ပြည်သူ့လွှတ်တော်

ပြည်သူ့လွှတ်တော်

ပြည်သူ့ဒီမိုကရေစီခေါင်းဆောင်ဦးစီးသည့် အမျိုးသားဒီမိုကရေစီအဖွဲ့ချုပ် ယခုရွေးကောက်ပွဲမှာ အနိုင်ရရှိသဖြင့် ဝမ်းသာဂုဏ်ယူစွာ ဂုဏ်ပြုအပ်ပါသည်။

“တရားမျှတ လွတ်လပ်ခြင်းနဲ့မသွေ… တို့ပြေ၊ တို့မြေ…. များလူခပ်သိမ်း ငြိမ်းချမ်းစေဖို့…. ခွင့်တူညီမျှ…. ၀ါဒဖြူစင်တဲ့ပြည်… တို့ပြည်…. တို့မြေ… ပြည်ထောင်စုအမွေ အမြဲတည်တံ့စေ… အဓိဋ္ဌာန်ပြုပေ…. ထိန်းသိမ်းစို့လေ….” မြန်မာနိုင်ငံတော်သီချင်း၏ ပထမခြေဆင်းပိုဒ်ဖြစ်သည်။ ဒုတိယသံပြိုင်မှာ “ကမ္ဘာမကြေ… မြန်မာပြည်…” ဖြစ်ပါသည်။ ယခုခေတ်တွင် ပထမခြေဆင်းကို ဖြုတ်ပယ်ကာ ဒုတိယနှင့်စကြ၍ မြန်မာတို့က “ကမ္ဘာမကြေသီချင်း”ဟု အတိုခေါ်သည်။
ယူအက်စ်၏ နိုင်ငံတော်သီချင်းမှာ “The Star Spangled Banner” သီချင်းဖြစ်လေသည်။ ပြင်သစ်ပြည်တွင် “La Marseillaise” နှင့် ယူကေမှာမူ “God Save the Queen” ဟူ၏။

ယခု နိုဝင်ဘာ၏ “ဆယ့်သုံးနေ့-သောကြာ”၀ယ် လူသား ၁၂၉ ယောက်သတ်ဖြတ်ခံရသော ပါရီအကြမ်းဖက်မှုဖြစ်ခဲ့သည်။ အမှုဖြစ်စဉ်၌ Stade de France အားကစားရုံတွင်းဘောလုံးပွဲကြည့်နေသူလူသောင်းချီကြီး အား ကွင်းထဲမှထွက်ခိုင်းချိန်တွင် တည်ငြိမ်အားရှိစွာ လျှောက်လှမ်းထွက်ခွာသွားနိုင်အောင် အဓိကတွန်းကူပေးသူမှာ ပြင်သစ်တို့၏ နိုင်ငံတော်သီချင်းဖြစ်လေသည်။ ပါရီမြို့သားတို့ သီချင်းဆိုရင်း စိတ်ဓါတ်တို့ တည်ငြိမ်၊သတ္တိတို့ရှိခဲ့ကြသည်။ နိုင်ငံတော်သီချင်းဟူသည် ထိုထိုလူထု၏ ဦးနှောက်ကိုကျော်ကာ နှလုံးသားသို့ လွှမ်းမိုးပါသည်။

