ငယ်ငယ်တုန်းက ကြားဖူးနားဝပုံပြင်လေးတစ်ပုဒ်ပါ။ အခုထက်ထိ မှတ်မိနေသေးတော့

ပျော်စရာအနေနဲ့ ပြန်ရေးကြည့်ပါဦးမယ်။ နတ်ပြည်ကစားတဲ့ နတ်သုဒ္ဒါအသီးတစ်မျိုးဟာ

လူ့ပြည်မှာ ရှိပါသတဲ့။ အဲ့သည် အသီးရဲ့ ဒဏ္ဏာရီလေးပေါ့။

 

ရှေးသရောအခါက တိုင်းပြည်တစ်ပြည်ရဲ့ ဘုရင်ကြီးတစ်ပါး အလွန်ချောမောလှပတဲ့

သမီးတော်လေးတစ်ပါးရှိပါသတဲ့။ မင်းသမီးလေးရဲ့ အလှဟာ သူ့တိုင်းပြည်မှာတင်မဟုတ်ဘဲ

အနီးအနား ဝန်းကျင်က တိုင်းပြည်တွေပါတင် ကျော်ကြားသတဲ့။ မင်းသမီးလေးကို လိုချင်ကြ

တဲ့ အခြားတိုင်းပြည်က မင်းသားတွေလည်း တပုံတပင်ပေါ့။

 

သည်လိုနဲ့ ဘုရင်မင်းကြီးဟာ သူ့ရဲ့သမီးတော်လေးအတွက် တွေးပြီး ပြိုင်ပွဲတစ်ခုကို

တိုင်းပြည်အရပ်ရပ်သို့ ကြေငြာမောင်းထုခဲ့သတဲ့ကွယ်။ အဲသည်ပြိုင်ပွဲကြေငြာချက်ကတော့

မြင့်မားလှတဲ့ မျှော်စင်ကြီးတစ်ခု တည်ဆောက်ပြီး မျှော်စင်ရဲ့ပတ်ပတ်လည်မှာ ရေပြင်ကျယ်

ကြီးဖြစ်အောင် ဖန်တီးလိုက်သတဲ့။ ရေပြင်ကျယ်ကြီးထဲမှာတော့ အသားစား ရေသတ္တဝါ

အစုံကိုထည့်သွင်းထားသတဲ့။ မင်းသမီးလေးကို လိုချင်တဲ့ မင်းညီမင်းသားတွေဟာ

မင်းသမီးလေးရှိတဲ့ မျှော်စင်ပေါ်ကို ရေလည်းမစို အသက်လည်းမသေးဘဲ ရောက်အောင်

သွားနိုင်တဲ့သူဟာ မင်းသမီးလေးကို ပိုင်ဆိုင်ရမယ်လို့ ကြေငြာသတဲ့။

 

ဘုရင်ကြီးရဲ့ ပြိုင်ပွဲကို ယှဉ်ပြိုင်နိုင်ခြင်းမရှိတဲ့ မင်းညီမင်းသားတွေဟာ ရေကန်ကြီးပတ်လည်

ကနေပဲ မင်းသမီးလေးကို စောင့်မျှော်နေကြရပါသတဲ့။ ဒီလိုနဲ့ မင်းသမီးလေးရဲ့ သတင်းဟာ

လူ့ပြည်မှာသာ မကဘဲ နတ်ပြည်မှာပါ သတင်းကျော်ကြားသွားပါသတဲ့။ သည်လိုနဲ့ နတ်ပြည်

က နတ်သားတစ်ပါးဟာ မင်းသမီးလေးကို ချစ်ခင်နှစ်သက်စိတ်ဝင်ပြီး။ မင်းသမီးလေးရှိရာ

မျှော်စင်ကိုလာပြီး မင်းသမီးလေးကို နတ်ပြည်ကို ခေါ်ဆောင်သွားပါသတဲ့။ မင်းသမီးလေးကို

နတ်ပြည်ခေါ်ဆောင်သွားတဲ့ သတင်းဟာ လူ့ပြည်မှာ ဟိုးလေးတကျော်ကျော်ဖြစ်သွားတဲ့

အပြင် မင်းသမီးလေးကို ချစ်ချင်စုံမက်နေတဲ့ မင်းညီမင်းသားတွေကိုပါ ၀မ်းနည်းစေပါသတဲ့။

 

