နေရောင်ပြင်းပြင်းအောက်က တောအုပ်ကလေးတစ်ခုအလား….
စိန်ပန်းပွင့်ချုပ်ကြွေ နီနီလေးတွေ ဖြန့်ခင်းထားသလို ရက်ရက်စက်စက်လှပနေတဲ့ ခြေသွားလမ်းဖုံဖုံကလေးက သစ်ပင်အုပ်အုပ်တွေကြား ကွေ့ကောက်တိုးဝင်ပျောက်ဆုံးသွားသည်
အဲသည်ရဲ့အဆုံး သစ်ပင်တွေကြားတစွန်းတစထွက်နေတဲ့ ခေါင်မိုးကလေးကိုမြင်ရသည်
မမှား…  မမှားနိုင်ပါ ..

အဲဒါ ဘီအီးဒီကင်တင်းလို့ခေါ်တဲ့ စားသောက်ဆိုင်တန်းကလေးပါပဲ..
နောင်ကို ဘယ်တော့မှမတွေ့ရတော့မယ့် သည်ခြေသွားလမ်းကလေးပေါ်
ဦးပါလေရာတစ်ယောက် မနင်းရက်နင်းရက်ဖြင့် တစ်လှမ်းချင်းတိုးဝင်သွားမိသည်
ပထမတွေ့ရတာက အစွန်ဆုံးက အဒေါ်ကြီးထမင်းဆိုင်
ထမင်းအ၀စား သုံးကျပ်ခွဲထဲနဲ့ ဘီအီးဒီ တီတီစီ ကျောင်းသူကျောင်းသားတွေ ၀မ်းဖြည့်စားသောက်နိုင်သည်။
အဲသည်ဘေးမှာတော့ တစ်ကျပ်ခွဲတန် ပုဇွန်ခွက်ကြော်သုပ်နာမည်ကြီးတဲ့ ဦးတင်ဝင်းအအေးဆိုင်ပေါ့..
အဲသည်ဆိုင်ကိုကျော်ရင် စဥ့်ပန်းအိုးထဲ ၀ါးတူလေးတွေစိုက်ထားသည့် စန္ဒာစားသောက်ဆိုင်..
ဆက်သွားရင်တော့ အသုပ်ဆိုင်ကလေးတွေ့ပါပြီ။
လဘက်ချင်းသုပ်တစ်ပွဲမှာပြီး ရေနွေးအိုးအကြိမ်ကြိမ်တောင်းကာ တနေကုန်တနေခမ်းထိုင်လို့ကောင်းလှသည့် ဆိုင်ကလေးဖြစ်လေသည်။
အဲသည်ဆိုင် အတွင်းကျကျစားပွဲမှာ ငွေတောင်ဆေးပေါ့လိပ်တစ်လိပ်ကို လက်ကြားညှပ်ရင်းထိုင်နေတာကတော့ မောင်ပါလေရာခေါ် ဂျပန်ကြီးဆိုတဲ့ ငနဲလေးပဲပေါ့..။

အပေါ်ရည်တင်းနေတဲ့လဘက်ရည်ကျကျတစ်ခွက်ရှေ့ထားပြီး ငေးမောတွေးတောနေတဲ့

ကောင်လေးကို ချောင်းဟန့်ပြီးအသံပေးနှုတ်ဆက်လိုက်ရသည်…

ဦးပါ-   အဟမ်း အဟမ်း…

ပန်-    ဟာ…. ဦးပါလေရာကြီးပါလား.. လာလေ..ထိုင်.. ထိုင်.. ။

ဦးပါ-   အေး…။ မင်းဆီ စကားလေးဘာလေးပြောရအောင် လာတာပဲ..။ ကျောင်းပိတ်ရက်ကို

အိမ်မပြန်ပဲ အဆောင်မှာကပ်နေမှာသိလို့ လူရှင်းတဲ့နေ့လေး ရွေးလာခဲ့တာ…။

ပန်-    အေးဗျာ…။ ဒီနေ့မှ ဗိုလ်ကျော်ကလဲ ဗဟန်းကသူ့အမျိုးတွေဆီသွားနေတယ်။

ကျနော်တစ်ယောက်ထဲဖြစ်နေလို့ ညနေဘားလမ်းမသွားခင် ဒီလာထိုင်နေတာ ..