လက်စားချေ

မြန်မာတို့အင်္ဂလိပ်လက်အောက်မှလွတ်မြောက်၍ လွတ်လပ်ရေးယူသည့်ရက်၊နေ့လ၊ အချိန်တို့ကို ဇန်န၀ါရီ ၆ရက်နေ့မှပြောင်း၍ ၄ရက်နေ့မနက် ၄နာရီ၂၀မိနစ်သို့ ထိုခေတ်၏ ဗေဒင်နက္ခတ်တို့မှတွက်ချက်ကာ အခါတော်ပေးခဲ့သည်ဟုမှတ်ခဲ့ဖူးသည်။
ထိုလွတ်လပ်ရေးရပြီး ဥမှပေါက်စတိုင်းပြည်နုနုသည် ပြည်တွင်းစစ်မီးတောက်လောင်ကာ သွေးသောက်ညီနောင်များပင် အချင်းချင်း လက်နက်ကိုင်သတ်ဖြတ်ကုန်ကြလောက်အောင်ဖြစ်ခဲ့ပေရာ နောက်နောင်နှစ်များတွင်မူ နက္ခတ်ကျွမ်းကျင်သူပညာရှင်ကြီးအချို့က (မြန်မာပြည်မွေးဖွားရာဇာတာ) လွတ်လပ်ရေးယူသည့်နေ့၊အချိန်ကို ပြန်လည်တွက်ချက်ကြည့်ကြသည်ဆိုပါသည်။ နာဆာမှ အတိအကျတွက်ချက်ထုတ်ပြန်ထားသော ကိန်းဂဏန်းတို့နှင့်ချိန်ဆသောခါ မြန်မာ့မူလပြက္ခဒိန်နှင့် နက္ခတ်တို့တွင် လွဲချော်မှုအချို့ရှိသည်ဟု ဆိုကြပါသည်။ ထိုမှားယွင်းတွက်ချက်မှုကြောင့် မူလဇာတာမကောင်းဖြစ်၍ ယခုအခြေသို့ဆိုက်ကြရသည်ဟုလည်းဆိုကြ၏။ ယုံချင်ယုံမယုံချင်နေ ဤသည်ကား လက်တွေ့ အဆုံးသတ်ရလဒ်တည်း။
သို့ဆိုလျှင် လွတ်လပ်ရေးယူစဉ် အလံတင်အခမ်းအနား၌ သီဆိုခဲ့သော မြန်မာ့နိုင်ငံတော်သီချင်းကိုလည်း စိစစ်သုံးသပ်ကြည့်ရန်လိုလာသည်။ ဦးစိန်မြမောင်တဦးတည်းက စပ်ဆိုသီကုံးခဲ့သော နိုင်ငံတော်သီချင်းတွင် “ကမ္ဘာမကြေ”သည် မည်သည်ကိုရည်ညွှန်းသနည်း။ အားလုံးသိသည်။ သို့ဆိုသော် လက်စားချေခြင်းသည် မြန်မာတို့၏ နိုင်ငံတော်လော?

၁၉၉၀ တွင် ရွေးကောက်ပွဲတခုကျင်းပခဲ့ဖူးသည်။ ပြိုင်ဖက် မဆလ(မြန်မာ့ဆိုရှယ်လစ်လမ်းစဉ်ပါတီ)တဖြစ်လဲ တစည(တိုင်းရင်းသားစည်းလုံးညီညွတ်ရေးပါတီ) ကိုNLD သည် ၃၉၂ခုံ/၁၀ခုံ အချိုးဖြင့် တောင်ပြိုကမ်းပြိုအနိုင်ရခဲ့ဖူးသည်။
၂၀၁၀ တွင် ရွေးကောက်ပွဲတခုကျင်းပခဲ့ဖူးသည်။ NLD သည် ၀င်ပြိုင်နိုင်ခြင်းမရှိ။ ချွတ်ချော်ခဲ့ဖူးသည်။
ထိုမှ ၅နှစ်၂၀၁၅၊ နိုဝင်ဘာ ၈ရက်နေ့တွင်ကား မြန်မာ့အထွေထွေရွေးကောက်ပွဲကြီးကျင်းပပြီးစီးခဲ့သည်ကို အားလုံးသိပြီးဖြစ်ပါသည်။ ပါဝင်ယှဉ်ပြိုင်သော အဖွဲ့ချုပ်သည် Landslide အနိုင်ရပြန်ကာ အစိုးရဖွဲ့နိုင်ရန်လိုအပ်သော ၃၂၈ခုံ ကို ရွေးကောက်ပွဲကော်မရှင်မှ နိုဝင်ဘာ ၁၃ရက်နေ့၌တရားဝင်ကြေငြာစဉ်တွင်ကျော်လွန်ခြင်းဖြစ်လေသည်။ ထိုနေ့သည် ဒေါ်အောင်ဆန်းစုကြည်အကျယ်ချုပ်မှလွတ်မြောက်သော ၅နှစ်တင်းတင်းပြည့်နေ့လည်းဖြစ်၏။ ပြိုင်ဖက်ပါတီ န၀တ၊နအဖတို့တဖြစ်လဲပြည်ခိုင်ဖြိုး(ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ)သည် အမတ် ၄၁ခုံသာရသည်။ ၁၉၉၀ပြည်နှစ် NLD ပြိုင်ဖက်တစညသည်ကား အမတ်ခုံနေရာတခုမျှပင်မရ၊ ကွယ်ပျောက်ရချေသတည်း။

