ဆယ့်ကိုးရာစု အစောပိုင်းကာလက လူစွန့်စား ဟုခ်ျဂလပ်စ် ရဲ့ အကြောင်း တစိတ်
တစ်ပိုင်းပါ။ သေပြီ ဆိုပြီး ပစ်ထားခံခဲ့ရတဲ့ ဟုခ်ျဂလပ်စ် က သတိပြန်လည်လာပြီး
ဒဏ်ရာအပြင်းအထန်ကြီးနဲ့ မိုင်၂၀၀ ခရီးကိုနှင်ခဲ့ရတဲ့ အကြောင်းကို ရိုက်ပြထား
ပါတယ်။

ဒီဇာတ်လမ်းက Michael Punke ရဲ့ ၂၀၀၂ မှာ ထုတ်ဝေတဲ့ The Revenant ကို
အခြေတည်ပြီး ရိုက်ကူးတာပါ။ ရုပ်ရှင်ကတော့ အတော်ကြည့်ကောင်းပါတယ်။
လီယိုနာဒိုရော တွမ်ဟာဒီရော ကျွန်တော် ကြိုက်တဲ့ မင်းသားတွေချည်း။ သွေးသံ
ရဲရဲ သတ်ဖြတ်ခန်းတွေတော့ နည်းနည်းပါသဗျ။ ဒါရိုက်တာ Alejandro G. Iñárritu
က ရိုက်ကူးပြီး ဒေါ်လှ ၁၃၅ သန်း အကုန်ခံထားပြီး ဆုအတော်များများအတွက်
လျာထားခံရသလို ရရှိပြီးဆုတွေလည်း မနည်းပါဘူး။ imdb မှာအဆင့်သတ်မှတ်
ချက် ၈.၃ တောင် ရရှိထားပါတယ်။ တကယ်က ဒီကားကို ၂၀၁၆ ဇန္နဝါရီ ၁၅
မှ တစ်ကမ္ဘာလုံး ဖြန့်ချီမှာ ဖြစ်ပေမဲ့ အွန်လိုင်းပေါ်မှာတော့ ပေါက်ကြားသွားပြီ
ဖြစ်လို့ ကြည့်ရှုနိုင်ပါပြီ။ (တရုတ်ပြည်မှာ ဒီဇင်ဘာ ၁၆က ပြတယ်။)

ပြောချင်တာလေး တစ်ခုက ဇာတ်လမ်းက တကယ့် အဖြစ်အပျက်နဲ့ ကွဲလွဲတဲ့
အကြောင်းလေးပါပဲ။ ဇာတ်လမ်းဆိုတော့ ကြည့်ကောင်းအောင် ထိုးဇာတ်က
လေးတွေ ထည့်ရသပေါ့လေ။ ဥပမာ ဟုခ်ျဂလပ်စ် ရဲ့သား ဟော့ခ် တို့။
နောက်ပြီး ဗီလိန် John Fitzgerald (တွမ်ဟာဒီ)က အဲဒီတုန်းက ၂၃နှစ်လောက်
ရှိသေးတာပါ။ အပြင်မှာ ဂလပ်စ်က သူ့ကို မသတ်ခဲ့ပါ။ ဂျွန်ကစစ်ထဲ လိုက်သွား
တယ်။ ဂျွန်က ဂလပ်စ် ကို သူ့လက်နက်တွေ ပြန်ပေးပြီး တောင်းပန်ခဲ့တယ်။
အဲဒီတုန်းက စစ်သားကို သတ်ရင် သေဒဏ်ပေးမှာလည်း ပါလို့ ထင်ပါတယ်။
ဂျင်မ် ကိုလည်းငယ်ရွယ်သေးတဲ့အတွက် သူ ခွင့်လွှတ်ခဲ့ပါတယ်။ အဲဒီ ဂျင်မ်
ဘရစ်ဂျာက နောင်အခါ နာမည်ကျော်ကြားတဲ့ လူစွန့်စားကြီး ဖြစ်လာပါတယ်။

ခက်ခဲကြမ်းတမ်းတဲ့ နယ်စွန်ပယ်ဖျား မှာ သားရေ၊ သားမွှေးရဖို့ အတွက်
အသက်ကို ဖက်နဲ့ထုပ်ပြီး စွန့်စားလုပ်ဆောင်ရတာပါ။ ဒဏ်ရာတွေ သက်သာ
လာတော့လည်း အဲဒီအလုပ်ကိုပဲဂလပ်စ် ဆက်လုပ်ခဲ့ပါတယ်။ အဲဒီအဖြစ်အပျက်
ပြီးလို့ ဆယ်နှစ်အကြာ အသက် ၅၃နှစ်လောက်မှာ အရီကာရာ လူနီရိုင်းတွေ
လက်ချက်နဲ့ ဂလပ်စ်တစ်ယောက် တကယ် အသက်ပျောက်ခဲ့ရရှာပါတယ်။
အရီကာရာ တွေ ခမျာလည်း ကံဆိုးချင်တော့ အမေရိကန် သားမွှေး ကုမ္ပဏီ
တစ်ခုနဲ့ ရင်ဆိုင်တွေ့တဲ့အခါမှာ လူဖြူတွေနဲ့ တည့်တဲ့ မီနီထရီ လူမျိုးစု
အယောင်ဆောင်ပြီး ဖြတ်တော့သူတို့ထဲက တစ်ယောက်က ဂလပ်စ်ရဲ့
ရိုင်ဖယ်ကို ကိုင်ထားတာ သတိပြုမိသွားတဲ့အတွက်အကုန် ကလဲ့စားချေ
အသတ်ခံကြရပါတယ်။ ဂလပ်စ်အတွက်ပေါ့လေ။

ဂလပ်စ်အကြောင်းကတော့ နှစ်နှစ်ရာ နီးပါးရှိတဲ့တိုင် သားစဉ်မြေးဆက်
ပြောကြတဲ့ စွန့်စားခန်းပုံပြင်တွေ။ ကလေးတွေရဲ့ သူရဲကောင်းကြီး။

About မောင်ဘလိူင်

has written 132 post in this Website..