ဦးပါလာတာ အတော်ဖြစ်သွားတယ်..။
ဒါနဲ့ ဦးပါ နေရောကောင်းရဲ့လား…  မတွေ့ရတာတစ်လလောက်ပဲရှိသေးတယ်..

နှစ် နှစ်လောက် ပိုအိုသွားသလိုပဲ….။

ဦးပါ-   တစ်လတွေ နှစ်နှစ်တွေ ဆိုတာက အိုင်စတိုင်းအဆိုအရတော့ နှိုင်းရသဘောတွေပါ

မောင်ရင်ရယ်။ ပကတိသဘောမှ မဟုတ်ပေပဲ…။

ပန်-    ဦးလေးလဲ အိုင်စတိုင်းကို ပါးစပ်က သိပ်မချပါလား…

ဦးပါ-   မချဆို မောင်ရင်တို့က ဘုရားလောက်နီးနီး သဘောထားနေမှတော့ မောင်ရင်တို့ခေတ်ကို

မဆန့်ကျင်မှဖြစ်မယ် မဟုတ်လား

ပန်-    ဘုရားလောက်တော့မဟုတ်ပါဘူးဗျာ…။ သူပြောထားတာကိုယုံကြည်ကြတာပါ။ ကိုးကွယ်တဲ့ဘုရား

ကတော့သီးသန့် တစ်ဆူထဲပါ.. မရောပါနဲ့ ဦးလေးရဲ့….။

ဦးပါ-   ဟုတ်လား….
ကျုပ်ကတော့ အရွယ်အမျိုးမျိုးမှာ ကိုးကွယ်တဲ့ဘုရားက အမျိုးမျိုးရှိသဗျ..။

ပန်-    ဟမ်…။ ဦးလေးက ဟိန္ဒူဘာသာကိုးကွယ်တာလား.. ဘုရားအမျိုးမျိုးဆိုတော့…..

ဦးပါ-   ကြံကြီးစည်ရာကွာ… ကျုပ်က ဗုဒ္ဓဘာသာစစ်စစ်မှ ဒေါင်ဒေါင်မည်ရေမရောပါ..
ဘုရားအမျိုးမျိုးကိုးကွယ်တယ်ဆိုတာက-
ငယ်ငယ် – လေးငါးခြောက်နှစ်အရွယ်တုန်းက ကျုပ်ကိုးကွယ်တဲ့ဘုရားက အာဠာဝက ဘီလူးကြီးကို

အောင်နိုင်တဲ့ဘုရားကွ..၊ လက်ရုံးပေါင်းတစ်ထောင်မှာလက်နက်ပေါင်းတစ်ထောင်စွဲကိုင်ပြီး

နတ်စစ်သည်တစ်သိန်းနဲ့ စစ်လာထိုးတဲ့ မာရ်နတ်ကို မတုန်မလှုပ်ရင်ဆိုင်ပြီး အနိုင်ယူနိုင်တဲ့ဘုရား..။

ပန်-    အာ … အဲဒါ ဂေါတမဗုဒ္ဓပဲလေဗျာ

ဦးပါ-   ကျုပ်ဆယ့်သုံးလေးနှစ်အရွယ်မှာ ကိုးကွယ်တဲ့ဘုရားကျတော့ လူနတ်သတ္တ၀ါခပင်းတို့ကို သံသရာက

ထုတ်ဆောင်ကယ်တင်ဖို့ လေးသင်္ချေနဲ့ကမ္ဘာတစ်သိန်း ပါရမီတော်တွေဖြည့်ကျင့်ခဲ့တဲ့ဘုရား..ပေါ့ကွာ…

ပန်-    အဲဒါလဲ ဂေါတမဗုဒ္ဓပဲ..

ဦးပါ-   ကျုပ်ဆယ့်ရှစ်ဆယ့်ကိုးနှစ်အရွယ် လောက်မှာတော့ ကိုးကွယ်တဲ့ဘုရားက သတ္တလောက သင်္ခါရလောက

သြကာသလောက ဆိုတဲ့ လောကသုံးပါးကို ကုန်စင်နှံ့စပ် အလုံးစုံသိတော်မူတတ်တဲ့

အတုမရှိဥာဏ်တော်ရှင်မြတ်စွာဘုရားပဲ…။

ပန်-    ကျနော်အင်မတန်ကြည်ညိုတဲ့ဂုဏ်တော်တွေပေါ့ ဦးပါရယ်။ အဲဒါ ဂေါတမဗုဒ္ဓပဲလေ

ဦးပါ-   ကျုပ်အသက် နှစ်ဆယ့်ကိုးလောက်မှာတော့ သစ္စာလေးပါး မြတ်တရားကို ကိုယ်တော်တိုင်သိမြင်ပြီး

