစာအုပ်အနီပေါ်မှာ “၀န်ထမ်းမဟုတ်”လို့ အတိအကျရိုက်ပေးထားပါတယ်။

 

စာအုပ်နီ

စာအုပ်နီ

စာအုပ်အနီကလည်း ကဒ်အစိမ်း လို တစ်ပါတ်ဘဲနေထိုင်ခွင့်ရပါတယ်။

သူကတော့ သက်တမ်း တစ်နှစ်ပေးထားပါတယ်။

ပုံမှန်ဈေး စာအုပ်တစ်အုပ်ကျပ်သောင်းရှစ်ထောင်၊

တကယ်လုပ်မယ်ဆိုရင်တော့ ကျပ်နှစ်သောင်းလောက်တော့ကုန်တာပေါ့။

သူကလဲ စာအုပ်ကုန်သွားရင်ဖြစ်ဖြစ် သက်တမ်းပြည့်ရင်ဖြစ်ဖြစ်

အသစ်ပြန်လုပ်ရရင်ဒီဈေးပါဘဲ။

ဒီစာအုပ်အနီလုပ်ပေးတာကို ဖွင့်လိုက်ပိတ်လိုက်

အခုလုပ်ပေးလိုက် အခုလုပ်မပေးဘဲရပ်လိုက်နဲ့ဆိုတော့

ကူညီခကြေးကတော့အပြောင်းအလဲရှိတာပေ့ါနော်။

အမြဲနေထိုင်ခွင့်ဆိုတဲ့ စာအုပ်အစိမ်းကတော့ ပိုက်ဆံအတော်ကုန်မှရသလို

ရဘို့လဲမလွယ်ပါဘူး။

ဘာသာပြန်ရုံးကိုသွားပြီး ဘာသာပြန်ခိုင်း ဖောင်ဖြည့်ခိုင်းရတယ်။

ပြီးရင်ဆေးစစ်ရမယ် အဆင့်ဆင့်လုပ်ရတော့ နည်းနည်းကြာတော့လူတိုင်းလဲမလုပ်နိုင်ပါဘူး။

 

တရုပ်ပြည်ထဲကနေ မြန်မာပြည်ဘက်ထွက်မယ်ဆိုရင် မြန်မာလ၀ကမှာတံဆိပ်တုံးဝင်ထုသွား။

ပြန်ဝင်မယ်ဆိုမြန်မာလ၀က ဘက် မှာအ ၀င်တံဆိပ်တုံးထု ရင် မြန်မာငွေ ကျပ်သုံးရာပေးရပါတယ်။

တစ်ခါထွက်ပြီး တစ်ခါပြန်ဝင်တိုင်း မြန်မာငွေ သုံးရာကျပ်ပေးရပါတယ်။

တစ်နေ့တစ်နေ့ မြန်မာဘက်ကနေတရုပ်ဘက်ကိုလူထောင် ချီပြီး ၀င်ပါတယ်။

လူတစ်ယောက်ကျပ်သုံးရာကောက်တဲ့နေရာမှာတော့ ကွန်ပြူတာနဲ့ မကိုင်ဘဲ စာရင်းစာအုပ်အရှည်နဲ့ဘဲ

မှတ်တာတွေ့ရပါတယ်။

ကွန်ပြူတာနဲ့အလုပ်လုပ်ကြတဲ့ခေတ် လင့်တွေချိတ်ပြီးဆွဲယူရင်ကြည့်ရင်အားလုံးသိနိုင်တဲ့ခေတ်ကြီးထဲမှာ

အခုချိန်ထိစာအုပ်နဲ့စာရင်းမှတ်နေတယ် ဆိုတာက အတော်ကို ရင်ခံစရာကောင်းလှပါတယ်။

တကယ်လို့များ စာအုပ်အနီသမားလဲရက်ကျော်သွားခဲ့ရင် ကူညီစောင့်ရှောက်ပေးတတ်တာကတော့

ကျေးဇူးတင်ပါတယ်။

မတော်လို့များ ရက်လွန်အောင်နေတယ် စည်းကမ်းဖောက်တယ်ဆိုပြီး

ခေါ် ထားရင် အခက်သားလား။

 

တရုပ်ပြည်ထဲ ကို ၀င်ချိန်ထွက်ချိန် သတ်မှတ်ပေးထားပါတယ်။

တရုပ်စံတော်ချိန်က မြန်မာစံတော်ချိန်ထက် တစ်နာရီခွဲစောပါတယ်။

မနက်ဆိုရင် တရုပ်နာရီ ရနာရီခွဲမှာဖွင့်ပေးပါမယ်။

(မြန်မာစံတော်ချိန် ခြောက်နာရီ)

ပိတ်ချိန်ကတော့ တရုပ်ည ကိုးနာရီ ခွဲ(မြန်မာဆယ်နာရီ)အထိရပါတယ်။

တစ်ခါတစ်ရံ ၀င်သူထွက်သူ မရှိရင်တော့ စောပိတ်တတ်ပါတယ်။

 

မူဆယ်ကို အိပ်စ်ပရက်ကားကြီးနဲ့မန်းလေးက လာရင် ဒီကိုနောက်နေ့မနက်ရောက်တော့

ဝင်ဘို့ အတွက်ပြဿနာမရှိပေမယ့် ကားအသေးနဲ့မနက်မှလာသူအဘို့ကတော့ တစ်ခါ တစ်ခါ

မြန်မာလ၀က ရဲ့ ကဒ်အစိမ်းထုတ်ပေးချိန်ကို မမှီတတ်ပါဘူး။

ကူညီစောင်မမယ့်လူရှိရင်တာ့ ကဒ်အစိမ်းကိုရုံးချိန်လွန်သွားလည်းရနိုင်ပါတယ်။

ကူညီစောင်မတယ်ဆိုမှတော့ ကျေးဇူးသိတတ်ရပါတယ်။

အဲလို ကူညီစောင်မ မယ်သူ့ မရှိရင်တော့”ခိုးပေါက်”ကို အားကိုးရပါတော့တယ်။

“ခိုးပေါက်”ဆိုတာ ဘာလဲဆိုတော့………………….

 

ကိုပေါက်လမ်းသလားနေသည်

27–4-2015

ကိုပေါက်(မန္တလေး)

About ကိုပေါက်(မန္တလေး)

ko pauk mandalay has written 1570 post in this Website..

အတွေးပါးပါးလေးကနေ ထူသွားပြီထင်တော့ အရင်လောက်တော့ စာမရေးဖြစ်တော့ဘူး။