တောတွင်းပျော် ငယ်ငယ်က အိမ်ခြေသိပ်မများလှတဲ့  အထက်ကျောင်း တစ်ကျောင်းတည်းသာရှိတဲ့ 
တောင်ပေါ်မြို့ ကလေးမှာ နေခဲ့ ရတယ်။ ကစားဖော်ဆိုတာက လက်ချိုးရေတွက်လို့ ရတဲ့ 
၆/၇ ယောက်လောက်သာ။ ဒီအုပ်စုတွေက အသက်အရွယ်စုံ အတန်းကြီးအတန်းငယ်တွေ။
မတည့်လည်း ဒီအုပ်စု တည့် လည်းဒီအုပ်စု။ ဒီ့ အပြင် တခြားလူတွေကမှ မရှိတာပဲ။
သူငယ်ချင်း အများစုက ပညာရေးဝန်ထမ်းသားသမီးတွေ။

အဆော့ ကလည်းသန်ပါ့ ။ စနေ တနင်္ဂနွေ ကျောင်းပိတ်ရက်များဆို တနေကုန် တနေခန်း။
သူငယ်ချင်းအဖေကျောင်းအုပ်ကြီး ကိုယ်တိုင် ပြူးတင်းပေါက်က ကြိမ်တုတ်နဲ့  ကိုယ်ယောင်ပြမှ နားလိုက်ကြတာ။ ဒါတောင် မိုးစုံးစုံးချုပ် မမြင်မကန်းတဲ့ အထိ ဘောလုံးကန်လို့  ကောင်းနေကြတုန်းကိုး။
ဆရာကြီးရဲ့  ကြိမ်လုံးကလည်း ဟန်ပြကိုင်ထားတာမဟုတ်။ သူ့ သားတွေ လူပျိုသော ကလေးသော ခွဲခြားတာမဟုတ်။ ပြစ်ဒဏ်အလိုက် ကြိမ်ဒဏ်သတ်မှတ်ချက်ကရှိပြီးသား ..
ဥပမာ ညနေတိုင်းအလှည့် ကျ ရေလောင်းပေးနေရတဲ့  ခြံခင်းတွေ တာဝန်မကြေလို့ ကတော့ 
အဲဒီကောင် ကြိမ်စာကောင်းကောင်းမိပြီသာမှတ်။

ဒီကောင်တွေကို ကြိမ်တုတ်တွေနဲ့  မအုပ်ရင်လည်း သူတို့ ဇတွေကလည်း မသေး။ ဒီတုန်းက
တောတွင်းပျော်တို့ က ၄ တန်းကျောင်းသားတွေသာရှိသေးတယ်။ Video တွေက တောတွင်းပျော်တို့ 
နေတဲ့  တောင်ပေါ်မြို့ ကလေးဆီ ပေါက်လာကာစ။
ဟောင်ကောင်ဂျက်မတို့  ဂျက်ကီချန်းတို့  စတဲ့  အက်ရှင်ကားတွေ ခေတ်စားနေချိန်။
တစ်နေ့ တော့  တောတွင်းပျော်ရဲ့  သူငယ်ချင်း ဆရာကြီးသားက သူကြည့် တဲ့  Rolling Fire
ကားထဲက ဇာတ်ဝင်ခန်းတစ်ခုကို အရမ်းသဘောကျနေပြီး ထပ်ခါတလဲလဲပြောနေတယ်။
သူပြောပြီး သိပ်မကြာလှတဲ့  ညနေတစ်ခုမှာ ဒီကောင့် ကို ဆေးရုံပို့ လိုက်ရတယ်။
ဖြစ်ပုံက အဲဒီထဲက မင်းသားကိုအားကျပြီး ပုဆိုးနှစ်စကို ခါးချည် ကျန်နှစ်ကို နောက်လှန်ပြီးခေါင်းပေါ်
ကအုပ်ကိုင်ပြီး ၁၆ပေ လောက်အမြင့် ရှိတဲ့  အိမ်ခေါင်မိုးတံမြိတ်စွန်းကနေ လေထီးတပ်သားကွလို့ 
ကြုံးဝါးပြီး ခုန်ချလိုက်တယ်ဆိုလား …

