တောင်ရောက် မြောက်ရောက်ခရီးသွား ဓါတ်ပုံစီးရီးတင်နေတာကနေ ဘေးခဏထွက်ပြီး
တခြား အဆက်အစပ်မရှိပုံတွေ ကြားညှပ်တင်လိုက်ပါအုံးမယ်။
ဒါတွေကလည်း ဝါသနာအရ ရိုက်မိရိုက်ရာတွေပါပဲ။
တစ်ချို့ ပုံတွေက မကျွမ်းကျင်ပေမယ့်  အလှရိုက်ထားတဲ့ ပုံတွေဖြစ်ပြီး
တစ်ချို့ ပုံတွေက ရိုးရာယဉ်ကျေးမှုနဲ့  ဆက်စပ်တဲ့  မှတ်တမ်းပုံလေးတွေပါ။
ဒီပုံတွေကို ကျနော့်  facebook မှာ တင်ခဲ့ ပြီးသားတွေပါ။

အမှတ်စဉ်တော့  လိုလိုမယ်မယ်တပပ်ထားလိုက်အုံးမယ်။
တောင်မရောက် မြောက်မရောက်ပုံတွေ နောက်ထပ်ရိုက်နိုင်ခဲ့ ရင်ပေါ့ ။

ကရင်ဒုံးယိမ်းကသူလေး

ကရင်ဒုံးယိမ်းကသူလေး


မနှစ်က သံဖြူဇရပ်မြို့ နယ် ဘဲလမိုင်းရွာ ကရင်နှစ်သစ်ကူးညက ရိုက်ထားတာပါ။
အဟမ်း! ဒီပုံကို ဂဇက်ရွာသားကြီး ဆရာဂျစ်စူအတွက် ရည်စူးပါတယ်။
ဆရာဂျစ်စူရေ shake! :k:

ကရင်စောင်း

ကရင်စောင်း


သထုံမြို့ နယ် ထောင်မှူးရွာ ထောင်မှူးဆရာတော့် မွေးနေ့ မှာ ဖျော်ဖြေနေတဲ့  ကော့ ကရိတ်မြို့ နယ်ဖက်က ကရင်စောင်းပညာရှင်တစ်ဦးပါ။ ဒီစောင်းကို ကြောင်လျှာပင် လက်ပံသားနဲ့  ပြုလုပ်တယ်လို့ 
သိရပြီး သီဆိုတီးခတ်နိုင်တဲ့ သူ အတော်ရှားပါးနေပြီဖြစ်ပါတယ်။ တိမ်မြုပ်ပျောက်ကွယ်လုဖြစ်နေတဲ့ 
ကရင်စောင်းပါ။

ကျွဲဒုံး

ကျွဲဒုံး


ထောင်မှူးဆရာတော် ထိန်းသိမ်းစောင့် ရှောက်ထားတဲ့  ကျွဲဒုံး။ ဒီကျွဲဒုံးကို ကလေးငယ်တွေနဲ့  ကပါတယ်။ ကရင်ရိုးရာဒုံးမှာလည်း နာမည်ပေးပြီး ခွဲထားတာတွေ့ ရတယ်။
အပျိုကြီးဒုံးယိမ်း အပျိုလေးဒုံးယိမ်း စသည်တို့ ပေါ့ ။ ဒုံးယိမ်းအကြောင်းတော့  တောတွင်းပျော်လည်း
မကျွမ်းပါဘူး။

ကလေး လက်ဝှေ့ 

ကလေး လက်ဝှေ့ 


တောတွင်းပျော်တို့ ဖက်မှာ အလှူတွေရှိတဲ့ အခါ ရိုးရာလက်ဝှေ့ ပွဲတွေပါတတ်တယ်။ မိုးအကုန် ဆောင်းအကူး စပါးတွေရိတ်သိမ်းပြီးဆိုရင် ရွာစဉ်ဘုရားပွဲတွေရှိတတ်ပြီး လက်ဝှေ့ ပွဲတွေပါရင် ရွာက
လက်ဝှေ့  ဝါသနာရှင်လူငယ်တွေ အုပ်စုလိုက်ရွာတွေ ပတ်ပြီး ထိုးတတ်ကြတယ်။ ခုပုံက
ကလေးငယ်တွေ အပျော်တန်းထိုးကြတာပါ။

ရှင်လောင်း

ရှင်လောင်း


တောတွင်းပျော်တို့ ရွာက ဆင်နဲ့  ရှင်လောင်းလှည့် နေတာပါ။ လူတိုင်းတော့  ဆင်စီးပြီး မလှည့် နိုင်
ကြပါဘူး။ ငွေကြေးတတ်နိုင်သူတစ်ချို့ မှသာ ဆင်ငှားနိုင်ကြပါတယ်။

တောတွင်းပျော်

တောတွင်းပျော်

About တောတွင်းပျော်

has written 42 post in this Website..

ဒေါင်ကျကျ ပြားကျကျ ဒေါင့် မကျိုးတဲ့ လူ