ရေးသားသူ – ကိုဌေးနိုင် (2011+ publishing မှ)

ဒီမိုကရေစီ အစိုးရတွေအဖို့ လူထုရဲ့ တစ်ခဲနက် ထောက်ခံမှုဆိုတာ အရေးပါတဲ့ နိုင်ငံရေး “မတည်ငွေ” ပဲ။
အရင်းများများရှိရင် ခြေလှမ်းကျယ်ကျယ် လှမ်းနိုင်မယ်။ ဒါပေမဲ့ တစ်ခဲနက်ထောက်ခံတဲ့ လူထုကြီးရဲ့ ဆန္ဒအတိုင်း နေရာတိုင်းမှာ ဦးဆောင်နိုင်ဖို့ကတော့ လွယ်မယောင်နဲ့ ခက်တဲ့ စိန်ခေါ်ချက်လို့ နိုင်ငံရေး သရုပ်မှန်ဝါဒီ မော်ဂန်သော (Morgenthau) ကဆိုတယ်။
နိုင်ငံ့ခေါင်းဆောင် (statesman) အရည်အသွေးရှိတဲ့ အစိုးရအကြီးအကဲတွေဟာ အမြှော်အမြင်နဲ့ ပြတ်သားတဲ့ ဦးဆောင်မှု ပေးနိုင်သူများဖြစ်ပြီး တဒင်္ဂဆူပွက်လာတဲ့ လူထုဆန္ဒထက် နိုင်ငံတော် တည်ဆောက်ရေးအတွက် ရေရှည်အကျိုးရှိတာတွေကို ဦးစားပေး ရွေးချယ်ကြတယ်လို့ ဆိုတယ်။ ဒီနေရာမှာ ဂျော့ဝါရှင်တန်ဟာ ထင်ရှားတဲ့ ဥပမာဖြစ်တယ်။

၁၇၉၃ ခုနှစ် အမေရိကန် လွတ်လပ်ရေးဖခင် ဂျော့ဝါရှင်တန် သမ္မတသက်တမ်း ဒုတိယအကြိမ် တာဝန်ထမ်းနေချိန်။
လွတ်လပ်ရေး တိုက်ပွဲများအတွင်း အမေရိကန်ဘက်မှ အကြီးအကျယ် ထောက်ပံ့ခဲ့တဲ့ ပြင်သစ်မှာ တော်လှန်ရေး အစိုးရက နန်းကျဘုရင် လူဝီ၁၆ကို ကွပ်မျက်ပြီးနောက် ဖေဖော်ဝါရီလ တစ်ရက်နေ့မှာ အင်္ဂလန်နဲ့ ဟော်လန်ကို စစ်ကြေညာတယ်။ အမေရိကန် ပြည်သူတွေကလည်း ပြင်သစ်ဘက်က ရပ်တည်ပြီး ဗြိတိသျှတို့ကို စစ်ကြေညာဖို့ သမ္မတကို တိုက်တွန်းတယ်။ ပြင်သစ်ကို ကျေးဇူးဆပ်ဖို့ အခွင့်အရေးပေါ့။
ဒါပေမဲ့ ဂျော့ဝါရှင်တန်က ကြားနေတာ အကောင်းဆုံးလို့ ဆုံးဖြတ်ပြီး စစ်ပွဲမှာ ၀င်မပါခဲ့ဘူး။
“တို့အစိုးရအနေနဲ့ (အမေရိကန်) နိုင်ငံသားတွေကို ကာကွယ်ဖို့ အစွမ်းကုန် လုပ်ရမယ်။ ပါဝါနှစ်နိုင်ငံ စစ်ပွဲမှာ ကြားညပ်လို့မဖြစ်ဘူး” လို့ သမ္မတက နိုင်ငံခြားရေးဝန်ကြီး ဂျက်ဖာဆင်ထံ စာရေးတယ်။

လွတ်လပ်ရေးအတွက် ဂျော့ဝါရှင်တန်နောက်မှာ တစ်ခဲနက်ထောက်ခံခဲ့ကြတဲ့ အမေရိကန် လူထုဟာ စစ်မကြေညာတဲ့ သူတို့သမ္မတကြီးကို ကန့်ကွက်ကြတဲ့အပြင် အိမ်ထဲကနေ ဆွဲရမ်းမောင်းထုတ် ပစ်လိုက်ဖို့ ခြိမ်းခြောက်တဲ့အထိ ဒေါသတကြီး တုန့်ပြန်ခဲ့သတဲ့။ ဒါပေမဲ့ နောက်ဆုံးမှာ ပြင်သစ်တွေကိုယ်တိုင် အမေရိကန်ရပ်တည်ချက်ကို နားလည်လက်ခံသလို လူထုဟာလည်း သူတို့ခေါင်းဆောင်ကို သဘောပေါက်သွားတယ်ဆိုပဲ။
ဒီအကြောင်းကို ၁၉ရာစု ပြင်သစ်နိုင်ငံရေ;တွေးခေါ်ရှင် တော့ကဗီ (Alexis de Tocqueville) က Democracy in America စာအုပ်မှာ ခုလို မှတ်ချက်ပေးတယ်။

