လောင်းကစားနဲ့ နေ၀န်းနီ -၁

ကိုယ့်ဂုဏ်ကိုယ်ဖော် မသူတော် ဆိုပေမင့် သူများတွေလိုလည်း(strong) ဗေဒင်ကြည့်နေတဲ့ ဥူးပဇင်း ဒါတ်ပုံ မရိုက်ရဲတော့ (/strong)ကိုယ့်အကြောင်းကို ပြန်ပြောတာပဲ အန္တရာယ်ကင်းပါတယ်လေ ။ နေ၀န်းနီ တို့ငယ်ငယ် မူလတန်းကျောင်းသားကတည်းက ဖဲရိုက်တတ်သဗျ ။ သုံး/လေးတန်း ရှစ်နှစ် ကိုးနှစ်လောက်ပေါ့ ။ တစ်ကနေ တစ်ဆယ် ထိပါတဲ့ ကားချပ်လေးတွေ ထပ်ပြီးကစားရတာလေ ။ နံပါတ်တူတဲ့သူကစားကြေး ။ တစ်ခါတစ်လေ ကိုယ့်လက်ထဲကိုင်ထားတဲ့ ကားချပ်ဖြစ်ဖြစ် ကစားဖော်လက်ထဲကိုင်ထားတဲ့ ကားချပ်ဖြစ်ဖြစ် ကုန်သွားရင် အနိုင်အရှုံး ဆုံးဖြတ်ဖို့ ကွမ်မီး တို့ ဘူကြီးတို့တွဲပြီး ဆုံးဖြတ်တာလေ ။ ရှစ်နှစ် ကိုးနှစ်ကလေး ဘူကြီးရိုက်တတ်တာ ဆန်းသလား ။ ဆန်းတာက နေ၀န်းနီက သူများထက် ဉာဏ် ကောင်းတယ်လို့ပဲ ပြောရမလား ။ မကောင်းမှုမှာ သူများတွေထက် စိတ်ဝင်စားတယ်ပဲ ပြောရမလားမသိဘူး ။ ဘူကြီး တွဲလုံးတွေ အကုန်အလွတ်ရတယ် ။ ငါးလေးတစ်
ခြောက်သုံးတစ် ။ လေးလေးနှစ် ။ ခွန်ရှစ်ငါး ။ ခြောက်ခြောက်ရှစ် ။ ခြောက်ငါးကိုး ။ စသည်ဖြင့်ပေါ့ ။ ကားချပ်တစ်ချပ်ချင်း လိုက်ပေါင်းနေစရာမလိုဘူး ။ နံပါတ်မြင်လိုက်တာနဲ့ ဘယ်ဟာ ဖြစ်ဖဲ ဆိုတာ သိတယ် ။ မြန်သလားမမေးနဲ့ ။ ဘယ်မှာသိသာလဲ ဆိုတော့ သင်္ချာမှာ ရှေ့က ဆရာမက မပြီးသေးဘူး နေ၀န်းနီက အဖြေရနေပြီ ။ အဲ့လောက်ထိ ။ မျက်ခင်းပေါ် ဖင်ချထိုင်းပြီး ကားချပ် အထပ်ကောင်းလို့လဲ အရိုက်ခံရတာ ခဏခဏ ။ ကျောင်းအုပ်ဆရာမက ကြိမ်နဲ့လိုက်လို့ လွယ်အိတ်ပုတ်ကြီး စလွယ်သိုင်းပြီး ပြေးရတာ ပြန်စဉ်းစားကြည့်ရင် ရယ်စရာ ။ အဲ့တုန်းကတော့ သေပြေးရှင်ပြေး မောနေအောင်ကိုလှည့်ပတ်ပြေးရတာ ။ နွေရာသီကျောင်းပိတ်ရက် ဦးလေးတွေဆီရောက်တော့ သူတို့ ပိုကာဒေါင်းတာကို ဘေးကနေထိုင်ကြည့် သုံးလေးပွဲပြီးတော့ ဖဲချပ်လက်နဲ့ထောက်ပြပြီး ဟိုလိုလုပ် ဒီလိုလုပ် နောက်က ဆရာလုပ်တတ်ပြီ ။ မဟုတ်တာဆိုရင် ငယ်ငယ်ကတည်းက ကို အတတ်မြန်တာ ။ ဘယ်သူမှရိုက်သင်ပေးစရာမလိုပဲ အမြင်နဲ့ကိုတတ်နေတာ ။ အဲ့ကနေ တက္ကသိုလ်ရောက်တဲ့ အထိ ဖဲဝိုင်းဆို ဘေးနားကနေကို ထိုင်ကြည့်ပြီး ဟိုပြောဒီပြောလေး ပြောလိုက်ရမှ နေသာထိုင်သာ ရှိတာ ။ စစ်တုရင် ကျား ကြွေ ဘေးကနေထိုင်ကြည့်ရင်း နားလည်သွားတာချည့်ပဲ ။ တက္ကသိုလ်ရောက်တော့ အဆောင်တစ်ကာ ဖဲဝိုင်းတစ်ကာ ရောက်တာပေါ့ ။ အဲ့ အဆောင်မနေရရင် အဖေက ဘဏ်တစ် အပေါ်ထပ်က မန်နေဂျာ ( နေ၀န်းနီ အဖေရဲ့ ဆရာ ) ဆီမှာအပ်ပြီး ၈၂ လမ်းကနေ ကျောင်းတက်ခိုင်းသေးတယ် ။ စိတ်မချလို့ ။ အို့အိုး နေ၀န်းနီတို့က ဘဏ် လုံခြုံရေး ကျတဲ့ ရဲတွေနဲ့ ပေါင်းပြီး ဖဲရိုက်လိုက်တာ ခုနှစ်ရက် ခုနှစ်လီ ။ ကိုယ့်အိပ်ယာရှိတဲ့ အပေါ်ထပ်ကို ပြန်မရောက်တော့ဘူး ။ အဲ့ဒါနဲ့ ဘောဒါဆောင် ( အပြင်ဆောင် ) ရောက်လာပေါ့ ။ အဲ့မှာ လူပိုစုံတာ ။ ဆရာ မောင်သာရရဲ့ နောက်ဆုံးတော့ ကျော်ဟိန်းက ကျော်ဟိန်း ပါပဲ ဖတ်ပြီး လေးကောင်ဂျင်ဝိုင်းကိုစိတ်ဝင်စားနေတာ ။ မရောက်ဖူးတော့ သွားကြည့်ချင်တယ် ။ အဖော်ခေါ်မဲ့ သူကမရှိ ။ အဲ့ဒိအချိန်က မန္တလေးမှာ တည်းခိုခန်းတစ်ခုကလည်း နာမယ်ကြီးနေချိန် “နေပြည်တော် ” ဆိုလား “ရွှေပြည်ညွန့်” ဆိုလား မှတ်တော်မမှတ်မိဘူးဗျ ။ ဈေးချိုနားမှာပဲ ။ ပိုက်ဆံ ငါးရာပြမှ အဖော်တစ်ယောက်နဲ့ သွားလို့ရသတဲ့ ။ ငါးရာ ဆိုတာက ကိုယ့် တစ်လစာတောင်မကချင်ဘူး ။ (ပြန်တမ်းဝင် အရာရှိမှ လေးရာ့ ငါးဆယ်က စရတာ ။) ဘုန်းကြီးကျောင်းကနေ ကျောင်းတက်ရင်တောင် လွန်ရောကျွံရော ကုန်မှ နှစ်ရာ့ငါးဆယ် ။ အဲ့တော့ ကိုယ်နဲ့ နီးစပ်ရာထဲက ဘယ်သူသွားနိုင်မှာလဲ ။ ဈေးချိုဘက်သွားတိုင်း အဲ့တည်းခိုခန်း မော့ကြည့်ပြီး