စိမ့်ထွက်ခဲ့သောသတင်းအချက်အလက်များအရ ပြည်ခိုင်ဖြိုး၏ ဥက္ကဌဟောင်းဖြစ်သူ သူရဦးရွှေမန်း၏ခန့်မှန်းချက်တို့သည်လည်းကောင်း၊ စရဖ (စစ်ဖက်ရေးရာ လုံခြုံရေးအဖွဲ့) တွက်ချက်မှုတို့သည်လည်းကောင်း မှန်နေဟန်ရှိသည်။ သို့ဆိုသော် ယခုပြည်ခိုင်ဖြိုး၏အရှုံးသည် သိပြီးသောအရှုံးသာဖြစ်လိမ့်မည်။ တပ်မတော်၏ Plan A ထဲတွင်ရှိနေသည်ဟုဆိုနိုင်ပါသည်။
တကယ်တော့ ၀င်ပြိုင်ပါသော ပြည်ခိုင်ဖြိုးပါတီကိုယ်စားလှယ်တို့သည် ယခင်စစ်အစိုးရအဆက်ဆက်၏ အပြစ်/အမုန်းအားလုံးကို တာဝန်ယူ ခေါင်းခံပေးလိုက်ရသူများသာဖြစ်တော့သည်။

အလောင်းနိုင်

ယခုရွေးကောက်ပွဲတွင် မြင်းမူမြို့နယ် မဲဆန္ဒနယ်အမှတ် (၁)မှ ၀င်ပြိုင်သူ အဖွဲ့ချုပ်မှ အမတ်လောင်းဦးစိုးမြင့်သည် ရွေးကောက်ပွဲမတိုင်မီ ၂ရက်အလိုက ရုတ်တရက်လဲကျသေဆုံးသွားခဲ့၏။ ထိုကြောင့် သူ၏ဆိုင်ရာမဲဆန္ဒနယ်မဲရုံများတွင် သေဆုံးသူအဖြစ်မဲမပေးနိုင်ရန် မဲစာရွက်စာရင်းတွင်အမည်ကို ခြစ်ချဖျက်ထားသည်ဆိုပါသည်။ ရွေးကောက်ပွဲအပြီး အနိုင်အရှုံးရလဒ်ထုတ်ပြန်ရာတွင်ကာ ဦးစိုးမြင့်သည် သူ၏ပြိုင်ဖက်ပြည်ခိုင်ဖြိုးမှ ဦးသောင်းမြင့်(မဲ ၇ထောင်မျှရထားသူ) ကို မဲပေါင်း ၂သောင်းကျော်နိုင်နေသည်ကိုတွေ့ရသည်ဆိုပါသည်။
လူကိုမကြည့် ပါတီကြည့်၍ အလောင်းကိုပင်မဲပေးကြသောဖြစ်ရပ်အရကောက်လျှင် အဖွဲ့ချုပ်၏ “လာဘ်”(သို့) ဒေါ်အောင်ဆန်းစုကြည်၏ “စန်း”ကို သိမြင်သာသည်။ လူထု၏မုန်းတီးမှုအားကို ရှုကြည့်နိုင်သည်။ အဖွဲ့ချုပ်ဖက်မှ “မည်သူပြိုင်၍ နိုင်ပါတော့နိုင်” သာ။

နိုင်သောအရှုံး

တကယ်တော့ ဒေါ်အောင်ဆန်းစုကြည်ကဲ့သို့ ကမ္ဘာ့စူပါပါဝါနိုင်ငံကြီးများက နှစ်သက်လက်ခံသော၊ လူထုကချစ်သောခေါင်းဆောင်မျိုးဟူသည် ရာစုနှစ်တခုတွင်၂ဦးပြန်လည်မလာနိုင်ချေ။ ပြည့်ရတနာတည်း။