ဆေးရုံက သူ့ ဆီကိုလိုက်သွားတော့  ငါ့ လေထီးက သေးနေလို့  ဒီလိုကျတာတဲ့ ။ ခြေထောက်မှာကတော့  ပတ်တီးအပြည့် နဲ့ ။ သူက တောတွင်းပျော်တို့ ထက် အသက် ၂ နှစ် ကြီးပြီး ၆တန်း
ကျောင်းသားဖြစ်နေပြီ။
သူတို့  ညီအစ်ကိုတွေက ၄ တန်းအရွယ်လောက်ကတည်းက ပုဆိုးပြဲတွေ ဘာတွေကို ကိုယ့် ဘာသာ
အပ်ချုပ်စက်နဲ့  ကောင်းကောင်းချုပ်တတ်နေကြပြီ။ အထက်တန်းကျောင်းသားဘဝရောက်တဲ့  အခါကျတော့  ဖခင်ကျောင်းအုပ်ကြီးလစာနဲ့  ညီအကိုမောင်နှမများတဲ့  သူတို့ အတွက် ကျောင်းစာရိတ်တွေ
မလောက်ငှတော့  နွေကျောင်းပိတ်ချိန် ဖားကန့်  မိုင်းရှူးတွေသွားကျောက်တူးပြီးငွေရှာပြီး တက္ကသိုလ်
ကျောင်းပြီးတဲ့ အထိ သူ့ တို့ ဘာသာတက်သွားကြတယ်။
လေထီးတပ်သားသူငယ်ချင်းကတော့  ဆယ်တန်းအောင်ပြီး GTI ဝင်ဖြေ ကျောင်းပြီးတော့ 
အွန်လိုင်းကနေ သူ့ ဘာသာ စပွန်ဆာရှာ။ ယူအက်စ်က စပွန်ဆာရတော့  ထွက်သွားပြီး အလုပ်တဖက်နဲ့  ကျောင်းတက်နေရင်းက ဒီမှာကျန်ခဲ့ တဲ့  ညီ ညီမတွေတစ်ယောက်ပြီး တစ်ယောက် ယူအက်စ်ကို ခေါ်ထုတ်သွားခဲ့ တယ်။

တောတွင်းပျော် စာကြည့် တိုက်အကြောင်းရေးမယ် ကြံရာက စာကြည့် တိုက်နဲ့  ဆက်စပ်ပြီး ငယ်သူငယ်ချင်းတွေကို ပြန်အမှတ်ရလာတာမို့  သူတို့ အကြောင်းတွေ မဆီမဆိုင်ရေးမိတာပါ။

အဲဒီ့ အချိန်တုန်းကဆိုရင် ကျောင်းဖွင့် ကာလ စနေ တနင်္ဂနွေ ရက်တွေ
နွေရာသီကျောင်းပိတ်ရက်တွေဆို နေ့ ခင်းဖက်ဆို တောတွင်းပျော်တို့ အုပ်စုက စာကြည့် တိုက်ထဲ
အမြဲရောက်တယ်။ ဘယ်လိုရောက်နိုင်သလဲဆို စာကြည့် တိုက်မှူးက တောတွင်းပျော်အုပ်စုက တစ်ယောက်ရဲ့  အဖေ ကျောင်းဆရာ။ သူကစာကြည့် တိုက်မှူးတင်မကဘူး ကျောင်းရဲ့ အား/ကာမှူးလည်း
သူပဲ။
တောတွင်းကျော်တို့  အုပ်စုက စာကြည့် တိုက်သော့ တောင်းရင် အချိန်မရွေး သူထုတ်ပေးတယ်။
ဒီတုန်းက တောတွင်းပျော်တို့ အုပ်စု လူသာငယ်သေးတာ စာအုပ်ကို တန်ဖိုးထားရိုသေတတ်တာကို
သူကောင်းကောင်းသိတယ်။
စာကြည့် တိုက်က ၂ထပ်ဆောက်ထားပြီး စာကြည့် တိုက်က အပေါ်ထပ်။ အပြင်ကနေ လှေကားနဲ့ တက်ရတယ်။ အောက်ထပ်မှာကတော့  ကျောင်းသုံး ပရိဘောဂ အပိုပစ္စည်းတွေသိမ်းထားတယ်
စာကြည့် တိုက်ထဲမှာတော့  စာအုပ်တွေအပြင် အားကစားပစ္စည်းတွေလည်းသိမ်းထားသေးတယ်။
တခြားမှာ ထားဖို့ ရာနေရာမရှိလို့  စာကြည့် တိုက်ထဲရောက်လာတဲ့  ပင်ပေါင်ခုံကိုတော့  တောတွင်းပျော်တို့  အုပ်စုက သဘောအတွေ့ ဆုံး။

