မြ သည် တစ်စုံတစ်ယောက် နှင့် ပါတ်သက် လျှင် ဆတ်ဆတ်ထိ သည်းမခံနိုင်သည့် အရိုင်း  ဖြစ်သည်။
ထို တစ်စုံတစ်ယောက် သည် ကိုယ်နှင့်သွေးမတော်သားမစပ်သည့် အမျိုးသမီးကြီး တစ်ဦးဖြစ်သည်။
ထို အမျိုးသမီးကြီး ကို မကောင်းပြောလေ့ရှိသည့် ကိုယ်၏ သွေးသားတော်သည့် မောင်အရင်းတစ်ယောက် နှင့် အမြဲ စကားများလေ့ရှိသည်။
ထို အမျိုးသမီးကြီး ၏ ဦးဆောင်လမ်းကြောင်း အပေါ် အနှောက်အယှက် ဖြစ်စေမည့် မည်သည့် လူ၊ မည်သည့် အပြုအမူ ကိုမျှ မြ သည် လက်သင့်ခံမည်၊ ခွင့်လွှတ်မည် မဟုတ်။
ထို အမျိုးသမီးကြီး ၏ ဦးဆောင်လမ်းကြောင်း အပေါ် စေတနာပါသည်ဖြစ်စေ၊ မပါသည်ဖြစ်စေ ကူညီ ပံ့ပိုးလာသည့် မည်သည့် လူ၊ မည်သည့် အပြုအမူ ကိုမဆို မြ သည် လှိုက်လှဲစွာ ကြိုဆိုသည်။ ကျေးဇူးတင်သည်။
အဘယ်ကြောင့်နည်း။

မြ မျက်လုံးထဲတွင် ကျောင်းစာသင်ခန်း ကို ချစ်သော်လည်း ကျောင်းစာသင်ခန်းကို မဝင်နိုင်သောကြောင့် ကျောင်းအဝ တွင် ထင်းစည်းကြီးရွက်ပြီး ကျောင်းခန်းထဲ က စာ ကို လိုက်ရွတ် နေသည့် ညစ်ပေပေ ပိန်ညော်ညော် ကလေး မလေး တစ်ယောက် ပုံရိပ် အမြဲရှိသည်။
မြ မျက်လုံးထဲတွင် ဘဝနေဝင်ချိန် အဟာရ လိုအပ်သော်လည်း မြေးကလေးများ အတွက် ငဲ့၍ အဆာခံ နေရသော အဖွားအို တစ်ယောက် ပုံရိပ် အမြဲရှိသည်။
မြ မျက်လုံးထဲတွင် အလုပ်လက်မဲ့ လမ်းဘေးထိုင်ကာ မျှော်လင့်ချက် မဲ့ နေသော လူငယ်လေး တစ်ယောက် ပုံရိပ် အမြဲရှိသည်။
မြ ရင်ထဲ က ထိုသူများ အတွက် မြ သည် တာဝန် မကျေခဲ့။
မြ သည် ကိုယ်လွတ်ရုန်း ကာ ကိုယ့်ဘဝ အတွက် သာ တစ်ကိုယ်ကောင်းဆန်ခဲ့သူ ဖြစ်သည်။
မြ သည် ထို သူများ အတွက် ပေး ဆပ်ရန် အကြွေး ကို မသိကျိုးကျွံ နေနေ သူ တစ်ယောက်ဖြစ်သည်။

သို့သော် မြ မပေးဆပ်နိုင်သည့် ဤအကြွေးများ အတွက် ထိုအမျိုးသမီးကြီး မှ သူ့ဘဝ ရင်း၍ ပေးဆပ် နေသည်။
အစွမ်းရှိရှိ ပေးဆပ် နိုင်လောက်အောင် လဲ ပညာဉာဏ် နှင့် စေတနာ သန်သည်။
ထို အမျိုးသမီးကြီး ကို မှ မယုံလျှင်၊ ထို အမျိုးသမီးကြီး ကို မှ အားမကိုးလျှင် မြ သည် ဒီ တစ်သက် အကြွေးကျေစရာ လမ်းမမြင်ပါ။
“အနှိုင်းမဲ့မေတ္တာ” ဆိုသည် ကို မြ သည် လက်တွေ့မြင်ခဲ့ပြီ ဖြစ်သည်။

ထို အမျိုးသမီးကြီး ၏ ရေးသားထုတ်ဝေထားသော စာအုပ်များထဲ မှ စာသားတစ်ချို့ သည် မြ ၏ သူ့အပေါ်ရှိနေ သော ချစ်ခင်လေးစား တန်ဖိုး ထားမှု များ ကို ပိုပြီး ခိုင်မာစေခဲ့ ပါသေးသည်။
ထို စာအုပ်များထဲ တွင်မြ မသိခဲ့ သော အကြောင်း တစ်ချို့ ရှိခဲ့သည်။
ထို အမျိုးသမီးကြီး ၏ ခင်ပွန်းမှ ရေးသား မျှဝေထားခဲ့ခြင်း ဖြစ်သည်။
ထို စာသားများထဲ တွင် အဝေးရောက် နေသော်လည်း အမိမြေ နှင့် လူထု အပေါ် တာဝန် ကျေချင်လွန်း သည့် သူ့ တစ်ခါက အိမ်မက် ပုံရိပ်များ သည် ပို၍ ထင်ရှားခဲ့ သည်။
နိုင်ငံ ၏ ပညာရေး ကို တစ်တပ်တစ်အား မြှင့်တင်ပေး လိုစိတ်၊ စာကြည့်တိုက်များ ကို နိုင်ငံ အနှံ့အပြား တွင် ထူထောင်ပေးလို စိတ် သူ့မှာ ပြင်းပြ နေခဲ့သည်။
သို့သော် သူ ထင်သလို သူ့အိမ်မက် သည် မချောမွေ့ခဲ့ချေ။
ထို အိမ်မက်များ အတွက် နှစ်ပေါင်းများစွာ မိသားစု ဘဝ ကို နှလုံးသားအကွဲခံ စတေး၍ ရင်းနှီးခဲ့ ရလေတော့သည်။