နတ်သားဟာ နတ်ပြည်ရောက်တဲ့မင်းသမီးလေးကို သူတို့ဆီက နတ်သုဒ္ဒါတွေနဲ့ ကျွေးမွေး

သတဲ့။ နတ်သား ခေါ်လာတဲ့မင်းသမီးလေးသတင်းကို ကြားတဲ့ အကြီးအကဲတစ်ဦးဟာ

နတ်သားကို ဆင့်ခေါ်သတဲ့။ နတ်သားကိုလည်း ပြောပါသတဲ့ လူနဲ့နတ်ဟာ မအပ်စပ်တဲ့

အကြောင်း၊ မင်းသမီးလေးကို လူ့ပြည်ပြန်ပို့ဖို့ အမိန့်ချပါသတဲ့။ သည်လိုနဲ့ နတ်သားဟာ

စိတ်မကောင်းစွာနဲ့ မင်းသမီးလေးကို လူ့ပြည်ပြန်ပို့ဖို့ လုပ်တဲ့အခါမှာ မင်းသမီးလေးဟာ

နတ်ပြည်ကကျွေးတဲ့ နတ်သုဒ္ဒါသစ်သီးတွေအထဲမှာ အသီးတစ်မျိုးကို အလွန်ကြိုက်နှစ်သက်

တာနဲ့ အဲသည်အသီး မသိအောင် မကောင်းတဲ့နေရာတစ်နေရာမှာ ထည့်ပြီးခိုးယူလာပါ

သတဲ့။

 

နတ်ပြည်ကိုပြန်ပို့တဲ့ လမ်းခရီးမှာ နတ်သားရဲ့ စိတ်မကောင်းဖြစ် ဝမ်းနည်းခြင်းတွေကြောင့်

မိုးတွေသည်းသည်းမဲမဲရွာတာကြောင့် လူ့ပြည်ကို ပြန်ရောက်တဲ့အခါ မင်းသမီးလေးဟာ

နာမကျန်းဖြစ်ပြီး အသက်ဆုံးရှုံးသွားပါသတဲ့ကွယ်။ ဒီလိုနဲ့ ဘုရင်ကြီးဟာ မျှော်စင်နဲ့မလှမ်း

မကမ်းမှာ မင်းသမီးလေးအုတ်ဂူကို အမှတ်တရ ပြုလုပ်ပေးခဲ့သတဲ့။ မင်းသမီးလေးကို

ချစ်ခင်ကြတဲ့ မင်းညီမင်းသားအချို့ဟာ စိတ်မကောင်းခြင်းကြီးစွာနဲ့ မင်းသမီးလေးရဲ့ အုတ်ဂူ

ဘေးမှာပဲ လအတော်ကြာ ရှိမြဲအတိုင်း ရှိနေသတဲ့ကွယ်။

 

ရက်တွေ လတွေအတော်ကြာလာတဲ့အခါမှာတော့ မင်းသမီးလေးအုတ်ဂူကနေ

အပင်တစ်ပင်ပေါက်လာပါသတဲ့။ အဲသည်အပင်ကနေ အသီးတွေသီးလာတဲ့အခါမှာ

မင်းညီမင်းသားတွေ အစိမ်းတစ်ဖုံ ကြော်ချက်ပြီးတစ်ဖုံ စားကြည့်ကြသတဲ့။ အသီးဟာ

အလွန်စားကောင်းတာကြောင့် မင်းသမီးလေး နတ်ပြည်က ၀ှက်ယူလာတဲ့ အသီးဖြစ်မယ်

လို့ မှတ်ယူကြသတဲ့ကွယ်။ ဒါပေမယ့်လည်း အသီးဟာ မင်းသမီးလေးရဲ့ မကောင်းတဲ့နေရာ

က ၀ှက်ယူလာတဲ့အတွက် အနံ့အသက်ကတော့ မကောင်းရှာဘူးသတဲ့ကွယ်။

 

ယခုထက်ထိတိုင် အဲ့သည်အသီးဟာ လူကြိုက်များတဲ့ အသီးဖြစ်တာကြောင့်

အနံ့အသက်မကောင်းလည်း  လူတွေဟာနှစ်သက်စွာ စားသုံးနေကြဆဲပါသတဲ့။

ပုံပြင်လေးကတော့ ဒါပါပဲကွယ်။

နတ်ပြည်ဝှက်ယူလာတဲ့ အသီးလေးရဲ့ နာမည်ကတော့ “ဒညင်းသီး”ဖြစ်ပါသတဲ့ကွယ်။

 

လေးစားစွာဖြင့်

အောင်မိုးသူ

အောင် မိုးသူ

About အောင် မိုးသူ

ဘကြီး အောင် has written 204 post in this Website..

နာမည်အရင်းကော ကလောင်နာမည်ကော အောင်မိုးသူပါ။ လူဆန်တဲ့ လူ့ဘ၀ထဲမှာ နေထိုင်တဲ့လူတစ်ယောက်ပါ။