လူတိုင်းမှာတော့ စိတ်ကူးအချို့ အိပ်မက်အချုိ့ ရှိကြမှာပါ။ ရှိလည်း ရှိကြပါတယ်။ စိတ်ကူးဆိုတဲ့အရာ

ကတော့ ကိုယ့်စိတ်ထဲမှာ တွေးထားတဲ့ အရာတွေပေါ့။ အိပ်မက်သည်မှာလည်း ကိုယ်နှစ်သက်ရာ အိပ်မက်

မက်ထားတဲ့ အရာတွေပေါ့။

ငယ်ငယ်ကတော့ ကြီးလာရင် ဘာလုပ်မလဲ ဆရာဝန်ကြီး စစ်ဗိုလ်ကြီး အင်ဂျင်နီယာကြီးပေါ့။

ဆယ်တန်းအောင် တက္ကသိုလ်ရောက်လာတော့ ဂရက်ဖစ်ဒီဇိုင်းပညာကို စိတ်ဝင်စားတာနဲ့ အဲ့သည်ပညာနဲ့

ငွေရှာလာတာ ငါးနှစ် ခြောက်နှစ်နီးပါး ရှိလာချိန်မှာတော့။ ကိုယ်ဖြစ်ချင်တဲ့ ဘဝပုံစံကို ငြီးငွေ့စပြုလာပါတယ်။

အသက်အရွယ်လာတဲ့အချိန်မှာ စိတ်ကူးအိပ်မက်အချို့ဟာ အရောင်ပြောင်းလာတော့တယ်။ စိတ်ရှုပ်

စရာ ဒီဇိုင်းတွေ မဆွဲချင်တော့ဘူး။ ကိုယ့်နေအိမ်ကို မက်မောလာတယ်။ တိုးတက်ချင်စိတ်မရှိဘူးလို့

ပြောရင်လည်း ခံရမယ့်ပုံစံ။ စိတ်ထဲက အဝေးကြီး မှန်းပြီး အိပ်မက်မက်ရတာထက် စိတ်ကူးတာထက်

လက်တစ်ကမ်းအလိုကိုသာ ပိုပြီးအိပ်မက်ချင် စိတ်ကူးချင်တယ်။

လောလောဆယ် ပြိုကျလုဖြစ်နေတဲ့ အိမ်လေးရယ်။ နောက် ကန်ထရိုက်ဆာက်ရင်တော့

အိပ်မက်စိတ်ကူးထားတာလေးတွေရှိတယ်။ တကယ်တော့ ကိုယ့်စိတ်ထဲက ဗီဇအကျင့် ၀ါသနာကတော့

ဘယ်လိုလုပ်လုပ် ဖျောက်မရဘူးဆိုတာပိုသိလာတယ်။

ဟင်းချက်တယ် ၊ ဒီဇိုင်းဆွဲတယ် ၊ ဓာတ်ပုံတွေရိုက်တယ်။ ကိုယ့်ကိုယ်ကို ကျိန်ဆဲမိတာက

အခုထက်ထိ pro camera တစ်လုံးလောက် မပိုင်ဆိုင်တာပါပဲ။ ခုလက်ရှိနေအိမ်လေးက လူများပြီး

ကျဉ်းတယ်။ နောက်ဖြစ်လာမယ့်အိမ်မှာ ကိုယ့်စာအုပ်စင်လေးကို သီးသန့်ထားချင်တယ်။ pro camera

လေးတစ်လုံး မရရအောင်ဝယ်မယ်။ ၀န်ထမ်းအလုပ်ကို စွန့်လွှတ်ပြီး Restaurant & Bar လေးတစ်ခု

ဖွင့်ဖို့ မေမေ့ကို ခွင့်တောင်းထားတယ်။ ကိုယ့်ဒီဇီုင်းပညာကိုလည်း အခွင့်ရရင် ဆက်လုပ်မယ်။ စာလည်း

ရေးမယ်။

ဟိုးးးးးးးး အနာဂတ်အဝေးကြီးမဟုတ်ဘူး ခုလက်တစ်ကမ်း ကျွန်တော့စိတ်ကူးအိပ်မက်လေးကို

မြန်မြန်လိုချင်နေမိတယ်။

 

…………..

အောင်မိုးသူ

အောင် မိုးသူ

About အောင် မိုးသူ

ဘကြီး အောင် has written 203 post in this Website..

နာမည်အရင်းကော ကလောင်နာမည်ကော အောင်မိုးသူပါ။ လူဆန်တဲ့ လူ့ဘ၀ထဲမှာ နေထိုင်တဲ့လူတစ်ယောက်ပါ။