love-sky

အချစ် ဆိုတာ
မိုးကောင်းကင်ကြီး လိုပါပဲ …။

နေ ပူတယ် …။
နှင်း ကျတယ် …။
မိုး ရွာတယ် …။

တစ်ခါတစ်ခါ
တိမ်တိုက်တွေ နေကို ကွယ်လို့
မိုးကလည်း အုံ့တတ်ပါသေးတယ်။

တိမ်တွေကို အရောင်ခြယ်လို့
လှပစေတဲ့ အခါတွေလည်း ရှိတယ်။

တိမ်မည်းတွေနဲ့
ကြောက်စရာအသွင် ဖန်ဆင်းလို့
ခြောက်လှန့် အသံပေးတဲ့ အခါတွေလည်း ရှိတယ်။

ဘာပဲပြောပြော
သူဟာ ကျယ်ပြန့်တယ်
နက်ရှိုင်းတယ်
သူ့ရင်ခွင်ကြား အားလုံးကို
ထွေးပိုက်လို့ ထားတယ်။

+ + + + +

သူ့ဆီက နေရောင်တွေ ဖြာကျတဲ့အခါ
ပျော်ကြတဲ့သူတွေ ပျော်ကြတယ်။
စိတ်ဆိုးတဲ့သူတွေ ဆိုးကြတယ်။

သူ့ဆီက နှင်းစက်တွေနဲ့ ဖြန်းပက်လိုက်တဲ့ အခါ
ပျော်ကြတဲ့သူတွေ ပျော်ကြတယ်။
စိတ်ဆိုးတဲ့သူတွေ ဆိုးကြတယ်။

သူ့ဆီက မိုးပွင့်တွေ ခြွေချလိုက်တဲ့အခါ
ပျော်ကြတဲ့သူတွေ ပျော်ကြတယ်။
စိတ်ဆိုးတဲ့သူတွေ ဆိုးကြတယ်။

သူက ကျီစယ်လို့ ကစား
တိမ်ထုတွေနဲ့ နေရောင်ကို ဖုံးအုပ်ထားတဲ့အခါ
ပျော်ကြတဲ့သူတွေ ပျော်ကြတယ်။
စိတ်ဆိုးတဲ့သူတွေ ဆိုးကြတယ်။

သူက စိတ်ဆိုးယောင်ဆောင်
မျက်နှာမည်းကြီးနဲ့
ငေါက်ငမ်းသံတွေ လျှံထွက်သွားတဲ့အခါ
ပျော်ကြတဲ့သူတွေက ပျော်ကြပါသေးတယ်။
စိတ်ဆိုးတဲ့သူတွေ ကလည်း ဆိုးကြပါသေးတယ်။

ဘာပဲပြောပြော
သူ့ရဲ့ ပြာလဲ့လဲ့ နှလုံးသားဟာ
ဘယ်တော့မှ ပြောင်းလဲလို့ မသွားခဲ့ဘူး။

+ + + + +

အချစ်ဆုံးလေးရေ …

ကိုယ်တို့ရဲ့ အချစ်ဇာတ်လမ်းမှာလည်း

နေပူတဲ့အခါ ရှိမယ် …။
နှင်းကျတဲ့အခါ ရှိမယ် …။
မိုးရွာတဲ့အခါ ရှိမယ် …။
မိုးအုံ့တဲ့အခါ ရှိတယ် …။

တိမ်တွေကို
အလှဆုံး အရောင်ခြယ်ထားတဲ့ အခါမျိုးတွေလည်း ရှိမယ် …။
တိမ်တွေကို
အမည်းရောင် ဆိုးလို့ မိုးခြိမ်းသံတွေ ညံနေတဲ့ အခါမျိုးတွေလည်း ရှိမယ် …။

ဒီလို အခါမျိုးတွေမှာ
အပြန်အလှန်
နားလည်မှုတွ ထားလို့
မပြောင်းလဲတဲ့ ပြာလဲ့လဲ့ နှလုံးသားဆီမှာသာ
သက်ဆုံးတိုင် ခိုနားကြရအောင်လားကွယ် …..။

+ + + + +

– အံစာတုံး
(Anniversary အမှတ်တရ ကဗျာ လက်ဆောင်)

Anzartone

About Anzartone

has written 306 post in this Website..

အချို့သော အရာတွေဟာ "ပြောင်" ပြီးရင် ပြန်ကောင်းဖို့ မလွယ်ဘူး။ အချို့အရာတွေ ကျတော့ တစ်မျိုး။ "ပြောင်" ပြီးရင် ပိုပို ကောင်းလာတတ်တဲ့ အမျိုး။ နှုတ်ခမ်းမွေး ပြောင်အောင်လို့ ရိတ်တယ်။ ရိတ်လေ .. သန်လေပဲ။ ထိပ်ပြောင်လို့ ဆံပင် သန်အောင် လုပ်တယ်။ မလွယ်ပြန်ဘူး။ ဒီသဘော .. ဒီသဘော။