ပြန်ပြန်လာရတာပေါ့လေ ။ ဒုတိယနှစ်ယောက်မှ သူရဲကောင်းက ပေါ်လာတယ် ။ နေ၀န်းနီ တို့ မြို့က ဆယ်တန်းအောင်လာတဲ့ “ဘကြီးအောင်” ပါ ။ ဆယ်တန်းကို ဆယ့်တစ်နှစ်မြောက်ဖြေပြီး အောင်လာတာ ဆိုတော့ နေ၀န်းနီ တို့ထက် ဆယ့်လေးငါးနှစ်ကြီးတယ် ။ ဆယ်တန်း မအောင်သေးဘဲ ဆယ်တန်းကို ကျူရှင်ပြခဲ့တာ သူတစ်ယောက်ပဲ ရှိလိမ့်မယ်ထင်ရဲ့  ။ သူကလည်း ဂျင်ဝိုင်း သွားချင်လို့ အဖော်မရှ်ိတုန်း နေ၀န်းနီ နဲ့ တွေ့ သူတော်ချင်းချင်း သတင်းလွေ့လွေ့ပေါ့လေ ။ သွားမယ်လိုက်မလား ဆိုတော့ ဘယ်နှစ်ခါ အခေါ်ခံမလဲ ။ သွားကြတာပေါ့ ။ (တည်းခိုခန်းပေါ်ကို ဈေးချို တိုက်တန်း အရှေ့ဘက် လမ်းကြားလေးကနေတက်သွားရတာတော့မှတ်မိရဲ့ ။ နောက်ပိုင်းပြန်ပြင်ထားတာ ပြောင်းလဲသွားတာတွေနဲ့ တိတိကျကျတော့ မမှတ်မိတော့ဘူး ။ ) ဂျင်ဝိုင်းဆိုတာ စာအုပ်တွေထဲမှာသာ ဖတ်ဖူးတာ ။ အပြင်မှာအထူးအဆန်းကိုး ။ အဆောင်ဖဲဝိုင်းလို ဆူညံမနေပါဘူး ။ သူ့စိတ်ကူးနဲ့သူ ။ တစ်ချက်တစ်ချက် ဂျင်သီးကျသံကလွဲလို့ အသံသိပ်မကြား ။ ညာဘက်ထိပ်က လူက ကပ်ပြားတစ်ချပ်ကိုင်ပြီး ဘော့ပင် တစ်ချောင်းနဲ့  ဇယားမှတ်သတဲ့ ။ ကျန်တော်တွေ့တာတော့ ×+၀ ÷ လို့ထင်တာပဲ ။ ခုခေါတ် နှစ်လုံး သုံးလုံး ကင်န်လင်ဒါ သဘောပေါ့ ။ ဇယားမှာလည်း အကောင်တွေရေးမထား ။ အဲ့မှာ အနီ နဲ့အနက် ဆိုတာလောက်ပဲ သိလိုက်တယ် ။ ကြက်နဲ့ မြွေ ကအနီ ဖားနဲ့ဝက် က အနက် ။ နီတစ်ခါ နက်တစ်လှည့် (ကြက်)တွန်(၀က်)ကုန်း (ဖား)ကားကား ရယ်နဲ့ မြွေကျတော့ လျော တဲ့ဗျား ။

နေ၀န်းနီ
8:50 PM
2016 Mar 31

naywoon ni

About naywoon ni

naywoon ni has written 439 post in this Website..

နေ၀န်းတော့ နေ၀န်းပဲ..။ ဒါပေမဲ့ ရဲရဲနီနေတဲ့ အရှေ့ဘက်မိုးကုပ်စက်ဝိုင်းကထွက်ပေါ်လာကာစ နေ၀န်းနီ........... CJ # 7272010