မြသည် အငြင်းသန်သည်။
ကိုယ်လိုတာ ရအောင် ဇွတ်ဆွဲပြောတတ်သည်။
မလိုချင်တာ ဆိုရင် “ဟင့်အင်း” ခေါင်းခါ တတ်ပြီး ကိုယ်လိုရာ ပုံသွင်းလွန်း၍ ဟိုးအရင်က “အာဏာရှင်” ဆန်သည်ဟုဝေဖန်ခံရလေ့ရှိသည်။
(ကိုယ်တာဝန်ခံလုပ်သည့် အလုပ် မအောင်မြင်ပါက ထို ရှုံးနိမ့်မှု ကို တာဝန်ယူတတ်မည် ဆိုပါက ဝေတိဝေဝါး ဟိုလိုလိုဒီလိုလို လုပ်၍မရမှန်း ကို တာဝန်ခံရဲသူတိုင်း သိပေလိမ့်မည်။ – ဤကား စကားချပ်)
အသံ ကလဲ လော်မလိုအောင် ကျယ်သူတစ်ယောက်ပေတည်း။
မယုံပါက မြ အရင်ဘဝ နှင့် နီးစပ်သူများကို မေးကြည့်ပါကုန်။

ယခုလဲ စကားများ ကို ကျယ်လောင်စွာ ဆက်၍ပြောချင်ပါသည်။
မတေလ်ဒါ ဆိုသော အင်္ဂလိပ်ကလေး ပုံပြင်စာအုပ် ထဲကနေ နာမည်ကြီးလာတဲ့ LOUD  ဆိုသော သီချင်း ရဲ့ စကားလုံး လေး ကို သဘောကျလွန်း၍ ဖြစ်၏။
ထိုသီချင်းလေးအဓိပ္ပါယ်မှာ ကိုယ့်အသံကြားနိုင်ဖို့ စကားတွေ ကို ကျယ်ကျယ်ပြောရန် နှိုးဆော်ခြင်းဖြစ်သည်။
မှန်သည့် အသံဖြစ်စေ၊ မှားသည့် အသံ ဖြစ်စေ၊ တရား အသံဖြစ်စေ၊ မတရားသည့် အသံဖြစ်စေ ကျယ်ကျယ်ပြောနိုင်သူ၏ အသံ ကသာ လွှမ်းမည် မဟုတ်ပေလော။
တိုးတိုးလေးဖြစ်စေ၊ မပြောရဲသည်ဖြစ်စေ၊ မပြောလိုသည် ဖြစ်စေ အသံမထွက် ပါက မည်သူ့မှ ကြားမည်မဟုတ်ချေ။
ကိုယ်လိုချင်သည့် အရာ ကို ကိုယ်မှ ဂရုမစိုက်ပါ က မည်သူမှ ဂရုစိုက်မည် မဟုတ်ချေ။
ထို့အတွက် စကားများ ကို ကျယ်ကျယ်ပြောရန်လို ပါသည်။
ပိုဆိုးသည်မှာ မတရားသူ၊ အတ္တကြီးလွန်းသူ၊ အမုန်းအားကြီးသူ များ၏ အသံ တွေ ကျယ်နေသည့် အနေအထားတွင်ပို၍ ဂရုစိုက်ရန်လိုပေသည်။

တကယ်တော့ ကမ္ဘာကြီးတွင် ထိုသူများသည် အနည်းစုသာဖြစ်နိုင်ပေသည်၊
သို့သော် အသံကျယ်ကြသည်။
သူတို့ သည် ထိုသို့အသံကျယ်နိုင်သမျှ ကျယ်စေရန် အားထုတ်နေသူများလဲ ဖြစ်၏။
တော်ရုံ လူတို့မှာကား ထိုသူတို့နှင့် ယှဉ်၍ အသံမပြုရဲ၊ မပြုချင်ကြသည်မို့ ရှောင်ထွက်ကြလေသော် ထို သူတို့၏ အသံသာ ဖြစ်တည် နေကုန်သည်။
ထိုနေရာသည် မတရားမှုများ အားကြီးသော ရပ်ဝန်းဖြစ်လေတော့သည်။
ထို မတရားမှု၊ အဓမ္မမှုများ မကိန်းစေလိုပါက ထို အသံများထက် ကျယ်သော အသံ ကို ညီညာစွာ ပြိုင်တူ ဟစ်ကျွေးရန်လိုပေ၏။

ထို့ကြောင့် နိုင်သလောက် လက်လှမ်းမှီရာ လော်ကြပါလော့။

ချစ်သော
မြ

နောက်ဆက်တွဲ ဝန်ခံချက် …..
မြ အလွန်ချစ်သော တစ်စုံတစ်ဦး ကို အင်မတန်မုန်းတီးနေသည့် အသံ စိုးမိုး နေခဲ့သည့်နေရာမှာ လာ၍
ကိုယ်မည်မျှချစ်ကြောင်း ကို အသံကျယ်ကျယ် နှင့် ပြောနေမိတာ တစ်ခါတစ်ခါ မိမိ ကိုယ် မိမိ Guilty ဖြစ်သည် ဟု ခံစားမိပါသည်။ အင်မတန်မှလဲ အားနာမိတာ အမှန်ပါ။
ထို့အတွက်လဲ ကိုယ့်အနေနှင့် အကွေ့တစ်ချိုးတွင် ရပ်ချိန်တန်ပြီ ဟုလည်း အကြိမ်ကြိမ် ဆုံးဖြတ်ခဲ့ပေါင်းလဲ များပါပြီ။

မြသည် တစ်ခါတစ်ရံ စိတ်ထင်ရာပြော၍ အင်မတန် မှ အူကြောင်ကြောင် နှင့် ဂေါက်သူဖြစ်ကြောင်း သိကြပါကုန်။

DSCF5956

My Favorite Things

 ဒေါင်း သည် NLD ကို ဆိုလိုခြင်းမဟုတ်။

 

Dahhma Talk

ဒါကတော့ သူကြီးမင်း ကို ပြောတယ်ထင်ပါတယ်။ ဒီတစ်ခါတော့ ရွဲ့ပြောတာမဟုတ်ရပါ။

မြစပဲရိုး

About မြစပဲရိုး

Khin Latt has written 240 post in this Website..