ဝမရှိပဲ ၀ိလုပ်သည် ဟူသည့်စကားရဲ့အဓိပ္ပာယ်ကို လူတိုင်းနီးပါးသိကြပေလိမ့်မည်။

ဥပမာတစ်ခုအနေနဲ့ပြောရလျှင-်

မိမိအိမ်မှာ စားဖို့ပင်ခက်ခဲနေသည့်ကြားက အ၀တ်အစားအကောင်းစားတို့ကိုဝယ်ဝတ်လျက်

မိတ်ဆွေ၊အပေါင်းအသင်းတို့အလယ် ကြွားဝါ၀တ်ဆင် ဟန်ရေးလုပ်သူကဲ့သို့သောသူများကို ဆိုလိုသည်။

 

ဝိလုပ်ချင်ချင်းဟူသည် ရောဂါတစ်ရပ်ဟုဆိုရာတွင်မမှား။ဝိလုပ်ချင်သည့်ရောဂါကို စတင်မိပြီဟု သိသည့် အချိန်တွင် ပျောက်အောင်

ကုရင်ကု ထိုသို့မဟုတ်ပဲဝိလုပ်ချင်စိတ်၌သာယာလျက် ၀ိလုပ်မြဲလုပ်နေပါက နာတာရှည်ရောဂါတစ်ခုပမာဖြစ်သွားနိုင်ပေသည်။

လူ့အသိုင်းအ၀ိုင်းတွင် မူလတန်းအရွယ်မှစ၍ အရွယ်ရောက်ပြီးသည့်ကာလအထိ မိမိတို့နှင့် ပေါင်းသင်းဆက်ဆံသည့်

မိတ်ဆွေတို့ကိုရွေးချယ်ရာ်၌ ငွေကြေးချမ်းသာသည့် လူကုံတန်တို့ကို

အထင်ကြီးအားကျကာပေါင်းသင်းလိုကြ ရွေးချယ်ချင်ကြသည်။ ငွေကြေးချမ်းသာသူတို့နှင့် ပေါင်းသင်းလို

စိတ်ဖြစ်သူတို့တွင်အတွင်းစိတ်သဘောမျိုးမျိုးကြောင့်ပေါင်းသင်း လိုကြခြင်းးဖြစ်သည်။

 

တစ်ချို့သောသူတို့က ငွေကြေးချမ်းသာသူတို့ထံမှ စားရနိုး၊သောက်ရနိုး၊စွန့်ကြဲပေးကမ်းမှုကိုခံယူရ

လိမ့်နိုးဟူသည့်စိတ်နှင့်ပေါင်းသင်းလိုကြသလို၊တစ်ချို့သောသူတို့ကတော့ ဘာစွန့်ကြဲပေးကမ်းမှုကို မှ

တမင်တကာမျှော်ကိုးတာမျိုးမရှိပဲ ငွေကြေးချမ်းသာသူတို့နှင့် ပေါင်းသင်းနေရသောကြောင့် မိမိကိုယ်တိုင်လည်း

လူကုံတန်တစ်ယောက်ပမာ ဖြစ်နေသလို အထင်ရောက်လျက် မိမိပတ်ဝန်း ကျင်က မိမိကို အထင်ကြီးနေကြမှာပဲ ဆိုပြီး

ကိုယ့်စိတ်ထဲကိုယ်အထင်မှတ်လျက် ပေါင်းသင်းချင် ကြခြင်းဖြစ်သည်။

 

ထိုသို့သောသူများသည် မိမိရဲ့တကယ့်အသိုင်းအ၀ိုင်းအစစ်အမှန်နှင့် ဝေးကွာသည်ထက်ဝေးကွာ လ်ာကြသလို

မိမိအသိုင်းအ၀ိုင်းသည် မိမိနှင့်မအပ်စပ်ဟုစိတ်ကြီးဝင်ကာ် မိမိအသိုင်းအ၀ိုင်းကို အထင်သေးလျက်

ဝေးကွာအောင်ဖန်တီးချင်ကြသည်။

 

ငွေကြေးချမ်းသာသူတို့နှင့်ပေါင်းသင်းလိုသူများတွင် တစ်ချို့ အကျိုးစီးပွားဖြစ်ထွန်းကောင်းဖြစ်ထွန်း ပေမည်။သို့ရာတွင်

အများစုမှာတော့ ငွေကြေးချမ်းသာသူတို့ကို အထင်ကြီး၊အားကျ၊တုပလိုစိတ် တွေဖြစ်ထွန်းနေတာကြောင့်

မိမိစိတ်တွင်ဖြစ်ပေါ်နေသည်များကို ဖြည့်ဆည်းရန်အတွက် ၀မရှိပဲဝိ စလုပ်ဖြစ်ကြတော့သည်။

 

မိမိတွင် ငွေကြေးတစ်စုံတစ်ရာရှိခဲ့ရာတွင်

(၁)အိမ်ဝယ်၍ လိုင်းကားစီးမည်။(၂)အိမ်ငှားနေ၍ ကားဝယ်စီးမည်။

နံပါတ် (၁)ကို ရွေးချယ်မည့်သူသည် မိမိအပေါ်လူအထင်ကြီးခံရဖို့ မခံရဖို့ထက်၊မိမိဘ၀အာမခံချက် ရှိဖို့အရေး

ကြိုတွေးပူကာဆုံးဖြတ်သူဖြစ်လျက် ထိုလူအတွက် သွားရေးလာရေ်း်၌ထင်သလောက် လိုရာမရောက်သော်ငြား အပင်ပမ်းခံရမည်.

