ခရီးအစ……………………..

စိတ်ထဲ မရိုးမရွ ခုလုခုလုနဲ့….
ပြောချင်လိုက်တာနော်  … ပြောချင်လိုက်တာ…
ဒါပေသိ အခုတလော ဘယ်သူနဲ့မှ စကားပြောဘို့က မကြုံ..
ကိုချောနဲ့ကလဲ တစ်လောကမှ စိတ်တိုင်းကျမှာ လေပစ်ထားတာ..
ကိုမိုက်နဲ့ကလဲ တကူးတက မတွေ့ဖြစ်..
အခြားငယ်ပေါင်း ကြီးပေါင်းများနဲ့လဲ မိုးတစိမ့်စိမ့်မို့ ချိန်းဟဲ့ ဆုံဟဲ့မလုပ်ဖြစ်..
လုပ်ဖြစ်သည်ပဲထား… သူတို့စိတ်ဝင်စားတာက တမျိုး ကိုယ်ပြောချင်တာကတဘာသာ..

ဒီလို့နဲ့စဉ်းစားရင်း လူငယ်တစ်ယောက်ကို သတိရမိသည်
သူ့ခမျာ ဗုဒ္ဓဘာသာလဲဖြစ်ချင် ဗုဒ္ဓဘာသာထဲက အကြောင်းတွေကိုလဲ တစ်ခုမှ အစာမကြေ..
သူနဲ့ ပြောဖြစ်လိုက်မှဖြင့် တစ်စိတ်က တစ်အိတ်- လျှောမွေးကို ဗာရာဏသီချဲ့ပြီး
သြကာသတပုဒ်ကို လဘက်ရည်ဆိုင် ခြောက်ခါထိုင်လောက်ရှင်းယူရသည်။
သူနဲ့ပြောချင်ရင်တော့ သူ့ကိုခေါ်လို့ ချိန်းလို့ မရ…
သူ့ဆီသွားရမည်…….
ဟုတ်သည်..
သူ့ဆီရောက်ဖို့ လွန်ခဲ့သော (၃၂)နှစ်ဆီ သွားရပါလိမ့်မည်…….။

……………………

သူ့နာမည်ရင်းကတော့ထားပါတော့..
သူ့နာမည်ပြောင် nick name တစ်ခုက  ဂျပန်ကြီး  ပါတဲ့..။
ဘယ်လို ဒီနာမည်ဖြစ်လာသလဲဆိုတော့..
အင်မတန်အရပ်ပုပြီး အင်မတန်လဲ ရက်စက်လို့ပါတဲ့….
တစ်နေ့သား နေ့လည်ခင်း  ပျင်းစရာကောင်းလှတဲ့ အချိန်မှာ
န၀ဒေးဆောင် အခန်းကိုးက ကုတင်ပေါ်မှာ
သူ့ထက်အဆမတန်အားခွန်ဗလကြီးမားလှသူ သူငယ်ချင်းတစ်ဦးက
သူ့ကို နောက်ပြောင်ပြီး မလှုပ်နိုင်အောင် ဖမ်းချုပ်ဖိညှစ်ထားခဲ့သည်
ကံဆိုးသည်က သူ့လက်တစ်ဖက်က လွတ်နေပြီး အဲသည်လက်ရဲ့တကမ်းအကွာမှာလဲ
ခြင်ထောင်အပြဲကိုဖာသည့် တွယ်ချိတ်ကြီးကြီးတစ်ချောင်း ရှိနေခဲ့လေသည်…
ဂျနီဗာကွန်ဗင်းရှင်းကိုလိုက်နာသောအားဖြင့် သတိတော့ ပေးလိုက်ပါသေးသည်..
သို့ရာတွင် တဖက်သားက ညှိနှိုင်းမရအောင်တင်းမာနေသည်၏အဆုံး….
အဲသည်ချိတ်ကြီးကို လွတ်နေတဲ့လက်တဖက်နဲ့လှမ်းဖြုတ်ပြီး
မီတဲ့နေရာကို ချိတ်တဆုံးထိုးထည့်လိုက်သည်မှ ….. အစပြုကာ..
အမည်သညာ ခေါ်စရာကား     ဂျပန်ကြီး    ဟူသတတ်……။