ဒီစာကြည့် တိုက်က စာအုပ်တော်တော်အမျိုးစုံအောင်ရှိတယ်။ အဘိဓာန် စွယ်စုံကျမ်းတွေဆိုရင် အဲဒီအချိန်က နောက်ဆုံးထုတ် အတွဲထိရှိတယ်။
ရွှေသွေး မိုးသောက်ပန်း ကာတွန်း သုတရတနာသိုက် စတဲ့  ကလေးစာပေတွေကလည်း လုံလုံလောက်လောက်။
အမေရိကန် မြန်မာသံရုံးကထုတ်တဲ့ လင်းရောင်ခြည်စာအုပ်ကလည်း အပတ်စဉ်အတိုင်း။
သိပ္ပံမှူးတင်စာအုပ်တွေလည်း ဖတ်နေပြီး။ မဆလလမ်းစဉ်ဂျာနယ်လည်းမလွတ်။
မှတ်မိသလောက်ဆိုရင် လမ်စဉ်ဂျာနယ်က သရုပ်ပျက်ယဉ်ကျေးမှုဂီတတွေကိုဝေဖန်တဲ့  ကာတွန်းတွေကို သဘောအကျဆုံး။
စာပေဗိမ္မာန်ထုတ် ကျန်းမာရေး နိုင်ငံရေး ဘာသာရေးစာအုပ်တွေကလည်း စုံမှစုံ။
ဒီအချိန်ကတည်းက မွန်းမတည့် မှီ ၂ မိနစ် တို့  လူသေလူဖြစ်တို့ တွေလည်း ဒီအရွယ်မှာဖတ်နေခဲ့ ကြရပြီ။ ဖတ်လို့ မပြီး တခြားဖတ်ချင်တာရှိရင်လည်း အိမ်ကိုယူသွား မပျက်မကွက်ပြန်ထားပေးခဲ့ ကြတာချည်းပဲ။
မှတ်မှတ်ရရ ယောမင်းကြီးဦးဖိုးလှိုင်ရေးတဲ့  ဥတုဘောဇနသင်္ဂဟကျမ်းတောင်တွေ့ သေးတယ်။
ဒါကြီးတော့  မဖတ်ဖြစ်ခဲ့ တော့ ပါဘူး။
ကျောင်းဖွင့် နေတဲ့ ရက်တွေများဆို နေ့ လည်ကျောင်းဆင်းချိန်ဆို ကျောင်းသားတွေအပြည့် နဲ့ တော်တော်စည်တယ်ဗျ။

တောတွင်းပျော်အုပ်စုက စာကြည့် တိုက်ထဲ ရောက်သွားပြီးဆို တစ်ယောက်ယောက်က
စာတစ်ကြောင်းဖတ်ပြ ကျန်တဲ့ သူတွေကနားထောင် … ပြီးတော့  ငြင်းခုံလေကန်ကြပေါ့ ။
ဒီမှာတင် တောတွင်းပျော်တို့ ရဲ့ ပါးစပ်မှာ
နာဇီ ပိုလန် ဟစ်တလာ ဥရောပ ဟီရိုရှီးမား အနုမြူဗုံး ပုလဲဆိပ်ကမ်း ဆိုဗီယက်ပြည်ထောင်စု
ဗီယက်နမ် အိုင်စတိုင်း စတဲ့ စကားလုံးတွေ ဖောင်းပွနေလောက်အောင် ပြောနေတတ်ကြပြီ။

စာဖတ်ရတာငြီးငွေ့ သွားပြီဆိုရင်
စာကြည့် တိုက်ထဲ ချိတ်ဆွဲထားတဲ့  ကမ္ဘာ့ မြေပုံကြီးရှေ့  မြန်မာနိုင်ငံမြေပုံရှေ့ သွားပြီး ကစားကြတော့ 
တာ။ မြေပုံရှေ့ ကစားတယ်ဆိုတာက ဒီလိုပါ …
တစ်ယောက်က မြေပုံထဲက နိုင်ငံအမည် ဒါမှမဟုတ် မြို့ အမည် တစ်ခု စိတ်ထဲကမှတ်ပြီး ကျန်တဲ့ သူတွေကို လိုက်ရှာခိုင်းလိုက်ပါတယ်။ ပထမဦးဆုံး ရှာတွေ့ တဲ့ သူက ကျန်တဲ့ လူတွေကို ဆက်မေးပေါ့ ။
ဒီကစားနည်းက တော်တော်အကျိုးရှိတယ်။ ကစားနေတုန်းက စိတ်ဝင်တစား ရှာခဲ့ ဖွေခဲ့ ကြတော့ 
နောက်ပိုင်းတော်တော်နဲ့  မမေ့ နိုင်တော့ ဘူး။ အဲဒီတုန်းကဆို မြန်မာပြည်ထဲက ရှိသမျှမြို့ ဟူသမျှ
ဘယ်နေရာလည်းဆိုတာ ဒိုးဒိုးဒေါက်ဒေါက်ပြောနိုင်တယ်။

ကျူရှင်တွေခေတ်မစားသေးတဲ့  ငယ်ငယ်က စိတ်အဖိအစီးမရှိ လွတ်လွတ်လပ်လပ်ကစားခဲ့  ကြရတာတွေ ခုကျောင်းတက်နေတဲ့  ကလေးတွေနဲ့ ယှဉ်ပြီးမြင်မိလို့  ရေးလိုက်မိတာပါ။
ခုခေတ် စာကြည့် တိုက်တွေက နာမည်ကြီး ဟိန်းနေသလောက်
ကျောင်းသားတွေဟာ … ..

တောတွင်းပျော်

About တောတွင်းပျော်

has written 41 post in this Website..

ဒေါင်ကျကျ ပြားကျကျ ဒေါင့် မကျိုးတဲ့ လူ