နံပါတ်(၁)ကိုရွေးချယ်သူတို့သည် ၀ ကိုစရေးသူတို့ဖြစ်ကြသည်။နံပါတ်(၁)ကို ရွေးချယ်ခြင်းကြောင့် ရရှိလာမည့်အကျိုး ကျေးဇူးတွေမှာ

အဓိကကျတဲ့အကျိုးတွေက အိမ်ငှားခသက်သာမည်၊မိမိအိုးနှင့်တန်သည့်အဆံသာ ထည့်ရမည်မို့ ကားဝယ်စီးခြင်းကြောင့်

ကုန်ကျရမည့် လောင်စာဆီဖို့၊တခြားဗာရီယဖိးု့ သက်သာမည်။မိမိသည်ပိုလျှံသူတစ်ယောက်မဟုတ် သေးသည့်အတွက်

မိမိသွားလာရေးအတွက် ဇိမ်မခံသင့်သေးဟု ခံယူချက်ရှိနေပေလိမ့်မည်။

 

နံပါတ်(၂)ကို ရွေးချယ်သူတို့သည် အထက်ကပြောချင်သည့်အကြောင်းအရာရဲ့ဇာတ်ကောင်

ဝိလုပ်ချင်သူတို့ဖြစ်လျက် ရွေးချယ်ခြင်းကြောင့် ရလာမည့်အကျိုးအမြတ်တို့သည်နံပါတ်(၁)မှာနဲ့ ဆန့်ကျင်ဘက်ဖြစ်လာလိမ့်မည်။

အိမ်ငှားခကုန်ရမည်၊လောင်စာဆီနဲ့ကားဗာရီယဖိုးရှာရမည်။ထို့အပြင် မိမိသည် ဟန်တစ်လုံး ပန် တစ်လုံးနှင့်

ထည်ထည်ဝါ၀ါနေနေကြဖြစ်တာကြောင့် တစ်ပါးသူများကလည်း မိမိကို ငွေကြေးချမ်း သာသူဟု

အထင်ရောက်ကြလိမ့်မည်။ထိုသူတို့အထင်ရောက်ခြင်းအပေါ် သာယာနေပေလိမ့်မည်။ ထို့အတွက်ကြောင့်

ထိုသူတို့အထင်ရောက်ခြင်းမှ ပြောင်းပြန်အထင်ရောက်မှုများမိမိအပေါ်ကျ ရောက်မည့်အရေးသည် မိမိအတွက်

ရှက်စရာကိစ္စကြီးတစ်ရပ်ဖြစ်နေပေလိမ့်မည်။

 

တစ်ပါးသူတို့ရဲ့အထင်အတိုင်းဆက်လက်ရှိနေစေရန် အမြဲလိုလို ၀ိလုပ်နေရပေမည်။ဝိလုပ်နိုင်ဖို့

အမြဲကြံဆနေရပေလိမ့်မည်။လုံး၀၀ိမလုပ်နိုင်သည့်အခြေအနေတွင် မကောင်းမှုဒုစရိုက်တို့သည်

မိမိခေါင်းထဲဝင်လာပေတော့မည်။ထိုမှသည် ၀ဆိုတဲ့ အခံမရှိပါပဲ လုံကြီးတင် တင်ချင်သူတို့အတွက်

ပျက်ဆီးရာလမ်းကြောင်းစလာပေလိမ့်မည်။

 

တစ်ချို့လူတွေကိုတော့ ချွင်းချက်အနေနှင့်ပြောရပေမည်။မိမိတွင် ကားဝယ်ရန်လုံလောက်သော် လည်း အိမ်ဝယ်ရန်မှာ

မိမိအလုပ်အကိုင်နှင့်ဝေးကွာသောအရပ်တွင်သာတတ်နိုင်မည်။မိမိ ရာထူး၊ဂုဏ်သရေနှင့် မဖြစ်မနေ

ကားလေးတစ်စီးလောက်တော့စီးသင့်သည် စသည်ဖြင့်။

 

ထိုသို့သော လူကြီးလူကောင်းတို့တွင် တစ်ချို့်၌ ၀ိလုပ်ချင်စိတ်အလျဉ်းမရှိပါ ဆိုသော်ငြား လူလေးစားအထင်ကြီးစေချင်စိတ်လေးတော့

ကပ်နေပေမည်။လူတိုင်းတွင်စင်းလုံးချောကောင်းသူ

ဟူ၍မရှိ။မိမိရဲ့ပညာရာထူး၊ဂုဏ်ရှိန်၊အလုပ်အကိုင်ကြောင့်ရလာမည့်ငွေကြေးပမာဏ တွက်ချက်ပြီးနှင့်သူ တို့အနေနှင့်တော့