သတ္တ၀ါဝေနေယျတို့ကိုလဲ ထုတ်ဆောင်ဟောပြ သိမြင်စေတတ်တဲ့ ဘုရားကို ကြည်ညိုကိုးကွယ်တယ်..။

ပန်-    ဦးလေးပြောတာတွေအကုန်လုံးက ဂေါတမမြတ်စွာဘုရားတစ်ပါးထဲပဲလေဗျာ..

ဦးပါ-   ဟုတ်မှာပေါ့ကွာ… ဒါပေသိ သဒ္ဓါဦးတန်းပြီး ကြည်ညိုတဲ့အချက်ချင်းကတော့ မတူပေဘူးကိုယ့်လူ..

လူဆိုတာ သူ့အရွယ် သူ့အသိ သူ့အတွေ့အကြုံအလျှောက် သူကြည်ညိုယုံကြည်ပုံတွေ

အဆင့်ဆင့်ပြောင်းတတ်တာပါပဲ.. အဲဒါသဘာဝပဲကွ

ဘုရားကို ဒီလိုကြည်ညိုတာသဘာဝမကျဘူး၊ ဟိုလိုယုံကြည်တာယုတ္တိမရှိဘူး စသည်ဖြင့်-

ဘုရားဆိုတာ ဘယ်လိုဖြစ်သင့်တယ် ဘယ်လိုမဖြစ်သင့်ဘူး စသည်ဖြင့်-

ဘုရားရဲ့အဖေလုပ်နေမယ့်အစား ကိုယ်ကြိုက်တဲ့ဘုရားကိုယ်ကိုးကွယ်တာအကောင်းဆုံးပဲ..။

ပန်-    ဒါပေမယ့် လူတွေ ဘုရားကိုးကွယ်တဲ့ပုံ ယုံကြည်တဲ့ပုံက တစ်မျိုးပါဗျာ..

ဦးပါ-   ဘယ်လိုတစ်မျိုးလဲ…

ပန်-    ဥပမာ ရွှေတိဂုံဘုရားက ဆူးလေစေတီထက် တန်ခိုးကြီးတယ်ဆိုတာမျိုး အကျိုးများတယ်ဆိုတာမျိုး

ဦးပါ-   ရုပ်အဆင်းကို ဦးစားပေးတဲ့အရွယ်မှာ ရုပ်အဆင်းဟာ သဒ္ဓါအတွက် အထောက်အပံ့ဖြစ်ပါတယ်

မောင်ရင်ရယ်…။ ကြိုက်သလိုထင်ကြပါစေ… တစ်ချိန်ချိန်မှာ ပိုရင့်ကျက်သွားကြမှာပေါ့..

ပန်-    ကျနော်ပြောတာက ကလေးတွေမဟုတ်ဘူးဗျ..၊ လူကြီးတွေ အဖိုးကြီးအဖွားကြီးတွေ ၊ ဘုန်းကြီး

သီလရှင် ရသေ့ ယောဂီတွေ ..။ တွက်ကြည့်ရင် လူအကုန်လောက်နီးနီးပဲ…

ဦးပါ-   ကျုပ်ပြောတဲ့ အရွယ်ဆိုတာကလဲ ထမင်းစားတဲ့သက်တမ်းကို ဆိုလိုတာမဟုတ်ပါဘူး..

ဒါနဲ့…. အဲဒီထဲ မင်းကောပါသလား…

ပန်-    ကျနော်တော့ ဘယ်ပါမလဲဗျ.. မပါလို့ ဒီစကားပြောနေတာပေါ့….

ဦးပါ-   မင်းလို အူကြောင်ကြောင်ကောင်တောင်မပါတာ.. ကျန်တဲ့သူတွေကို ဒါလောက်အထင်မသေးပါနဲ့ကွ..