အံမယ်…

နာမည်ကသာဂျပန်   ..    တွေးလိုက်မှဖြင့် ကွန်မြူနစ်လိုချည်း…
ပြောတော့ ဗုဒ္ဓဘာသာတဲ့… တက်လိုက်သမျှကွန်ပလိန်းတွေက တောင်ပုံယာပုံ
ကိုယ်သာဘုရားဆို သူ့ကို ပြန်အမ်းပြီးတောင် တခြားပြောင်းကိုးကွယ်ခိုင်းမိမလားပဲ..
နားလည်းထောင်ကြည့်ဦးပရိတ်သတ်…..
ဘုရားအလောင်းတောထွက်တော့ ဗိုလ်ခြေတစ်ထောင်ဖွင့်မှရတဲ့ မြို့တံခါးကြီး နတ်တို့တန်ခိုးနဲ့ အလိုလိုပွင့်သွားတယ်ဆိုတာကို ရယ်သွမ်းသွေးသည်
ရာဇဂြိုလ်မြို့မှာ လူဦးရေ ကိုးကုဋေရှိသည်ဆိုသည်ကို ဟာသလုပ်သည်
သီတင်းကျွတ်မှာ ဘုရားရှင် နတ်ပြည်က ရွှေစောင်းတန်းငွေစောင်းတန်းတွေနဲ့ ဆင်းလာသည်ဆိုတာကို
ခေါင်းတစ်ခါခါ..
ဝိသာခါ ကျောင်းအမကြီး ဆင်ပြောင်ငါးစီးအားရှိသည်ဆိုတာကို ချဉ်ပေါင်ငါးစီးဖြစ်မှာပါဟု ပြောင်သည်
ရှင်ဥပဂုတ်ကိုယ်တော် ဆွမ်းစားမလို့ မွန်းတည့်ခါနီးမို့ နေကိုရပ်ထားတယ်ဆိုတာကိုလဲ ပြသနာရှာလို့မဆုံး
လေးကျွန်းတမြင့်မိုရ် နတ်ပြည်ခြောက်ထပ်တွေကိုတော့  ငြင်းလို့မဆုံး..
ငရဲ နဲ့ အ၀ီစိ ကိုလဲ အလွတ်မပေး.. ကိုယ်နေခဲ့တဲ့နေရာတောင် မမှတ်မိတော့တာ..။
အရင်ခေတ်ကို ထားတော့ .
အခုခေတ်မှာကို သီရိလင်္ကာစွယ်တော်လဲမချန် မန်းစက်တော်ရာလဲ မလွတ်
သူ့အတွက်တော့ နေရာတကာ ဝေဖန်စရာချည်း ဖြစ်နေတော့သည်….

……..
အခုတော့ အချိန်တန်လေပြီ…
ဘုရားခေတ်တုန်းက တီထွေးကြီးထဲပါနေခဲ့တဲ့ကောင် …
ဝိမုတ္တိယုဂခေတ် နှစ်ငါးရာမှ ဖြူးဆရာတော်ရဲ့တပြည့် ဦးပါလေရာနဲ့တွေ့လေတော့မည်…။
သာဝကချွတ်မှကျွတ်မဲ့ကောင်ဆီ
ခရီးထွက်ဖို့ ခပ်သုတ်သုတ်ပြင်သည်..
ဗီရိုအံဆွဲနောက်ဆုံးမှာထည့်ထားတဲ့ ဂက်စ်မီးခြစ်အရွယ် ကာလခရီးသွားစက်ကလေးကို
ထုတ်ယူ ဖုန်သုတ်ပြီး မိုက်ကရိုယူအက်စ်ဘီကြိုးလေးနဲ့ အားပြန်သွင်းသည်..
ဗိုလ်ချုပ်ဈေးကိုသွားကာ ဆူဗီးနီးယားဆိုင်တွေမှ မူးစေ့မတ်စေ့ ငွေစက္ကူအဟောင်းတွေဝယ်ရသည်..
တက္ကနီကယ်ရှောခ့်မဖြစ်အောင်သတိထားတဲ့အနေနဲ့ ရှေးခေတ်သုံး ဓါတ်ဆီမီးခြစ်အဟောင်းလေး
ဘုရားဈေးတကာ ပတ်ရှာတာ ကံကောင်းစွာ မယ်လမုဘုရားမှာ ၀ယ်လို့ရသွားသည်။
လက်ရှိလွယ်နေကျကြိုးသိုင်းအိတ်အစား လွယ်အိတ်ဖါးဖါးကြီးကြီးတစ်လုံးရှာဝယ်သည်..။
အကုန်စုံပြီဆိုတော့  သွေးကျဆေးနဲ့ ရေတစ်ခွက်အ၀သောက်ပြီး
အရင်မှားရောက်ဖူးတဲ့ ဖွတ်ဂြိုလ်ကိုပြန်မရောက်ရအောင် သတိကြီးစွာထားလို့
ခရီးသွားစက်ကလေးကို ဆက်တင်ချိန်သည်..

..
၁၉၈၄  ခုနှစ်
ဧပြီလဆန်း ၁ ရက် တနင်္ဂနွေ ၁၃း၀၀
မြန်မာ၊ ရန်ကုန်၊ ကမာရွတ်၊ ဘီအီးဒီကင်တင်းအနီး

………. ဂျောက် !!!!! 
..

ဦးဦးပါလေရာ

..

ဦးဦးပါလေရာ

About ဦးဦးပါလေရာ

parlayar 46 has written 74 post in this Website..

CJ # 3302011 2011/03/30 1:01:16 am