. မြတို့ မျိုးရိုး သည် နယ် ဖက်မှ ဖြစ်သည်။
အဖေ့ ရဲ့ ဇာတိမြို့ က ပလာတာ နာမည်ကြီး ဖြစ်သည်။
အဖေ့ အဖေ  ရဲ့ မြို့လေး က တော့ နာမည်ကြီး ခေါက်ဆွဲ ကို အမည်တပ်ခေါ်နိုင်သည်။
အဖေ တို့ ညီအစ်ကို အတွက် အဖိုး က မြင်းကြီးများ ဝယ်ထားသည် ဟု ပြောသည်။
တစ်ခါတစ်ရံ အဖေ့ ရဲ့ ငယ်ပုံပြင်ထဲ က မြင်းနက် ထွားထွား ကြီး များ  မြင်ယောင်ကြည့်မိသည်။
. မြရဲ့ အဖိုး သည် စီးပွါးရှာကောင်း ပုံရခဲ့သည်။
သက်တမ်း တော့ သိပ်မရှည်လိုက်။
အဖေတို့ ဆယ်ကျော်သက် မှာ ဆုံးခဲ့သည်။

. မြတို့ ကလေးဘဝ ငယ်ငယ် က မြ တို့ ကို ထိန်းပေးသည့် လင်မယား ရှိသည်။
အဖိုး ရဲ့ ကားဒရိုင်ဘာ လင်မယား လို့ ပြောသည်။
သူတို့ သည် မြ ရဲ့ အဖေ့ ကိုလဲ ငယ် ကထဲ က ထိန်းလာသူများ ဖြစ်သည်။  မြ ရဲ့  အဖေ ရန်ကုန် ပြောင်းချိန် သူတို့ ပါ ပါလာကြသည်။
ထို လင်မယား တွင်  အဖိုးကြီး ဆုံးတော့ အဖွားကြီး ကို အဖေ က အိမ် ကို ခေါ်ထားခဲ့သည်။

ထို အဖွား ဆုံးချိန် အဖေ့ ကို ပစ္စည်းလေး တစ်ခု အမွေ ပေးခဲ့သည်။
“လွတ်လပ်ရေး မော်ကွန်းဝင် တတိယဆင့်” ဟု ရေးထားသော တံဆိပ်လေး ဖြစ်သည်။
တန်ဖိုး ရှိမည် မဟုတ်သော်လည်း အဖေ သည်  အမြတ်တနိုး သိမ်းထားသည်။

အဖေ အမြတ်တနိုး ထားလွန်းသည့် ပစ္စည်းတွေ ထဲ ဗိုလ်ချုပ်အောင်ဆန်း ၏ မှန်ဘောင်သွင်း ဓာတ်ပုံ ကြီး လဲ ပါသည်။
အတော်လေး ကြီးသည်။
. မြတို့ ကြီး သည် အထိ ဧည့်ခန်းထဲ ချိတ်ထားသည်။
၈၈ အပြီး မှာတော့ ဖြုတ်သိမ်းခဲ့ရသည်။
အဖေ့ ရင်ထဲ တွင်တော့ ထို ပုံ သည် အမြဲ ရှိမည် ကို ယုံသည်။

ထို သွေးသည် မြ ဆီ ကို ကူးလာသည် ဟု ထင်သည်။
.မြတို့ သိတတ်ခါစ အရွယ်ထဲ က အာဇာနည် နေ့ ဆို ရေဒီယို ဥဩ ဆွဲသံ ကို နားထောင်၍ အလေးပြု ရသည်။
ဘာလို့ မှန်းမသိ။ မေလှမြိုင် သီချင်း နားထောင်ရင်း မျက်ရည်ဝိုင်းလေ့ ရှိခဲ့သည်။
. မြ အဖေသည် တာဝါလိန်း ရှိ ဗိုလ်ချုပ်ပြတိုက် သို့ မြတို့ မောင်နှမ တွေ ကို နှစ်တိုင်းပို့သည်။
ထို အိမ်ရှေ့ရှိ အောင်ဆန်းလင်း ရေနှစ်သည့် ရေကန် လေး ကို ကြည့်ပြီး စိတ်မကောင်းခြင်း ကြီးစွာ ဖြစ်ရသည်။

. မြ အသက်ကြီး လာချိန် အောင်ဆန်း သမိုင်း စာ တွေ ကို ဖတ်သည်။
ထိုစာများ မှ သူ့ရဲ့. ကောင်းသည့် အကျင့်များ သာမက ဆိုးသည့် အကျင့် များ ကိုလဲ မြင်မိသည်။
သမိုင်းထဲ ဇာတ်ကြမ်းတိုက်ခဲ့ သော အဖြစ် တစ်ခု ကို လဲ ဖတ်ဘူးသည်။
သို့ပေသည့် သူ့လုပ်ရပ်တိုင်း ရဲ့ နောက်မှာ သူ့ရဲ့ စေတနာ သူ့ရဲ့ မေတ္တာ ကို အထင်းသား မြင်နေရသည်။
မှားသည် မှန်သည် ဆိုသည့် ဝေဖန်သည့်  အကြောင်းများသည် သူ့ရဲ့  တိုင်းပြည် လူထု အပေါ်ထားခဲ့သည့် ကြီးမားသော သစ္စာတရား အောက်မှာ ကျန်ခဲ့သည်။

ဘာပြောပြော အောင်ဆန်း သမိုင်း သည် ဘယ်အခါမှ မရိုင်းခဲ့။
သူ့ စကား တွေ ကို နားထောင်ဖို့  ဘယ်တော့မှ မရိုး ခဲ့။
သူ့ အကြောင်း မှတ်တမ်း တွေ ကို ဖတ်ဖို့ ဘယ်တော့မှ မပျင်းခဲ့။
ထို မှတ်တမ်း တွေထဲ ရီရမလို ငိုရမလို အဖြစ် တွေ ကိုလဲ ဖတ်ဖူးသည်။
. ပြည် ရွှေတောင် မှ တစ်ဆင့် ရခိုင် သို့ အသွား ဖွတ်ချက် ဖွတ်ချက် ကားစုတ် လေး ပျက်သည့် အကြောင်း ထဲ ကိုအောင်ဆန်း ကိုယ်တိုင် ကားဆင်းတွန်း ရသည် ကို လဲ မြင်ယောင်ခဲ့လိုက်သည်။

. မြပြုံးခဲ့ မိသည်။
အဖေတို့ ငယ်စဉ်က မြ ရဲ့ အဖိုး မှာလဲ ဖွတ်ချက်ချက် အော်စတင်ကားစုတ် အမဲ လေး ရှိခဲ့ဖူး၏။

AS

မြစပဲရိုး

About မြစပဲရိုး

Khin Latt has written 240 post in this Website..