နာရေးသတင်းတစ်ခုကြားတိုင်း ကျွန်မတွေးမိတာက ……

  • ငါကော ဘယ်နေ့လည်းလို့ အလျင်အမြန်တွေးမိပါတယ်။
  • ကျွန်မဘေးနားကသူတွေကော ဘယ်တော့လဲလို့ ထပ်ဆင့်တွေးမိပါတယ်။
  • ကျွန်မတို့မသေခင် ဘာတွေချန်ထားပြီး ဘာတွေယူသွားမှာလဲလို့ နောက်ထပ်တွေးမိပါတယ်။

ဒီလိုတွေးပြီးတိုင်း ကျွန်မခံစားရတာက ကျွန်မ မုန်းသောသူ ၊ ကျွန်မ ခွင့်မလွှတ်နိုင်သောသူ၊ ကျွန်မကို တိုက်ခိုက်နေသောသူ၊ ဒုက္ခပေးသောသူ …    သူတို့အားလုံးကို ခွင့်လွှတ်ချင်လာပြီး နောက်တခါ သူတို့နဲ့တွေ့ရင် စိတ်ပါလက်ပါ ပြုံးပြလိုက်မယ်လို့လေ။

ခုချိန်မှာ ကျွန်မသေသွားခဲ့သော် ………

 

ကျွန်မ သေသွားခဲ့သော် …
တစ်ယောက်သောသူက သူ့အတ္တကို ဆုပ်ကိုင်လို့ အရယ်မျက်လုံး နဲ့ ငိုပေလိမ့်မည်
တစ်ယောက်ကတော့ စာနာထောက်ထားစွာနဲ့ အရှိုက်တစ်ချက်ဖြင့် ငိုလိမ့်မည်
တစ်ယောက်ကတော့ သူပြောခဲ့ဖူးတဲ့ စကားတစ်ခွန်းအတွက် နောင်တရနေလိမ့်မည်
တစ်ယောက်သောသူကတော့ သူ မပြောလိုက်ရတဲ့ စကားတချို့ကို ရေရွတ်နေပေလိမ့်မည်
တစ်ယောက်ကတော့ သူ့မာနကို ခ၀ါချလို့ ကျွန်မကို ထပ်တွေ့ဖို့ မရေမရာ မျှော်လင့်နေလိမ့်မည်
တစ်ချို့ကတော့ စုပ်တသပ်သပ် .. တစ်ချို့ကလည်း ရင်ထုမနာ .. တစ်ချို့အတွက်တော့ .. ၀မ်းနည်းဝမ်းသာ။

ကျွန်မ သေသွားခဲ့သော် …
ကျွန်မ အတ္တတွေက လှောင်ပြောင်နေလိမ့်မည်
ကျွန်မ မာနကတော့ ဦးတည်ရာ ပျောက်နေပေလိမ့်မည်
ကျွန်မရဲ့ ကိုယ်ချင်းစာတရားကတော့ ငြိမ်သက်စွာ ပင့်သက်တစ်ချက် ရှိုက်လိမ့်မည်
ကျွန်မ ဓနကတော့ ပိုင်ရှင်အသစ်နဲ့ မူးနေရော်မည်
ကျွန်မ ဒါန နဲ့ သီလ ကတော့ ကျွန်မကို စောင့်မျှော်နေရှာပြီ။

သို့ပေကြောင့်..
သူတို့ကြာကြာ မစောင့်ရလေအောင် …
သွားလိုက်ပါအုံးမယ်။

ကျွန်မရဲ့ သေခြင်းတရားအတွက် ..
ဘယ်သူ့ မျက်ရည်စက်မှ မလိုပေဘူး
တစ်ယောက်ယောက်ရဲ့ နောင်တလည်း မလိုဘူး.
မမြဲခြင်းတရား နဲ့ အသိတရား ရဖို့ ဒီနှစ်ခုသာ လိုအပ်တယ်။

ကျွန်မရဲ့ နံရိုးပိုင်ရှင် ကတော့ …
ဘ၀သံသရာ တစ်ကွေ့ကွေ့မှာ ကျွန်မကို ပြန်ဆုံဖို့ မျှော်လင့်ကောင်း မျှော်လင့်နေမှာပါ။

 

Kabyar Phyu Phyu

About Kabyar Phyu Phyu

Kabyar Phyu Phyu has written 7 post in this Website..