ဝမရှိသေးပဲလဲ ၀ိလုပ်ထားသင့်ရင် လုပ်ထားနိုင်ပေသည်။

 

ထိုသို့သောလူမျိုးတွေမှာတော့ ၀ိလုပ်ချင်စိတ်ထက် နောင်ရေးအဆင်ပြေစေဖို့ ရွေးချယ်သူ၊ခန့်မှန်းတွက်ချက်တတ်

သူတွေများပေသည်။

သို့ရာတွင် ယနေလူတို့သည် အထူးသဖြင့် မြို့ပြလူနေမှုအသိုင်းအ၀ိုင်းရှိလှူုအများစုတို့သည် လတ်တလော

လူအထင်ကြီးခံရဖို့အတွက်သက်သက် ၀ိလုပ်နေကြသူတွေများပေသည်။

 

အမိုးနဲ့အကာကိုလှပစွာတန်ဆာဆင်လျက် ကြမ်းခင်းမရှိသောခြေတံရှည်အိမ်တွင် သင်ဘယ်လိုနေ

ထိုင်မလဲဆိုတာစဉ်းစားကြည့်ရုံနဲ့သိနိုင်သည်။

 

ဟိတ်ဟန်ကြီးလျက် အပေါ်ယံတန်ဆာဆင်သောသူတို့သည် ပတ်ဝန်းကျင်တွင် ခဏတာမျှသာ

အထင်ကြီးခြင်းကိုရလိမ့်မည်။ယင်းအမှုသည်လည်း ကောက်ရိုးမီးပမာ ခဏတာဟုန်းခနဲနှင့် ငြိမ်းချိန်တန်ကျ ပြာဖြစ်ရပေမည်။

လူကြီးတို့သည် မိမိတို့ ၀ိလုပ်ထားမှုကိုပြောင်းလဲရန် ရှက်ရွံ့ကြသည်။တစ်သက်လုံး ၀ိလုပ်လို့မရသည့်တိုင် ၀ိလုပ်မိသူတို့သည်

ဝိလုပ်နိုင်သရွေ့ဝိလုပ်ကြသည်။ဝိလုပ်ရင်းက တစ်ကယ်ဝိလုပ်နိုင်သည့်အခြေအနေအဖြစ်ရောက်ရှိကုန်သူတို့ ရှိကြပေမယ့်

ရှားလှပေသည်။

 

သို့ဖြစ်ပါ၍ လူငယ်လေးတွေအနေနှင့် မိမိတို့ ဘ၀အစစ်အမှန်ကိုမရှက်မရွံ့ပဲ ၀ိလုပ်ချင်သည့် အနာရောဂါတစ်ရပ် မိမိထံမစွဲကပ်စေဖို့

အသိနဲ့ထိန်းသင့်သည်။

လူငယ်တို့ဟူသည် အနာဂတ်ကိုများစွာပုံဖော်နိုင်သည့်အခွင့်အရေးနဲ့အချိန်တွေပိုင်ဆိုင်နေသေး သည်။

မိမိတို့ပိုင်ဆိုင်သည့်အရာတွေကို

မိမိဘ၀မှန်ကိုမပြတ်သတိပြုဆင်ခြင်ရင်းက တိုးတက်မှု လမ်းကိုကြိုးပမ်းလှမ်းကိုင်သင့်သည်။

 

ငါးကျပ်ရှိချိန် တစ်ဆယ်မသုံးမိအောင်၊အထူးသဖြင့် လူအထင်ကြီးစေရန်သက်သက်ဖြစ်သည့် ကိစ္စအသေးအမွှားလေးတွေကစ၍

တမင်တကာရည်ရွယ်၍ ၀ိရောဂါကိုအစမပျိုးမိစေရန်လို ပေသည်။

 

ပေါင်းသင်းဆက်ဆံရေးမှာလည်း လူချမ်းသာ၊လူလတ်တန်း၊လူဆင်းရဲ ဆိုသည့် အတန်းစားတွေ ထက်

အကျင့်စာရိတ္တမှန်ကန်သူနှင့်သာ အဆွေခင်ပွန်းကောင်းဖွဲ့ခြင်းဖြင့် ကြီးပွားတိုးတက်မှုအမှန် ကိုရောက်ရှိနိုင်ကြပါလေသတည်း။

 

 

နန်းတော်ရာသူ

18-8-2015

11:19(am)

 

 

 

 

•*¨နန်းတော်ရာသူ •*¨

About •*¨နန်းတော်ရာသူ •*¨

•*¨နန်းတော်ရာသူ •*¨ has written 60 post in this Website..

လူအချင်းချင်းမိတ်ဖက်ခြင်းတွင်၊ကိုယ်စိတ်ရွှင်သာ ကြင်နာပါမှ၊နှစ်ဦးနှစ်ဘက် ချမ်းမြေ့တတ်၏။ စိတ်ရင်းအမှန်ဖြင့်ခင်မင်တတ်စွာနဲ့ နန်းတော်ရာသူ