မြ တစ်ယောက် သည် မှန်းတိုင်းလွဲ ဖြစ်၏။
ပူပူနွေးနွေး ပြီးခဲ့တဲ့ ရွေးကောက်ပွဲ တွင် တစ်ဖက် ကို အထင်တွေ ကြီးပြီး နိုင်သွားနိုင်တယ် မှန်းခဲ့လိုက်မိသည်။
ကိုယ့်လူများ နိုင်လိုက်တာမှ တောင်/သောင်ပြို ကမ်းပြို အားရစရာကြီး ဖြစ်သွားမှ သက်ပြင်းချရဲခဲ့သည်။
ဒါတောင် ကြားတွင် ဟင်းကနဲ ချက်ခြင်း မချနိုင်သေးဘဲ အသက် ကို အောင့်ထားရသေးတာလဲ အားလုံးအသိပင်။
အခုလဲ စိတ် ပူ သလို ရှိနေသေး၏။

ပွဲ မစခင်က မြ အတန်ငယ် အထင်ကြီးမိသည့် အမတ်တစ်ယောက် ရှိခဲ့သည်။
သူ့ အတွက် မြ တစ်ယောက် သည်  ကြားမှ မခံနိုင်ဘဲ စွာကျယ်ကျယ် လုပ်ခဲ့သေးသည်။
နိုင်ငံ နှင့် ဆင်းရဲသားလူထု အတွက် တစ်မျက်နှာဘဲ ကြည့်သူ ဟု မြ ယူဆခဲ့သည်။
သူသည် စိတ်ရင်း စေတနာအမှန်ဖြင့် အလုပ်လုပ်သူမို့ ပြည်သူများ ၏ အားကိုးထိုက်သူ ဟု မြ မှန်းခဲ့လိုက်သည်။
ပွဲပြီးသော် မြ တစ်ယောက် ငိုင်ကျ သွားသည်။
ကြားရသော သတင်းများ သည် မလတ်ဆပ်တော့ချေ။
တစ်ဖက်သတ်တော့ မြ မစွပ်စွဲလိုပါ။
ထိုကိစ္စသည် နှစ်ဖက်မှား ဟု သာ မြ တွေးလိုက်တော့မည်။
မြ ရဲ့ လူ သည် ခြေလှမ်း မှားခဲ့ ရင်တောင်မှ အမှန်ကို ပြန်စမ်းစစ်ပြီး ပြည်သူ များ အတွက် အမှန် လွတ်လမ်း ကို ရှာဖွေတတ်သူ ဖြစ်လိုက်ပါတော့ ဟုသာ ဆုတောင်းနေမိတော့သည်။

ရွေးကောက်ပွဲ ကာလ မှာရော၊ ပြီးဆုံးသွားချိန်မှာပါ မြ တို့ ၏ မဟာဂွဇက် ရွာကြီး သည် ကျီး တစ်ဖုတ်ဖုတ် နှင့်ဖြစ်နေခဲ့ သည်။
အင်မတန် စကား ပြောချင်သော မြ သည် ဖွဘုတ် နှင့်သာ နှစ်ပါးသွားရတော့၏။
ဖွ နှင့် ပိုပို ရင်းနီးလာချိန် ဂွ အတွက် စိုးရိမ်လာခဲ့လေသည်။
ညောင်သံပေးကျ ကြောင် တစ်ကောင်ပင် အသံ မထွက်နိုင်တော့။ သူလဲ မြလို မှန်းတာမဖြစ်လို့ ကြိတ်ပြီး ၁၁ကျပ် ကျနေပြီလားပင်မသိ။
ထိုအတိုင်းသာ ဆက်သွားပါက မြတို့ ရဲ့ ဟစ်တိုင် ဂွ ရွာကြီး ပျက်တော့ မည်ဟု မှန်းလိုက်ခဲ့ သည်။