ဤ တစ်ကြိမ် မှာတော့ သူ၏ တစ်ခါက အိမ်မက်များ ပီပီပြင်ပြင် အကောင်အထည် ပါနိုင်ပါစေ ဟု လှိုက်လှိုက်လှဲလှဲ မြ ဆုတောင်းပါသည်။
တစ်နေ့မှာတော့ မြ သည်လည်း ထို အမျိုးသမီးကြီး၏ ပေးဆပ်မှု ကြောင့် မြင်စ ပြုလာသည့် အလင်းရောင်အောက်တွင် တစ်ခါက ထင်းစည်းရွက်ထားသည့် ကလေး၏ မြေးငယ် များ ကို စာသင်ပေး နိုင်ပါစေ ဆုတောင်းပါသည်။

ထို ဆုတောင်းများ ပြည့်စေရန် အတွက် မြ ထပ်ပြီး ပြောပါမည်။

မြချစ်သော
ထို အမျိုးသမီးကြီး ၏ ဦးဆောင်လမ်းကြောင်း အပေါ် အနှောက်အယှက် ဖြစ်စေမည့် မည်သည့် လူ၊ မည်သည့် အပြုအမူ ကိုမျှ မြ သည် လက်သင့်ခံမည်၊ ခွင့်လွှတ်မည် မဟုတ်။
ထို အမျိုးသမီးကြီး ၏ ဦးဆောင်လမ်းကြောင်း အပေါ် စေတနာပါသည်ဖြစ်စေ၊ မပါသည်ဖြစ်စေ ကူညီ ပံ့ပိုးလာသည့် မည်သည့် လူ၊ မည်သည့် အပြုအမူ ကိုမဆို မြ သည် လှိုက်လှဲစွာ ကြိုဆိုသည်။ ကျေးဇူးတင်သည်။

မြန်မာနှစ် သက္ကရာဇ် ၁၃၇၈ နှစ်သစ် အခါသမယ မှ စ၍

မြ ချစ်ရလွန်းသော ထိုအမျိုးသမီးကြီး သည် သူ၏ လိုအင်ဆန္ဒ အိမ်မက်များကို ကိုယ်စိတ်နှစ်ပါး ကျန်းမာ ချမ်းသာစွာဖြင့် အောင်မြင်စွာ အကောင်အထည် ဖော်ဆောင်နိုင်ပါစေသား။
မြ ချစ်သော ရွှေပြည်ကြီး အေးငြိမ်းချမ်းသာ တိုးတက်ပါစေသား။
ပြည်သူ ပြည်သား အားလုံး လဲ စိတ်ချမ်းသာ ကိုယ်ကျန်းမာ ရွှင်လန်းချမ်းမြေ့ အောင်မြင် ကြပါစေသား။
မြ ချစ်သော ရွာကလေး သည်လဲ စည်ပင်ဝပြော ပါစေသား။
မြ ချစ်သော ရွာသူ/ရွာသား များ လဲ ကောင်းမွန်သော လိုရာဆန္ဒ များ အားလုံး ပြည့်ပါစေသား။

မြ သည်လဲ အစပျိုးမိပြီး မဆုံးနိုင်သေးသည့် ဇာတ်လမ်း တစ်ပုဒ် အတွက် ဇာတ်သိမ်းခန်းရောက်နိုင်ရန် ကြိုးစားရပေဦးမည်။
ထို့ကြောင့် စာရေးဆရာကြီး နွမ်ဂျာသိုင်း ၏ ကဗျာ တစ်ပုဒ် ထဲ မှ စာတစ်ပိုဒ် ကို မြ ရွတ်ခဲ့ပါမည်။
မြ တစ်ယောက် ရွာကို ဝင်၍ ရန်ထောင် နေခဲ့သည် ရှိသော် နှင်ထုတ်ပေးကြပါ လော့။
အားလုံး ကို ကျေးဇူးတင်ပါသည်။ (ကန့်လန့်တိုက် ကဏန်းများ မပါ)

ပြန်၍ဆုံပါစေ…. (နွမ်ဂျာသိုင်း)
မိုးနေ့တစ်နေ့ လမ်းတစ်ကွေ့ ၌
မုန်း၍မခွဲ၊ ချစ်လျက်ခွဲကာ
ခွဲခဲ့ရပေ ကိုယ်တို့တစ်တွေသည်
မိုးလေမလာ မြဆည်းဆာတွင်
တစ်ခါပြန်၍ ဆုံပါစေ….။

ချစ်သော ဆုမွန်ဖြင့်
မြ

 

 

 

IMG_3322

That’s how we support our Lady

 

IMG_3327

That’s how we support our Lady

 

IMG_1911

Introduction by Michael Aris (Freedom From Fear – Aung San Suu Kyi)

 

မြစပဲရိုး

About မြစပဲရိုး

Khin Latt has written 240 post in this Website..