ပန်-    ဒါပေမယ့် ဦးလေးစဉ်းစားကြည့်…. ဆူးလေနဲ့ ရွှေတိဂုံ ဘယ်ဘုရားလူသွားများသလဲ…

ဦးပါ-   ဟကောင်ရဲ့…. ဘုရားဆိုတာ လည်လို့ကောင်းတဲ့ဘုရား လူသွားများမှာပေါ့..။ ဒါကြောင့် ဘုရားတွေကို

လည်ပတ်လို့ကောင်းအောင် ကြိုးစားလုပ်ထားကြရတာပေါ့…

ပန်-    အဲဒါဆို ဘုရားသွားဖူးတဲ့ရည်ရွယ်ချက်က အမှားကြီးဖြစ်မနေဘူးလားဦးလေး..။ ဘုရားအလိုတော်အတိုင်း

ဖြစ်ပါတော့မလား….။

ဦးပါ-   နေပါဦး ဂျပန်ကြီး…။ အခုလို ဘုရားစေတီတွေတည်၊ ပေါက်ကရတွေ လျှောက်ထည့် ၊ ဂေါပကတွေထားပြီး

ပိုက်ဆံရှာ၊ ဖိနပ်အပ်ဖို့ကအစ အိမ်သာသွားဖို့အဆုံး ပိုက်ဆံကောက်၊ ဆိုင်ခန်းငှား ဗေဒင်ဟော၊

စာကလေးတွေဖမ်းလိုက်လွှတ်၊ ငါးတွေလိပ်တွေထောင်ချထားတာတွေကရော

ဘုရားအလိုတော်ကျတွေလို့များ မင်းထင်နေတာလား….။ ဘုရားက လူတွေကို ဘာလုပ်စေချင်တာလဲ

ဆိုတာကိုရော ခန့်မှန်းမိရဲ့လား…။

ပန်-    ဒါဆို ဘုရားတွေတည်ပြီး ဘုရားတွေလျှောက်ဖူးရတာက အကျိုးမရှိဘူးလို့ ဦးလေးဆိုချင်တာလား…

ဦးပါ-   ဖြစ်ရလေကွာ ….  အကျိုးရှိတာပေါ့…ဟ   အကျိုးမရှိပဲလျှောက်လုပ်ရအောင် လူတွေကို အရူးလို့များ

မင်းထင်နေသလား……

ပန်-    ဦးလေးပြောတော့ ဘုရားအလိုတော်ကျမဟုတ်ဘူးဆို….

ဦးပါ-   အေးလေ… ဘုရားကလဲ စေတီတွေတည်ပြီး လျှောက်မလည်ခိုင်းပါဘူး.. ဒါကဘုရားခိုင်းလို့

လုပ်တာမှမဟုတ်တာ.. ကိုယ့်ယဉ်ကျေးမှု့နဲ့ကိုယ် – ကိုယ်ကြိုက်လို့ကိုယ်လုပ်တာလေ..

ကိုယ်လုပ်လို့ကိုယ်ပျော်ရင် ကိုယ်စိတ်ချမ်းသာရင် နဲနဲပါးပါးလဲကုသိုလ်ရရင်

အဲဒါ အကျိုးရှိတာမဟုတ်လို့ ဘာလဲ မောင်ရင်ရဲ့ ….

ပန်-    ဒါပေမယ့် … ဘုရားတွေနဲ့ပတ်သက်ပြီး ဘ၀င်မကျစရာတွေကတော့များတယ်ဗျာ…

ဦးပါ-   မောင်ရင့်လိုအရွယ်မှာ ဘ၀င်မကျစရာတွေက အမြဲများနေမှာပဲ မောင်ရင်…

တစ်ခုလောက် နမူနာပြောကြည့် –

ကျုပ်လဲနဲနဲပါးပါး ဆွေးနွေးတာပေါ့..

ပန်-    ဥပမာဗျာ…

ဘုရားဆင်းတုတော်မျက်နှာတွေက တချို့က တော်တော်ကြီးမလှဘူး.. ရှေးခေတ်ပုံတော်တွေဆို

ပိုဆိုးတယ်။ တကယ်ဆို သူ့ခေတ်အလျှောက် လူမျက်နှာကို လှအောင်လုပ်နိုင်တဲ့ ပန်းပုပန်းရံတွေ

ရှိရမှာပေါ့လို့ ထင်တာပဲ…

…………………………………….

…………………

………………..

 

ဦးဦးပါလေရာ

 

 

 

ဦးဦးပါလေရာ

About ဦးဦးပါလေရာ

parlayar 46 has written 74 post in this Website..

CJ # 3302011 2011/03/30 1:01:16 am