လက်တွေ့လည်း ရွေးကောက်ပွဲမကျင်းပမီ လအနည်းငယ်အလိုတွင် စိန့်ပြည်သမ္မတ ရှီကျင်ဖျင့်နှင့် အိန္ဒိယ ၀န်ကြီးချုပ် နေရိန်ဒြာမိုဒီက ဖိတ်ခေါ် တွေ့ ဆုံခဲ့ကြသည်။ ဒေါ်အောင်ဆန်းစုကြည်၏ နေအိမ်သို့ ယူအက်စ်သမ္မတအိုဘားမား ၂ ကြိမ် လာရောက်တွေ့ဆုံခဲ့ဖူးသည်။ ၂၀၁၆ ယူအက်စ်သမ္မတရွေးကောက်ပွဲတွင် ဖြစ်နိုင်ချေရှိသူတဦးဖြစ်သူ ဟီလာရီကလင်တန်က သူမ၏ ဖေ့စ်ဘုတ်တွင် နိုဝင်ဘာ ၁၃ရက်နေ့စွဲဖြင့် ဤသို့ဆိုထားခဲ့သည်။
Proud of my friend Aung San Suu Kyi and the people of Burma for never giving up in the long struggle to bring change to their country. -H

ထို့အပြင် ရွေးကောက်ပွဲအနိုင်ရလဒ်ထွက်ပြီးနောက် အချိန်တိုအတွင်းမှာပင် အာဏာရပါတီခေါင်းဆောင် နိုင်ငံတော်သမ္မတ၊ မြန်မာ့တပ်မတော်ကာကွယ်ရေးဦးစီးချုပ် နှင့် ပြည်ထောင်စုလွှတ်တော်နာယကထံတို့ကို အမျိုးသားရင်ကြားစေ့ရေး၊ အာဏာလွှဲပြောင်းယူရေး တို့အတွက်  ဒေါ်အောင်ဆန်းစုကြည်ကိုယ်တိုင်ကလက်မှတ်ထိုးစာပို့၍ တွေ့ဆုံဆွေးနွေးရေးမေတ္တာရပ်ခံစာပို့ထားပြီးဖြစ်ပါသည်။

အသီးသီးကလည်း လက်ခံအကြောင်းပြန်ထားကြပြီ။ အသစ်အစိုးရသည် ယခင်အစိုးရအပေါ် ညီဘွားနောင် သဘောထားကာ ညှိနှိုင်းဆောင်ရွက်မည်ယူဆပါသည်။
“ဒီနိုင်ငံမှာ မေတ္တာကို အရင်းတည်တဲ့ နိုင်ငံရေးမျိုးဖြစ်အောင် လုပ်ကြရမယ်”ဟုလည်း ဒေါ်အောင်ဆန်းစုကြည်ကဆိုထားသည်။ သင်ပုန်းချေရေး၊ရင်ကြားစေ့ရေးလည်းအထပ်ထပ်ပြောခဲ့ပြီ။

မည်သို့ရှိစေ။ ၂၀၀၈ အခြေခံဥပဒေအရ တပ်မတော်အနေနှင့်မူ အစိုးရအဖွဲ့ အတွင်းရှိ ဝန်ကြီးဌာနသုံးခု( ပြည်ထဲရေး၊ ကာကွယ်ရေး၊ နယ်စပ်ရေးရာ)တို့တွင် တပ်တော် ကာကွယ်ရေးဦးစီးချုပ်၏ အမည်စာရင်း တင်သွင်းသူများ ပါဝင်ခွင့်၊ အဖွဲ့ဝင် ၁၁ဦး ရှိသော အမျိုးသားကာကွယ်ရေးနှင့်လုံခြုံရေးကောင်စီ (ကာလုံ) တွင် တပ်ကိုယ်စားလှယ် ၆ဦး ဆက်လက်ပါဝင်ခွင့်ရှိနေပါသည်။
ကာလုံတွင် Gang of Six ကိုဆက်လက်ထိန်းထားနိုင်ပါလျှင် တပ်မတော်၏မြန်မာ့နိုင်ငံရေးတွင်ပါဝင်ပါတ်သက်လိုသောဆန္ဒမှာပြီးပြည့်စုံသည်ထင်ပါသည်။ အောင်မြင်စွာ ဆုတ်ခွာချိန်ရောက်ပါပြီ။ ဆုတ်ခွာပေးကြပါရန်တိုက်တွန်းပါ၏။