သို့သော် မြ မှန်း တာ မှားပြန်၏။
ရွာသူ/သား များ သည် မိမိ တို့ သန်ရာ သန်ရာ များ နှင့် အသံပေး လာကြသည်။
ကလေးတို့ ဆရာလေး ထံမှ မဲရုံ အတွေ့အကြုံ များ စိတ်ဝင်စားဖွယ် ကြားရသည်။
ဆက်ဆက် သည် A ကိုက် ပြီး အသံပြန်ထွက်လာသည်။ Z အထိ ဆက် ကိုက်တော့ မည် ဟု တော့ မမှန်းပါ။ (မှန်းလျှင် လွဲမစိုးလို့)
ကပေါက်ကြီး ၏ ပုံရိပ်များ လဲ ရွာထဲ မှာ ပြန်အသက်ဝင်လာပြီ။
ဇီ ကလေးသည် ဘန်းနဒစ် ကို လက်ဆွဲပြီး ဝင်လာ၏။
ဝီလီ တို့ မွေးသဖခင် ကြီး သည် ကြာဆံချက် ကို အကြောင်း ပြု၍ ဖားဘဝ များ ကို ဟားတိုက်ပြသည်။
ချစ်မမ သည် ဆြာအော် ၏ ပုံများ ကို မေ့ချင်ဟန်ပြုပြီး တစ်ရွာသား ကို ချီးမွန်းခန်းဖွင့်၏။
ထို ချီးမွန်းခန်း တန်ခိုးဖြင့် သူကြီးမင်း ၏ ဘဏ်စာရင်း ကို ထပ်ပြီး မျက်ခုန်းလှုပ် အောင် လုပ်လာသူ ရှိခဲ့ပေပြီ။
မီးပျက်နေသော ရွာ တွင် စိန်ရောင် ပေါက်စ ကိုတဝင်းဝင်း ပြန် မြင်ရ၍  မြ သည် အင်မတန် ဝမ်းသာ မိ သည်။

မြ ရဲ့ ပြိုင်ဖက် စိန်ကြက် ရဲ့ တပည့်ကျော် တိန်ညင် ၏ တွန်သံ ကိုလဲ တစ်ချက်တစ်ချက်ကြားလာရသည်။
ကိုယ်ပိုင်နံပါတ်ရ ကဗျာဆြာ ကို ခြောက် တစ်ယောက် လဲ ဒီ ရက် တွင်း ပြန်စို နေသည်မို့ ကာရန် ညှိသံများ နှင့် စည်ကားပြန်၏။
ဘီလျံနာ များ ရဲ့ ဘဝ တစ်ဆစ်ချိုး ကို လေ့လာ နေပုံ ရသော မချွေ၏ လေး ၏ စမ်းစစ်မှု များမှာ အားရဖို့ ကောင်းလှပေသည်။
ဒီ ကြားထဲ မှာ ကိုခ တစ်ယောက် သည် မေးခွန်း ကြီး ကိုင်ပြီး ရွာထဲ မေးနေ၏။
သူ မေးခွန်း မှ မဆုံးသေး အစ်မဒုံ သည် ရွာထဲ စားစရာပွဲ ဈေးဖွင့်ရန် စည်းရုံးရေး ဆင်းနေတော့သည်။
ထိုအချိန် ဈေးသည်ကြီး ဆာဆာ ၏ တို့ဟူးချဉ်သုတ် က လက်ဦးသွားတော့သည်။

အကြောင်းမူကား မြတစ်ယောက် ထံသို့ တို့ဟူးဓာတ် ကူးသွားသောကြောင့်ပေတည်း။
ဆာဆာ ၏ ပုံထဲ က ထက် လှပသော စားချင်ဖွယ် မြလက်ရာ တို့ဟူးသုတ် ဖြစ်စေ ရမည် ဟု မှန်းခဲ့လေသည်။
ထုံးစံ အတိုင်းပင် မြ ၏ မှန်းချက် လွဲပြန်၏။
ရေထည့်နည်း သွားသောကြောင့် သိပ်ပြီးပင် မမွှေလိုက်ရဘဲ ပြစ်သွားခဲ့သည်။
တို့ဟူး သည် ကောင်းမွန်စွာ ခဲသွားသော်လည်း ပဲမှုန့်အစိမ်း နံ့ မပျောက်ဘဲ ရှိနေလေတော့ သည်။
သို့ကြောင့် မြ မှန်းထား သော တို့ဟူးသုတ် သည် တို့ဟူး ကြော် ဘဝ သို့ ကူးပြောင်းသွားလေတော့ သတည်း။ lol:-)))

TH01

တို့ဟူးကျို ရန် ပဲမှုန့်အစိမ်း

 

TH02

တို့ဟူးကျို အပြီး

 

TH03

လှီးထားသော စိမ်းစော်နံသည့် တို့ဟူးခဲ

 

TH04

တို့ဟူးသုတ် မဖြစ်သော်လည်း အနည်းဆုံးတော့ တို့ဟူးကြော် ရလိုက်ပါကြောင်း။ ကျေးဇူးပါ ဆာဆာ။ :-))

:

 

မြစပဲရိုး

About မြစပဲရိုး

Khin Latt has written 240 post in this Website..