“ကြီးမားသည့် အဟန့်အတားများအား ကျော်လွှားပြီး ဒီမိုကရေစီကို အလုပ်ဖြစ်အောင် အကောင်အထည် ဖော်ရန်မှာ တာဝန်ယူမှု အသေးစိတ်ကို ထိန်းကျောင်းနိုင်မှ၊ ပုံတစ်ခုပေါ်လာသည်အထိ တောင့်ခံထားနိုင်မှဖြစ်မည်။
x x x x x နှိုင်းနှိုင်းချိန်ချိန် လုပ်ရန်ထက် ဒီမိုကရေစီကို (လူထု၏) သွေးခုန်နှုန်းအတိုင်း နာခံစေရေး၊ ရင့်ကျက်ဒီဇိုင်းပုံစံကို စွန့်ခွာပြီး လက်ငင်းပေါ်လာသည့် ဆန္ဒအတိုင်း အာသာပြေ သုံးစွဲရေး စသည့် ဖိအားများကို ပြင်သစ်တော်လှန်ရေး ဖြစ်ပွားလာခြင်းနှင့် ဆက်စပ်ပြီး အမေရိက၌ အထင်အရှား တွေ့ရသည်။
x x x x x ပြင်သစ်တို့ကို သနားလိုက်လေခြင်းဟုဆိုကာ ကြမ်းကြမ်းတမ်းတမ်း တစ်ဖက်သတ် ကြေညာမည့်၊ အင်္ဂလန်ကို စစ်ကြေညာမည့် အမေရိကန်လူထုကို ခေါင်းမာသည့် ဝါရှင်တန်က သူ့အရှိန်အဝါ ကျော်ဇောဂုဏ်ကိုသုံးကာ တားနိုင်ခဲ့ခြင်းဖြစ်သည်။
သို့တိုင်ပင် ရက်ရောသော်လည်း စေ့စေ့စပ်စပ် မရှိလှသည့် ဇောကပ်နေသော လူထု၏ ဆန္ဒကို အားစိုက်ငြင်းပယ် လိုက်ရသည့် ထိုပုဂ္ဂိုလ်ကြီးခမျာ ၎င်း၏သြဇာအာဏာ ထိုတစ်ချီတည်းနှင့်ပင် ခန်းခြောက်သွားမတတ် ဖြစ်ခဲ့ရသည်အထိ အများစုက သူ့ပေါ်လစီကို ဆန့်ကျင်ခဲ့ကြသည်။ သို့သော် အားလုံးပြီးသွားသည့် အခါတွင်မူ တစ်နိုင်ငံလုံးက ဝိုင်းထောက်ခံကြတော့သည်။”

မော်ဂန်သော ကတော့ ပေါ်ပြူလာ လူပြိန်းကြိုက် နိုင်ငံရေး ဟာ ခုရေတွင်းတူး ခုရေကြည်သောက်ဖို့ အာရုံထားတယ်လို့ဆိုတယ်။ မနက်ဖြန်ထိ စောင့်ရမယ့် တကယ့်အကျိုးအမြတ်ကို တဒင်္ဂအမြတ်ထုတ်ရခြင်းနဲ့ စတေးပစ်တယ်လို့ ဆိုတယ်။
၁၉၈၀ ပြည့်နှစ်တွေတုန်းက သမ္မတ ဂျင်မီကာတာ တီဟီရန်သံရုံး ဓားစာခံကိစ္စ ကိုင်တွယ်ပုံကို ဥပမာပေးတယ်။ ဒီနေ့ခေတ်ဆိုရင် သမ္မတ အိုဘားမားရဲ့ အလုပ်မဖြစ်တဲ့ ဂွာတာနာမိုအကျဉ်းစခန်း ပိတ်သိမ်းရေးတို့၊ ယနေ့အထိ မီးခိုးကြွက်လျှောက် လိုက်နေတဲ့ လစ်ဗျားမှာ ၀င်ပါပြီး တစ်ပိုင်းတစ်စနဲ့ လက်ရုတ်လိုက်တဲ့ ကိစ္စတို့၊ ဆီးရီးယားကိစ္စ စသဖြင့် လူထုထောက်ခံမှု နောက်ကိုလိုက်ခဲ့တဲ့ ဥပမာတွေ ထွက်လာမယ်ထင်ရဲ့။

စာရင်းချုပ်ရရင် သရုပ်မှန် ဝါဒအရ နိုင်ငံတစ်ခုရဲ့ ပါဝါကို တိုင်းတာတဲ့နေရာမယ် စီမံအုပ်ချုပ်တဲ့ အစိုးရရဲ့ ကွာလတီ အရည်အသွေးဟာလည်း တစ်ခုအပါအ၀င်ဖြစ်တယ်။ ဒီနေရာမှာ လူထုဆန္ဒကို အလိုလိုက် အကြိုက်ဆောင်ခြင်းထက် ကိုင်တွယ်ထိန်းကျောင်းပြီး ဦးဆောင်မှု ပေးနိုင်ခြင်းသည်သာ ကွာလတီ အစိုးရရဲ့ အင်္ဂါရပ်ဖြစ်တယ် ဆိုတာပဲ။
Reference:
– Politics Among Nations (sixth edition) by Hans J. Morgenthau, revised by Kenneth W. Thompson.
– George Washington and the American Revolution By Kim S. Collie

Ko Htay Naing
‪#‎POLITICAL_SCIENCE_2011‬+

မြစပဲရိုး

About မြစပဲရိုး

Khin Latt has written 240 post in this Website..