ငှဲ့ကြည့်သင့်

ပြည်တွင်းစစ်တို့ကြောင့် စစ်ရှောင်တိုင်းရင်းသားများ၊ အိမ်နီးချင်းနိုင်ငံ၏အမှိုက်ပုံကို မှီတင်းရှာစားနေထိုင်နေကြရသူ အမှတ်မရှိ၊ လမ်းမရှိ အမှိုက်ကလေးငယ်များ။ကျွန်ထက်နိမ့်ကျ သဘောက်မျှခိုင်းစားခံနေရသော ရေလုပ်သားများ။ ကမ္ဘာ့လိင်ကာမဖျော်ဖြေမှုမြို့တော်ကြီးတွင် ဘ၀မရှိအသုံးတော်ခံနေကြရသူ မြန်မာပြည်သူများ။ အချစ်မသိ အိမ်တွင်းမယားအဖြစ် ရောင်းစားခံနေရသည်ြ့မန်မာအမျိုးသမီးငယ်များ။ ကိုယ်တွင်းကလီဇာ ဖြုတ်ရောင်းခံနေရသည့် ကလေးသူငယ်များ။ အလုပ်သမားဖြစ်နေရသော မြန်မာပညာတတ်များ။ ဘွဲ့ရထားသော အိမ်အကူများ။ မျက်နှာငယ်လှပါသော စာအုပ်နီကိုင်သူများနှင့် ဘု၊ဘမသိ တိုင်းပြည်အကြွေး လည်ပင်းအနှစ်ခံနေသူ ပြည်သူများဘ၀၊ ဘ၀တို့ကို တချက်လောက်တော့ ငှဲ့ကြည့်သင့်ပါသည်။
လက်ပူတိုက်ထားသော အခြေခံဥပဒေလည်း ပြင်သင့်ပြီ။ ကမ္ဘာမကြေလည်း သင်ပုန်းချေရတော့မည်။ လက်စားချေခြင်းကို မြန်မာ့ဓလေ့မှအပြီးတိုင်နှုတ်သင့်သည်။” မိုးကောင်းတုံးရွာထားဦးပေါ့၊ငါ့အလှည့်ကျရင်မိုးကြိုးပါပစ်ချလိုက်မယ် ” စိတ်ထားလည်းပယ်သင့်သည်။ အားလုံးစုပေါင်းလုပ်ကြရင်း အဆုံးတနေ့၏ရှေ့နားလေးတွင် မြန်မာပြည်၏အိမ်များ၌ ဘုံဘိုင်ဖွင့်လျှင်ရေချိုထွက်၍ မီးခလုပ်နှိပ်လျှင် မီးလင်းလာသော အခြေခံလိုအပ်ချက်ကို ဖြည့်ပေးနိုင်ပါစေရန် ၂၀၁၆ နှစ်ဦးဆုမွန်ခြွေလိုက်ရပါသည်။

အမေရိကားရောက် မြန်မာ-အမေရိကန်အများစုသည်ကား မဲဇာတောင်ခြေ ပိုဒ်စုံရတုထဲက လက်ဝဲသုန္ဒရအမတ်ကြီးကဲ့သို့ (မိမိကိုယ်ကိုယ်မိမိ) ပြည်နှင်ဒဏ်ပေးခဲ့ပြီးဖြစ်၍
“သည်တွင်ရွှေမြို့၊ သည်သို့စေတီ၊ သည်ဆီရွှေနန်း၊ ဖြောင့်တန်းတော့မည်၊ စိတ်ကရည်”ရွယ်ကာ အဖမြေသို့မှန်းမျှော်စောင့်ကြည့်နေကြဦးမည်ထင်ပါသည်။
သို့သော် အမိမြေ အမေရိကပြည်ဖွား ဒုတိယမြန်မာမျိုးဆက်များကိုမူ “ဘယ်ပြည်နေစေ မြန်မာတွေ”ဟုသာ နှလုံးသားချင်းဆက်မိနေအောင် လေ့ကျင့်ထားကြပါ၏။

အဖမြေပြန်လည်ထူထောင်ရာတွင်ပါဝင်ကြရန်လည်း အသင့်ရှိနေကြပါ၏။ ကိုယ့်စားရိပ်ကိုယ်ထမ်းကာ ပညာ၊အတွေ့အကြုံတို့လည်း ဖြည့်တင်းထားပါ၏။
ရွှေပြည် မဝေးတော့ပြီလောလေ။   ။

kai

About kai

Kai has written 858 post in this Website..

Editor - The Myanmar Gazette || First Amendment – Religion and Expression - Congress shall make no law respecting an establishment of religion, or prohibiting the free exercise thereof; or abridging the freedom of speech, or of the press; or the right of the people peaceably to assemble, and to petition the Government for a redress of grievances.